ཨ་རིའི་རྒྱལ་ས་ཝ་ཤིང་ཊོན་ཌི་སི་ནང་ཟླ་བ་འདིའི་ཚེས་ ༢༩ ཉིན། རྒྱ་རིགས་སློབ་དཔོན་ཆེན་མོ་ Hon-Shiang Lau ཧོན་ཤི་ཡང་ལའོ་ཡིས་བརྩམས་པའི་བོད་དེ་གནའ་སྔ་མོ་ནས་རྒྱ་ནག་གི་ཆ་ཤས་མིན་ཞེས་པའི་ཨིན་སྒྱུར་དཔེ་དེབ་གཞུང་འབྲེལ་གྱི་ཐོག་ནས་དབུ་འབྱེད་གནང་ཡོད་པ་དང་། དཔེ་དེབ་དབུ་འབྱེད་ཀྱི་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་དང་འབྲེལ། རྒྱ་ནག་གོང་མའི་ཡིག་ཚགས་བེད་སྤྱོད་བྱས་ནས་བོད་ཐོག་ལོག་བཤད་ལ་གདོང་ལེན་བྱས་པར་བསྔགས་བརྗོད་གནང་འདུག དེའང་བོད་མིའི་སྒྲིག་འཛུགས་ཀྱི་དྲ་གནས་ཐོག་སྤེལ་བའི་གནས་ཚུལ་ནང་གསལ་ལྟར་ན། NED འམ་རྒྱལ་ཡོངས་མང་གཙོ་ཚོགས་པས་གོ་སྒྲིག་ཞུས་པའི་མཛད་སྒོའི་ཐོག གསུང་བཤད་གནང་མཁན་ཁྲོད་དགེ་རྒན་ཧོན་ཤི་ཡང་ལའོ་དང་ལྷན་དུ།  ཨ་རིའི་རྒྱལ་སྤྱིའི་ཆོས་དད་རང་དབང་གི་ཆེས་མཐོའི་སྐུ་ཚབ་ཟུར་པ་ Sam Brownback སམ་བྷོ་རོན་བྷེཀ་ལགས་གཉིས་དང་། དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལགས་བཅས་མཉམ་ཞུགས་གནང་ཡོད་ཅིང་། བགྲོ་གླེང་ཚོགས་འདུ་དེ་ The Washington Post ཝ་ཤིང་ཊོན་པོསཊ་གསར་ཤོག་གི་རྩོམ་སྒྲིག་པ་ Josh Rogin ཇོ་ཤི་རོ་གིན་ལགས་ཀྱིས་གཙོ་སྐྱོང་གནང་འདུག སྤྱིར་དཔེ་དེབ་འདིའི་ནང་རྒྱ་ནག་གི་ལོ་རྒྱུས་ཡིག་ཚགས་དང་དཔང་རྟགས་ཁོ་ན་ལ་གཞི་བཅོལ་ཏེ། རྒྱ་ནག་རང་ཉིད་ཀྱི་ཡིག་ཚགས་ལ་བརྟེན་ནས་བོད་ཀྱི་ལོ་རྒྱུས་གནས་བབ་ལ་མཁས་པའི་དཔྱད་ཞིབ་བྱས་པ་ཞིག་ཡིན་པ་རེད་འདུག  སློབ་དཔོན་ཆེན་མོ་ཧོན་ཤི་ཡང་ལའོ་ལགས་ཀྱིས་མཛད་སྒོའི་ཐོག  ཁོང་གིས་དཔེ་དེབ་དེའི་སླད་དཔྱད་གཞི་ཡིག་ཆ་ཆ་ཚང་ཚད་གཞི་ནན་པོ་གསུམ་གྱི་ཐོག་ནས་བདམས་ཡོད་པ་དང་། དང་པོ་དཔྱད་གཞི་དེ་དག་ ༡༩༤༩ ལོའི་སྔོན་ལ་རྒྱ་ནག་གཞུང་གིས་ངོས་འཛིན་ཡོད་པའི་ ཚོགས་སྡེ་ཁག་གིས་བརྩམས་པ་ཞིག་ཡིན་པ་དང་།  གཉིས་པ་ ཕྱི་ལོ་ ༡༩༤༩ རྗེས་སུ་རྒྱ་ནག་གཞུང་གིས་བསྐྱར་དུ་པར་སྐྲུན་བྱས་པ་ཞིག་ཡིན་པ། གསུམ་པ་དཔྱད་གཞི་དེ་དག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་པའི་དཔེ་མཛོད་ཁང་ངམ་སྤྱི་པར་འཛུལ་ཞུགས་ཐུབ་པའི་གཞི་གྲངས་མཛོད་ཁང་བརྒྱུད་ནས་ར་སྤྲོད་བྱེད་ཐུབ་པ་ཞིག་ཡིན་པ་བཅས་ ...

ཨིན་ཡུལ་གྱི་སྲིད་བློན་ Keir Starmer མཆོག་རྒྱ་ནག་ལ་རྒྱལ་དོན་འཚམས་གཟིགས་སུ་ཕེབས་པའི་ཁྲོད་འདིར། རྒྱ་ནག་དང་ལྟ་སྤྱོད་མི་མཐུན་མཁན་གྱི་སྒྱུ་རྩལ་བ་གྲགས་ཅན་ Ai Weiwei ལགས་ཀྱིས་ནུབ་ཕྱོགས་རྒྱལ་ཁབ་ཁག་ནས་རྒྱ་ནག་ལ་འགྲོ་བ་མིའི་ཐོབ་ཐང་ཐོག་ནས་སྐྱོན་བརྗོད་བྱ་རྒྱུའི་ཐད་བཟང་སྤྱོད་ཀྱི་དབང་ཚད་མེད་ཅེས་བརྗོད་འདུག དེ་ཡང་ཁ་སང་རེས་གཟའ་ཕུར་བུ་ཉིན་ Ai Weiwei ལགས་ཀྱིས་ Reuters གསར་ཁང་གི་བཅར་འདྲིར་དང་ལེན་ཁྲོད། ནུབ་ཕྱོགས་རྒྱལ་ཁབ་ཁག་གིས་རྒྱ་ནག་ལ་འགྲོ་བ་མི་ཐོབ་ཐང་ཐོག་ལ་སྐྱོན་བརྗོད་བྱེད་པའི་སྔོན་ལ་རང་ཉིད་གནད་དོན་དེའི་ཐད་ད་བར་གང་བྱས་ཡོད་མེད་ཐོག་ལ་ལྟ་དགོས་གལ་ཆེ་བ་ཡིན་སྐོར་བརྗོད་འདུག་པ་མ་ཟད། དེ་སྔོན་ཁོང་གིས་ནུབ་ཕྱོགས་རྒྱལ་ཁབ་ཁག་གིས་དབུ་ཁྲིད་རྣམས་རྒྱ་ནག་ཏུ་རྒྱལ་དོན་འཚམས་གཟིགས་སུ་ཕེབས་པའི་སྐབས། ཚོང་དོན་གྱི་གྲོས་མཐུན་མ་བཞག་པའི་གོང་ལ་རྒྱ་ནག་གི་འགྲོ་བ་མིའི་ཐོབ་ཐང་རྡོག་རོལ་གཏོང་བའི་བྱ་སྤྱོད་ལ་ཐད་ཀར་སྐྱོན་བརྗོད་བྱེད་དགོས་ཞེས་ཞུས་མྱོང་ཡོད་ཀྱང་། ད་ལན་ཁོང་རང་ཉིད་ཀྱིས་བསམ་བློ་འགྱུར་བ་ཕྱིན་སོང་ཞེས་བརྗོད་འདུག རྩ་བའི་རྒྱ་རིགས་སྒྱུ་རྩལ་བ་ Ai Weiwei ལགས་ཨིན་ཡུལ་གྱི་རྒྱལ་ས་ལོན་ཌོན་དུ་ཁོང་རང་ཉིད་ཀྱི་དཔེ་དེབ་གསར་པ་ Censorship ཞེས་པ་དེའི་དབུ་འབྱེད་མཛད་སྒོའི་ཐོག འགྲོ་བ་མིའི་ཐོབ་ཐང་དང་། སྨྲ་བརྗོད་རང་དབང་། དེ་བཞིན་བཀག་སྡོམ་སོགས་ཀྱི་ཐོག་གླེང་སློང་སླད་དུ་ཕེབས་ཡོད་པ་རེད་འདུག ཨིན་ཡུལ་སྲིད་བློན་མཆོག་རྒྱ་ནག་ཏུ་ཉིན་བཞིའི་རིང་གི་རྒྱལ་དོན་འཚམས་གཟིགས་ལ་ཕེབས་པའི་དུས་སྐབས་དེའི་ཁྲོད། ཁོང་གིས་དུས་སྐབས་དེའི་ཁྲོད་ Reuters གསར་ཁང་གི་བཅར་འདྲི་སྐབས། ནུབ་ཕྱོགས་རྒྱལ་ཁབ་ཁག་གི་དབུ་ཁྲིད་ཚོས་འགྲོ་བ་མིའི་ཐོབ་ཐང་དང་སྨྲ་བརྗོད་རང་དབང་སོགས་ཀྱི་གནད་དོན་གླེང་སློང་གནང་བ་ནི་ཧ་ཅང་མི་འོས་པ་ཞིག་དང་། མི་མང་ལ་བགད་མོ་སློང་བའི་གནད་དོན་ཞིག་རེད་ཅེས་བརྗོད་འདུག མ་ཟད་དེ་སྔ་ཕྱི་ལོ་ ༢༠༢༣ ལོར་ཁོང་གིས་ Gaza ག་རྫ་ནང་གི་གནས་སྟངས་སྐོར་སྤྱི་ཚོགས་དྲ་ལམ་དུ་བཀའ་མོལ་གནང་ཕྱོགས་ལ་གཞིགས་པས། ཨིན་ཡུལ་གྱི་རྒྱལ་ས་ལོན་ཌོན་ནང་ཁོང་གི་འགྲེམས་སྟོན་ཞིག་ཕྱིར་འགྱངས་བྱེད་དགོས་བྱུང་བ་ལུང་འདྲེན་དང་འབྲེལ།...

འདི་ལོ་བོད་མི་རྣམས་ནས་རྣམ་པ་འདྲ་མིན་ཐོག་༸རྒྱལ་བའི་གོ་སྟོན་སྲུང་བརྩི་ཞུ་བཞིན་པའི་ཁྲོད་འདིར། ལྷོ་ཀོ་རི་ཡཱའི་བོད་རིགས་སྤྱི་མཐུན་ཚོགས་པས་ཟླ་བ་འདིའི་ཕྱི་ཚེས་ ༢༡ ནས་ ༢༨ བར་བདུན་གཅིག་རིང་། ཡུལ་དེའི་ས་གནས་ཁག་བཞིའི་ནང་སྤྱི་ནོར་ ༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེ་མཛད་འཕྲིན་མཚོན་པའི་པར་རིས་འགྲེམས་སྟོན་གོ་སྒྲིག་དང་། ཉི་འོང་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་ཀྱིས་ཁུལ་དེར་ཆེད་ཕེབས་ཀྱིས་ཁོང་ནས་བརྩམས་པའི་དཔེ་དེབ་འབྲུག་གི་དུག་རླུང་ལ་ཁ་གཏད་པ་ཞེས་པ་ཀོ་རི་ཡཱའི་སྐད་ཡིག་ཏུ་སྒྱུར་ཡོད་པ་དེ་དབུ་འབྱེད་གནང་ཐོག  ༸གོང་ས་མཆོག་གི་ཐུགས་བསྐྱེད་དམ་བཅའ་བཞི་ངོ་སྤྲོད། དེ་བཞིན་བོད་དང་ཀོ་རི་ཡཱའི་བར་དུས་རབས་བདུན་པའི་ནང་བཙན་པོ་སྲོང་བཙན་སྒམ་པོ་དང་། དུས་རབས་ ༡༣ པའི་ནང་འགྲོ་མགོན་ཆོས་རྒྱལ་འཕགས་པའི་སྐབས་འབྲེལ་བ་བྱུང་བའི་ལོ་རྒྱུས། རྒྱ་གཞུང་གིས་བོད་ཀྱི་ལོ་རྒྱུས་ལ་འཁྱོག་བཤད་ཇི་ལྟར་བྱས་ཚུལ། བོད་ནང་རྒྱ་གཞུང་གིས་ཆེད་འཛུགས་བྱས་པའི་མི་སེར་སྤེལ་ཡུལ་གྱི་གཏན་འཇགས་སློབ་གྲྭ་དང་དེའི་རྒྱབ་ལྗོངས་ཀྱི་སྲིད་བྱུས། དེ་བཞིན་༸སྐུའི་ཡང་སྲིད་ཐད་ཐེ་བྱུས་བྱེད་བཞིན་པའི་གནད་དོན་སྐོར་གསུང་བཤད་དང་དྲི་བ་དྲི་ལན་སོགས་ཀྱི་ལས་རིམ་བསྐྱངས་འདུག The post ལྷོ་ཀོ་རི་ཡཱར་༸གོང་ས་མཆོག་གི་མཛད་འཕྲིན་མཚོན་པའི་པར་རིས་འགྲེམས་སྟོན་དང་དཔེ་དེབ་ངོ་སྤྲོད། appeared first on vot.

ཁེ་ན་ཌའི་དཔལ་འབྱོར་མཉམ་ལས་ཀྱི་རྨང་གཞི་ཨ་རིར་བརྟེན་ནས་ཡོད་པ་དེ་ད་ཆ་ཉམས་རྒུད་འགྲོ་བཞིན་པ་དང་བསྟུན། ད་སྐབས་སྲིད་བློན་ Mark Carney མཆོག་གིས་སྣེ་འཁྲིད་པའི་ཁེ་ན་ཌའི་གཞུང་ངོས་ནས་རྒྱ་ནག་དང་འབྲེལ་བ་བསྐྱར་གསོ་བྱེད་འགོ་ཚུགས་པའི་ཁྲོད། ཁེ་ན་ཌའི་མང་ཚོགས་མང་བས་རྒྱ་ནག་གི་འགྲོ་བ་མིའི་ཐོབ་ཐང་གི་གནད་དོན་ལས་ཚོང་ལས་གལ་གནད་ཆེ་བར་འཛིན་བཞིན་པ་མངོན་གསལ་གནང་འདུག དེའང་གནད་དོན་འདྲ་མིན་ཐོག་ཁེན་ཌའི་མང་ཚོགས་ཀྱི་བསམ་ཤོག་སྡུད་མཁན་དང་དཔྱད་ཞིབ་བྱེད་མཁན་ Angus Reid Institute ཞེས་པའི་ཁེ་ལས་མིན་པའི་ཚོགས་པའི་ངོས་ནས། ཁེ་ན་ཌའི་མང་ཚོགས་མང་བས་ཡུལ་དེའི་སྲིད་གཞུང་ལྟར་ཉེ་བའི་ལོ་ཤས་ནས་རྒྱ་ནག་དང་དཔལ་འབྱོར་གྱི་གོ་སྐབས་ཐོག་འབྲེལ་བ་བྱ་རྒྱུའི་འདོད་པ་བཅངས་བཞིན་ཡོད་པ་ར་སྤྲོད་གནང་འདུག ཚོགས་པ་དེའི་ངོས་ནས་བསྡུ་ལེན་བྱས་པའི་གྲངས་ཐོར་གཞིགས་ན།  དེ་སྔ་ཕྱི་ལོ་ ༢༠༢༣ ལོར་ཁེ་ན་ཌས་རྒྱ་ནག་ལ་དགྲ་འམ་ཡང་ན་ཉེན་ཁ་ཞིག་ཏུ་ངོས་འཛིན་བྱེད་མཁན་བརྒྱ་ཆ་ ༦༢ བྱུང་ཡོད་ཀྱང་། ད་ཆ་བརྒྱ་ཆ་ ༢༣ བར་ཆགས་ཡོད་པ་དང་།  དེ་བཞིན་རྒྱ་ནག་དང་ལྷན་གཟབ་ནན་གྱིས་འབྲེལ་བ་འདོད་མཁན་གྱི་གྲངས་འབོར་བརྒྱ་ཆ་ ༢༦ ནས་བརྒྱ་ཆ་ ༥༡ བར་འཕར་ཡོད་པ་ར་སྤྲོད་བྱུང་བ་མ་ཟད། མི་ལྔ་ཆ་གཅིག་གིས་རྒྱ་ནག་ལ་གྲོགས་པོ་ཡང་ན་མཐུན་གྲོགས་ཤིག་ཏུ་ངོས་འཛིན་བྱེད་ཀྱི་ཡོད་པ་མངོན་གསལ་གནང་འདུག གཞི་རྩའི་ཕྱི་ལོ་ ༢༠༡༨ ལོར་ཁེ་ན་ཌས་ཨ་རིའི་རེ་སྐུལ་འོག་རྒྱ་ནག་གི་ Huawei ཚོང་ལས་ཁང་གི་དངུལ་རྩིས་སྤྱི་ཁྱབ་འཛིན་བཟུང་བྱས་རྗེས། རྒྱ་ནག་གིས་དེར་ལན་འདེབས་སུ་ཁེ་ན་ཌའི་མི་སེར་གཉིས་འཛིན་བཟུང་བྱས་ཏེ། ཕྱོགས་གཉིས་ཀྱི་འབྲེལ་ལམ་ཆེས་ཞན་པོར་འགྱུར་བ་མ་ཟད། ཨོ་ཏ་ཝས་རྒྱ་ནག་གི་ཕྱི་འབྲེལ་དཔོན་པོ་ཞིག་ཁེ་ན་ཌའི་གྲོས་ཚོགས་འཐུས་མི་ཞིག་ལ་འཇིགས་སྐུལ་བྱས་པའི་ཉེས་འཛུགས་འོག་ཕྱིར་འབུད་བྱས་པ་དང་། རྒྱལ་ཡོངས་འོས་བསྡུའི་ནང་རྒྱ་ནག་གིས་ཐེ་ཇུས་བྱས་པའི་གནད་དོན་ཐད་སྤྱི་པའི་ཞིབ་འཇུག་འགོ་བཙུགས་བྱས་པ། དེ་བཞིན་རྒྱ་ནག་གི་གློག་འཁོར་དང་ལྕགས་རིགས་སོགས་ལ་སྒོ་ཁྲལ་མཐོ་བོ་བཀལ་རྗེས་གནས་སྟངས་དེ་བས་ཇེ་སྡུག་ཏུ་སོང་ཡོད་པ་རེད། འོན་ཀྱང་ཕྱོགས་གཉིས་བར་གྱི་འབྲེལ་ལམ་ཐད་དེ་ལྟ་བུའི་གནས་སྟངས་དེ་ཉིད་འདི་ལོ་ཁེ་ན་ཌའི་སྲིད་བློན་ Mark...

བོད་དོན་རྐང་འཁོར་སྐོར་སྐྱོད་པ་ Sandesh Meshram ལགས་རྒྱ་གར་བྱང་ཤར་ཁུལ་དུ་བོད་དོན་དྲིལ་བསྒྲགས་ཀྱི་ལས་འགུལ་ཐེངས་དྲུག་པ་མཇུག་སྒྲིལ་དང་བསྟུན་ནས་དེ་རིང་ཕྱི་ཟླ་ ༡ ཚེས་ ༢༩ ཉིན་གྱི་སྔ་དྲོ་མོན་གྷོ་རུ་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་མཇལ་ཁ་ཞུས་སོང་བ་མ་ཟད། རྒྱ་གར་གྲོས་ཚོགས་གོང་མའི་འཐུས་མི་ཟུར་པ་ KC Ramamurthy མཆོག་ནས་ཀྱང་རང་གིས་འདོན་སྤེལ་གནང་བའི་ཕྱག་དེབ་འགྲེམས་སྤེལ་ཆེད་༸གང་ཉིད་མཆོག་གི་མཇལ་ཁ་ཞུས་སོང་། མཇལ་ཁ་གྲུབ་མཚམས་འདི་གའི་གསར་འགོད་པར་ Sandesh Meshram ལགས་ཀྱིས། ད་རེས་འཕགས་བོད་ས་མཚམས་འབུམ་ལ་ནས་འགོ་འཛུགས་ཀྱིས་བོད་དོན་རྐང་འཁོར་སྐོར་སྐྱོད་ཐེངས་དྲུག་པ་འདི་བཞིན་ལེགས་པར་གྲུབ་སོང་བ་དང་། ཨ་རུ་ན་ཅལ་དང་། མཱེ་གྷ་ལ་ཡ། ཨ་སམ་བཅས་མངའ་སྡེ་གསུམ་གྱི་ནང་སྐོར་སྐྱོད་གྲུབ་པ་དང་བསྟུན་ནས་ཉིན་ཤས་གོང་འདི་ག་མོན་གྷོ་རུ་འབྱོར་རྗེས་དེ་རིང་༸གོང་ས་མཆོག་གི་མཇལ་ཁར་བཅར་བ་ཡིན་ཞེས་གསུངས་སོང་། ཁོང་གིས་ད་དུང་། དེ་རིང་གི་མཇལ་ཁ་དེ་བཞིན་སྐལ་པ་བཟང་པོ་བྱུང་སོང་ལ། ད་དུང་ཡང་ལས་འགུལ་སྤེལ་བསམ་པའི་སྙིང་སྟོབས་དང་སེམས་ཤུགས་འཕར་མ་ཞིག་སྐྱེས་བྱུང་ཞེས། ༸གོང་ས་མཆོག་ནས་ཀྱང་ཐུགས་སྨོན་སྐྱབས་འཇུག་སྩལ་སོང་བ་གསུངས་སོང་། མ་ཟད་ཁོང་གིས། ཐེངས་འདིའི་བྱང་ཤར་ཁུལ་དུ་བོད་དོན་རྐང་འཁོར་སྐོར་སྐྱོད་ཁྲོད་དཀའ་ངལ་རིགས་དམིགས་བསལ་འཕྲད་མ་སོང་ལ། ལས་འགུལ་བསམ་དོན་ལྟར་ལེགས་པར་བསྒྲུབས་ཐུབ་པ་བྱུང་སོང་བས། སྐོར་སྐྱོད་ཁྲོད་རྒྱ་གར་བའི་མི་མང་དང་དམིགས་བསལ་གྱི་ཨ་རུ་ན་ཅལ་ཁུལ་གྱི་རྒྱ་གར་མི་མང་ཚོའི་དགོངས་ཚུལ་ལ་བོད་ཀྱི་བདེན་མཐའ་མྱུར་དུ་གསལ་བ་དང་། རྒྱ་གར་གྱི་ས་མཚམས་དེ་བཞིན་རྒྱ་ནག་མཉམ་དུ་མ་ཡིན་པར་བོད་རྒྱལ་ཁབ་མཉམ་དུ་ཡོད་ན་བསམ་པའི་རེ་བ་ཆེན་པོ་འདུག་ཅེས་གསུངས་སོང་། དེ་བཞིན་ Sandesh Meshram ལགས་ཀྱིས་གསུང་དོན་བྱས་ན། བོད་པའི་གཞོན་སྐྱེས་ཚོས་བོད་ཀྱི་འཐབ་རྩོད་ཐོག་གང་ཐུབ་ནུས་པ་སྤུང་དགོས་པ་དང་། རང་སོ་སོའི་སྤྱི་ཚོགས་དྲྭ་ལམ་ཐོག་ཉིན་ལྟར་༸གོང་ས་༸སྐྱབས་མགོན་ཆེན་པོ་མཆོག་གི་ལུང་ཚིག་དང་བོད་ཀྱི་ཛ་དྲག་གནད་དོན་སྐོར་འབོད་སྒྲ་རེ་བཀོད་ཐུབ་ན། རྒྱ་གར་གཙོས་པའི་རྒྱལ་སྤྱིའི་ཁྲོད་ཀྱི་མི་མང་ལ་བོད་དོན་གོ་རྟོགས་ལེགས་པར་ཤེས་ཐུབ་པར་ཕན་ཐོགས་ཆེན་པོ་ཡོང་གི་རེད་བཅས། རྒྱ་ནག་ལ་བརྡ་ལན་ཚུལ་དུ་རྒྱ་གར་གྱི་མཐའ་མཚམས་ས་ཁུལ་ནས་ཞི་བདེའི་ངང་ཏོག་ཙམ་ཐག་རིང་བཞུགས་པའི་རེ་བ་ཡོད་ལ། བོད་མི་རིགས་ཀྱི་མངོན་འདོད་ལ་རྒྱབ་སྐྱོར་བྱེད་དགོས་པ་དང་། འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པ་དེ་འཕྲལ་དུ་མཚམས་འཇོག་བྱེད་དགོས་པ་ནན་བརྗོད་གནང་སོང་།...

ཕྱི་ལོ་ ༢༠༢༦ ཟླ་ ༡ ཚེས་ ༢༤ ཉིན་རྒྱ་ནག་གི་གེའུ་ཀྲུའུ་ GuiZhou ཞིང་ཆེན་གྱི་ཨན་སྲིན་ Anshun གྲོང་ཁྱེར་ནང་འཚོགས་པའི་ MMA ཁུར་འཛིང་འགྲན་བསྡུར་ཁྲོད། བོད་ནག་ཆུ་ནས་ཡིན་པའི་བེུད་ཁུར་འཛིང་རྩེད་འགྲན་པ་ཀུན་བཟང་ཆོས་སྒྲོན་ལགས་ཀྱིས་ཨི་རག་ Iraq རྒྱལ་ཁབ་ཀྱི་རྩེད་འགྲན་པའི་ཐོག་ལ་རྒྱལ་ཁ་བླངས་ཏེ་གསེར་གྱི་སྐེ་རེགས་ཀྱི་བྱ་དགའ་ཐོབ་འདུག དེ་ནི་རྒྱ་ནག་གི་ཁུར་འཛིང་རྩེད་འགྲན་ནང་བོད་པའི་བུད་མེད་ཅིག་ལ་གསེར་གྱི་སྐེ་རགས་ཐོབ་པ་ཐོག་མ་དེ་ཆགས་ཀྱི་འདུག ཐེངས་འདིའི་འགྲན་བསྡུར་ནི་ལྗིད་ཚད་ཀི་ལོ་ ༦༠ ཡིན་པ་དང་། བོད་ཀྱི་བུད་མེད་རྩེད་འགྲན་པ་ཞིག་ལ་གསེར་གྱི་སྐེ་རེགས་ཐོབ་པ་ཐོག་མ་ཡིན་སྟབས། བོད་ས་ཁྱོན་ཡོངས་ཀྱི་བོད་མི་ཚོས་ཧ་ཅང་དགའ་ཚོར་གྱི་རྣམ་པ་བསྟན་པའི་ཁྲོད། བོད་པ་ཁྲི་སྟོང་མང་པོའི་དྲ་ལམ་ནས་དགའ་བསུའི་རྟེན་འབྲེལ་ཞུ་བཞིན་འདུག ཀུན་བཟང་ཆོས་སྒྲོན་ལགས་ནི་ད་ལྟ་རང་ལོ་ ༢༢ ཡིན་པ་དང་། ཁོང་མགོན་པོ་དྲག་རྩལ་ཁང་གི་སློབ་མ་རེད་འདུག ཁོ་མོའི་འགྲན་ཡ་ནི་ལོ་ ༣༦ ཡིན་པའི་ Iraq གི་རྩེད་འགྲན་པ་ཞིག་རེད་འདུག ཀུན་བཟང་ཆོས་སྒྲོན་ལགས་ཕྱི་ཚེས ༢༧ ཉིན་ཕ་ཡུལ་དུ་འབྱོར་སྐབས། ཁོང་གི་ནང་མི་ཉེ་འབྲེལ་དང་། ས་གནས་བོད་མིའི་འགོ་ཁྲིད་སོགས་ཀྱིས་དཀར་གཙང་མཇལ་དར་དང་དགའ་བསུའི་འཕྲེད་དར་བསྣམས་པའི་ཐོག་ནས་བསུ་བ་གཟབ་རྒྱས་ཞུས་འདུག སྔ་ལོ་རྒྱ་ནག་གི་ཧྲན་ཞིས་ Shanxi...

ཁ་སང་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྡ་ས་ས་གནས་འགོ་འཛིན་ཚོགས་ཁང་དུ། ༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་དགོངས་པ་ཆོས་དབྱིངས་སུ་ཐིམས་ནས་ལོ་ངོ་ ༣༧ འཁོར་བའི་ཉིན་མོ་དང་བསྟུན། ༸པཎ་ཆེན་སྐུ་ཕྲེང་བཅུ་པ་ཆེན་པ་མཆོག་ལ་བཀའ་དྲིན་རྗེས་དྲན་དང་བོད་ཀྱི་སྐད་ཡིག་ཉིན་མོ་སྲུང་བརྩིའི་མཛད་སྒོ་ཞིག་སྐོང་འཚོགས་གནང་སོང་། སྐབས་དེར་དབུས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བསྟན་འཛིན་བློ་བཟང་ལགས་ཀྱི་གཙོ་སྐྱོང་འོག་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་འབུམ་རམས་པ་གཙང་ཕྲུག་སྟོབས་ལགས་དང་། དགའ་ལྡན་ཕོ་བྲང་གི་ལས་བྱེད་འབུམ་རམས་པ་རོང་བོ་བློ་བཟང་སྙན་གྲགས་ལགས། བོད་ཀྱི་ཤེས་ཡོན་སློབ་གསོའི་སློབ་སྟོན་པ་དང་བོད་དོན་འཐབ་རྩོད་པ་འབུམ་རམས་པ་རྒྱལ་ལོ་ལགས། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ངག་དབང་འོད་འབར་ལགས་ཀྱིས་བཅས་ཀྱིས་༸ཀུན་གཟིགས་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་གི་བོད་ཀྱི་ཆོས་དང་ཆབ་སྲིད། རིག་གནས་གསུམ་གྱི་ཐོག་མཛད་རྗེས་ཇི་ལྟར་བཞག་པའི་ཐོག་གསུང་བཤད་གནང་སོང་། དེའང་གཏམ་བཤད་པ་རྣམས་ཀྱིས་༸པཎ་ཆེན་རིན་པོ་ཆེ་སྐུ་ཕྲེང་བཅུ་པ་ཆེན་པོ་མཆོག་ནི་བོད་ལ་བཀའ་དྲིན་ཤིན་ཏུ་ཆེ་བའི་སྐྱེས་ཆེན་དམ་པ་ཞིག་ཡིན་པ་མ་ཟད། བོད་ཀྱི་སྐད་ཡིག་དང་ཆོས། རིག་གཞུང་། འཐབ་རྩོད། ཆབ་སྲིད་སོགས་ཀྱི་ཐོག་ལ་ཤིན་ཏུ་བཀའ་དྲིན་ཆེ་བའི་མི་སྣ་ཞིག་ཡིན་པ་ནན་བཤད་གནང་བ་མ་ཟད། རིན་པོ་ཆེ་དམ་པ་དེ་ཉིད་རྒྱ་ནག་གི་ཇི་ལྟར་བཀྲོངས་ཚུལ་བཅས་མངོན་གསལ་གནང་སོང་། མ་ཟད་སྐབས་དེར་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་འབུམ་རམས་པ་གཙང་ཕྲུག་སྟོབས་ལགས་ཀྱིས། ཕྱི་ལོ་ ༡༩༨༩ ལོར་༸ཀུན་གཟིགས༸པཎ་ཆེན་རིན་པོ་ཆེ་མཆོག་གིས་བོད་ཡིག་སྦྱོང་རྒྱུ་ནི་རང་གི་མི་རིགས་ཀྱི་འོས་འགན་ཞིག་ཡིན་པས། ཕན་ཐོགས་རུང་མ་ཐོགས་རུང་ཅི་ནས་ཀྱང་བོད་ཡིག་སྦྱོང་དགོས། བོད་རིགས་ས་ཁུལ་དུ་བོད་སྐད་མི་ཤོད་པ་དང་བོད་ཡིག་མ་བཀོལ་ན། ས་འདི་ནས་བོད་རིགས་ཞེས་པའི་མི་རིགས་འདི་རང་ཤུགས་སུ་རྩ་མེད་འགྲོ་ངེས་ཡིན། དེར་བརྟེན་ཁྱོད་ཚོས་རང་མི་རིགས་གི་སྐད་ཡིག་དང་རིག་གནས་རྒྱུན་འཛིན་གོང་འཕེལ་གཏོང་རྒྱུ་དེ་བྱ་བ་གལ་ཆེན་ཞིག་ཏུ་བརྩི་དགོས་ཞེས་བཀའ་གནང་བ་ལུང་འདྲེན་དང་སྦྲགས། ༸པཎ་ཆེན་སྐུ་ཕྲེང་བཅུ་པ་ཆེན་པོའི་མཆོག་གིས་སྐུ་ཚེ་ཡོངས་རྫོགས་བོད་ཀྱི་ཆེད་དུ་གཏོང་བ་རེད་ཅེས་གསུངས་སོང་། མཛད་སྒོ་གྲུབ་མཚམས་སུ་འདི་ག་རླུང་འཕྲིན་ཁང་གིས་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་སུ་བཅར་འདྲི་ཞུས་པར་ཁོང་གིས། བོད་ཀྱི་སྐད་ཡིག་ནི་བོད་མི་རིགས་ལ་གལ་འགངས་ཆེ་ཤོས་ཤིག་ཡིན་པ་མ་ཟད། བོད་ནང་གི་བོད་མི་ཚོར་རྒྱ་ནག་གཞུང་གིས་བཙན་དབང་གིས་རང་ཉིད་ཀྱི་སྐད་ཡིག་ལ་སློབ་སྦྱོང་གནང་རྒྱུའི་གོ་སྐབས་མེད་པ་བཟོ་བཞིན་པའི་གནས་སྟངས་ཤིག་ཡིན་སྟབས། བཙན་བྱོལ་ནང་དུ་བཞུགས་པའི་བོད་མི་རྣམས་ཀྱི་བོད་ཀྱི་སྐད་ཡིག་སོགས་ལ་བདག་ཉར་བྱེད་རྒྱུ་གལ་ཆེ་ཡིན་པ་གསུངས་གནང་སོང་། རྩ་བའི་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་ཕྱི་ལོ་ ༡༩༨༩ ཟླ་ ༡ ཚེས་ ༢༨ ཉིན་བོད་གཙང་བཀྲིས་ལྷུན་པོའི་གདན་ས་རུ་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་གནས་སྟངས་བྱུང་ཡོད་པ་མ་ཟད། ༸པཎ་ཆེན་རིན་པོ་ཆེ་མཆོག་གི་སྐུ་ཚེ་ཡོངས་རྫོགས་བོད་ཀྱི་ཆོས་དང་རིག་གཞུང་། སྐད་ཡིག་སོགས་ཀྱི་ཆེད་དུ་གཏོང་བར་བརྟེན། དབུས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་...

དེ་རིང་དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༥།༢༦ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་དོན་དང་འབྲེལ་བའི་གསར་འགོད་ལྷན་ཚོགས་ཐེངས་གསུམ་པ་སྐོང་འཚོགས་གནང་སྟེ་སྦེལ་ཀོབ་ལུགས་བསམ་གཞིས་མི་ངག་དབང་བློ་གྲོས་སམ་སྨན་པ་རྟ་རར་གཞུང་འབྲེལ་གདམ་བྱ་འདེམ་བྱེད་ཀྱི་ཐོབ་ཐང་ཕྲོག་པ་དང་། གཞན་ཡང་གནས་ཆུང་སྐུ་ཞབས་རྡོ་རྗེ་ལགས་དང་སྲིད་སྐྱོང་འོས་མི་དབུ་དཀར་ཚང་སྐལ་བཟང་རྡོ་རྗེ་ལགས་གཉིས་སུ་ཉེན་བརྡ་བཏང་ཡོད་པའི་གསལ་བསྒྲགས་སྤེལ་སོང་། དེ་ཡང་དེ་རིང་སྔ་དྲོ་ཆུ་ཚོད་ ༡༡ ཐོག་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་ནང་དུ། དབུས་འོས་བསྡུའི་སྤྱི་ཁྱབ་འགན་འཛིན་བློ་བཟང་ཡེ་ཤེས་ལགས་དང་འགན་འཛིན་ལས་འཕར་སྤྱི་ཟུར་ཚེ་རིང་གཡུ་སྒྲོན་ལགས།  དེ་བཞིན་དྲུང་ཆེ་ཟུར་པ་སྣང་ས་ཆོས་སྒྲོན་ལགས་བཅས་དབུ་བཞུགས་ཐོག་གསར་འགོད་ལྷན་ཚོགས་ཤིག་སྐོང་འཚོགས་དང་འབྲེལ། ད་ལན་སྲིད་སྤྱི་གཉིས་ཀྱི་འོས་བསྡུ་ཆེན་མོ་འདི་བཞིན་རྒྱལ་ཁབ་ ༢༧ ནང་ས་གནས་འོས་བསྡུ་ལས་ཁང་ ༨༧ འོག་འོས་བསྡུ་བྱ་ཡུལ་གྱི་སྡེ་ཚན་གྲངས་ ༣༠༩ ཚོགས་ཆུང་དང་། ལས་བྱེད་ཁྱོན་གྲངས་ ༡༧༣༧ སུད་ཚོང་ཁག་གྲངས་ ༣༡ བཅས་སུ་སྔོན་འགྲོའི་འོས་བསྡུ་ལག་བསྟར་ཞུ་རྒྱུ་ཡིན་པ་གསུངས་སོང་། མ་ཟད་དེ་རིང་གི་གསར་འགོད་ལྷན་ཚོགས་ཐོག་དབུས་འོས་བསྡུ་འགན་འཛིན་དང་འགན་འཛིན་ལས་འཕར་རྣམ་པས་ཉེ་སྔོན་གདན་ས་ཆེན་པོ་དཔལ་ལྡན་འབྲས་དཀར་སྤུངས་པའི་བླ་སྤྱི་ནས་གཞུང་བསྟེན་དགྲ་ལྷ་གནས་ཆུང་ཆོས་རྒྱལ་ཆེན་པོའི་སྤྱན་འདྲེན་ཞུས་སྐབས་ཀྱི་བཀའ་ལུང་དང་འབྲེལ། སྐུ་ཞབས་རྡོ་རྗེ་ལགས་ཀྱིས་སྲིད་སྤྱི་གཉིས་ཀྱི་འོས་བསྡུའི་ལས་རིམ་འགྲོ་བཞིན་པའི་སྐབས་སུ་འཕྲོས་བཤད་ཀྱིས་ཆབ་སྲིད་དང་འབྲེལ་བའི་བཀའ་མོལ་མང་དག་གནང་རྐྱེན་བཙན་བྱོལ་བོད་མིའི་འོས་བསྡུའི་སྒྲིག་གཞི་དང་རྩ་འཛིན་ལམ་སྟོན་བཅས་འགལ་འཛོལ་བྱུང་བས་ཁོང་ལ་ཉེན་བརྡ་བཏང་ཡོད་པ་བཅས་ཀྱི་གསལ་བཤད་གནང་སོང་བ་དང་ཆབས་ཅིག དེ་བཞིན་སྦེལ་ཀོབ་ལུགས་བསམ་གཞིས་མི་ངག་དབང་བློ་གྲོས་སམ་སྨན་པ་རྟ་ར་ལགས་ཀྱིས་རང་གི་སྤྱི་ཚོགས་དྲ་རྒྱའི་ཐོག་སྐབས་ ༡༧ པའི་སྤྱི་འཐུས་ལྷ་རྒྱ་རྒྱ་རི་རྣམ་རྒྱལ་སྒྲོལ་དཀར་ལགས་སུ་སྒྲོ་བཏགས་དང་གཞི་མེད་སྐྱོན་འཛུགས་བྱེད་པར་འོས་བསྡུའི་སྒྲིག་གཞིར་འགལ་འཛོལ་བྱུང་བའི་ར་སྤྲོད་ཀྱིས་ལོ་བརྒྱད་རིང་གཞུང་འབྲེལ་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་རྒྱུའི་ཐག་གཅོད་གནང་ཡོད་པ་གསུངས་སོང་། དེ་བཞིན་སྲིད་སྐྱོང་འོས་མི་ཨ་རི་སྐུ་ཚབ་དོན་གཅོད་ཟུར་པ་དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས་སྲིད་སྐྱོང་གི་འོས་མིར་བཞེངས་རྒྱུའི་གསལ་བསྒྲགས་ཤིག་སྤེལ་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་འབྲེལ་བའི་བཀའ་མོལ་གནང་ཕྱོགས་ཞིག་བཅའ་སྒྲིག་དགོངས་དོན་དང་འགལ་འཛོལ་གྱུར་ཉེན་ཡོད་པར་སླད་ཕྱིན་འདི་རིགས་མི་ཡོང་བའི་ཐུགས་གཟབ་གནང་དགོས་པའི་ཉེན་བརྡ་བཏང་ཡོད་པ་གསུངས་སོང་། དབུས་འོས་བསྡུ་ལས་ཁང་ངོས་ནས་ད་དུང་། སྔོན་འགྲོའི་འོས་བསྡུ་འདི་བཞིན་སླེབས་ལ་ཉེ་སྟབས་ས་གནས་འོས་བསྡུའི་ལས་ཁང་དང་སྲི་ཞུའི་ལས་བྱེད་རྣམ་པ། འོས་མི་རྣམ་པ་དང་གསར་འགྱུར་བརྒྱུད་ལམ་ཁག དེ་བཞིན་གཞུང་འབྲེལ་མ་ཡིན་པའི་ཚོགས་སྡེ་ཁག མང་ཚོགས་བཅས་ལ་འོས་བསྡུའི་སྐབས་བྱེད་སྒོ་ལམ་སྟོན་ཁག་ཅིག་བསྐྱར་ནན་དང་དེ་བཞིན་དབུས་འོས་བསྡུ་ལས་ཁང་ནས་རང་དབང་ལྡན་པའི་ཐོག་ལས་དོན་གྲུབ་ཀྱི་ཡོད་པ་མང་ཚོགས་ཀྱི་མཁྱེན་རྟོགས་སླད། དོན་ཚན་བདུན་ཅན་གྱི་གསལ་བཤད་ཅིག་གནང་སོང་བའི་ནང་དུ་། བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་གོ་སྒྲིག་འོག་རིང་མིན་ཕྱི་ཟླ་ ༢ ནང་བོད་རང་དབང་འཐབ་རྩོད་པའི་ལྷན་ཚོགས་ཞེས་པའི་བརྗོད་གཞིའི་ཐོག་གི་ཚོགས་འདུ་རྒྱས་འཛོམས་ཤིག་ཚོགས་གཏན་འཁེལ་ཡོད་པ་དེ་འོས་བསྡུའི་ལས་རིམ་འགྲོ་བཞིན་པའི་སྐབས་གནང་འོས་མ་མཆིས་པས་དངོས་གཞིའི་འོས་བསྡུ་མ་གྲུབ་བར་ཕར་འགྱངས་གནང་བ་བྱུང་ཡོད་ཅེས་སྙན་སེང་ཞུས་སོང་བ་མ་ཟད།  ད་ལྟའི་སྲིད་སྐྱོང་ལས་ཐོག་མཆོག་ནས་གཏན་འབེབས་ཟིན་པའི་འོས་བསྡུའི་ལས་རིམ་དེ་བཞིན་སྔ་སྣུར་ཡོང་བའི་དགོངས་འཆར་གནང་ཡོད་ཀྱང་དབུས་འོས་བསྡུ་ལས་ཁང་ནས་དེར་དང་ལེན་ཞུས་མེད་ཅིང་། ད་དུང་སྲིད་སྐྱོང་མཆོག་ལ་དེ་རིང་གི་གསར་འགོད་ལྷན་ཚོགས་དེའི་ཐོག་ནས་ལྡོག་ཏུ་མེད་པའི་ལས་དོན་ཁག་ཕུད་གཞུང་དོན་ཕྱོགས་བསྐྱོད་དང་རྒྱུན་ལྡན་མིན་པའི་གཞུང་འབྲེལ་མཛད་སྒོ་ཁག་དངོས་གཞིའི་འོས་བསྡུ་མ་གྲུབ་པའི་བར་ཕྱིར་འགྱངས་གནང་སྐྱོང་ཡོང་བའི་སྐུལ་འདེབས་ཞུ་རྒྱུ་ཡིན་པ་གསུངས་སོང་། The...

༸དཔལ་ས་སྐྱ་ཕུན་ཚོགས་ཕོ་བྲང་གི་འཁོན་གདུང་སྐྱབས་རྗེ་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་ད་སྐབས་བོད་ནང་དུ་ཆིབས་བསྒྱུར་བཀྲིན་བསྐྱངས་བཞིན་པ་ལྟར།  ཁ་སང་ས་སྐྱའི་ལྷ་ཁང་ཆེན་མོར་ཆིབས་བསྒྱུར་བསྐྱངས་སྐབས། ས་གནས་བོད་མི་དང་དད་ལྟན་པ་བརྒྱ་ཕྲག་འགལ་བས་གདུང་ཤུགས་དྲག་པོའི་ཚོར་བ་བསྟན་འདུག་པ་མ་ཟད།  བོད་མི་མང་པོས་མིག་ནས་མཆི་མ་ཤོར་བའང་མཇལ་རྒྱུ་ཡོད་པ་རེད་འདུག དེ་ཡང་ཁ་སང་དཔལ་ས་སྐྱ་ཕུན་ཚོགས་ཕོ་བྲང་གི་འཁོན་གདུང་སྐྱབས་རྗེ་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་གིས་གཙོས་པའི་བདག་མོ་བདེ་ཆེན་དབང་མོ་ལགས་དང་སྐུ་འཁོར་བཅས་བོད་ས་སྐྱའི་གདན་སར་ཆིབས་བསྒྱུར་བསྐྱངས་གནང་མཛད་ཡོད་པ་དང་འབྲེལ། ཁ་སང་བོད་ནང་གི་སྤྱི་ཚོགས་དྲ་ལམ་ཁག་གཅིག་ལས་ཕྱི་གྱར་བྱུང་བའི་བརྙན་ཐུང་ལ་གཞིགས་ན། སྐབས་དེར་ས་གནས་བོད་མི་དང་དད་ལྡན་པ་བརྒྱ་ཕྲག་མང་པོས་ལག་ཏུ་དཀར་གཙང་མཇལ་དར་བསྣམས་བཞིན་ལག་པ་ཐལ་མོ་སྦྱར་ཏེ་རིན་པོ་ཆེ་མཆོག་ལ་ཕེབས་བསུ་ཞུས་གནང་འདུག་པ་མ་ཟད། མིག་ནས་མཆི་མ་བཏང་བ་དང་སྐད་ཤུགས་ཆེན་པོས་རིན་པ་ཆེ་མཆོག་སྐུ་ཚེ་བརྟན་པར་ཤོག་ཅེས་གསོལ་འདེབས་ཞུ་བཞིན་པ་མངོན་རྒྱུ་འདུག ཤེས་རྟོགས་བྱུང་བར་གཞིགས་ན། ད་ལྟའི་ཆར་རིན་པོ་མཆོག་བོད་ནང་སྐུ་བཞུགས་གནང་མུས་ཡིན་པ་དང་བོད་ནང་གི་མཛད་འཕྲིན་གྱི་དུས་ཡུན་ཁ་གསལ་མེད་པ་རེད་འདུག རྩ་བའི་སྐྱབས་རྗེ་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་ཕྱི་ལོ  ༡༩༩༣ ལོར་འོད་གསལ་འཁོན་གྱི་གདུང་རྒྱུད་འཛིན་པ་དཔལ་ལྡན་ས་སྐྱ་པའི་ཕོ་བྲང་རྣམ་གཉིས་ཀྱི་ཡ་གྱལ། ཨ་མེ་རི་ཀའི་ཝ་ཤིང་ཊོན་མངའ་འོག་སི་ཡ་ཀྲར་ Seattle ནང་རྟེན་གཞི་བྱས་པའི་ཕུན་ཚོགས་ཕོ་བྲང་དུ་སྐུ་འཁྲུངས་བ་དང་།  གདུང་སྲས་རིན་པོ་ཆེ་མཆོག་ནི་དགུང་ན་བཞི་ཙམ་ནས་འཁྲུངས་ཡུལ་ཨ་མེ་རི་ཀ་ནས་རྒྱ་གར་བྱང་ཕྱོགས་རྡེ་ར་རྡུན་དུ་ཆེད་ཕེབས་གནང་སྟེ། མེས་པོ་གོང་མ་རྣམས་ཀྱི་སྲོལ་རྒྱུན་ལྟར། ཡི་གེ་འབྲི་ཀློག་ནས་བཟུང་སྟེ་མཐོང་བ་བརྒྱུད་པའི་ཕྱག་ལེན་མ་ཉམས་པ་ཐམས་ཅད་སྦྱངས་པ་མཛད་དེ་དེང་དུས་དཔལ་ལྡན་ས་སྐྱ་པའི་བསྟན་པ་འཛིན་པའི་སྐྱེས་ཆེན་དམ་པ་བགྲེས་དར་གཞོན་གསུམ་གྱི་ཁྲོད་དུ་གཞོན་སྐྱེས་འབུར་དུ་ཐོན་པ་ཞིག་ཡིན་པ་རེད། རིིན་པོ་ཆེ་མཆོག་གིས་དཔལ་ས་སྐྱ་༧གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། སྐྱབས་མགོན་༧གོང་མ་ཁྲི་འཛིན་ཞེ་གཅིག་པ་ཆེན་པོ་མཆོག  སྐྱབས་མགོན་༧འཇིགས་བྲལ་བདག་ཆེན་རྡོ་རྗེ་འཆང་མཆོག  སྐྱབས་མཆོག་༧ངོར་ཀླུ་ལྡིང་མཁན་ཆེན་སྐུ་བགྲེས་གཞོན་གྱིས་མཚོན་པའི་མཁས་གྲུབ་སྐྱེས་ཆེན་དུ་མའི་སྐུ་མདུན་ནས་མདོ་སྔགས་སྤྱི་དང་བྱེ་བྲག་དཔལ་ལྡན་ས་སྐྱ་པའི་སྙན་བརྒྱུད་ཚད་མ་བཞི་ལྡན་ལམ་འབྲས་དང་བཅས་པའི་གདམས་ངག་སློབ་བཤད་དང་ཚོགས་བཤད། རྒྱུད་སྡེ་ཀུན་བཏུས། སྒྲུབ་ཐབས་ཀུན་བཏུས། ན་རོ་མཁའ་སྤྱོད་མཚོན་པའི་དབང་ལུང་མན་ངག་དམར་ཁྲིད་རྒྱ་མཚོ་ལྟ་བུར་གསན་བཞེས་གནང་དང་གནང་མུས་མ་ཟད། རྒྱུན་དུ་དེང་དུས་ཀྱི་སྤྱི་ཚོགས་དྲྭ་ལམ་སོགས་ཀྱི་ལམ་ནས་བོད་མི་གཞོན་སྐྱེས་རྣམས་ལ་ནང་ཆོས་ངོ་སྤྲོད་སོགས་ཀྱི་རླབས་ཆེན་ཕྱག་ལས་དུ་མ་མཛད་བཞིན་ཡོད་པ་རེད། The post འཁོན་གདུང་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་བོད་ནང་ཆིབས་བསྒྱུར་སྐབས་མང་ཚོགས་ནས་གདུང་ཤུགས་དྲག་པོའི་ཚོར་བ་བསྟན་འདུག appeared first on vot.

ཕྱི་ལོ་ ༢༠༢༦ ཟླ་ ༡ ཚེས་ ༢༦ ཉིན་རྒྱབ་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་མཇུག་སྒྲིལ་དང་འབྲེལ། ཚོགས་བཅར་བ་ཡོངས་ནས་དངོས་བརྒྱུད་ཅི་རིགས་ཀྱི་སྒོ་ནས་སྔོན་ཆད་བོད་དང་བོད་མིའི་ལས་དོན་ལ་གནོད་པའི་བསམ་སྦྱོར་ངན་པ་ཅི་བྱས་ལ་འགྱོད་བཤགས་དང་ཕྱིན་ཆད་བོད་མི་ནང་ཁུལ་ཆོས་བརྒྱུད་ཀྱི་ཆགས་སྡང་དང་ཆོལ་ཁའི་འཐེན་འཁྱེར་སོགས་བོད་མིའི་ཆིག་སྒྲིལ་གྱི་ནུས་པ་འཐོར་ཤིག་འགྲོ་རྒྱུའི་དགྲ་དགའ་གཉེན་སྡུག་གི་ལས་ལ་ནམ་ཡང་མི་ཞུགས་རྒྱུའི་ཁས་ལེན་དམ་བཅའ་ཙམ་མ་ཟད། དུས་ད་ནས་བཟུང་བོད་མིའི་ནང་ཁུལ་སྐད་ཡིག་གཉིས་པ་བཀོལ་སྤྱོད་མི་བྱེད་པར་གང་ཐུབ་ཀྱིས་བོད་སྐད་དྭངས་མ་ཤོད་རྒྱུའི་ཁས་ལེན་དམ་བཅའ་བརྟན་པོ་ཞུས་སོང་། དེ་ཡང་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་ནང་དུ་རྟེན་གཞི་བྱས་པའི་དགའ་ལྡན་ཤར་རྩེ་ཆོས་ར་ལེགས་བཤད་ཀུན་སྒྲོག་གླིང་གི་ཚོགས་ཁང་དུ་ཟླ་འདིའི་ཕྱི་ཚེས་ ༢༡ ནས་དབུ་འཛུགས་ཀྱིས་ཕྱི་ཚེས་ ༢༦ བར་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་དེ་ཚོགས་ཡོད་པ་དང་། ཁ་སང་ཚོགས་འདུ་མཇུག་སྡོམས་ཀྱི་མཛད་སྒོའི་ཐོག་སྐུ་མགྲོན་གཙོ་བོ་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་མཆོག་དང་། དམིགས་བསལ་སྐུ་མགྲོན་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་མཁན་རིན་པོ་ཆེ་དགེ་བཤེས་བྱང་ཆུབ་སངས་རྒྱས་མཆོག དེ་བཞིན་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་འགན་འཛིན་དགེ་བཤེས་བློ་བཟང་སྨོན་ལམ་ལགས་དང་། དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་ཁྲིམས་དག་དང་དགེ་བསྐོས། དབུ་མཛད་ཆེན་མོ། ཤེས་ཡོན་ལྷན་ཚོགས་འཐུས་མི། རྒྱལ་སྤྱིའི་བོད་ཀྱི་མཐོ་རིམ་སློབ་མའི་ལྷན་ཚོགས་ཀྱི་ཚོགས་གཞོན་དང་ཕྱི་འབྲེལ་འགན་འཛིན་གཅིག་ལྕོགས་བཅས་ཆེད་ཕེབས་གནང་སོང་།   མཛད་སྒོའི་ཁྲོད་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་མཆོག་གིས་གཙོ་བོ་༸གོང་ས་༸སྐྱབས་མགོན་ཆེན་པོ་མཆོག་ནི་བོད་མི་ཙམ་མ་ཟད་འཛམ་གླིང་ཁྱོན་ཡོངས་ཀྱི་མི་མང་ལ་བཀའ་དྲིན་ཧ་ཅང་ཆེན་པོ་ཡིན་པ་ནན་བརྗོད་དང་འབྲེལ།  གཞོན་སྐྱེས་ཚོས་༸གང་ཉིད་མཆོག་གི་བཀའ་དྲིན་བསམ་ཤེས་ཐོག་༸མགོན་པོ་མཆོག་གི་ཕྱག་དེབ་གང་མང་བཀླག་དགོས་པ་དང་། ༸གོང་ས་མཆོག་གི་ཐུགས་བསྐྱེད་དམ་བཅའ་བཞི་ལག་བསྟར་དགོས་གལ་སྐོར་སྐུལ་མ་གནང་སོང་།  ལྷག་པར་དུ་རིན་པོ་ཆེ་མཆོག་གིས་ཐེངས་འདིའི་ཚོགས་ཆེན་བརྒྱུད་བོད་མིའི་གཞོན་སྐྱེས་རྣམས་ནས་བོད་ཀྱི་ཆོས་དང་རིག་གཞུང་བདག་པོ་རྒྱག་རྒྱུའི་ཐོག་དམིགས་བསལ་འགན་བཞེས་དགོས་གལ་སྐོར་ཐུགས་ཚོར་ཆེན་པོའི་ཐོག་སྐུལ་མ་གནང་མ་ཟད། དེ་རིང་གི་དུས་ཚིགས་འདིའི་ཐོག་ནས་དེ་འབྲེལ་དམ་བཅའ་འཇོག་དགོས་པའི་ནན་སྐུལ་གནང་སོང་།  མ་ཟད་མཛད་སྒོའི་ཐོག་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་མཁན་རིན་པོ་ཆེ་དགེ་བཤེས་བྱང་ཆུབ་སངས་རྒྱས་མཆོག་གིས། གཞོན་སྐྱེས་ཚོས་ཕྱག་ལས་གང་འདྲ་ཞིག་ཡིན་ནའང་འགོ་དང་པོ་འཛུགས་དུས་ནས་དྲང་པོ་དྲང་བཞག་དང་ཕྱི་གསལ་ནང་གསལ། རྒྱབ་མདུན་ངོ་ལྐོག་མེད་པ་དང་ཕྱོགས་སུ་མ་ལྷུང་བ་ཞིག་གནང་བསམ་པའི་དམ་བཅའ་འཇོག་དགོས་གལ་ཡིན་པ་གསུངས་སོང་།  རྩ་བའི་བོད་ཀྱི་མཐོ་རིམ་སློབ་མའི་ཚོགས་ཆེན་འདི་བཞིན་ཕྱི་ལོ་ ༢༠༠༦ ནས་འགོ་འཛུགས་ཀྱིས་གཙོ་བོ་བཙན་བྱོལ་ནང་མཐོ་སློབ་ཁག་ཏུ་འགྲིམ་བཞིན་པའི་གནའ་དེང་གི་ཤེས་ཡོན་ལྡན་པའི་གཞོན་སྐྱེས་ཕན་ཚུན་བར་ཤེས་ཡོན་བརྗེ་རེས་དང་། མཉམ་སྤྱོད་སོགས་ཀྱི་གོ་སྐབས་བསྐྲུན་དང་སྐྲུན་བཞིན་ཡོད་པ་དང་།  ཐེངས་འདིའི་ཚོགས་ཆེན་ཐོག་རྒྱ་གར་རྒྱལ་ཡོངས་ཀྱི་མཐོ་སློབ་དང་དགོན་སྡེ་ཁག་ ༣༠ ལྷག་ནས་ཚོགས་བཅར་བ་མི་གྲངས་ ༨༠...

མཚོ་སྔོན་ཞིང་ཆེན་ཡུལ་ཤུལ་ཁུལ་གྱི་ཆུ་དམར་ལེབ་རྫོང་ནས་ཡིན་པའི་བོད་བརྒྱུད་ནང་བསྟན་གྱི་དགེ་བཤེས་བློ་བཟང་ལུང་རིགས་ལགས་ཕྱི་ལོ་ ༢༠༢༤ ལོར་རྒྱ་གཞུང་ཉེན་རྟོག་པས་འཛིན་བཟུང་བྱས་པའི་རྗེས་སུ་ད་བར་ལོ་གཅིག་ལྷག་གི་རིང་ཁོང་བཙོན་ཁང་གང་དུ་ཡོད་མེད་དང་གཟུགས་གཞིའི་གནས་སྟངས་ཇི་འདྲ་ཡོད་པ་སོགས་གང་ཡང་ཤེས་རྟོགས་མེད་པར་གར་སོང་ཆ་མེད་དུ་གྱུར་འདུག རྩ་བའི་དགུང་ལོ་ ༥༡ ལ་ཕེབས་པའི་དགེ་བཤེས་བློ་བཟང་ལུང་རིགས་ལགས་ནི་ཕྱི་ལོ་ ༡༩༧༥ ཟླ་ ༨ ཚེས་ ༢༥ ཉིན་ཆུ་དམར་ལེབ་རྫོང་དུ་འཁྲུངས་ཞིང་།  ༡༩༨༢ ལོར་བ་ཁྲི་རྒྱུ་ཆེན་སྐུ་ཕྲེང་བཅུ་གཅིག་པར་ངོས་འཛིན་ཞུས་པ་དང་། ལྷ་སའི་སེ་ར་དགོན་དུ་མི་ལོ་ ༢༡ རིང་སློབ་གཉེར་གནང་སྟེ་ཕྱི་ལོ ༢༠༠༢ ལོའི་ཟླ་ ༧ པར་བོད་རིག་པའི་ཞིབ་འཇུག་ལྟེ་གནས་ཁང་གི་བཀའ་བསྟན་དཀར་ཆག་རྩོམ་སྒྲིག་ཁང་གི་སློབ་སྟོན་པར་བསྐོ་བཞག་བྱས། དེ་ནས་ཕྱི་ལོ་ ༢༠༠༣ ལོར་བོད་བརྒྱུད་ནང་བསྟན་མཐོ་རིམ་སློབ་གཉེར་ཁང་ནས་སློབ་མཐར་ཕྱིན་པ་དང་། ཕྱི་ལོ་ ༢༠༡༥ ཟླ་ ༣ པར་མཚོ་སྔོན་དགེ་འོས་སློབ་ཆེན་ནས་རབ་བྱམས་པའི་མཚན་གནས་ཐོབ་ཡོད་འདུག མ་ཟད་དགེ་བཤེས་བློ་བཟང་ལུང་རིགས་ལགས་འཇུ་བཟུང་མ་བྱས་གོང་མཚོ་སྔོན་ཞིང་ཆེན་ནང་བསྟན་མཐུན་ཚོགས་ཀྱི་འགན་འཛིན་གཞོན་པ་དང་། སྐྱེ་རྒུ་མདོ་བོད་རིགས་རང་སྐྱོང་ཁུལ་ནང་བསྟན་མཐུན་ཚོགས་ཀྱི་རྒྱུན་ལས་འགན་འཛིན་གཞོན་པ། དེ་བཞིན་སྐྱེ་རྒུ་མདོ་སྲིད་གྲོས་ཀྱི་དབུ་འཛིན་གཞོན་པ་བཅས་ཀྱི་ཐུགས་འགན་བཞེས་ཡོད་ཅིང་། ཕྱི་ལོ་ ༡༩༩༩ ལོར་སྐྱེ་རྒུ་མདོ་ནང་བསྟན་མཐུན་ཚོགས་ཀྱི་སྤྱི་ཁྱབ་འགན་འཛིན་ཡང་གནང་ཡོད་པ་རེད་འདུག དེ་རིང་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བར་གཞིགས་ན། དགེ་བཤེས་བློ་བཟང་ལུང་རིགས་ལགས་ཕྱི་ལོ་ ༢༠༢༤  ཟླ་...

ཕྱི་ཟླ་ ༡ ཚེས ༢༦ ཉིན་གྱི་ཆུ་ཚོད་ ༢ དང་སྐར་མ་ ༥༦ ཐོག་ཀན་སུའུ་ཞིང་ཆེན་ཟེར་བའི་ཀན་ལྷོ་ཁུལ་ཐེ་བོ་རྫོང་དུ་ཟབ་ཚད་སྤྱི་ལེ་ ༡༠ ཡི་ས་ཡོམ་འགུལ་ཚད་  ༥།༥ ཅན་བརྒྱབ་འདུག  ཐེ་བོ་རྫོང་ས་ཁུལ་གྱི་རུ་སྡེ་བ་མང་པོ་ལ་ས་འགུལ་གྱིས་གནོད་སྐྱོན་ཐེབས་ཡོད་ནའང་བོད་མིའི་ཚེ་སྲོག་རྐྱེན་ལམ་དུ་སོང་བའི་གནས་ཚུལ་མཐོང་རྒྱུ་མི་འདུག ཐེངས་འདིའི་ས་འགུལ་ཁྲོད་བོད་པའི་སྡེ་བ་ ༤༩ དང་སྡེ་ཁག་གཉིས་ཀྱི་ཁྱིམ་ཚང་ལྔ་བཅུ་མ་ཟིན་ཙམ་གྱི་སྡོད་གནས་ལ་གནོད་སྐྱོན་ཆེན་པོ་ཐེབས་ཡོད་པ་དང་། གནས་སྐབས་རོགས་སྐྱོར་ས་ཚུགས་སུ་གུར་ཕུག་ནས་བསྡད་འདུག དེ་བཞིན་རྫོང་གི་ཚོང་ལས་ཁང་ ༣༠ ལྷག་དང་བཟོ་གྲྭ གཞུང་ལས་ཁང་། གཞུང་ལམ། ཕུག་ལམ། གློག་རྒྱུན་ལྟེ་གནས། གཞན་ཡང་ཆུ་མཛོད་དང་ཆུ་ལམ་སོགས་ལ་གནོད་སྐྱོན་ཕོག་འདུག འདི་ག་རླུང་འཕྲིན་ཁང་ལ་འབྲེལ་ཡོད་ནས་གསུངས་པ་ལྟར་ན། མིའི་ཚེ་སྲོད་ལ་གནོད་སྐྱོན་ཐེབས་པའི་གནས་ཚུལ་མིག་སྔར་མེད་ནའང་སྡོད་ཁང་མང་པོ་ལ་གནོད་སྐྱོན་བྱུང་སྟབས། གྲང་ངར་ཆེ་བའི་དགུན་དུས་སུ་བོད་པ་རྣམས་ལ་གཞུང་གིས་གོ་སྒྲིག་བྱས་པའི་མཐུན་རྐྱེན་མ་འདང་བར་ཟས་གོས་ཐོག་ལ་དཀའ་ངལ་འཕྲད་བཞིན་པའི་གནས་ཚུལ་འདུག མདོ་སྨད་ཀླུ་ཆུའི་ལྷོ་རྒྱུད་དུ་ཡོད་པའི་ཡུལ་གྲུ་ཞིག་སྟེ། ས་ཁུལ་འདི་མདོ་སྨད་ཀྱི་ལོ་རྒྱུས་ཐོག་རོང་ཆེན་བཞི་འམ་རོང་ཆེན་གསུམ་གྱི་ཡ་གྱལ་ཡིན་ཞིང་། ཐེ་བོ་སྟོད་སྨད་བར་གསུམ་བཅས་ཡོད། The post ཐེ་བོ་རྫོང་དུ་ས་ཡོམ་འགུལ་ཚད་ ༥།༥ ཅན་ཞིག་བརྒྱབ་འདུག appeared first...

བལ་ཡུལ་དང་རྒྱ་ནག་གཉིས་ཀྱི་ཚོང་འབྲེལ་དྲུང་ཆེའི་གནས་རིམ་ལྡན་པའི་འགོ་ཁྲིད་བར་བོད་ཀྱི་རྒྱལ་ས་ལྷ་སར་ཐུག་འཕྲད་བྱ་རྒྱུའི་གནས་ཚུལ་ཐོན་པ་ལྟར། ཉེ་ལམ་འགོ་ཁྲིད་ཕན་ཚུན་ཐུག་འཕྲད་བྱས་པའི་བརྒྱུད། བལ་ཡུལ་གྱི་རྒྱལ་ས་ Kathmandu ཀ་ཐ་མན་གྲུ་དང་བོད་ཀྱི་རྒྱལ་ས་ལྷ་སའི་བར་གྱི་ཐད་གཏོང་སྤྱི་སྤྱོད་རླངས་འཁོར་བསྐྱར་གསོ་བྱ་རྒྱུ་ཡིན་པ་དང་། དེ་ནི་ལོ་ངོ་ ༢༠ ཙམ་གྱི་རྗེས་སུ་བསྐྱར་དུ་འགོ་འཛུགས་བྱ་རྒྱུར་ཕྱོགས་གཉིས་ཀྱིས་གྲོས་མཐུན་བྱུང་བ་ཞིག་རེད་འདུག དེ་ཡང་བལ་ཡུལ་གྱི་བརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ན། ཕྱི་ལོ་ ༢༠༢༦ ཟླ་ ༡ ཚེས་ ༢༠ ནས་ ༢༡ བར་བོད་ཀྱི་རྒྱལ་ས་ལྷ་སར་བལ་འབྲེལ་ས་མཚམས་ཚོང་དོན་དང་མཉམ་ལས་འབྲེལ་མཐུད་ལྷན་ཚོགས་ཐེངས་གསུམ་ཚོགས་པ་དང་འབྲེལ། ཐེངས་འདིའི་གྲོས་མོལ་ནང་བལ་ཡུལ་གྱི་ཚོང་འབྲེལ་དྲུང་ཆེ་ Ram Prasad Ghimire རཱམ་པྲ་སཱད་གྷི་མི་རེ་ཡིས་སྣེ་ཁྲིད་པའི་སྐུ་ཚབ་ཚོགས་པ་མཉམ་ཞུགས་གནང་ཡོད་པ་རེད་འདུག སྤྱིར་སྤྱི་སྤྱོད་རླངས་འཁོར་བརྒྱུད་སའི་ལམ་ཁ་འདི་ནི་འགྲམ་ས་མཚམས་ནས་སྤྱི་ལེ་ ༡༠༠༠ ཙམ་གྱི་ས་ཐག་ཡིན་ཞིང་། དུས་ཡུན་ཆུ་ཚོད་ ༢༠ ནས་ ༢༢ ཙམ་གྱི་ནང་བསྐྱོད་ཐུབ་ཀྱི་ཡོད་པ་རེད། འདིས་ཡུལ་སྐོར་བ་དང་། ལྷག་པར་དུ་ནང་པའི་གནས་སྐོར་བ་ཚོར་སྟབས་བདེ་བཟོ་རྒྱུ་མ་ཟད། གནམ་གྲུའི་འགྲོ་གྲོན་ཆེན་པོ་དེ་ཉུང་དུ་བཏང་སྟེ། མི་མང་བར་གྱི་འབྲེལ་ལམ་བརྟན་ལྷིང་དང་ཟབ་ཏུ་གཏོང་རྒྱུའི་དམིགས་ཡུལ་བཟུང་ཡོད་བཤད་འདུག ཐེངས་འདིའི་གྲོས་མོལ་གྱི་གནད་དོན་གཙོ་བོ་ནི། སྐྱིད་གྲོང་དང་འགྲམ་ས་མཚམས་བརྒྱུད་ཅ་ལག་འོར་འདྲེན་བྱེད་སྐབས་འཕྲད་བཞིན་པའི་དཀའ་ངལ་སེལ་རྒྱུ་དང་། ལྷག་པར་དུ་དངོས་ཟོག་གཏོང་ཐེངས་ཀྱི་གྲངས་ཚད་ལ་དམ་བསྒྲགས་ཡོད་པ་དེ་དག་ལྷོད་ཡང་གཏོང་ཐབས། མ་ཟད་རྒྱལ་ཁབ་གཉིས་ཀྱི་བར་གལ་འགངས་ཆེ་བའི་བཟོ་སྐྲུན་ལས་གཞི་ཁག་ཅིག་གི་སྐོར་ལ་ཡང་ནན་བཤད་བྱས་འདུག...

International Buddhist Confederation (IBC) ཞེས་རྒྱལ་སྤྱིའི་ནང་པའི་མཐུན་ཚོགས་དང་། རྒྱ་གར་དབུས་རིག་གཞུང་ལྷན་ཁང་གཉིས་ཀྱི་གོ་སྒྲིག་འོག རྒྱ་གར་གྱི་རྒྱལ་ས་ལྡི་ལིར་འཛམ་གླིང་ནང་པའི་ལྷན་ཚོགས་ཐེངས་གཉིས་པ་བསྐོང་ཚོགས་གནང་ཡོད་པ་ལྟར། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དམིགས་བསལ་གསུང་འཕྲིན་ཞིག་བསྩལ་ཏེ། ཚོགས་བཅར་བ་ཡོངས་ལ་འཚམས་འདྲི་དང་སྦྲགས། ལྷན་ཚོགས་དེས་སྐྱེ་འགྲོ་ཐམས་ཅད་ཀྱི་བདེ་དོན་ལ་ཕན་པའི་ཞི་བདེ་དང་བྱམས་བརྩེ་ལྡན་པའི་འཛམ་གླིང་ཞིག་བསྐྲུན་ཐུབ་ངེས་ཡིན་པ་བཀའ་སྩལ་འདུག དེའང་རྒྱ་གར་རྒྱལ་ས་ལྡི་ལིར་ཟླ་བ་འདིའི་ཚེས་ ༢༤ དང་ ༢༥ བཅས་ཉིན་གཉིས་རིང་ཚོགས་པའི་ལྷན་ཚོགས་དེའི་ཐོག རྒྱ་གར་དབུས་གཞུང་གི་རིག་གཞུང་བློན་ཆེན་དབུས་པའི་བློན་ཆེན་ཁག་གཅིག རྒྱལ་ཁབ་འདྲ་མིན་གྱི་ནང་པའི་སྡེ་ཁག་སོ་སོའི་དབུ་འཛིན་དང་། གཞན་ཡང་ཕྱི་རྒྱལ་གྱི་མཐོ་རིམ་དཔོན་རིགས་བཅས་འཐུས་མི་ ༢༠༠ ཙམ་གྱིས་གཙོས་པའི་ཚོགས་བཅར་བ་ཁྱོན་ ༨༠༠ ལྷག་ལྷན་ཞུགས་གནང་འདུག Collective Wisdom, United Voice, and Mutual Coexistence འམ་མཉམ་འབྲེལ་གྱི་བློ་གྲོས་དང་། མཐུན་སྒྲིལ་གྱི་འབོད་སྒྲ།  ཕན་ཚུན་མཉམ་གནས་ཞེས་པའི་བརྗོད་གཞིའི་འོག་གོ་སྒྲིག་ཞུས་པའི་ཐེངས་འདིའི་ལྷན་ཚོགས་ནི། ནང་པའི་ལྟ་གྲུབ་ཀྱིས་སྤྱི་ཚོགས་མཐུན་སྒྲིལ་དང་རྒྱལ་སྤྱིའི་འབྲེལ་ལམ་ཡར་རྒྱས་གཏོང་བར་ཕན་ཐོགས་ཆེན་པོ་ཡོད་པ་དེར་སྔར་ལས་ཤུགས་སྣོན་རྒྱག་རྒྱུར་དམིགས་པ་ཞིག་རེད་འདུག དེ་འབྲེལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཚེས་ ༢༣ ཉིན་ཚོགས་བཅར་བར་བསྩལ་བའི་གསུང་འཕྲིན་ནང་། མགོན་པོ་༸གང་ཉིད་མཆོག་གིས་ལོ་མང་རིང་ཨེ་ཤི་ཡས་གཙོས་པའི་ནང་པའི་ཆོས་གྲོགས་བར་འབྲེལ་བ་དམ་ཟབ་གཏོང་རྒྱུར་ཐུགས་བསྐྱེད་དམ་བཅའ་བརྟན་པོ་ཡོད་པ་དང་།  ལོ་མང་རིང་ཁོང་ཚོ་དང་མཇལ་འཕྲད་བྱེད་རྒྱུའི་གོ་སྐབས་མང་པོ་བྱུང་བར་ཐུགས་རྗེ་ཆེ་ཞེས་བཀའ་སྩལ་འདུག ༸གོང་ས་མཆོག་གིས་ད་དུང་དེང་སྐབས་འཛམ་གླིང་ཡོངས་སུ་མིའི་རིགས་ལ་འགལ་ཟླ་དང་།...

༸སྐུའི་གོ་སྟོན་སྐབས་སུ་ཞི་བདེའི་རྒྱལ་སྲས་ཞེས་༸གོང་ས་མཆོག་ལ་ཆེ་བསྟོད་ཀྱིས་གླུ་གཞས་བླངས་བའི་རྐྱེན་གྱིས་འཛིན་བཟུང་བཙན་འཁྲིད་བྱས་པའི་བོད་ཀྱི་གླུ་བ་ཨ་སངས་ལགས་ཟླ་བ་འདིའི་ཚེས་ ༢༥ ཉིན་རང་ཁྱིམ་དུ་གློད་བཀྲོལ་བཏང་བའི་གནས་ཚུལ་ཐོན་འདུག ཨ་སངས་ལགས་ནི་བོད་རྔ་བ་རྫོང་བར་མ་ཡུལ་ཚོའི་ཀ་ཤུལ་རུ་ཁག་བཞི་པའི་ནག་ཚང་ཟེར་བའི་ཁྱིམ་ཚང་ནས་ཡིན་པ་དང་། སྔ་ལོ་༸སྐུའི་གོ་སྟོན་སྐབས་སུ་བོད་ཀྱི་ས་ཁུལ་ཡོངས་སུ་རྒྱ་ནག་གཞུང་གིས་དམ་དྲག་ཤུགས་ཆེ་བྱས་པའི་ཁྲོད།  ཁོང་དང་གྲོགས་པོ་དཔལ་སྐྱོང་གཉིས་ཀྱིས་ཞི་བདེའི་རྒྱལ་སྲས་ཞེས་པའི་གླུ་གཞས་བསྐྱར་ལེན་བྱས་པ་ལྟར། རྒྱ་གཞུང་ཉེན་རྟོག་པས་ཨ་སངས་ལགས་ཕྱི་ཟླ་ ༧ ཚེས་ ༨ ཉིན་འཛིན་བཟུང་བཙན་ཁྲིད་བྱས་པ་དང་།  ཕྱི་ཟླ་ ༨ པའི་འགོ་སྟོད་དུ་སྤྱི་ཚོགས་དྲྭ་རྒྱ་སོགས་བེད་སྤྱོད་ཆོག་གི་མེད་པའི་བཀོད་ཁྱབ་དང་བཅས་ལྟ་སྲུང་དམ་དྲག་ཤུགས་ཆེ་འོག་གློད་བཀྲོལ་བཏང་ཡོད་པ་དེ་ལྟར་ཡང་། ཉིན་ཤས་རྗེས་སླར་ཡང་འཛིན་བཟུང་གིས་འདས་པའི་ཟླ་དྲུག་ལྷག་ཙམ་རིང་གནས་སྟངས་གསལ་ཁ་མེད་པའི་ངང་རྒྱ་གཞུང་གི་བཙོན་ཁང་དུ་བཀག་ཉར་བྱས་པ་མ་ཟད། འདི་ལོའི་ཕྱི་ཟླ་ ༡༠ ནང་ཁོང་གི་ནང་མི་རྣམས་ལ་ཁོང་དང་ཐུག་འཕྲད་བྱ་རྒྱུ་དུས་ཚོད་གཏན་འཁེལ་ཟིན་ཡང་དེ་ལྟར་ཐུག་འཕྲད་བྱེད་བཅུག་མེད་པ་རེད། འདི་ག་གསར་ཁང་ལ་ཁུངས་ལྡན་གནས་ཚུལ་མཁོ་སྤྲོད་གནང་བ་ལྟར་ན།  ཁོང་ཟླ་བ་འདིའི་ཚེས་ ༢༥ རེས་གཟའ་ཉི་མའི་ཉིན་གློད་བཀྲོལ་བཏང་ཡོད་པ་དང་། གློད་བཀྲོལ་རྗེས་སུ་ལ་རྒྱ་དང་འབྲེལ་ཡོད་གླུ་གཞས། སྐད་ཆ། ཐད་གཏོང་སོགས་འགྲོ་མི་ཆོག་པའི་བཀའ་ཁྱབ་བཏང་འདུག འདི་གའི་གསར་འགོད་པས་འབྲེལ་ཡོད་ལ་ཁོང་གི་སྐུ་གཟུགས་གནས་སྟངས་སྐོར་ལ་བཀའ་འདྲི་ཞུ་སྐབས་གནས་སྐབས་ལུས་མི་བདེ་བའི་དཀའ་ངལ་ཅི་ཡང་མེད་ནའང་རྗེས་སུ་ཐེངས་འདིའི་བཙོན་འཇུག་གི་རྐྱེན་གྱིས་གཟུགས་ཁམས་མི་བདེ་བ་ཡོང་མི་སྲིད་པ་མ་རེད་ཅེས་འགྲེལ་བརྗོད་གནང་སོང་། རྩ་བའི་ཨ་སངས་ལགས་དང་གྲོགས་པོ་དཔལ་སྐྱོང་ལགས་གཉིས་ཀྱིས་སྔ་ལོ་གོ་སྟོན་སྐབས་སུ་བླངས་བའི་ཞི་བདེའི་རྒྱལ་སྲས་ཞེས་པའི་གླུ་གཞས་དེ་ཉིད་ཕྱི་ལོ་ ༢༠༠༦ ལོར་ཨ་རིག་མཆོད་རྟེན་ཐར་གྱི་ཚིག་བརྩམས་པ་དང་། བོད་ཁུལ་དུ་སྐད་གྲགས་ཆེ་བའི་གླུ་བ་ཤེར་བསྟན་ལགས་ཀྱིས་བླངས་བ་ཞིག་ཡིན་པ་དང་། གཞས་ཚིག་ནང་ལངས་ཚོ་ཨ་མདོ་ནས་འཁྲུངས་ཀྱང་། ཞབས་རྗེས་དབུས་གཙང་ལ་བཀོད་པ། །མཛད་འཕྲིན་འཕགས་ཡུལ་ནས་རྒྱས་པའི། །ཞི་བདེའི་རྒྱལ་སྲས་ཁྱེད་དྲན་གི་སོགས་འཁོད་ཡོད་པ་རེད། ཨ་སངས་ལགས་ནི་རྒྱ་ནག་གི་ Kuaishou ཞེས་པའི་སྤྱི་ཚོགས་དྲྭ་ལམ་ཏུ་མང་ཚོགས་འབུམ་གཉིས་ལྷག་གི་རྗེས་དེད་བྱས་པའི་གླུ་བ་གྲགས་ཅན་ཞིག་ཡིན་པ་དང་། ཁོང་རྒྱ་མིའི་ཉེན་རྟོགས་པས་འཛིན་བཟུང་བྱས་རྗེས་ཁོང་གཟའ་མི་གཉིས་ཀའི་ Kuaishou...

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་སྔོན་མའི་ཕྱི་ཚེས་ ༢༥ ནས་ཉིན་གྲངས་གསུམ་དང་། ཕྱི་ལོ་ ༢༠༢༦ ཟླ་ ༡ ཚེས་ ༢༢ ནས་དེ་རིང་བར་ཁྱོན་ཉིན་གྲངས་བདུན་རིང་རྒྱ་གར་ལྷོ་ཕྱོགས་བྱེས་ཀྱི་འབྲས་སྤུངས་སྒོ་མང་གྲྭ་ཚང་གི་ཆོས་གྲྭའི་ནང་གདན་ས་འབྲས་སྤུངས་དང་དགའ་ལྡན་གཉིས་ཀྱི་གྲྭ་ཚང་བཞིས་གཙོས་པའི་དགོན་སྡེ་གྲྭ་ཚང་ཁག་ ༡༥ ནས་བསྒྲུབ་བྱ་ ༣༦༩ ལ་ད་ཆོག་ཉེས་མེད་ཕུན་ཚོགས་སྒོ་ནས་བསླབ་གཞི་ཡོངས་སུ་རྫོགས་པ་དགེ་སློང་གི་བསླབ་སྡོམ་སྩལ་ཡོད་པ་རེད། དེ་ཡང་དགའ་ལྡན་ཕོ་བྲང་ཡིག་ཚང་གིས་དྲྭ་ཐོག་བརྙན་ཐུང་སྤེལ་བའི་ནང་། དེ་རིང་ཕྱི་ཚེས་ ༢༥ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་དགེ་སློང་གི་བསླབ་སྡོམ་སྩལ་སྐབས། ༸གང་ཉིད་མཆོག་ནས་བསྙེན་པར་རྫོགས་ཏེ་ལོ་མང་ཕྱིན་ཡོད་པས་ད་བར་ཧུར་ཐག་མཛད་ཡིན་ཅེས་དང་། དགེ་སློང་ཚོར་བསྙེན་རྫོགས་ཀྱི་སྡོམ་པ་འབོག་རྒྱུ་བྱུང་བ་དེ་དངོས་གནས་དྲང་གནས་ཀྱི་སྐལ་པ་བཟང་པོ་ཡིན་ཞེས་བཀའ་སྩལ་དང་འབྲེལ། ང་ཚོ་བཙན་བྱོལ་བ་ཆགས་རྗེས་རྒྱ་གར་དུ་གཞི་ནས་སྟོན་པའི་བསྟན་པ་ཉམས་པ་སོར་ཆུད་དང་མི་ཉམས་གོང་འཕེལ་གནང་རྒྱུའི་གོ་སྐབས་བྱུང་བ་རེད་ལ། སྤྱི་ཡོངས་ནས་འགེག་རྐྱེན་མང་པོ་ཡོད་པ་དང་མཐུན་རྐྱེན་ཞེ་དྲག་མེད་པ་ཡིན་ནའང་། གང་ལྟར་རང་སོ་སོའ་གཟབ་གཟབ་བྱས་ན་འགེག་རྐྱེན་འདི་དག་འཐུན་པའི་རྐྱེན་དུ་གྱུར་ཐུབ་པ་ཞིག་ཆགས་ཀྱི་ཡོད་སྐོར་བཀའ་སློབ་བཀའ་དྲིན་སྩལ་འདུག རྩ་བའི་ཕྱི་ལོ་ ༡༩༥༤ ཟླ་ ༢ ཚེས་ ༡༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ལྷ་ལྡན་གཙུག་ལག་ཁང་གི་ཇོ་བོ་ཤཱ་ཀྱ་མུ་ནེ་སྤྱན་སྔར་བསྙེན་པར་རྫོགས་པའི་དགེ་སློང་གི་སྡོམ་པ་ཡོངས་སུ་བདག་གིར་བཞེས་ཡོད་ཅིང་། ཤར་པ་ཆོས་རྗེ་ཡོངས་འཛིན་གླིང་རིན་པོ་ཆེ་རྗེ་བཙུན་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་དཔལ་བཟང་པོས་མཁན་པོ་མཛད་ཅིང་། སྐབས་དེའི་དགའ་ལྡན་ཁྲི་རིན་པོ་ཆེར་བྱེས་ཐུབ་བསྟན་ཀུན་དགས་དུས་བསྒོ་བ། ཡོངས་འཛིན་ཁྲི་བྱང་རིན་པོ་ཆེ་རྗེ་བཙུན་བློ་བཟང་ཡེ་ཤེས་བསྟན་འཛིན་རྒྱ་མཚོ་དཔལ་བཟང་པོས་གསང་སྟེ་སྟོན་པའི་སློབ་དཔོན་མཛད། དགའ་ལྡན་ཁྲི་ཟུར་འབྲས་བློ་གླིང་མི་ཉག་བཀྲ་ཤིས་སྟོང་འདུས་དང་བྱང་རྩེ་ཆོས་རྗེ། མཚན་ཞབས་རྣམ་པ་སོགས་ཀྱི་ལས་ཀྱི་ཁ་སྐོང་མཛད་ཡོད་པ་རེད། ལྷག་པར་ཕྱི་ལོ་ ༡༩༦༠ ཟླ་བ་ ༡...

དེ་རིང་ཕྱི་ལོ་ ༢༠༢༦ ཟླ་ ༡ ཚེས་ ༢༣ ཉིན་གྱི་སྔ་དྲོ་རྒྱ་གར་ལྷོ་ཕྱོགས་མོན་གྷོ་ནང་བྱེས་ཀྱི་གདན་ས་འབྲས་སྤུངས་སྒོ་མང་དུ་ ༢༠༡༡ ལོའི་ནོ་སྩེལ་ཞི་བདེའི་གཟེངས་རྟགས་བཞེས་མཁན་ཨ་ཕི་རི་ཀའི་རྒྱལ་ཁབ་ Liberia ནས་ཡིན་པ་ལྕམ་སྐུ་ Leymah Roberta GBowee མཆོག་དང་རྒྱལ་སྤྱིའི་ཁྲོད་གློག་བརྙན་བཟོ་སྐྲུན་པ་གྲགས་ཅན་ལྕམ་སྐུ་ Abigail Edna Disney ལགས་རྣམ་གཉིས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དམིགས་བསལ་མཇལ་ཁ་ཞུས་སོང་། དམིགས་བསལ་མཇལ་ཁའི་ཁྲོད་༸གོང་ས་༸སྐྱབས་མགོན་ཆེན་པོ་མཆོག་གིས། ད་ལྟའི་འཛམ་གླིང་འདིའི་ནང་དབུལ་ཕྱུག་གི་ཁྱད་པར་ཆེན་པོ་ཡོད་པ་དེ་ཧ་ཅང་གི་སེམས་སྐྱོ་པོ་ཡིན་པ་བཀའ་སྩལ་དང་འབྲེལ། ༸གང་ཉིད་མཆོག་དེ་སྔ་ཕ་ཡུལ་དུ་ཡོད་སྐབས་དབུལ་ཕྱུག་གི་ཁྱད་པར་དེ་ཙམ་མེད་པ་དང་། ༸མགོན་པོ་མཆོག་ཉིན་ལྟར་ཡར་བཞེངས་མ་ཐག་འཛམ་གླིང་འདིའི་སྤུན་ཟླ་མི་མང་ཚང་མ་འདྲ་མཉམ་ཐོག་དབུལ་ཕྱུག་གི་ཁྱད་པར་དེ་མེད་ན་སྙམ་པའི་ཐུགས་སྨོན་མཛད་ཀྱི་ཡོད་པ་བཀའ་སྩལ་འདུག སྐབས་དེར་ལྕམ་སྐུ་ Leymah མཆོག་གིས་༸གང་ཉིད་མཆོག་གི་སྙིང་རྗེའི་བཀའ་སློབ་ནི་ད་ལྟའི་དུས་སུ་དགོང་ངེས་ཆེན་པོ་ཞིག་ཡིན་པ་མ་ཟད། སྙིང་རྗེའི་བསམ་ཤེས་མེད་ན། དབུལ་ཕྱུག་ཁྱད་པར་གྱི་དཀའ་ངལ་དེ་ཡང་སེལ་མི་ཐུབ་ལ། ད་ལྟའི་འཛམ་གླིང་གི་དཀའ་རྙོག་ཐམས་ཅད་མང་ཚོགས་ནས་༸གང་ཉིད་མཆོག་དང་ Desmond Tutu ལྟ་བུའི་སྐྱེས་ཆེན་དམ་པ་ཚོའི་བཀའ་སློབ་ལམ་སྟོན་ལག་བསྟར་གནང་མ་ཐུབ་པའི་རྒྱུ་མཚན་གྱིས་འབྱུང་བཞིན་ཡོད་སྐོར་གསུངས་པ་མ་ཟད། ད་ལྟ་༸གོང་ས་མཆོག་གི་བྱམས་སྙིང་རྗེའི་བརྡ་ལན་རྣམས་མང་ཚོགས་གང་མང་ལ་འཕྲོད་ཐུབ་པ་བྱ་རྒྱུ་ཐད་ཁོང་ལྟ་བུའི་ནོ་སྦེལ་ཞི་བདེའི་གཟེངས་རྟགས་བཞེས་མཁན་མི་རབས་གཞོན་པ་གཞན་ཁག་ལ་འགན་དབང་ཆེན་པོ་ཡོད་པ་གསུངས་འདུག ལྷག་པར་དུ་མཇལ་ཁ་གྲུབ་མཚམས་ལྕམ་སྐུ་ཁོང་རྣམ་གཉིས་ནས་གསར་འགོད་ལྷན་ཚོགས་ཤིག་གི་ཐོག་ལྷན་བཞུགས་དང་འབྲེལ། དེ་རིང་འདི་ག་བོད་མིའི་གཞིས་ཆགས་མོན་གྷོ་རུ་༸གོང་ས་མཆོག་གི་མཇལ་ཁ་དང་༸གང་ཉིད་མཆོག་ལ་འཚམས་འདྲི་ཞུ་ཆེད་དང་། ལྷག་པར་དུ་ད་ལྟ་ང་ཚོ་གནས་བཞིན་པའི་གཉན་འཕྲང་ཅན་གྱི་གོ་ལ་འདིར་རྩོད་རྙོག་ཧ་ཅང་མང་པོ་ཡོད་སྟབས་༸གང་ཉིད་མཆོག་གི་སེམས་འགུལ་ཐེབས་གཞིའི་བཀའ་སློབ་དང་བྱིན་རླབས་བརྒྱུད་རྩོད་རྙོག་ཡོད་པ་རྣམས་སེལ་རྒྱུར་མདུན་སྐྱོད་གང་འདྲ་བྱ་དགོས་སྐོར་ལམ་སྟོན་ཞུ་ཆེད་དུ་བཅར་བ་ཡིན་ཞེས་གསུངས་སོང་། ལྕམ་སྐུ་ཁོང་གིས་ད་དུང་། འདི་གའི་གསར་འགོད་པའི་དྲི་བར་ལན་འདེབས་ཁྲོད། དེ་རིང་༸གོང་ས་སྐྱབས་མགོན་ཆེན་པོ་མཆོག་གི་མཇལ་ཁའི་ཁྲོད་༸གང་ཉིད་མཆོག་གིས་དམིགས་བསལ་ད་ལྟའི་འཛམ་གླིང་འདིར་དབུལ་ཕྱུག་གི་ཁྱད་པར་སྐོར་ཐུགས་འཚབ་ཆེན་པོ་མཛད་ཀྱི་འདུག་ཅེས་དང་།...

ཁ་ཉིན་ཕྱི་ཚེས་ ༢༡ ཉིན་ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གིས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་མཛད་འཕྲིན་ལ་ཆེ་བསྟོད་དང་། བོད་མིའི་འགྲོ་བ་མིའི་ཐོབ་ཐང་དང་མང་གཙོའི་རང་དབང་ལ་རྒྱབ་སྐྱོར་མཚོན་པའི་གྲོས་ཆོད་ཨང་ ༥༡༥ ཞེས་པ་སྤྱི་མོས་ཀྱིས་གཏན་འབེབས་གནང་འདུག གཞི་རྩའི་སྔ་ལོའི་ཕྱི་ཟླ་ ༧ ཚེས་ ༡༦ ཉིན་ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་ Michael McCaul མཱ་ཡི་ཀཱལ་མེ་ཁོལ་ལགས་དང་། ཨ་རིའི་གྲོས་ཚོགས་འཐུས་མི་དང་བོད་དོན་ཁྲིམས་འཆར་འདོན་མཁན་ Jim McGovern ཇིམ་མེག་གྷོ་ཝན་ལགས་རྣམ་གཉིས་ཀྱིས་ཨ་རིའི་གྲོས་ཚོགས་འོག་མའི་ནང་༸སྐུའི་གོ་སྟོན་དང་འབྲེལ། དོན་ཚན་དྲུག་ཅན་གྱི་གྲོས་ཆོད་གྲོས་འཆར་ཞིག་ཆེད་འདོན་གནང་ཡོད་ཅིང་། དེའི་ནང་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གིས་འཛམ་གླིང་ཞི་བདེ་དང་། ནང་པའི་རྗེས་འབྲངས་པ་ཚུད་པའི་སྤྱི་ཡོངས་ཀྱི་ཆོས་ལུགས་ཕན་ཚུན་བར་མཐུན་སྒྲིལ་བཅས་ཀྱི་ཐད་ལ་ཞབས་འདེགས་བླ་ན་མེད་པ་མཛད་ཡོད་པར་ངོས་འཛིན་གྱིས་བཀའ་དྲིན་རྗེས་དྲན་གཙོས་༸སྐུའི་འཁྲུངས་སྐར་ལ་འཚམས་འདྲི་ཞུས་པ་དང་སྦྲགས། ༸སྐུའི་འཁྲུངས་སྐར་གྱི་ཉིན་མོ་འདི་བཞིན་བྱམས་བརྩེའི་ཉིན་མོ་ཞེས་གཏན་འབེབས་དགོས་པ་ཙམ་མ་ཟད། ཨ་རིའི་གཞུང་ནས་བོད་མི་རྣམས་ལ་རང་ཐག་རང་གཅོད་ཀྱི་ཐོབ་ཐང་ཡོད་པར་ངོས་འཛིན་ཞུ་བཞིན་ཡོད་སྐོར་གསལ་འདོན་གནང་འདུག  མ་ཟད་གྲོས་ཆོད་གྲོས་འཆར་དེའི་ནང་། བོད་མི་རྣམས་ལ་ཕྱིའི་སྟོབས་ཤུགས་ཀྱི་ཐེ་བྱུས་གང་ཡང་མེད་པའི་ཐོག་རང་ཉིད་ཀྱི་ཆོས་ལུགས་དང་། དཔལ་འབྱོར། སྤྱི་ཚོགས། དེ་བཞིན་རིག་གཞུང་དང་འབྲེལ་བའི་སྲིད་བྱུས་གདམ་རྒྱུའི་ཐོབ་ཐང་ཡོད་པ་ངོས་འཛིན་གནང་བའི་ཐོག རྒྱ་ནག་གཞུང་གིས་༸གོང་ས་མཆོག་གཙོས་བོད་བརྒྱུད་ནང་བསྟན་གྱི་བླ་སྤྲུལ་ངོས་འཛིན་བྱ་ཐབས་ཀྱི་འབད་བརྩོན་ལ་མཐའ་གཅིག་ཏུ་དགག་བྱ་དང་ངོ་རྒོལ་གྱིས། ཡང་སྲིད་ངོས་འཛིན་བྱ་རྒྱུ་ནི་རང་བཞིན་གྱི་ཆོས་ལུགས་དང་འབྲེལ་བའི་གནད་དོན་ཞིག་ཡིན་པས། ཆོས་ཁས་མི་ལེན་མཁན་རྒྱ་ནག་མི་དམངས་སྤྱི་མཐུན་རྒྱལ་ཁབ་ཐེ་བའི་སྲིད་གཞུང་དང་། རྒྱལ་ཁབ་གཞན་སུ་ལའང་གནད་དོན་འདིའི་ཐོག་ཐེ་གཏོགས་བྱེད་པའི་ཐོབ་ཐང་མེད་སྐོར་བཀོད་ཡོད་པ་རེད། དེ་འབྲེལ་ཟླ་བ་འདིའི་ཚེས་ ༢༡ རེས་གཟའ་ལྷག་པ་ཉིན། ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གིས་གྲོས་ཆོད་དེ་སྤྱི་མོས་ཀྱིས་གཏན་འབེབས་གནང་ཡོད་པ་དང་། རྒྱལ་སྤྱིའི་བོད་དོན་ལས་འགུལ་ཁང་གིས་དེ་གའི་དྲ་གནས་ཐོག་བརྙན་ཐུང་ཞིག་སྤེལ་བའི་ནང་། ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་...

སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་དང་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ། མཆོག་སྤྲུལ་རྡོ་རྗེ་བརྟན་མཆོག་རྒྱ་ནག་གཞུང་གིས་འཛིན་བཟུང་བྱས་ནས་ཟླ་བ་གཅིག་དང་ཉིན་ ༢༠ ཙམ་འགྲོ་བཞིན་ཡོད་ཀྱང་། འབྲེལ་ཡོད་ལས་བྱེད་ཚོས་ཁོང་གི་སྐོར་གནས་ཚུལ་རྩ་བ་ནས་གསལ་བཤད་མ་བྱེད་པ་མ་ཟད།  སྨིན་ཐང་ཡུལ་ཚོའི་ཁ་པར་སྔོག་བཤེར་གྱིས་ཕྱི་ལ་འབྲེལ་གཏུགས་བྱ་རྒྱུར་དམ་བསྒྲགས་ཤུགས་ཆེ་བྱེད་བཞིན་འདུག དེའང་འདི་ག་རླུང་འཕྲིན་ཁང་ལ་བོད་ནང་གི་འབྲེལ་ཡོད་བརྒྱུད་གནས་ཚུལ་ཤེས་རྟོགས་བྱུང་བར་གཞིགས་ན། མཆོག་སྤྲུལ་རྡོ་རྗེ་བརྟན་འཛིན་བཟུང་བཀག་ཉར་བྱས་རྗེས་རིན་པོ་ཆེའི་འབྲེལ་ཡོད་གཉེན་ཉེ་སྐོར་ཞིག་གིས་ཁོང་གི་སྐུ་གཟུགས་གནས་སྟངས་སྐོར་ལ་སེམས་འཚབ་བྱུང་སྟེ་ཐེངས་ལྔ་དྲུག་ཙམ་གནས་ཚུལ་བརྒྱུད་ལོན་བྱེད་ཐབས་བྱས་ཀྱང་། རྒྱ་གཞུང་གི་འབྲེལ་ཡོད་ལས་བྱེད་ཚོས་དེ་སྔ་བཞིན་རིན་པོ་ཆེའི་ནག་ཉེས་སྐོར་རྟོག་ཞིབ་བྱེད་བཞིན་ཡོད་ཚུལ་ལས་གཞན་འགྲེལ་བཤད་གཞན་ཅི་ཡང་བརྒྱབ་མི་འདུག མ་ཟད་རིན་པོ་ཆེ་འཛིན་བཟུང་བྱས་མ་ཐག་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་མ་ཚོ་རང་རང་གི་ཁྱིམ་དུ་ལོག་བཅུག་པ་དང་། སློབ་གྲྭ་སྒོ་བརྒྱབ་པ་ལྟར། ད་ལྟའང་སློབ་གྲྭ་འཚོག་མ་ཐུབ་པའི་གནས་སུ་ལྷུང་འདུག ཤེས་རྟོགས་བྱུང་བར་གཞིགས་ན། ཉེ་ཆར་རྒྱ་ནག་གི་འབྲེལ་ཡོད་ལས་བྱེད་ཚོས་གསང་བ་ཕྱིར་ཤོར་གྱི་སྔོན་འགོག་ཟེར་ནས་སྨིན་ཐང་ཡུལ་མི་ཚོའི་ཁ་པར་ནང་གི་ཚོགས་པ་དང་། འབྲེལ་གཏུགས་བྱེད་ས་སོགས་ལ་དམ་བསྒྲགས་ཤུགས་ཆེན་བྱས་དང་བྱེད་མུས་དང་། གལ་ཏེ་ཕྱི་རྒྱལ་ཁག་ཏུ་ཡོད་པའི་གྲོགས་པོ་དང་གཉེན་ཉེ་ཡོད་ཚེ་ཁ་པར་བརྒྱུད་ལམ་ནས་འབྲེལ་བ་རྩ་བ་ནས་བྱ་མི་ཆོག་པའི་ཉེན་བརྡ་བཏང་འདུག མ་ཟད་རྒྱ་གཞུང་གི་ལས་བྱེད་ཡིན་པའི་བོད་པ་ཚོའི་ཁ་པར་ལས་ཁུངས་ཀྱི་འགོ་ཁྲིད་ཚོས་ལྟ་རྟོགས་བྱ་དགོས་པ་དང་། གལ་ཏེ་ལས་མི་གང་རུང་ཚོགས་པའི་ནང་དུ་ཡོད་ཚེ་ཚོགས་མི་རེ་རེའི་གནས་ཚུལ། ཚོགས་པའི་ནང་དུ་ཞུགས་དགོས་པའི་རྒྱུ་མཚན། ཚོགས་མིའི་ནང་དུ་གཞུང་གི་ལངས་ཕྱོགས་དང་མཐུན་མིན་གྱི་གནས་ཚུལ། ཚོགས་པའི་ཁ་ཕྱོགས་སོགས་འགེངས་ཤོག་དགང་དགོས་པའི་སྒྲིག་ཁྲིམས་བཟོས་ཡོད་པ་རེད་འདུག དེ་བཞིན་ཕྱི་རྒྱལ་ཁག་ཏུ་ཡོད་པའི་ཚོགས་མི་ཡོད་ཚེ་ཚོགས་པ་ཁག་ནས་ཕྱིར་འབུད་གཏང་དགོས་པ་དང་། ཕྱིར་འབུད་གཏང་བའི་བདེན་དཔང་དུ་བརྙན་དང་པར་བརྒྱབ་ནས་འགོ་ཁྲིད་ལ་སྙན་སེང་ཞུ་དགོས་པ་བརྗོད་འདུག གཞི་རྩའི་སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་དང་། རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ་མཆོག་སྤྲུལ་རྡོ་རྗེ་བརྟན་ཕྱི་ལོ་ ༢༠༢༥ ཟླ་ ༡༢ ཚེས་ ༤ ཉིན་རྒྱ་ནག་གཞུང་གིས་འཛིན་བཟུང་བྱས་རྗེས་གར་སོང་ཆ་མེད་དུ་གྱུར་ཡོད་ཅིང་། མཆོག་སྤྲུལ་རྡོ་རྗེ་བརྟན་རང་དགོན་ནས་འཛིན་བཟུང་བྱེད་མཁན་ཉེན་རྟོག་པ་ཡིན་མིན་དང་། གསང་བའི་ལས་བྱེད་ཡིན་མིན་ཤེས་མཁན་སུ་ཡང་མེད་པ་མ་ཟད། མཆོག་སྤྲུལ་མཆོག་ད་ལྟ་མཚོ་སྔོན་ཞིང་ཆེན་ཟེར་བའི་ཙོན་ཁང་ཞིག་གི་ནང་དུ་བཀག་ཉར་བྱེད་ཡོད་ཚུལ་ལས་གཞན་གནས་ཚུལ་ཞིབ་ཕྲ་གང་ཡང་ཐོན་མེད་པ་དང་།  འབྲེལ་ཡོད་ནང་མི་དང་གཉེན་ཉེ་འབྲེལ་རྣམས་ལ་ཁོང་ཐུག་འཕྲད་ཆོག་གི་མེད་པའི་ཉེན་བརྡའང་བཏང་འདུག མཆོག་སྤྲུལ་རྡོ་རྗེ་བརྟན་ནི་གཉན་པོ་གཡུ་རྩེའི་སློབ་ཆུང་གི་སློབ་གཙོ་དང་། རྨ་གཡང་ལྷ་མཁར་ཕྱུག་མོའི་གེ་སར་རིག་གནས་རྒྱུད་སྤེལ་ལྟེ་གནས་ཀྱི་ཚོགས་གཙོ། གེ་སར་རིག་གནས་རྒྱུན་འཛིན་གཞི་ས་དང་གེ་སར་རིག་གནས་རྨ་གཡང་ཕྱུག་མོའི་བརྒྱུད་སྦྱོང་བྱེད་གནས་ཀྱི་འགན་འཛིན། རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ།...

ཁ་སང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཆེད་མཁས་པ་ཚོས་རྒྱ་གཞུང་གིས་བོད་མིས་གཙོས་གྲངས་ཉུང་མི་རིགས་ཐོག་བཙན་དབང་གི་ངལ་རྩོལ་རྒྱུག་བཅུག་པར་བློ་འཚབ་གསལ་སྟོན་དང་སྦྲགས། རྒྱལ་སྤྱིའི་ཚོང་ལས་ཁང་དང་། མ་འཛུགས་བྱེད་མཁན་ཚོས་རང་ཉིད་ཀྱི་ཚོང་ཟོག་གི་རྒྱུ་ཆ་དེ་དག་བོད་དང་ཡུ་གུར་ནང་གི་བཙན་ཤེད་ངལ་རྩོལ་དང་འབྲེལ་བ་ཡོད་མེད་ཞིབ་འཇུག་ནན་པོ་བྱ་དགོས་པའི་འབོད་སྐུལ་གནང་འདུག དེ་ཡང་ཁ་སང་སྟེ། ཚེས་ ༢༢ ཉིན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་དྲ་གནས་ཐོག་སྤེལ་བའི་ཚུལ་ནང་། ཆེད་མཁས་པ་ཚོས་རྒྱ་གཞུང་གིས་བོད་མིས་གཙོས་གཞན་ཡུ་གུར་དང་།  Kazakh ཀཱ་ཛཱཁ་དང་། Kyrgyz ཀིར་གྷིཛ་སོགས་གྲངས་ཉུང་མི་རིགས་རྣམས་ལ་བཙན་ཤེད་ངལ་རྩོལ་སྲིད་བྱུས་བེད་སྤྱོད་བྱེད་བཞིན་པའི་ཐོག་སྙན་ཐོ་ཞིག་འདོན་སྤེལ་གནང་བའི་ནང་དུ། རྒྱ་ནག་གིས་དབྱེ་བའི་ཞིང་ཆེན་མང་པོའི་ནང་བོད་མིས་གཙོས་པའི་ཡུ་གུར་ཁ་ཆེའི་མི་རིགས་རྣམས་ཀྱི་གཞི་རྩའི་རང་དབང་བཙན་འཕྲོག་ཙམ་མ་ཟད། གྲངས་ཉུང་མི་རིགས་རྣམས་ལ་བཙན་གྱི་ངལ་རྩོལ་སྐུལ་བཞིན་པ་དང་། གནས་ཚུལ་མང་པོའི་ནང་བཙན་ཤེད་ཀྱི་རང་བཞིན་ཧ་ཅང་ཛ་དྲག་ཆེ་བས་དེ་ནི་འགྲོ་བ་མིའི་རིགས་ལ་བཙན་གནོན་བྱེད་པའི་ཉེས་པ་ཞིག་ཏུ་འགྱུར་སྲིད་ཅེས་གསུངས་འདུག དེ་བཞིན་རྒྱ་གཞུང་གིས་རྒྱལ་སྤྱིའི་ཁྲོད་རྒྱ་ནག་ནང་གི་བཙན་ཤེད་ངལ་རྩོལ་དེ་དབུལ་ཕོངས་སེལ་བའི་ལས་གཞིའི་ཁྱབ་ཁོངས་སུ་གཏོགས་ཀྱི་ཡོད་ཚུལ་འཁྱོག་བཤད་བྱེད་བཞིན་ཡོད་ནའང་། དོན་དངོས་ཐོག་དེ་ནི་གྲངས་ཉུང་མི་རིགས་ཐོག་དྲག་གནོན་ཙམ་མ་ཟད། ཡུ་གུར་པ་དང་གཞན་གྲངས་ཉུང་མི་རིགས་རྣམས་འདོད་པ་མེད་བཞིན་དུ་ཤར་ཏུར་ཀིས་ཐན་དང་ས་ཁུལ་གཞན་དུ་ལས་ཀ་བྱེད་པར་བཙན་སྐུལ་བྱེད་ཀྱི་ཡོད་པ་གསལ་སྟོན་གནང་འདུག གཞན་ཡང་བོད་ཀྱི་གནད་དོན་དང་འབྲེལ་ཆེད་མཁས་པ་རྣམ་པས་བོད་མི་རྣམས་ཀྱང་ Training and Labour Transfer Action Plan འམ་སྦྱོང་བརྡར་དང་ངལ་རྩོལ་གནས་སྤོའི་འཆར་གཞི་ལས་འགུལ་ལྟ་བུའི་ལས་གཞི་གཞན་བརྒྱུད་བཙན་ཤེད་ངལ་རྩོལ་གྱི་འོག་ཚུད་ཡོད་པ་གསུངས་འདུག དེའང་སྲིད་བྱུས་འདི་དག་གིས་དམག་དོན་ལྟ་བུའི་ལས་རིགས་སྦྱོང་བརྡར་གྱི་ཐབས་ལམ་ལ་རྒྱབ་སྐྱོར་བྱེད་ཀྱི་ཡོད་པ་གསུངས་འདུག་ཅིང་། ཕྱི་ལོ་ ༢༠༢༤ ལོ་ཁོ་ནའི་ནང་བོད་མི་ ༦༥༠,༠༠༠ ཙམ་ལས་རིགས་བསྒྱུར་བཀོད་དང་བཙན་ཤེད་ངལ་རྩོལ་གྱི་འཆར་གཞིའི་འོག་ཚུད་ཡོད་པའི་ཚོད་དཔག་གནང་འདུག ཕྱོགས་མཚུངས་རྒྱ་གཞུང་གི་གྲངས་ཐོར་ལྟར་ན། བོད་ནང་གི་བོད་མི་གྲོང་གསེབ་བ་ ༩༣༠,༠༠༠ ཙམ་ཡོད་པའི་གྲོང་ཚོ་ཡོངས་རྫོགས་སྤོ་ཤུགས་འམ་ཡང་ན་ཁྱིམ་ཚང་སོ་སོ་བྱེད་ནས་སྤོ་ཤུགས་བྱས་ཡོད་སྐོར་བརྗོད་ཀྱང་། འབྲོག་པ་གཞིས་སྤོའི་སྲིད་བྱུས་འོག་ཕྱི་ལོ་ ༢༠༠༠ ནས་ ༢༠༢༥...

ཁ་སང་ཕྱི་ཟླ་ ༡ ཚེས་ ༢༡ ༸རྒྱལ་བའི་སྐུའི་བླ་གཟའ་དང་བསྟུན། ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་གོ་སྒྲིག་འོག བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་དགུང་ལོ་དགུ་བཅུར་ཕེབས་པའི་བྱམས་བརྩེའི་ལོ་སྲུང་བརྩི་ཞུས་ཏེ། སློབ་ཕྲུག་ནང་ཁུལ་གཏམ་བཤད་དང་རི་མོའི་འགྲན་བསྡུར་གྱི་ལས་འགུལ་ཞིག་སྤེལ་སོང་།  རྩ་བའི་༸གོང་ས་མཆོག་གིས་དེ་སྔོན་ས་གནས་ཡུལ་མི་རྣམས་ནས་སོ་སོའི་དགོན་པར་ཞབས་འདེགས་གང་ཐུབ་ཞུས་ཡོད་པར། ད་ཆ་ཡུལ་མི་རྣམས་ཀྱི་བདེ་སྡུག་དང་ཤེས་ཡོན་སློབ་སྦྱོང་སོགས་ལ་དགོན་པའི་ངོས་ནས་ཞབས་འདེགས་ཞུ་དགོས་ཞེས་བཀའ་སློབ་ལམ་སྟོན་ཕེབས་པ་བཞིན། ༸སྐྱབས་རྗེ་ཁྲིག་སེ་རིན་པོ་ཆེས་གཙོས་པའི་ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་ཚོགས་སྡེ་གཉིས་ནས། ས་ཁུལ་ ༡༢༠ ཙམ་ནས་སློབ་ཕྲུག་ ༣༥༠ ཙམ་ལ་དགུན་ཁའི་གུང་སེང་དང་བསྟུན།  རིན་མེད་ཐོག་ཟུར་ཁྲིད་ཉིན་ ༤༥ རིང་འཚོགས་བཞིན་ཡོད་ཅིང་། དེའི་ཁྲོད་ཉིན་དགུང་གི་ཞལ་ལག་དང་། སློབ་ཕྲུག་ཚོ་རང་ཁྱིམ་དུ་སྐྱེལ་རྒྱུ་སོགས་ཀྱི་མཐུན་རྐྱེན་སྦྱོར་གྱི་ཡོད་པ་མ་ཟད། ད་རེས་དགུན་ཁའི་ཟུར་ཁྲིད་དེ་ཐེངས་བདུན་པ་ཆགས་ཀྱི་འདུག ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་དབུ་འཛིན་དགེ་བཤེས་བྱམས་པ་བཀྲ་ཤིས་ལགས་སུ་མཛད་རིམ་དེ་དང་འབྲེལ་ནས་བཅར་འདྲི་ཞུས་པར་ཁོང་གི་གསུང་དོན་དུ།  དགུན་ཁའི་ཟུར་ཁྲིད་དེའི་ནང་ལ་དྭགས་བྱང་ཐང་དང་། ལྡུམ་ར། ཟངས་དཀར། གཤམ་སྟོད་བར་གསུམ། ཆོས་ལུགས་དང་མི་རིགས་དབྱེ་བ་མེད་པའི་སྒོ་ནས་སློབ་ཕྲུག་རྣམས་ལ་སློབ་སྦྱོང་གནང་བཞིན་ཡོད་པར་མི་མང་ཚོས་ཀྱང་དགའ་མོས་ཆེན་པོ་གནང་གི་འདུག་ཅེས་གསུངས་སོང་། གཞན་ཡང་དགུན་ཁའི་ཟུར་ཁྲིད་གནང་བའི་ཁྲོད་༸གོང་ས་མཆོག་གིས་ཆོས་ལུགས་དང་མ་འབྲེལ་བའི་བཟང་སྤྱོད་འམ་ SEE Learning ཡང་སློབ་ཁྲིད་གནང་གི་ཡོད་པ་རེད། གཞན་སློབ་ཕྲུག་བར་གྱི་གཏམ་བཤད་འགྲན་བསྡུར་གྱི་བརྗོད་གཞི་ནི། ༸གོང་ས་མཆོག་གི་ཐུགས་བསྐྱེད་དམ་བཅའ་བཞི་དང་། ཁོང་གི་འཛམ་གླིང་ཡོངས་ལ་བྱམས་དང་སྙིང་རྗེས་སྐྱོང་བཞིན་ཡོད་པའི་སྐོར་ཡིན་པ་དང་། མཉམ་ཞུགས་ཁྲོད་སློབ་མ་ཉི་ཤུ་ཙམ་གྱི་དབྱིན་སྐད་དང་།...

དབུས་བོད་ཀྱི་བུད་མེད་ལྷན་ཚོགས་ཀྱི་ངོས་ནས་རྒྱ་གར་གྱི་རྒྱལ་ས་ལྡི་ལིའི་ Press Club of India ཞེས་པར་གསར་འགོད་ལྷན་ཚོགས་ཤིག་བསྐྱངས་ཏེ།    ཁོང་ཚོའི་ངོས་ནས་རྒྱ་གར་གྱི་སྲིད་བློན་ མོ་ཌི་མཆོག་གི་དབུས་པའི་རྒྱལ་ས་ལྡི་ལིའི་ནང་རྟེན་གཞི་བྱས་པའི་ཕྱི་རྒྱལ་གཞུང་ཚབ་ཁག་སུམ་ཅུ་ཙམ་ལ་བོད་ནང་གི་ཛ་དྲག་ཁོར་ཡུག་གནས་སྟངས་དང་།   རྒྱ་གར་གཞུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆེ་བསྟོད་ཀྱི་ Bharat Ratna འབུལ་བཞེས་གནང་དགོས་པ།   བོད་ནང་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་སྲུང་སྐྱོབ་ཐུབ་ཐབས།  ཉེས་མེད་བོད་མིའི་ཆབ་སྲིད་བཙོན་པ་རྣམས་གློད་བཀྲོལ་ཡོང་ཐབས་དང་།  དབུ་མའི་ལམ་གི་ཐོག་ནས་བོད་དོན་བདེན་མཐའ་སེལ་བའི་ཐབས་ལམ་བསྐྲུན་ཐབས་ཡོང་བ་བཅས་ཀྱིས་དོན་ཚན་ལྔ་ཡོད་པའི་ཞུ་སྐུལ་གནང་འདུག གསར་འགོད་ལྷན་ཚོགས་དེའི་ཐོག་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཚེ་རིང་སྒྲོལ་མ་ལགས་ཀྱི་དབྱིན་སྐད་དང་།    ཟུང་འབྲེལ་དྲུང་ཆེ་ཆོས་དབྱིངས་སྒྲོལ་མ་ལགས་ནས་ཧིན་རྡི་སྐད་ཡིག་སོ་སོར་འབོད་སྐུལ་དགོས་འདུན་དེ་དག་གསར་འགོད་པ་ཚོར་སྙན་སྒྲོན་དང་སྦྲགས།   རྒྱལ་སྤྱིའི་སྤྱི་ཚོགས་ཀྱི་ངོས་ནས་ཀྱང་ཛ་དྲག་གི་གནད་དོན་དེ་དག་ཐོག་རྒྱབ་སྐྱོར་གནང་དགོས་པའི་སྐུལ་མ་ཞུས་པ་མ་ཟད།   སྐབས་དེའི་གསར་འགོད་ལྷན་ཚོགས་ཐོག་ད་དུང་  Bharat Tibbat Samanvay Sangh ཞེས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ལྕམ་སྐུ་ Sandhya མཆོག་ནས་ཀྱང་རྒྱ་ནག་གཞུང་གི་ངོས་ནས་བོད་ནང་གི་བཅའ་སྡོད་སློབ་གྲྭའི་སྲིད་བྱུས་འོག་བོད་པའི་ངོ་བོ་རྩ་མེད་གཏོང་བའི་ཛ་དྲག་གི་སྲིད་བྱུས་དང་།  རྒྱ་གར་གཞུང་མང་གཉིས་ཀྱི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆེ་བསྟོད་ཀྱི་གཟེངས་རྟགས་ཕུལ་དགོས་པ་སོགས་ཀྱི་གནད་དོན་ཡང་གླེང་སློང་གནང་སོང་། The post བུད་མེད་ལྷན་ཚོགས་ཀྱིས་རྒྱ་གར་སྲིད་བློན་དང་ཕྱི་རྒྱལ་གཞུང་ཚབ་སུམ་ཅུ་ཙམ་ལ་བོད་དོན་ཞུ་སྐུལ་གནང་འདུག appeared first on vot.

རྒྱ་གར་བ་སྐུ་ཞབས་  Sandesh Meshram ལགས་ཀྱིས་ཟླ་བ་སྔོན་མའི་ཚེས་ ༩ ཉིན་འཕགས་བོད་ས་མཚམས་འབུམ་ལ་ནས་འགོ་འཛུགས་གནང་བའི་བོད་དོན་ཆེད་རྐང་འཁོར་སྐོར་སྐྱོད་དེ་བཞིན་ཁ་ཉིན་ Meghalaya མངའ་སྡེའི་རྒྱལ་ས་ཤི་ལོང་ནང་མཇུག་སྒྲིལ་གནང་འདུག དེའང་བོད་ཀྱི་གྲོགས་པོ་དང་རྒྱ་གར་བོད་དོན་རྒྱབ་སྐྱོར་ཚོགས་པའི་ས་གནས་འབྲེལ་མཐུད་པ་ Sandesh Meshram སཱན་ཌེ་ཤ་མཱེ་ཤེ་རམ་མམ་བསམ་གཏན་ཡེ་ཤེས་ལགས་ཀྱིས། འདི་ལོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བསྟུན་བྱམས་བརྩའི་ལོ་སྲུང་བརྩའི་ཆ་ཤས་སུ། སྔ་ལོའི་ཕྱི་ཟླ་ ༡༢ པའི་ཚེས་ ༩ ཉིན་རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་ནང་ཆགས་པའི་འཕགས་བོད་ས་མཚམས་འབུམ་ལ་ནས་འགོ་འཛུགས་ཀྱིས་བོད་དོན་དྲིལ་བསྒྲགས་སླད་རྐང་འཁོར་སྐོར་སྐྱོད་ཀྱི་ལས་འགུལ་ཞིག་དབུ་འཛུགས་གནང་ཡོད་པ་ལྟར། རྒྱང་ཐག་སྤྱི་ལེ་ ༢༦༠༤ ཙམ་གྱི་སྐོར་སྐྱོད་དེ་ཉིད་འདི་ཚེས་ ༡༩ ཉིན་ Meghalaya མངའ་སྡེའི་རྒྱལ་ས་ཤི་ལོང་ནང་མཇུག་སྒྲིལ་གནང་འདུག ཐེངས་འདིའི་རྐང་འཁོར་སྐོར་སྐྱོད་དེ་བཞིན་སྐུ་ཞབས་ Mesharam ལགས་ཀྱིས་ད་བར་བོད་དོན་སླད་རྐང་འཁོར་སྐོར་སྐྱོད་གནང་བའི་ལས་འགུལ་ཐེངས་ ༦ པ་དེ་ཆགས་ཀྱི་ཡོད་པ་དང་། ད་ཐེངས་ཀྱི་ལས་འགུལ་དེའི་དམིགས་ཡུལ་གཙོ་བོ་ནི་རྒྱ་གར་མི་མང་ལ་བོད་དོན་གོ་རྟོགས་དང་། དམིགས་བསལ་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པ་མ་ཟད། ལྷག་དོན་དུ་ཉེ་སྔོན་ཨ་རུ་ན་ཅལ་བུད་མེད་ཅིག་ཧྲང་ཧེ་གནམ་ཐང་བརྒྱུད་ཉི་འོང་དུ་བསྐྱོད་སྐབས། ཧྲང་ཧེ་གནམ་ཐང་དུ་ཁོ་མོར་གནམ་ཐང་གིས་ལས་བྱེད་ཚོས་ཆུ་ཚོད་ ༡༨ ཙམ་བཀག་འགོག་བྱས་ཏེ།  ཁོ་མོའི་རྒྱ་གར་གྱི་ཕྱི་བསྐྱོད་ལག་འཁྱེར་དེ་འགྲིག་མེད་སྐོར་དང་། ཨ་རུ་ན་ཅལ་དེ་ཉིད་རྒྱ་ནག་གི་ས་ཁོངས་ཡིན་ཚུལ་བཤད་པ་དེ། བདེན་དཔང་མིན་པ་དྲིལ་བསྒྲགས་ཆེད་ཡིན་པ་རེད་འདུག...

རྗེ་བླ་མ་ཙོང་ཁ་པ་ཆེན་པོའི་གདན་ས་དགའ་ལྡན་རྣམ་པར་རྒྱལ་བའི་གླིང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་དང་། བཀའ་དྲིན་རྗེས་དྲན་གྱི་གཟེངས་རྟགས་འབུལ་བཞེས་མཛད་སོང་།  དེ་ཡང་དེ་རིང་ཕྱི་ཟླ་ ༡ ཚེས་ ༢༡ རེས་གཟའ་ལྷག་པ་༸རྒྱལ་བའི་སྐུའི་བླ་གཟའ་དང་བསྟུན། སྔ་དྲོ་ཕྱག་ཚོད་ ༨ པ་ཡོལ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་གི་བླ་སྤྱི་ཚོམས་ཆེན་དུ་བརྟན་བཞུགས་ཀྱི་རྡོ་རྗེ་སློབ་དཔོན་དགའ་ལྡན་ཁྲི་ཆེན་རིན་པོ་ཆེ་མཆོག་གིས་དབུས་པའི་དགའ་ལྡན་ཤར་རྩེ་དང་བྱ་རྩེ་མཁན་རིན་པོ་ཆེ་རྣམ་གཉིས། མོན་གྷོ་འདོད་རྒུ་གླིང་གི་ས་གནས་འགོ་འཛིན་བཅས་ནས་སྤེས་སྣེ་སྤྱན་རྒྱ་སྤོས་འཛིན་དང་བཅས་གདན་འདྲེན་ཞུས་སོང་བ་དང་། མགོན་པོ་༸གང་ཉིད་མཆོག་བཞུགས་ཁྲིར་ཞབས་སོར་བདེ་བར་འཁོད་རྗེས། དགའ་ལྡན་བླ་སྤྱི་དང་། དགའ་ལྡན་ཤར་རྩེ་གྲྭ་ཚང་། དགའ་ལྡན་བྱང་རྩེ་གྲྭ་ཚང་། མོན་གྷོ་འདོད་རྒུ་གླིང་སེར་སྐྱ་མི་མང་ཐུན་མོང་ནས་རྗེ་ཚེ་འཛིན་མའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་སོང་། བརྟན་བཞུགས་ཀྱི་མཛད་སྒོའི་སྐབས། མོན་གྷོ་ས་གནས་འགོ་འཛིན་རིན་ཆེན་དབང་མོ་ནས་མོན་གྷོ་འདོད་རྒུ་གླིང་ཚོགས་སྡེ་ཁག་ཉེར་དྲུག་ནས་༸རྒྱལ་བའི་བཀའ་དྲིན་རྗེས་དྲན་དང་༸སྐུའི་གོ་སྟོན་སྲུང་བརྩིའི་ཆེད་རྒྱུ་གསེར་དངུལ་ལས་གྲུབ་པའི་གཟེངས་རྟགས་ཤིག་ཕུལ་སོང་། རྩ་བའི་དེ་རིང་བརྟན་བཞུགས་བསྟར་འབུལ་མ་ཞུས་སྔོན་དུ། སྔ་དྲོ་ཕྱག་ཚོད་ ༧།༤༥ ཐོག་མགོན་པོ་༸གང་ཉིད་མཆོག་འབྲས་སྤུངས་སྒོ་མང་ཆོས་རྭ་ནས་ཆིབས་ཐོན་གྱིས། ཐོག་མ་དགའ་ལྡན་བྱང་རྩེ་གྲྭ་ཚང་གི་འཛིན་ཁང་ཐོག་ཏུ་གསར་བཞེངས་གྲུབ་པའི་རྗེ་ཚེ་འཛིན་མ་དང་༸རྒྱལ་དབང་སྐུ་ཕྲེང་ ༡༤ པའི་སྐུ་བརྙན་རབ་གནས་བཀའ་དྲིན་མཛད་ཡོད་ཅིང་། དེའི་རྗེས་དགའ་ལྡན་གསེར་གདུང་ཁང་ལ་ཐུགས་སྨོན་རབ་གནས་མཛད་ཡོད་པ་རེད། གཞི་རྩའི་ད་རེས་བརྟན་བཞུགས་སྐབས་འབུལ་མཚན་དུ་སྐུ་གསུང་ཐུགས་རྟེན། ཚེ་བུམ། ཚེ་ཆང་། ཚེ་རིལ། བླ་གོས། སྣམ་སྦྱར། ཐང་གོས། གདིང་བ། ལྷུང་བཟེད། མཁར་གསིལ། རིགས་ལྔའི་མཚན་མ། རྒྱལ་སྲིད་སྣ་བདུན། བཀྲ་ཤིས་པའི་རྟགས་བརྒྱད་དང་།...

རྒྱ་གཞུང་གིས་ཕྱི་ལོ་ ༢༠༢༦ ནས་བཟུང་བོད་སྟོད་མངའ་རིས་ས་ཁུལ་དུ་ Satellite Dish འམ་བརྙན་འཕྲིན་དང་རླུང་འཕྲིན་གྱི་ཟུང་སྐར་འབྲེལ་མཐུད་འཁོར་སྡེར་དམ་བསྒྲགས་ཀྱི་ལས་འཆར་འགོ་བཙུགས་ཡོད་འདུག ཉེ་ཆར་མཚོ་ཆེན་རྫོང་འཁོར་སྡེར་ལས་ཁུངས་ཀྱིས་ལག་བསྟར་བྱས་པ་ལྟར་ན། མངའ་རིས་མཚོ་ཆེན་ས་ཁུལ་གྱི་གྲོང་བརྡལ་གསུམ་ནང་དུ་གོང་ཞུས་ལས་འཆར་དེ་ལག་བསྟར་བྱས་ཟིན་ཡོད་པ་དང་རྫོང་གཞན་ཚོའི་ནང་དུ་ལག་བསྟར་བྱེད་མུས་རེད་འདུག འདི་ག་རླུང་འཕྲིན་ཁང་གིས་འབྲེལ་ཡོད་བརྒྱུད་ནས་གནས་ཚུལ་ཤེས་རྟོགས་བྱུང་བ་ལྟར་ན། མཚོ་ཆེན་རྫོང་མངའ་ཁུལ་གྱི་གྲོང་སྡེ་ ༡༧ ནང་དུ་གཞུང་གི་འཁོར་སྡེར་བགོས་འགྲེམས་ཀྱིས་ལས་གཞི་ལག་བསྟར་བྱས་ཟིན་ཡོད་པ་དང་། ཁྱོན་བསྡོམས་འཁོར་སྡེར་ ༣༥༠༠ ལྷག་ཞིང་འབྲོག་མི་དམངས་ཀྱི་ཁྱིམ་ཚང་ནང་དུ་བེད་སྤྱོད་བྱེད་འགོ་བཙུགས་ཟིན་འདུག མ་ཟད་རྒྱ་གཞུང་ངོས་ནས་ཁྱིམ་ཚང་རེ་རེར་སྒེར་གྱི་འཁོར་སྡེར་བེད་སྤྱོད་བྱ་མི་ཆོག་པའི་བཀའ་བཏང་བ་དང་། གཞུང་ངོས་ནས་ལག་བསྟར་བྱས་པའི་འཁོར་སྡེར་བརྒྱུད་ནས་རྒྱ་གཞུང་གི་དྲིལ་བསྒྲགས་ཁོ་ན་ལས་ཕྱི་རྒྱལ་བརྒྱུད་ལམ་ཁག་གཅིག་ཀྱང་ལྟ་མི་ཐུབ་པ་བཟོས་ཡོད་པའི་གནས་ཚུལ་འབྲེལ་ཡོད་ནས་གསལ་བཤད་བྱས་སོང་། རྩ་བའི་རྒྱ་ནག་གཞུང་གིས་དེ་སྔ་ལྷ་ས་སོགས་བོད་ས་ཁྱོན་ཡོངས་སུ་གཞུང་འབྲེལ་མ་ཡིན་པའི་ཟུང་སྐར་བརྙན་འཕྲིན་གྱི་འཁོར་སྡེ་ Satellite Dish སྤྱོད་རྒྱུར་ནན་ཏན་གྱིས་བཀག་འགོག་བྱས་ཡོད་པ་དང་། དེ་ནི་གཙོ་བོ་ཆབ་སྲིད་དང་བསམ་བློའི་ཚོད་འཛིན་གྱི་ཆེད་དུ་ཡིན་ལ། ལྷག་པར་ཕྱི་རྒྱལ་གྱི་གསར་འགྱུར་དང་གནས་ཚུལ་རང་དབང་ཅན་རྣམས་བོད་མི་ཚོར་ཐོན་རྒྱུ་སྔོན་འགོག་བྱ་ཆེད་དགོན་སྡེ་སོགས་ཀྱི་ནང་དང་། བོད་མི་གནས་སྡོད་བྱེད་སའི་ས་ཁུལ་དུ་རླུང་འཕྲིན་སྒྲ་ལན་འཕྲུལ་ཆས་གཞུང་བཞེས་བཏང་སྟེ་། ས་གནས་ཀྱི་རླུང་འཕྲིན་ཆེད་འཛུགས་ཀྱིས་བཙན་ཤེད་ཀྱིས་བལྟ་རུ་འཇུག་པ་སོགས་ཀྱི་དམ་བསྒྲགས་ཤུགས་ཆེ་བྱས་ཡོད་འདུག ལྷག་པར་ཕྱི་ལོ་ ༢༠༢༣ ལོར་རྒྱ་ནག་གི་དབང་འཛིན་པ་ཚོས་བོད་ཀྱི་རྒྱལ་ས་ལྷ་སའི་ནང་ཡོད་པའི་ཁང་པ་ཁག་ལ་འཚོལ་ཞིབ་བྱས་ཏེ། བོད་མི་ཚོས་འཁོར་སྡེར་བརྒྱུད་ནས་ཕྱི་རྒྱལ་གྱི་རླུང་འཕྲིན་དང་བརྙན་འཕྲིན་ལེ་ཚན་ལ་ལྟ་ཉན་བྱེད་ཀྱི་ཡོད་མེད་ཤེས་རྟོགས་བྱེད་རྒྱུ་འགོ་བཙུགས་ཡོད་པ་གྲོང་ཁྱེར་གྱི་ཉེན་རྟོག་པ་དང་། གནས་ཚུལ་ཤེས་མཁན་བོད་མི་གཉིས་ཀྱི་བརྗོད་ཡོད་པ་མ་ཟད། སྐབས་དེར་བོད་རང་སྐྱོང་ལྗོངས་ཟེར་བའི་ཁུལ་གྱི་རྒྱང་བསྲིང་ལས་ཁང་དང་ལྷ་ས་ཁུལ་གྱི་ལས་ཁང་ཚུད་ཉེན་རྟོག་པས་ལོ་དེའི་ཕྱི་ཟླ་ ༦ ཚེས་ ༨ དང་ ༩ ཉིན་ཁྱིམ་ཚང་རེ་རེ་བཞིན་ཁྲིམས་འགལ་གྱི་བརྙན་འཕྲིན་བརྒྱུད་གཏོང་ཡོད་མེད་ཞིབ་བཤེར་བྱས་ཡོད་འདུག །ད་བར་དབང་འཛིན་པས་འཁོར་སྡེར་ ༥༠...

ཁ་སང་ཨིན་ཡུལ་གཞུང་གིས་ཡུལ་དེའི་མང་ཚོགས་དང་གྲོས་ཚོགས་འཐུས་མི་མང་དག་ཅིག་གི་ངོ་རྒོལ་ལ་ལྟོས་མེད་རྒྱལ་ས་ London ལོན་ཌོན་ནང་ཡོ་རོབ་ནང་གི་རྒྱ་ནག་གི་གཞུང་ཚབ་ཁང་ཆེ་ཤོས་དེ་གསར་རྒྱག་བྱ་རྒྱུའི་ལས་འཆར་ལ་བཀའ་ཁྲོལ་གནང་བ་ལྟར། དེར་ས་གནས་བོད་མིས་གཙོས་པའི་མང་ཚོགས་ནས་ངོ་རྒོལ་ཀྱི་རྣམ་པ་ཤུགས་ཆེ་སྟོན་བཞིན་འདུག དེ་ཡང་ཨིན་ཡུལ་གྱི་སྲིད་བློན་ Keir Starmer མཆོག་རིང་མིན་རྒྱ་ནག་ཏུ་གཞུང་དོན་འཚམས་གཟིགས་ལ་ཕེབས་འཆར་དང་བསྟུན། ཁ་སང་ཨིན་ཡུལ་གཞུང་གིས་ ༢༠༡༨ ནས་བཀག་འགོག་བྱས་པའི་རྒྱ་ནག་གཞུང་ཚབ་ཁང་གསར་རྒྱག་གི་ལས་འཆར་ལ་མཐའ་མའི་ཆོག་མཆན་གནང་མ་ཐག གཞུང་ཚབ་ཁང་རྒྱག་ཡུལ་ Royal Mint Court  གྱི་ས་གནས་མང་ཚོགས་ནས་གནད་དོན་དེ་ཁྲིམས་ལ་གཏུགས་རྗེས་ཨིན་ཡུལ་གཞུང་གི་ཁྲིམས་ཀྱི་སློབ་སྟོན་པ་ཟུར་པ་ Charles Banner ཅཱལ་སི་བེ་ནཱར་ལགས་གླ་གཡར་བྱ་རྒྱུའི་གྲ་སྒྲིག་གནང་བཞིན་པ་དང་། དེར་ཨིན་ཡུལ་གཞུང་འཛིན་ངལ་སྩོལ་ཚོགས་པའི་གྲོས་ཚོགས་འཐུས་མི་ཁག་གཅིག་གིས་ཀྱང་རྒྱབ་སྐྱོར་ཞུ་རྒྱུ་ཁས་ལེན་གནང་བ་མ་ཟད། ཨིན་ཡུལ་བོད་དོན་རྒྱབ་སྐྱོར་བས་གཙོས་པའི་ཡུ་གུར་བ་དང་། ཧོང་ཀོང་མང་གཙོ་དོན་གཉེར་བ་སོགས་ཀྱིས་ཆོག་མཆན་དེར་ཐ་གཅིག་ཏུ་ངོ་རྒོལ་གནང་བཞིན་འདུག དེའི་ཁྲོད་ཨིན་ཡུལ་རྒྱལ་ས་ལོན་ཌོན་གྱི་ས་གནས་བོད་རང་བཙན་སློབ་ཕྲུག་ཚོགས་པའི་ཚོགས་མི་མཁའ་འགྲོ་ནོར་བུ་ལགས་ཀྱིས་ X སྤྱི་ཚོགས་དྲ་རྒྱའི་ནང་། རྒྱ་ནག་གིས་བོད་བཙན་བཟུང་བྱས་པའི་རྗེས་སུ་ཁོང་གི་ཕ་མ་གཉིས་ཨིན་ཡུལ་དུ་སྐྱབས་བཅོལ་ཞུས་ཡོད་པ་འགྲེལ་བརྗོད་དང་འབྲེལ། དེ་རིང་ཨིན་གཞུང་གིས་རྒྱ་ནག་གཞུང་ཚབ་གསར་རྒྱག་གི་ལས་འཆར་ལ་བཀའ་ཁྲོལ་སྤྲད་པ་དེས་རྒྱ་ནག་གཞུང་གིས་ད་བར་ཁྲིམས་འགལ་གྱི་བྱ་སྤྱོད་སྤེལ་བ་དེ་དག་ལ་རྒྱབ་སྐྱོར་བྱས་པ་ལྟ་བུར་གྱུར་ཡོད་ཅིང་། ང་ལྟ་བུ་མང་གཙོ་དོན་གཉེར་བ་སོགས་ཀྱི་བདེ་འཇགས་ལའང་ཉེན་ཁ་བཟོས་ཡོད་པ་རེད་ཅེས་བརྗོད་འདུག ཕྱོགས་མཚུངས་ཨིན་ཡུལ་བོད་ཀྱི་སྐུ་ཚབ་དོན་གཅོད་ལས་ཁུངས་ཀྱི་དྲུང་ཆེ་བསྟན་འཛིན་ཀུན་དགའ་ལགས་ཀྱིས་འདི་ག་གསར་འགོད་པར་ལོ་ཤས་ནས་བཟུང་ཨིན་ཡུལ་གྱི་རྒྱལ་ས་ལོན་ཌོན་དུ་རྒྱ་ནག་གཞུང་ཚབ་གསར་རྒྱག་གི་ལས་འཆར་དང་འབྲེལ་བའི་གླེང་སློང་ཆེན་པོ་བྱུང་ཡོད་ཀྱང་། ཁ་སང་ཨིན་གཞུང་གིས་གཞི་རྒྱ་ཆེ་བའི་རྒྱ་ནག་གཞུང་ཚབ་གསར་རྒྱག་གི་ལས་འཆར་ལ་ཆོག་མཆན་སྤྲད་པར་ཨིན་ཡུལ་བོད་ཀྱི་སྐུ་ཚབ་དོན་ཁང་ནས་བློ་ཕམ་ཆེན་པོ་བྱུང་ཡོད་པ་མ་ཟད། རྒྱ་ནག་གཞུང་ཚབ་ཁང་གི་བརྒྱུད་རྒྱལ་མཚམས་ལས་བརྒལ་བའི་གཉའ་གནོན་དང་བོད་རིགས་གཙོས་པའི་ཡུ་གུར་བ་དང་། ཧོང་ཀོང་མང་གཙོ་དོན་གཉེར་བ་སོགས་ལ་སོ་ལྟ་དང་བདེ་འཇགས་ཀྱི་ཉེན་ཁ་ཆེ་རུ་འགྲོ་ཉེན་ཡོད་པ་གསུངས་སོང་། དེ་བཞིན་ཨིན་ཡུལ་གྱི་གྲོས་ཚོགས་འཐུས་མི་དང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ Chris Law ཁི་རིས་ལོ་ལགས་ཀྱིས་ Politicshome དྲ་ཚིགས་ཐོག་དཔྱད་གཏམ་ཞིག་འདོན་སྤེལ་གནང་བའི་ནང་། ཨིན་ཡུལ་གཞུང་གི་ཐག་གཅོད་དེས་གཞུང་གི་འཐུས་ཤོར་ཙམ་མ་ཡིན་པར།...

རྒྱ་གར་ལྷོ་ཕྱོགས་མོན་གྷོ་དགའ་ལྡན་ཤར་རྩེའི་ཆོས་རྭ་ལེགས་བཤད་ཀུན་སྒྲོག་གླིང་དུ་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་འགོ་འཛུགས་གནང་སོང་བ་དང་འབྲེལ། རང་དབང་ལུང་པའི་ནང་ཡོད་པའི་བོད་པའི་གཞོན་སྐྱེས་ཚོས་བོད་ཀྱི་སྐད་ཡིག་མི་ཉམས་རྒྱུན་འཛིན་གནང་དགོས་གལ་ཡིན་པ་ནན་བརྗོད་གནང་སོང་། དེ་ཡང་རྒྱ་གར་ལྷོ་ཕྱོགས་དགའ་ལྡན་ཤར་རྩེ་གྲྭ་ཚང་གི་གོ་སྒྲིག་འོག་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་འདི་བཞིན། དེ་རིང་ཕྱི་ཟླ་ ༡ ཚེས་ ༢༡ ཉིན་རྒྱབ་ཕྱག་ཚོད་ ༢ ནས་འགོ་འཛུགས་ཀྱིས་ཚེས་ ༢༦ བར་ཉིན་གྲངས་དྲུག་རིང་འཚོགས་བཞིན་ཡོད་པ་དང་། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་ཞྭ་སེར་བསྟན་པའི་གསལ་བྱེད་མཚུངས་མེད་ཤར་པ་ཆོས་རྗེ་༸རྗེ་བཙུན་ངག་དབང་འབྱོར་ལྡན་མཆོག་གིས་དབུས་པའི་དམིགས་བསལ་སྐུ་མགྲོན་དགའ་ལྡན་ཤར་རྩེ་མཁན་རིན་པོ་ཆེ་བྱང་ཆུབ་སངས་རྒྱས་མཆོག དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག མོན་གྷོ་འདོད་རྒུ་གླིང་གི་ས་གནས་འགོ་འཛིན་རིན་ཆེན་དབང་མོ་ལགས། སྐུ་མགྲོན་གཞན། མཐོ་རིམ་སློབ་མའི་ཚོགས་ཆེན་སྐབས་ ༡༨ པའི་ཚོགས་གཙོ་དང་རྒྱུན་ལས། དེ་བཞིན་མཐོ་སློབ་དང་དགོན་སྡེ་ཁག་ ༣༠ ལྷག་ནས་ཚོགས་བཅར་བ་དང་ཧྥ་རན་སི་དང་སུད་སི་སོགས་ཕྱི་རྒྱལ་ཡུལ་གྲུ་ཁག་ནས་སློབ་མ་ ༣༠ ཙམ་བཅས་ཁྱོན་མི་གྲགས་ ༡༠༠ ལྷག་ལྷན་ཞུགས་གནང་འདུག སྐབས་དེར་སྐུ་མགྲོན་གཙོ་བོ་མཆོག་གིས། ད་བར་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ ཚོགས་ཐུབ་ཡོད་པར་ཧ་ཅང་ཡག་པོ་རེད་ཅེས་བསྔགས་བརྗོད་དང་འབྲེལ། འཛམ་གླིང་འདིའི་ནང་ཤེས་ཡོན་ཡོད་པའི་ཐོག་ནས་སྤྱི་ཚོགས་ཞབས་ཞུ་རྒྱ་ཆེ་སྒྲུབ་བཞིན་ཡོད་པའི་སྐྱེ་བུ་དེ་དག་ལ་ཁ་མིག་ཡར་ལྟ་བྱས་ནས། སོ་སོ་རང་ཉིད་ཀྱང་དེ་མཚུངས་ཀྱི་དམིགས་ཡུལ་རྒྱ་ཆེར་འཛིན་ན། མ་འོངས་པར་དེ་ལྟར་བསྒྲུབ་རྒྱུ་ངེས་པ་ཡིན་སྟབས་པར་དེའང་གཞན་ལ་ཕན་ཐོགས་དགོས་རྒྱུ་གལ་ཆེན་པོ་ཡིན་མ་ཟད། བོད་ཀྱི་སྐད་དང་ཡི་གེ་ལ་གཅེས་འཛིན་དང་། དེང་དུས་ཀྱི་སློབ་སྦྱོང་ཡོད་པའི་ཐོག་ནས་ཡ་རབས་བཟང་སྤྱོད་ལྡན་པའི་མི་ཞིག་བྱ་དགོས་གལ་སོགས་ཀྱི་ལམ་སྟོན་གནང་སོང་།...

ཉེ་སྔོན་གཞུང་རྟེན་དགྲ་ལྷའི་གཙོ་བོ་གནས་ཆུང་ཆོས་རྒྱལ་ཆེན་པོའི་བཀའ་ལུང་དང་འབྲེལ། ཟླ་བ་འདིའི་ཕྱི་ཚེས་ ༩ ཉིན་འབྲས་སྤུངས་བླ་སྤྱི་ནས་ལས་ཐོག་དགེ་ལུགས་སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས་དང་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་རྣམས་གཉིས་ལ་འབྲས་སྤུངས་ལྷ་མོ་ཁང་དུ་གནས་ཆུང་ཆོས་རྒྱལ་ཆེན་པོས་བཀའ་ལུང་སྩལ་བའི་དགོངས་དོན་ལྟར་ཉེས་པ་ལ་ཉེས་བར་མཐོང་སྟེ། སྔར་བྱས་ལ་འགྱོད་བཤགས་དང༌། ཕྱིན་ཆད་མི་བྱེད་པའི་ཁས་ལེན་དམ་བཅའ་གཙང་མ་འཇོག་དགོས་པའི་སྐུལ་འདེད་གནང་བ་བཞིན། དེ་རིང་དགེ་ལུགས་སྤྱི་འཐུས་གཉིས་པོས་འབྲས་སྤུངས་ཚོགས་ཆེན་དུ་བཤགས་སྡོམ་ཁས་ལེན་དམ་བཅའ་ཕུལ་འདུག རྩ་བའི་ཕྱི་ལོ་ ༢༠༢༥ ལོའི་ཟླ་ ༡༢ ཚེས་ ༢༤ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བྱེས་ཀྱི་འབྲས་སྤུངས་བླ་སྤྱི་རུ་འབྲས་སྤུངས་ཁྲི་པར་གསེར་ཁྲིར་མངའ་གསོལ་མཛད་རྗེས།  ཚེས་ ༢༧ ཉིན་གཞུང་རྟེན་དགྲ་ལྷའི་གཙོ་བོ་གནས་ཆུང་ཆོས་རྒྱལ་ཆེན་པོའི་སྤྱན་འདྲེན་སྐབས། དཔལ་ལྡན་འབྲས་དཀར་སྤུངས་པའི་མཁན་བླ་འདུས་སྡེ་སྤྱི་ནས་ངོས་ཀྱི་སློབ་དཔོན་མཐོང་བ་དོན་ལྡན་མཆོག་ལ་སྐུ་ཚེ་ཞབས་པད་བརྟན་ཕྱིར་བརྟན་བཞུགས་ཟབ་མོ་ལེགས་པར་བགྱིས་པ་འདི་ནི་ཤིན་ཏུ་ལེགས་ལ།  འོན་ཀྱང་ཕྱི་ཡི་རིམ་གྲོ་བསྒྲུབས་དང་སྒྲུབ་བཞིན་ནའང་ནང་དུ་དམ་ཚིག་མི་གཙང་བའི་འགལ་རྐྱེན་ཡོད་ཙ་ན། རང་ཅག་རི་བོ་དགེ་ལུགས་པའི་མགྲིན་ཚབ་མིང་ཅན་རེ་པ་གཉིས་ནས་འབྱུང་པོས་རྒྱུད་བསྐུལ་ཏེ་ངག་བློ་ཐལ་ཏེ་གང་བྱུང་བྱ་ངན་དང༌། ངོས་ཀྱི་སློབ་དཔོན་མཐོང་བ་དོན་ལྡན་མཆོག་ལ་མཚན་སྨད་ཞུ་བ་དང༌། ཁ་བའི་ལྗོངས་ཀྱི་སྤྱི་དོན་བོར་ཏེ་ཆོལ་ཁ་ཆོས་ལུགས་འཐེན་འཁྱེར་བགྱིས་པ་འདི་ནི་སྐྱེ་བོ་ཀུན་གྱི་མིག་གིས་མཐོང་བ་དེ་ཡིན་ལ། དེས་མཚོན་པས་དགྲ་བཅོམ་འཕགས་པའི་དགེ་འདུན་རྣམས་ལ་ཡང་མཚན་སྨད་ཞུ་བའི་དུས་ལ་བབས་པས་ན་འགན་འཁུར་བ་རྣམ་པས་མཚམས་འཇོག་ལེགས་པར་བགྱིད་ན་ལེགས་སོ་ཞེས་རྡོ་རྗེའི་བཀའ་ལུང་ཕེབས་ཡོད་པ་རེད། དེ་འབྲེལ་ཕྱི་ལོ་ ༢༠༢༦ ཕྱི་ཟླ་ ༡ པོའི་ཚེས་ ༩ ཉིན་འབྲས་སྤུངས་བླ་སྤྱི་ནས་ཐག་གཅོད་གསལ་བསྒྲགས་བསྐྱངས་པའི་ནང་དུ། དགེ་ལུགས་སྤྱི་འཐུས་ལས་ཐོག་གཉིས་ནས་ཟླ་བ་འདིའི་ཚེས་ ༡༩ ནང་ཚུད་ལ་གྲྭ་སར་འབྱོར་བ་གནང་སྟེ།  ཕྱི་ཚེས་ ༢༠ འམ་བོད་ཟླ་ ༡༢ ཀྱི་ཚེས་ ༢...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་གྱི་རྒྱལ་ས་ལྡི་ལི་དང་། ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས། དེ་བཞིན་ཨ་རི་དང་། ཡུ་རོབ་ཀྱི་རྒྱལ་ཁབ་གཉིས་བཅས་ཀྱི་ནང་གཞུང་འབྲེལ་འཚམས་གཟིགས་དབུ་འཛུགས་གནང་འདུག དེ་ཡང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། དེ་རིང་ཕྱི་ཚེས་ ༢༠ ཉིན་ནས་དབུ་འཛུགས་ཀྱིས་ཚེས་ ༢༥ བར་ཐོག་མར་རྒྱ་གར་གྱི་རྒྱལ་ས་ལྡི་ལི་དང་། སྦེལ་ཀོབ་བཅས་སུ་ཕེབས་རྒྱུ་མ་ཟད། ཚེས་ ༢༦ ནས་ཕྱི་ཟླ་ ༢ ཚེས་ ༦ བར་ཨ་རི་དང་། དེ་ནས་ཚེས་ ༧ ནས་དབུ་འཛུགས་ཀྱིས་གཟའ་འཁོར་གཅིག་ལྷག་ཙམ་རིང་ཡུ་རོབ་སུད་སི་དང་ཧུང་གྷ་རི་བཅས་སུ་ཕྱོགས་ཕེབས་གནང་གཏན་འཁེལ་འདུག གནས་ཚུལ་ནང་སྲིད་སྐྱོང་མཆོག་གིས་ཕྱོགས་ཕེབས་དེའི་ཁྲོད་ས་གནས་སོ་སོའི་གནས་ཡོད་མི་སྣ་ཁག་གཅིག་མཇལ་འཕྲད་དང་། དེ་བཞིན་ཇི་ཎི་ཝ་ལྷན་ཚོགས་གཙོས་པའི་གལ་ཆེའི་ཚོགས་འདུ་རིམ་པའི་ནང་ཆ་ཤས་བླང་རྒྱུ་ཡིན་པ་གསུངས་འདུག ལས་རིམ་ལ་གཞིགས་ན་སྲིད་སྐྱོང་མཆོག་བཞུགས་སྒར་དུ་ཕྱི་ཟླ་ ༢ ཚེས་ ༡༥ སྟེ། ལོ་གསར་གོང་ཙམ་མ་གཏོགས་ཕྱིར་ལོག་གནང་གི་མེད་པ་དང་། སྲིད་སྤྱི་གཉིས་ཀྱི་འོས་བསྡུ་ཆེན་མོའི་སྐབས་ཁོང་ཨ་རིའི་ནང་ཡོད་པ་ཆགས་ཀྱི་འདུག སྤྱིར་བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུ་ཆེན་མོ་སླེབས་ལ་ཉེ་བ་དང་བསྟུན། ཐེངས་འདིའི་འོས་བསྡུ་ཆེན་མོའི་ནང་སྲིད་སྐྱོང་གི་འོས་གཞིར་བཞེངས་མཁན་ཁོངས་སུ་སྲིད་སྐྱོང་ལས་ཐོག་སྤེན་པ་ཚེ་རིང་མཆོག་དང་། ཕྱི་ལོ་ ༢༠༢༡ ལོའི་སྲིད་སྐྱོང་འོས་མི་དབུ་དཀར་ཚང་སྐལ་རྡོར་ལགས། དེ་བཞིན་སློབ་དགར་ཚེ་རིང་ཕུན་ཚོགས་ལགས་སོགས་བོད་མི་ཁག་གཅིག་ཡོད་པ་རེད། འོས་མི་གཞན་རྣམས་ཀྱིས་སྤྱི་ཚོགས་དྲྭ་ལམ་དང་གཞན་ཡང་བོད་མི་གནས་སྡོད་ས་གནས་ཁག་ཏུ་ཆེད་ཕེབས་ཀྱིས་འོས་བསྡུའི་དྲིལ་བསྒྲགས་ཀྱི་ལས་དོན་སྤེལ་མུས་ཡིན་པ་དེ་ལྟར་ཡང་། སྲིད་སྐྱོང་སྤེན་པ་ཚེ་རིང་མཆོག་གིས་དེ་སྔོན་གསར་འགོད་པར་ཁོང་ནས་བགྲོ་གླེང་དང་བཅར་འདྲི་སོགས་ཀྱི་བརྒྱུད་འོས་བསྡུའི་དྲིལ་བསྒྲགས་ཀྱི་ལས་དོན་རིགས་ཀྱི་ནང་བཞུགས་རྒྱུ་མིན་སྐོར་གསུངས་བ་ལྟར། འདི་ག་རླུང་འཕྲིན་ཁང་གིས་ད་བར་ཁོང་ལ་བཅར་འདྲི་ཞུ་ཐབས་ལན་མང་བྱས་ཀྱང་བཅར་འདྲི་དང་ལེན་གནང་མ་སོང་།...

ཕྱི་ལོ་ ༢༠༢༦ ལོའི་དཔྱིད་ཀའི་དུས་ཀྱི་ཡུལ་སྐོར་དུས་སྟོན་སླེབས་ལ་ཉེ་བ་དང་བསྟུན། རྒྱ་ནག་གཞུང་གིས་ཟླ་བ་འདིའི་ཚེས་ ༡༦ ཉིན་རྒྱ་གཞུང་གིས་དབྱེ་བའི་བོད་མཚོ་སྔོན་ཞིང་ཆེན་ནས་འགོ་བཙུགས་ཏེ། རྒྱ་ནག་ལྷོ་ངོས་ཀྱི་ Guangdong གོ་ཝང་དོང་དང་ཧོང་ཀོང་། མེ་ཀའོ། དེ་བཞིན་ཧེ་ནན་སོགས་ཀྱི་མཚོ་འགྲམ་གྲོང་ཁྱེར་ཁག་ཏུ་བསྐྱོད་མཁན་གྱི་ཡུལ་སྐོར་བའི་མེ་འཁོར་ཐོག་མ་དེ་འགོ་བཙུགས་འདུག དེ་ཡང་ཉེ་ཆར་རྒྱ་ནག་གཞུང་འབྲེལ་བརྒྱུད་ལམ་ཁག་གི་གནས་ཚུལ་སྤེལ་བར་གཞིགས་ན། བདུན་ཕྲག་སྔོན་མའི་རེས་གཟའ་པ་སངས་ཉིན་བོད་དང་རྒྱ་ནག་གི་གྲོང་ཁྱེར་ཆེ་ཁག་བར་གྱི་ཡུལ་སྐོར་བའི་མེ་འཁོར་དེ་དངོས་སུ་འགོ་བཙུགས་ཡོད་པ་དང་། དེའང་བོད་མཚོ་སྔོན་ཞིང་ཆེན་ཟེར་བའི་ཟི་ལིང་མེ་འཁོར་འབབ་ཚུགས་ནས་འགོ་བཙུགས་ཏེ་ཡུལ་སྐོར་བ་རྣམས་ལ་ཉིན་གྲངས་ ༡༤ རིང་མེ་འཁོར་དང་རྒྱ་ལམ། དེ་བཞིན་མཚོ་ཐོག་བཅས་འགྲུལ་བཞུད་ཀྱི་བརྒྱུད་ལམ་འདྲ་མིན་གྱི་ཐོག་ནས་རྒྱ་ནག་གིས་ཆང་ཤ་གྲོང་ཁྱེར་དང་། Guangzhou གོ་ཝང་ཀྲུ། Shenzhen ཤེན་ཇན། Hong Kong ཧོང་ཀོང་། Macao མེ་ཀའོ། Zhuhai ཇུ་ཧཡེ། དེ་བཞིན་ Haikou ཧཡེ་ཀའོ་སོགས་རྒྱ་ནག་དབུས་དང་ལྷོ་ཕྱོགས་ཀྱི་ཞིང་ཆེན་འདྲ་མིན་ནང་གི་གྲོང་ཁྱེར་ཆེ་ཁག་ཏུ་འགྲིམ་འགྲུལ་བྱེད་ཀྱི་ཡོད་འདུག ཤེས་རྟོགས་བྱུང་བར་གཞིགས་ན། ཡུལ་སྐོར་བའི་མི་འཁོར་འདི་ལོངས་སུ་སྤྱོད་མཁན་རྒྱ་རིགས་བརྒྱ་ཆ་ ༧༠ ལྷག་ལོ་ན་ ༦༥ ཡས་མས་ཀྱི་རྒན་གྲས་ཤ་སྟག་ཡིན་པ་དང་། དེའི་ནང་ནས་ལོ་ཆེ་ཤོས་དེ་ ༨༡...