བོད་ཀྱི་གནོད་ཐེབས་ས་ཁུལ་གྱི་བརྙན་དང་གནས་ཚུལ་ཤེས་རྟོགས་ཐུབ་པར་དཀའ་བར་གྱུར་ཡོད་པ་རེད།

སྐྱིད་གྲོང་འགག་སྒོ་གནས་ཡུལ་གྱི་གྲོང་ཚོའི་ཁྱིམ་དུད་ ༡༥ ལ་གནོད་འཚེ་ཕོག་ཡོད་པ་དང་སྣེ་ཤེན་པ་ ༡༠ གར་སོང་ཆ་མེད་དུ་སོང་བ།

༧གོང་ས་༧སྐྱབས་མགོན་ཆེན་པོ་མཆོག་ལ་ལ་དྭགས་ཀྱི་ཆོས་ལུགས་འདྲ་མིན་གྱིས་ཆེ་བསྟོད་སྣེ་ལེན་ཞུས་པ།

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༩ པའི་ཚེས་ ༡ ཉིན་རྒྱབ་དཔལ་ལྡན་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་དྷ་ས་འཛིན་སྐྱོང་སྦྱོང་བརྡར་ཁང་དུ་ཉེ་ཆར་གསར་འདེམས་བྱུང་བའི་སྲི་ཞུའི་ལས་བྱེད་རྣམས་ལ་བཙན་བྱོལ་བོད་མིའི་བཅའ་ཁྲིམས་སྐོར་ལ་ཟབ་ཁྲིད་གནང་ཡོད་པ་རེད།  དེ་ཡང་དཔལ་ལྡན་ཚོགས་གཞོན་མཆོག་གིས་གཙོ་བོ་བཅའ་ཁྲིམས་དང་རྩ་ཁྲིམས་གཉིས་ཀྱི་ཁྱད་པར་དང་། ཕྱི་ལོ་ ༡༩༩༡ ལོར་སྐབས་བཅུ་གཅིག་པའི་བོད་མི་མང་སྤྱི་འཐུས་ལྷན་ཚོགས་ནས་བཅའ་ཁྲིམས་གཏན་འབེབས་ཇི་ལྟར་གནང་ཚུལ། བཅའ་ཁྲིམས་ཀྱི་སྔོན་གླེང་དང་། ལེའུ་བཅུ་གཅིག་དང་དོན་ཚན་བརྒྱ་དང་བཅོ་ལྔ་ཡོད་པ་དེ་དག་རེ་རེའི་ཐོག་འགྲེལ་བརྗོད་ཞིབ་རྒྱས། ཕྱི་ལོ་ ༢༠༡༡ ལོར་༧གོང་ས་མཆོག་གིས་ཆབ་སྲིད་ཀྱི་སྐུ་དབང་རྩིས་སྤྲོད་མཛད་རྗེས། གྲོས་ཚོགས་ནས་བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་བསྐོ་གཞག་དང་འབྲེལ། སྐབས་ ༡༤ པའི་གྲོས་ཚོགས་ཚོགས་དུས་འཕར་མ་ཚོགས་ཏེ། བཅའ་ཁྲིམས་བསྐྱར་བཅོས་ཉེར་ལྔ་པ་གཏན་འབེབས་གནང་བའི་སྐོར། ད་བར་བཅའ་ཁྲིམས་བསྐྱར་བཅོས་ཇི་སོང་སོགས་ཀྱི་ཐོག་ཟབ་ཁྲིད་གནང་བ་དང་། དེ་བཞིན་ཟབ་སྦྱོང་བ་སྲི་ཞུའི་ལས་བྱེད་གསར་པ་རྣམས་ཀྱིས་དོགས་འདྲི་ཕུལ་བ་ཁག་ལ་དཔལ་ལྡན་ཚོགས་གཞོན་མཆོག་གིས་ལན་འདེབས་གསལ་བཤད་གནང་སོང་། གསར་འདེམས་བྱུང་བའི་སྲི་ཞུའི་ལས་བྱེད་རྣམས་ཀྱི་ཟབ་སྦྱོང་དེ་བཞིན་བོད་མིའི་སྒྲིག་འཛུགས་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་འོག་ཕྱི་ལོ་ ༢༠༢༦ ཟླ་བ་ ༩ ཚེས་ ༡ ནས་ ༡༩ བར་འཚོགས་རྒྱུ་ཡིན་འདུག་པ་བཅས། །

བལ་བོད་ས་མཚམས་ཀྱི་འདམ་རུད་དང་ཆུ་ལོག་གི་གོད་ཆག་ལས་མིག་དཔེ་བླངས་ཏེ། རྒྱ་གར་དང་བྷང་ལ་ཌི་ཤི་སོགས་ཀྱིས་རྒྱ་ནག་གི་ཆུའི་དམག་འཁྲུག་ལ་གདོང་ལེན་བྱ་དགོས་པའི་སྐུལ་མ་བྱས་སོང་། དེ་རིང་སྔ་དྲོའི་ཆུ་ཚོད་ ༡༡ སྟེང་དྷ་ས་ས་གནས་མགོ་འཛིན་ལས་ཁུངས་ཀྱི་ཚོགས་ཁང་དུ། བོད་རང་བཙན་སློབ་ཕྲུག་ཚོགས་པ་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཉིས་ཟུང་འབྲེལ་ཐོག ཨེ་ཤ་ཡའི་ཆུ་བོའི་འགོ་ཁུངས་ཀྱི་དཀའ་ཉེན། བོད་དང་བལ་ཡུལ་གྱི་ཆུ་རུད་ཀྱི་གོད་ཆག་ལ་ཁ་གསལ་གྱི་གནས་ཚུལ་དགོས། ཞེས་པའི་བརྗོད་གཞིའི་ཐོག་བགྲོ་གླེང་བྱས་ཏེ་གསར་འགོད་གསལ་བསྒྲགས་ཤིག་སྤེལ་སོང་། གསར་འགོད་གསལ་བསྒྲགས་དེའི་སྟེང་དུ་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་དོན་གྲུབ་དབང་མོ་ལགས། བོད་སྐྱིད་རོང་ནས་ཡིན་པའི་རྒན་བྱམས་པ་དཔལ་ལྡན་ལགས་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ཉམས་ཞིབ་པ་བློ་བཟང་དབྱངས་མཚོ་ལགས། དེ་བཞིན་བོད་རང་བཙན་སློབ་ཕྲུག་ཚོགས་པའི་རྒྱ་གར་གྱི་འགན་འཛིན་བསྟན་འཛིན་པ་སངས་ལགས་དང་ལས་འཆར་འགན་འཛིན་བཀྲ་ཤིས་དོན་གྲུབ་ལགས། གཞན་ཡང་རྒྱ་གར་དང་བོད་པའི་གསར་འགོད་པ་བཅས་འཛོམས་འདུག འདི་གའི་གསར་འགོད་པས་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ཉམས་ཞིབ་པ་རྒན་པ་བློ་བཟང་དབྱངས་མཚོ་ལགས་སུ་གསར་འགོད་གསལ་བསྒྲགས་དེའི་དགོས་དམིགས་སྐོར་དྲིས་པར་ཁོང་མོས། དེ་རིང་འདིར་གཙོ་བོ་བོད་དང་བལ་ཡུལ་གྱི་ས་མཚམས་ལ་ཆུ་ལོག་བྱུང་བའི་གནད་དོན་དེ་རེད། དེ་ཡང་ཛ་དྲག་ཅིག་ནི་བོད་ནང་གི་བོད་མི་ཚོའི་གནས་སྟངས་དང་བོད་ཀྱི་ཁོར་ཡུག་ལ་གཏོར་སྐྱོན་བཏང་བའི་གནས་ཚུལ་རྣམས་རྒྱ་ནག་གཞུང་གིས་བཀག་སྡོམ་བྱེད་བཞིན་པ་དེ་རེད།  དམིགས་བསལ་བོད་ནང་གི་བོད་མི་ཚོར་ཆུ་ལོག་དང་འབྲེལ་བའི་གནས་ཚུལ་བརྒྱུད་སྐུར་བྱས་པར་ཁ་གཡར་ནས་ཉེས་ཆད་གཅོད་ཀྱི་ཡོད་པའི་སེམས་འཚབ་དགོས་པའི་གནས་སྟངས་ཡོང་གི་ཡོད་སྟབས། དེ་རིང་གསར་འགོད་གསལ་བསྒྲགས་འདི་བྱས་པ་ཡིན། ཞེས་བརྗོད་བྱུང་། རྒྱ་ནག་གཞུང་གིས་བལ་ཡུལ་དང་རྒྱ་གར་ལ་བོད་ནང་གི་ས་མཚམས་ཀྱི་འཛུགས་སྐྲུན་ཁག་དང་ཆུ་མཛོད་སོགས་ཀྱི་གནས་ཚུལ་མཁོ་སྤྲོད་བྱེད་ཀྱི་མེད་སྟབས། ད་ལན་གྱི་བལ་བོད་ས་མཚམས་ཀྱི་གོད་ཆག་འདི་ལས་མིག་དཔེ་བླངས་ཏེ། རྒྱ་གར་དང་བྷང་ལ་ཌི་ཤི་སོགས་ཀྱིས་རྒྱ་ནག་གཞུང་ལ་གནོད་ཤུགས་སྤྲད་དེ་མ་འོངས་པར་ཉེན་སྲུང་བྱེད་དགོས་པ་མ་ཟད། འཚོག་ལ་ཉེ་བའི་བྷི་རིག་ཚོགས་ཆེན་སྟེང་རྒྱ་གར་དུ་ཞི་ཅིན་ཕིན་ནམ་རྒྱ་ནག་གི་དཔོན་རིགས་སུ་ཡོང་ལ་ཡར་ལུང་གཙང་པོའི་སྟེང་རྒྱག་བཞིན་པའི་འཛམ་གླིང་གི་ཆུ་མཛོད་ཆེ་ཤོས་ཀྱི་གནས་ཚུལ་དང་། ད་ལྟ་བོད་ཀྱི་ཁོར་ཡུག་ལ་འཕྲད་བཞིན་པའི་དཀའ་ངལ་ཀྱི་གནས་ཚུལ་རྣམས་གླེང་སློང་བྱ་རྒྱུ་གལ་ཆེན་ཆེ་ཡོད་སྐོར་དང་། བོད་ཀྱི་ཁོར་ཡུག་གི་གནད་དོན་ནི་བོད་མི་ཁོ་ན་ཙམ་གྱི་དཀའ་ངལ་མ་ཡིན་པར་ཨེ་ཤ་ཡའི་མི་གྲངས་ས་ཡ་མང་པོའི་འཚོ་གནས་ལ་ཐད་ཀར་འབྲེལ་བ་ཡོད་པས། རྒྱ་གར་དང་བྷང་ལ་ཌི་ཤི་གཉིས་ཀྱིས་རྒྱ་ནག་གཞུང་ལ་བོད་ཀྱི་ཁོར་ཡུག་གི་གནད་དོན་གླེང་སློང་བྱ་རྒྱུ་རྗེས་ལུས་ཐེབས་མེད་ན་སྔ་དྲགས་མེད་སྐོར་སོགས་བརྗོད་བྱུང་། བོད་སྐྱིད་གྲོང་ནས་ཡིན་པའི་རྒན་བྱམས་པ་དཔལ་ལྡན་ལགས་ཀྱིས། བོད་ནང་གི་བོད་མི་ཚོར་ཞིབ་བཤེར་དམ་པོ་བྱེད་ཀྱི་ཡོད་པས། ཁོང་ཚོས་རང་གི་སྤྱི་ཚོགས་དྲ་ལམ་དང་བོད་ཕྱི་ལ་ཡོད་པའི་ནང་མི་ཚོར་གནས་ཚུལ་དང་སྐད་འཕྲིན་གཏོང་བར་རང་དབང་མེད། བཀག་སྡོམ་འདི་དག་ནི་བོད་ནང་གི་གོད་ཆག་གི་པར་དང་བརྙན་ཐུང་གི་དཔང་རྟགས་གང་ཡང་ཕྱིར་མ་ཐོན་པའི་རྒྱུ་མཚན་གཙོ་བོ་དེ་ཡིན། བོད་ཕྱི་ལོགས་སུ་ཡོད་པའི་བོད་མི་ཚོར་ང་ཚོའི་བོད་རིགས་སྤུན་ཟླ་ཇི་ཙམ་རྐྱེན་ལམ་དུ་སོང་ཡོད་མེད་དང༌། མྱུར་སྐྱོབ་དང་རོགས་སྐྱོར་གྱི་ལས་འགུལ་སོགས་དངོས་ཡོད་གནས་སྟངས་ཤེས་རྟོགས་ཐུབ་པའི་ཁུངས་བཙན་གྱི་ལམ་ཁ་མེད་པ་རེད་ཅེས་བརྗོད་སོང་། བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་དོན་གྲུབ་དབང་མོ་ལགས་ཀྱིས།  ཡིད་སྐྱོའི་གོད་ཆག་ཚབས་ཆེན་འདི་ནི་བོད་མི་ཚོས་མི་ལོ་བཅུ་ཕྲག་མང་པོའི་རིང་སྐད་ཤུགས་མཐོན་པོར་བརྗོད་ཡོད། མཐོ་སྒང་བོད་ཀྱི་ས་ཁམས་ནི་ས་གཤིས་ཀྱི་ཆ་ནས་བརྟན་པོ་མེད་པ་དང་གོ་ལའི་ཚ་དྲོད་འཕེལ་རྒྱས་ཀྱིས་གནོད་སྐྱོན་ཕོག་པའི་ཉེན་ཁ་ཆེན་པོ་ཡོད་པ་དང༌། གཏན་དུ་འཁྱགས་པར་གནས་པའི་འཁྱགས་རོམ་རྣམས་ཞུ་བ་དང་འཁྱགས་རོམ་རྣམས་ཕྱིར་ཤིག་གམ་འགུལ་བསྐྱོད་ཐེབས་ཀྱི་ཡོད། ཛ་དྲག་གི་གནས་སྟངས་འདི་འདྲ་གྱུར་ཡོད་ནའང་། རྒྱ་དམར་གཞུང་གིས་བོད་ནང་མུ་མཐུད་འཛུགས་སྐྲུན་དང་ཆུ་ཤུགས་གློག་ཁང་གསར་རྒྱག་གིས་ཁོར་ཡུག་ལ་ཤུགས་རྐྱེན་ཇི་ཙམ་ཐེབས་ཡོད་མེད་ཐད་སྙན་ཐོ་མཉམ་སྤྱོད་བྱེད་ཀྱི་མེད། ཉེ་ཆར་རྒྱ་ནག་གི་ས་ཁམས་རིག་པ་བ་དང་ཁོར་ཡུག་ཞིབ་འཇུག་པ་ཚོས་མེ་ཏོག་ཆུ་རགས་ཀྱི་ཉེན་ཁའི་སྐོར་ལ་སྔོན་བརྡ་བཏང་ཡོད་ཅིང༌།...

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཕྱི་ལོ་ ༢༠༢༦ ཟླ་བ་ ༩ ཚེས་ ༢ ནས་ ༦ བར་རྒྱ་གར་གྱི་རྒྱལ་ས་ལྡི་ལིར་བོད་ཀྱི་དུས་སྟོན་སྲུང་བརྩི་དང་། ས་གནས་ཀྱི་གནད་ཡོད་མི་སྣ་ཁག་མཇལ་འཕྲད་གནང་རྒྱུ། དེ་བཞིན་རྒྱ་ནག་དཔྱད་ཞིབ་དང་ཐབས་བྱུས་ལྟེ་གནས་ཁང་ (Centre for China Analysis and Strategy) ནས་མགྲོན་འབོད་གནང་དོན་ལྟར་པུ་ནེར་ཚོགས་འདུ་གལ་ཆེན་ནང་མཉམ་ཞུགས་གནང་ཆེད་གཞུང་འབྲེལ་ཕྱོགས་ཕེབས་གནང་གཏན་འཁེལ་ཡོད་པ་བཅས།།

ཉེ་ཆར་བོད་སྐྱིད་གྲོང་ཁུལ་དང་བལ་ཡུལ་གྱི་ས་ཆ་ཁག་ལ་ཆུ་ལོག་བརྒྱབ་ནས་མི་མང་པོ་འདས་གྲོངས་སུ་གྱུར་བ་དང་། བརྒྱ་ཕྲག་མང་པོ་གར་སོང་ཆ་མེད་དུ་གྱུར་ཡོད་ཀྱང་། རྒྱ་ནག་གིས་བོད་སྐྱིད་གྲོང་ས་ཁུལ་གྱི་གནས་ཚུལ་ལ་དམ་དྲག་དང་བཀག་འགོག་ཤུགས་ཆེན་བྱེད་བཞིན་ཡོད་པའི་རྐྱེན་གྱིས་ད་དུང་ཡང་གནས་ཚུལ་དངོས་དེ་ཤེས་རྟོགས་ཐུབ་ཀྱི་མེད་པར་བརྟེན། རྒྱ་གར་བོད་རང་བཙན་སློབ་ཕྲུག་ཚོགས་པ་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཉིས་ཀྱིས་དྷ་ས་ས་གནས་འགོ་འཛིན་ཚོགས་ཁང་དུ། ཨེ་ཤེ་ཡའི་ཆུ་བོའི་འགོ་ཁུངས་ཀྱི་དཀའ་ཉེན། བོད་དང་བལ་ཡུལ་གྱི་ཆུ་རུད་ཀྱི་གོད་ཆག་ལ་ཁ་གསལ་གྱི་གནས་ཚུལ་དགོས་ཞེས་པའི་གསར་འགོད་གསལ་བསྒྲགས་ཤིག་སྤེལ་སོང་། The post སྐྱིད་གྲོང་གི་ཆུ་རུད་གོད་ཆག་གནས་ཚུལ་ཕྱི་གསལ་ནང་གསལ་དགོས་པའི་གསར་འགོད་གསལ་བསྒྲགས། appeared first on བོད་ཀྱི་བང་ཆེན།.

བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༡༠༤༨ སྟེང་གི་རྩོམ་སྒྲིག་པའི་གཏམ། ཕྱི་ཟླ་ ༨ ཚེས་ ༢༦ ཉིན་བལ་བོད་ས་མཚམས་སུ་འབྱུང་བའི་གནོད་འཚེ་ཐེབས་པ་རེད།  འབྱུང་བའི་གནོད་འཚེ་ཞེས་ལབ་ནའང་ཏག་ཏག་ཅིག་བསྡད་ཡོད་མེད་བཤད་དཀའ།འདི་ནི་མིས་བཟོས་གནོད་འཚེ་ཞིག་ཀྱང་ཡིན་སྲིད། དེ་ཡང་མི་རྣམས་ཀྱིས་བསམ་གཟས་ནས་ལུང་སྟོད་ཀྱི་ཆུ་འགག་གློད་པ་མིན་ནའང་། འབྱུང་བའི་གནོད་འཚེ་འདི་འདྲ་ཞིག་ཡོང་བའི་རྒྱུ་རུ་འགྱུར་བའི་ས་བརྐོ་རྡོ་བསློག་གམ། ཡང་ན་གནམ་གཤིས་འགྱུར་ལྡོག་གི་ཚ་ཚད་ཇེ་མཐོར་བཏང་བའི་ལས་ཤིག་བརྩམས་པར་བརྟེན་འཁྱགས་རོམ་བཞུས་ནས་མཚོ་མོ་འཁྱིལ་བ་དང་། གསར་དུ་འཁྱིལ་བའི་མཚོ་མོ་བརྡོལ་ཏེ་ལུང་གཤོངས་ཀྱི་ཡོད་ཚད་བསྣུབས་སོང་བ་ཡིན་སྲིད། དེ་འདྲ་མ་རེད། ལུང་སྟོད་དུ་ས་ཡོམ་བརྒྱབ་པ་དང་། དེའི་རྐྱེན་གྱིས་ལྟེམས་མེར་འཁྱིལ་བའི་མཚོ་མོར་གཡོ་འཁྱོམ་བྱུང་བས་ས་རུད་དང་ཆུ་ལོག་བྱུང་བ་རེད་ཟེར། འོ། དེ་འདྲའང་རེད་མི་འདུག ས་རུད་དང་ཆུ་ལོག་བྱུང་བའི་རྐྱེན་གྱིས་ས་འགུལ་བ་རེད་ཟེར།  ད་དུང་་་ གོང་གི་སྐད་ཆ་དག་ནི་ས་རུད་དང་ཆུ་ལོག་བྱུང་མ་ཐག གསར་ཁང་ང་ཡིན་ཁྱོད་ཡིན་ཟེར་བ་དག་གིས་སྤེལ་བའི་གནས་ཚུལ་རེད། གནས་ཚུལ་འདི་དང་མཉམ་དུ་གོད་ཆག་འདིའི་ཁྲོད་རྐྱེན་འདས་དང་གར་སོང་ཆ་མེད་དུ་གྱུར་བའི་གྲངས་ཀ་ཐོན་མགོ་ཚུགས་པ་དང་། བལ་ཡུལ་ཕྱོགས་ཀྱི་གྲངས་ཀ་རིམ་བཞིན་འཕར་བ་རེད། དེ་བཞིན་གོད་ཆག་འདིའི་ཁྲོད་དུ་སྲོག་ཉེན་ལས་ཐར་མཁན་ཚོའི་དངོས་མྱོང་སོགས་ཀྱང་བཅར་འདྲིའི་ལམ་ནས་ཕྱི་རུ་ཐོན་པས། འདས་པོའི་དོན་དུ་མ་ཎི་བགྲང་བ་དང་། ཤུལ་ལུས་ནང་མིར་གདུང་སེམས་མཉམ་བསྐྱེད་བྱེད་པ། སྐྱོ་གདུང་གི་མིག་ཆུ་གཏོང་བ། རོགས་རམ་གྱི་ལག་པ་བསྲིང་ས་ཞིག་ཀྱང་ཡོད་པར་གྱུར་བ་རེད། དེ་ལས་ལྡོག་སྟེ། བོད་ཕྱོགས་ཀྱི་གནས་ཚུལ་ཐད་ནས་ཝ་མོ་སྨུག་ལོང་ནང་རྒྱུ་བ་དང་ཨ་ན་མ་ན་རེད།  སྐྱིད་གྲོང་འགག་སྒོ་བསྣུབས་ནས་ཤུལ་མེད་ཆགས་ཀྱང་། དངོས་ཡོད་གནས་ཚུལ་དེ་ཉེན་རྟོག་པ་དང་འགག་སྒོ་སྲུང་མཁན་མེད་པའི་བར་གླགས་དང་བསྟུན་ནས་ཕྱི་རུ་ཐོན་ཐུབ་མེད། དྲ་ལམ་དུ་ཁྱབ་པའི་སྐྱིད་གྲོང་འགག་སྒོའི་ལྟ་སྲུང་བརྙན་མིག་ནང་གི་སྐྱི་གཡའ་བའི་རྣམ་པ་དེ་ལས་གཞན་ཅི་ཡང་མེད། རྒྱ་ནག་གཞུང་གིས་ཉིན་དང་པོར་བཟང་ངན་གྱི་སྐད་ཆ་ཅི་ཡང་མ་བཤད་པར་གཞན་གྱིས་ཅི་བཤད་ལ་ཉན་ནས་བསྡད། ཉིན་གཉིས་པར་མི་གསུམ་རྐྱེན་འདས་སུ་གྱུར་བ་དང་། མི་ལྔ་བརྒྱ་ལྔ་བཅུ་ང་བརྒྱད་ཙམ་གར་སོང་ཆ་མེད་དུ་གྱུར་ཞེས་གཞུང་འབྲེལ་ཐོག་ནས་བསྒྲགས། ཉིན་དྲུག་པར་རྐྱེན་འདས་ཀྱི་ཁ་གྲངས་༡༦ ལ་འཕར་བ་དང་།...

ཆོས་རིག་བཀའ་བློན་སྦྲ་གཉིས་ཚེ་རྒྱལ་མཆོག་གིས་བཀའ་བློན་གྱི་མཛད་འགན་བཞེས་རྗེས་རྒྱ་གར་བྱང་ཤར་ཁུལ་དུ་རྟེན་གཞི་བྱས་པའི་བོད་ཀྱི་གཞིས་ཆགས་ཁག་ཏུ་འཚམས་གཟིགས་ཐེངས་དང་པོ་ལེགས་པར་གྲུབ་འདུག The post ཆོས་རིག་བཀའ་བློན་གྱི་རྒྱ་གར་བྱང་ཤར་ཁུལ་གྱི་འཚམས་གཟིགས་ཐེངས་དང་པོ་ལེགས་པར་གྲུབ། appeared first on བོད་ཀྱི་དུས་བབ།.

རྒྱ་ནག་གི་མགོ་ཁྲིད་ཞི་ཅིན་ཕིན་གྱིས་འདི་ལོའི་ཧྲང་ཧེ་མཉམ་འབྲེལ་ལྷན་ཚོགས་ཀྱི་གླེང་སྟེགས་སྟེང་ཨུ་རུ་སུ་དང་རྒྱ་ནག་གི་འབྲེལ་ལམ་སྔར་ལྷག་བརྟན་པོ་ཆགས་ཡོད་ལུགས་བསྒྲགས། The post ཧྲང་ཧེ་མཉམ་འབྲེལ་ལྷན་ཚོགས་ཐོག་ཞི་ཅིན་ཕིན་དང་པུ་ཊིན་གཉིས་ཐུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༠༡ རེས་གཟའ་མིག་དམར་ཉིན་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་འོག་བཞུགས་སྒར་དྷ་ས་ཉེ་འཁྲིས་སུ་ཆགས་པའི་འཛིན་སྐྱོང་སྦྱོང་བརྡར་ཁང་དུ་ཉེ་ལམ་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་གསར་འདེམས་བྱུང་བ་རྣམས་ལ་ཟབ་སྦྱོང་དབུ་འཛུགས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ ཐོག་ཟབ་སྦྱོང་དབུ་འབྱེད་ཀྱི་མཛད་སྒོ་ཚོགས་ཡོད་ཅིང་། སྐབས་དེར་སྐུ་མགྲོན་གཙོ་བོ་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་དང་། ལས་བྱེད་འདེམས་ལྷན་གྱི་དྲུང་ཆེ་བསྟན་འཛིན་ལེགས་གྲུབ་ལགས། འབྲེལ་ཡོད་ལས་བྱེད། དེ་བཞིན་ཟབ་སྦྱོང་བ་བཅས་ཚང་འཛོམས་ཀྱིས་ཐོག་མར་སྐུ་མགྲོན་གཙོ་བོ་མཆོག་ནས་སྣང་གསལ་མར་མེ་ཞལ་ཕྱེ་གནང་ཡོད།དེ་རྗེས་ཟབ་སྦྱོང་བ་རྣམས་ནས་རེ་རེ་བཞིན་རང་ཉིད་ངོ་སྤྲོད་གནང་གྲུབ་བསྟུན། འདེམས་ལྷན་དྲུང་ཆེ་བསྟན་འཛིན་ལེགས་གྲུབ་ལགས་ཀྱིས་ཟབ་ཁྲིད་པ་རྣམས་ཀྱི་ངོ་སྤྲོད་དང་འབྲེལ། ཟབ་སྦྱོང་གི་སྒྲིག་གཞི་ཁག་ངོ་སྤྲོད་གནང་སྐབས་ཉེ་བའི་ཆར་བོད་མིའི་སྒྲིག་འཛུགས་ནས་སྦྱོང་བརྡར་སྤྲོད་ཕྱོགས་ཀྱི་སྲིད་བྱུས་གཏན་འབེབས་གནང་ཡོད་སྐོར་དང་། སྲིད་བྱུས་དེའི་ནང་སྲི་ཞུའི་ལས་བྱེད་རྣམས་ལ་ཐོག་མར་གསར་བསྐོའི་ཟབ་སྦྱོང་དང་། དེ་ནས་བར་མའི་ཟབ་སྦྱོང་། མཐོ་རིམ་གྱི་ཟབ་སྦྱོང་བཅས་ལས་བྱེད་ཀྱི་གནས་རིམ་ལ་གཞིགས་པའི་ཟབ་སྦྱོང་ཕུལ་བཞིན་པའི་སྐོར་ངོ་སྤྲོད་གནང་ཡོད། དེ་བཞིན་ཟབ་སྦྱོང་རིང་ཚོགས་བཅར་བ་རྣམས་ནས་དུས་ཚོད་སྟངས་འཛིན་གྱིས་རང་འགན་རང་འཁུར་ཡོང་པ་དང་ཆབས་ཅིག འཛེམས་ཟོན་མེད་པའི་ཐོག་ནས་ཆ་ཤས་བླངས་དགོས་པའི་སྐུལ་མ་གནང་།དེ་ནས་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་གིས་ཐོག་མར་འཚམས་འདྲི་དང་འབྲེལ་ཟབ་སྦྱོང་གི་དགོས་དམིགས་དང་གལ་གནད་སྐོར་གསུང་བཤད་གནང་། ཁོང་གིས་གསར་འདེམས་ལས་བྱེད་རྣམས་བོད་མིའི་སྒྲིག་འཛུགས་ཀྱི་བཅའ་ཁྲིམས་དང་། སྲི་ཞུའི་ལས་བྱེད་པ་རྣམས་ཀྱི་བླང་དོར་སྒྲིག་གཞི་གཞིར་བཟུང་བོད་དང་བོད་མིའི་འཐབ་རྩོད་ཆེད་དུ་ལས་འགན་སྒྲུབ་དགོས་གལ་དང་། བོད་མིའི་སྒྲིག་འཛུགས་དེ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། མི་རབས་གོང་མ་རྣམས་ཀྱི་སྐུ་ལས་ལ་བརྟེན་བཙུགས་ཐུབ་པ་ཞིག་ཡིན་པས་དེ་མུ་མཐུད་གནས་པར་མི་རབས་གཞོན་པར་འགན་ཁུར་ཆེན་པོ་ཡོད་པ་ནན་བརྗོད་གནང་། དེ་མཚུངས་དེང་སང་གཞོན་སྐྱེས་རྣམས་ཕྱི་རྒྱལ་ཡུལ་གྲུ་ཁག་ཏུ་ཕེབས་རྒྱུའི་གོ་སྐབས་ལ་མགོ་མ་འཁོར་བར་སོ་སོར་བསྐོ་བཞག་གནང་བའི་ས་གནས་སུ་སོ་སོའི་འཇོན་ནུས་དཔག་པའི་ཞབས་ཞུ་ཧུར་ཐག་གནང་དགོས་པ་སོགས་ཀྱི་ལམ་སྟོན་གནང་།མཐར་འདེམས་ལྷན་གྱི་ལས་བྱེད་བསྟན་འཛིན་བརྩོན་འགྲུས་ལགས་ཀྱིས་མཇུག་བསྡོམས་གཏམ་བཤད་གནང་སྟེ་དབུ་འབྱེད་མཛད་སྒོ་མཇུག་སྒྲིལ་ཡོད། ཐེངས་འདིའི་ཟབ་སྦྱོང་དེ་བཞིན་ཕྱི་ལོ་ ༢༠༢༦ ཟླ་བ་ ༠༩ ཚེས་ ༠༡ ནས་  ༡༩ བར་ཚོགས་རྒྱུ་ཡིན་པ་དང་། ཟབ་སྦྱོང་རིང་ལས་བྱེད་རྣམས་ལ་ནང་ཆོས་ངོ་སྤྲོད་དང་། བོད་མིའི་སྒྲིག་འཛུགས་ཀྱི་བཅའ་ཁྲིམས་ངོ་སྤྲོད། གཞུང་འབྲེལ་ཡིག་བཟོ།...

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༢༨ ཉིན་བོད་མིའི་སྒྲིག་འཛུགས་ཀྱི་ལས་བྱེད་གསོལ་ཚིགས་ཁང་གི་ཡང་སྟེང་དུ་དབུས་བོད་མིའི་ངལ་སེལ་ཚོགས་པའི་ལོ་འཁོར་ཚོགས་ཆེན་ཐེངས་ ༡༧ བསྐོང་ཚོགས་གནང་ཡོད། སྐབས་དེར་དབུས་བོད་མིའི་ངལ་སེལ་ཚོགས་པའི་ཚོགས་གཙོ་དང་ནང་སྲིད་བཀའ་བློན་གཅིག་ལྕོགས་དཔལ་ལྡན་དོན་གྲུབ་མཆོག་དབུ་བཞུགས་ཐོག་ཚོགས་མི་རྣམས་ཀྱིས་དེ་སྔོན་ཚོགས་ཆེན་སྐབས་ཀྱི་ཟིན་ཐོ་དང་ལས་གཞི་ལག་བསྟར་བསྐྱར་ཞིབ་དང་འབྲེལ། རྩིས་ལོ་ ༢༠༢༦་་༢༧ ལོའི་སྔོན་རྩིས་འཆར་གཞི་བཀའ་འཁྲོལ་དང་། རྩིས་ལོ་ ༢༠༢༥་་༢༦ ལོའི་འཕྲལ་སེལ་དངུལ་རྩིས་སྙན་ཐོ་བསྐྱར་ཞིབ་གནང་ཡོད། ཚོགས་འདུའི་སྐབས་སུ་འགྲེམས་སྤེལ་བརྒྱུད་འགན་འཛིན་ལྷན་ཚོགས་དང་། འཛིན་སྐྱོང་གི་ལས་བྱེད། ལས་གཞི་གཞིར་བཟུང་བསྐོ་བཞག་བཅས་དང་འབྲེལ་བའི་གྲོས་ཆོད་གཏན་འབེབས་གནང་བའི་སྐོར་ཡང་ངོ་སྤྲོད་གནང་ཡོད། མཐར་དབུས་བོད་མིའི་ངལ་སེལ་ཚོགས་པའི་ཚོགས་གཙོ་མཆོག་གི་བཀའ་འཁྲོལ་འོག་གནད་དོན་གཞན་ཁག་གཅིག་ལ་གཟིགས་སྐྱོང་དང་། དེ་རྗེས་ཐུགས་རྗེ་ལེགས་འབུལ་གྱི་གསུང་བཤད་གནང་སྟེ་ཚོགས་འདུ་མཇུག་སྒྲིལ་ཡོད་པ་བཅས།།

ཕྱི་ལོ་༢༠༢༦ཟླ་༩ཚེས་༡ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་གིས་གནས་ཚུལ་སྤེལ་གསལ་ལྟར་ན། ཧྲང་ཧེ་མཉམ་ལས་སྒྲིག་འཛུགས་ཀྱི་ལོ་འཁོར་ཚོགས་ཆེན་ཐེངས་༢༥པ་དེ་ཁིར་གྷེ་སི་ཐན་༼Kyrgyzstan༽གྱི་རྒྱལ་ས་བྷི་ཤི་ཀེ༼Bishkek༽ལ་འཚོགས་བཞིན་ཡོད་པ་དང་། ཐེངས་འདིའི་ཚོགས་ཐོག་ཏུ་རྒྱ་གར་གྱི་སྲིད་བློན་མུ་དྷི་དང་རྒྱ་ནག་གི་སྲིད་འཛིན་ཞི་ཅིན་ཕིང་། ར་ཤི་ཡའི་སྲིད་འཛིན་པུ་ཊིན་སོགས་ཚོགས་ཞུགས་རྒྱལ་ཁབ་ཁག་གི་དབུ་ཁྲིད་རྣམས་ཕེབས་ཡོད་འདུག ཧྲང་ཧེ་མཉམ་ལས་སྒྲིག་འཛུགས་དེ་ཕྱི་ལོ་༢༠༠༡ ཟླ་༦ ཚེས་༡༥ ཉིན། The post ཧྲང་ཧེ་མཉམ་ལས་སྒྲིག་འཛུགས་ཀྱི་ལོ་འཁོར་ཚོགས་ཆེན་ཐེངས་༢༥ པ་འཚོགས་བཞིན་པ། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༣༠ ཉིན་བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་ཁྱབ་ཁོངས་དྷ་ས་འཛིན་སྐྱོང་སྦྱོང་བརྡར་ཁང་དུ་བོད་མིའི་སྤྱི་མཐུན་མཉམ་འབྲེལ་གྱི་གཙོ་སྐྱོང་འོག་བོད་མིའི་མཉམ་འབྲེལ་ཁག་བཅོ་ལྔའི་སྐུ་ཚབ་རྣམས་དྷ་ས་འཛིན་སྐྱོང་སྦྱོང་བརྡར་ཁང་དུ་ལྷན་འཛོམས་ཀྱིས། བོད་མིའི་མཉམ་འབྲེལ་གྱི་འཛིན་སྐྱོང་དང་ལས་དོན་ཁག་ཚགས་ཚུད་གོང་མཐོར་གཏོང་ཐབས་ཐད་གོ་བསྡུར་དང་འབྲེལ། མཉམ་འབྲེལ་གྱི་འཛིན་སྐྱོང་ཚོགས་ཆེན་ཐེངས་ཉེར་ལྔ་པ་དེ་བཞིན་མཇུག་སྒྲིལ་ཡོད། དེ་ཡང་སྐབས་དེར་སྐུ་མགྲོན་གཙོ་བོར་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་ཕེབས་ཞུགས་ཀྱིས་གསུང་བཤད་གནང་ཡོད། ཁོང་གིས་ལས་བྱེད་ནང་ཁུལ་མཉམ་ལས་དགོས་གལ་དང་། ལྷག་པར་མཉམ་འབྲེལ་དྲུང་ཆེའི་ལམ་སྟོན་འོག་ཕྱར་གུ་མཉམ་འདེགས་གནང་དགོས་པའི་ནན་བརྗོད་གནང་ཡོད། དེ་བཞིན་མཉམ་འབྲེལ་ལས་ཁུངས་ངོས་ནས་སྤྱི་ཚོགས་ཡར་རྒྱས་གཏོང་རྒྱུ་དང་ལྷན་རྒྱུན་གནས་ཐུབ་པའི་འཕེལ་རྒྱས་ལ་རྒྱབ་སྐྱོར་གནང་དགོས་པའི་ནན་སྐུལ་གནང་།དེ་མཚུངས་བཀའ་བློན་མཆོག་གིས་མཉམ་འབྲེལ་ཚོགས་མི་དང་ལས་བྱེད་ཡོངས་ནས་འགན་ཁུར་དང་ཆོད་སེམས་བརྟན་པོའི་ཐོག་ནས་མཉམ་འབྲེལ་གྱི་ལས་དོན་ཡར་རྒྱས་དང་། རྒྱུན་གནས་ཐུབ་ཐབས་ལ་འབད་བརྩོན་གནང་དགོས་པ་དང་འབྲེལ། མི་མང་མཉམ་རུབ་ཀྱིས་ལས་ཀ་བྱེད་སྐབས་མཉམ་ལས་ཀྱི་ནུས་པ་འདོན་ཐུབ་པ་དང་། སྤྱི་ཚོགས་ཀྱི་ཡར་རྒྱས་གོང་འཕེལ་ལ་ཕན་ཐོགས་སྒྲུབ་ཐུབ་ཀྱི་ཡོད་ཅེས་གསུངས། མཛད་སྒོའི་ཐོག་ནང་སྲིད་བློན་དཔལ་ལྡན་དོན་གྲུབ་མཆོག་གིས་འདས་པའི་ལོ་གཅིག་ནང་གྲུབ་འབྲས་དང་བྱས་རྗེས་རླབས་ཆེན་བཞག་པའི་མཉམ་འབྲེལ་ཚོགས་པ་ཁག་གཅིག་ལ་གཟེངས་རྟགས་གནང་ཡོད། སྐབས་དེར་བོད་མིའི་སྤྱི་མཐུན་མཉམ་འབྲེལ་གྱི་ཚོགས་གཙོ་དང་ཚོགས་གཞོན་རྣམ་གཉིས་ཀྱིས་ཚོགས་ཆེན་ཐོག་གཏན་འབེབས་གནང་བའི་གྲོས་ཆོད་ཁག་སྙན་སྒྲོན་གནང་བ་དང་། མཉམ་འབྲེལ་གྱི་འཛིན་སྐྱོང་ཚགས་ཚུད་ཡོང་སླད་མཉམ་ལས་དང་། ནུས་པ་མཉམ་སྤུངས་དགོས་གལ་ཐོག་གསལ་སྟོན་གནང་ཡོད་པ་བཅས།།    

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༣༠ ཉིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གིས་སིམ་ལར་༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་ལ་འཚམས་འདྲིའི་མཇལ་ཁ་ཞུས་ཏེ་ཁྱབ་ཁོངས་དགོན་སྡེ་ཁག་དང་། ས་གནས་འགོ་འཛིན་ལས་ཁུངས། ཁྱབ་ཁོངས་སྡེ་ཚན་ཁག དེ་བཞིན་བཟོ་གྲྭའི་ཚོགས་ཁང་ནང་མི་མང་ཐུག་འཕྲད་ཀྱིས་གསུང་བཤད་གནང་ཡོད། དེ་ཡང་སྔ་དྲོ་ཆུ་ཚོད་ ༡༠ ཐོག་སིམ་ལར་འབྱོར་སྐབས་ས་གནས་འགོ་འཛིན་གིས་དབུས་པའི་རྡོ་རྗེ་བྲག་དགོན་པ་དང་། ས་གནས་འཐུས་ཚོགས་ཀྱི་ཚོགས་གཙོ། སིམ་ལ་དབྱངས་ཅན་དགའ་ཚལ་གླིང་བོད་མིའི་ལག་ཤེས་བཟོ་གྲྭའི་བཟོ་འགོ ས་གནས་རང་བདེན་ཚོགས་ཆུང་ལ་སོགས་པའི་སྡེ་ཚན་ཁག་གི་སྐུ་ཚབ་རྣམས་ནས་ཕེབས་བསུ་ཞུས།དེ་རྗེས་རྡོ་རྗེ་བྲག་དགོན་པར་མཆོད་མཇལ་ཞུས་ཏེ་༸སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་ལ་འཚམས་འདྲིའི་མཇལ་ཁ་ཞུས་པ་དང་། དེ་ནས་ས་གནས་འགོ་འཛོན་ལས་ཁུངས་དང་། ལག་ཤེས་བཟོ་གྲྭ། ས་གནས་འཐུས་ཚོགས་ཀྱི་ཚོགས་ཁང་། ས་གནས་རང་བདེན་ཚོགས་ཆུང་གི་ལས་ཁུངས། སིམ་ལ་སཾ་བྷོ་ཊ་གཏན་ཉིན་སློབ་གྲྭའི་ཡན་ལག་ཀུ་སུམ་ཀྲི་སྔོན་འགྲོ་སློབ་གྲྭ། ས་གནས་འཕྲོད་བསྟེན་སྨན་ཁང་བཅས་ལ་འཚམས་གཟིགས་སུ་ཕེབས་ཡོད་པ་དང་། དེ་བཞིན་བགྲེས་སོང་ཉམ་ཐག་རྣམ་པའི་ཁྱིམ་དུ་ཐུག་འཕྲད་དང་། སིམ་ལ་དབྱངས་ཅན་དགའ་ཚལ་གླིང་བོད་མིའི་ལག་ཤེས་བཟོ་གྲྭའི་ཚོགས་ཁང་ནང་མི་མང་ཐུག་འཕྲད་ཀྱིས་གསུང་བཤད་གནང་དོན། ས་གནས་སུ་ཕེབས་དགོས་དོན་འགྲེལ་བརྗོད་གནང་ཁོངས་དབུ་ཁྲིད་བླ་ཆེན་རྣམ་པར་འཚམས་ཞུ་དང་ཁྱབ་ཁོངས་དགོན་སྡེ་ཁག་མཆོད་མཇལ། སྡེ་ཚན་ཁག་ལ་རྟོགས་ཞིབ། མི་མང་ཐུག་འཕྲད་བཅས་ཀྱི་ཆེད་དུ་ཕེབས་པ་དང་། སྐབས་ ༡༧ པའི་བཀའ་ཤག་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་སྒྲུབ་རྒྱུ། ༸གོང་ས་མཆོག་ཐུགས་བསུན་བཟོ་མི་དགོས་པ། གཞིས་ལུས་མི་མང་བློ་ཕམ་མི་དགོས་པ་ཞུ་རྒྱུ། བཀའ་ཤག་གི་ལས་དོན་ཡོངས་རྫོགས་ཁྲིམས་སྒྲིག་གཙོ་བཟུང་ཐོག་གནང་རྒྱུ། ༸གོང་ས་མཆོག་གི་༸སྐུའི་ཉེན་སྲུང་ཞུ་སྒོ་རྒྱ་གར་གཞུང་དང་ཟུང་འབྲེལ་ཐོག་སྔར་ལྷག་དམ་དོན་ཞུ་རྒྱུ། ༸རྒྱལ་བའི་ཡང་སྲིད་གནད་དོན་ཐོག་ཨ་རི་དང་རྒྱལ་ཁབ་གྲངས་ ༣༨ ནས་རྒྱབ་སྐྱོར་ཐོབ་པ་བཞིན་མུ་མཐུད་རྒྱབ་སྐྱོར་ཐོབ་ཐབས་ཞུ་རྒྱུ། འཛིན་སྐྱོང་ངོས་ནས་མང་གཙོ་ཀ་བ་གཞན་གཉིས་དང་།...

བོད་དོན་ངོ་རྒོལ་བྱེད་མཁན་ཚོར་རྒྱལ་སྤྱིའི་ངོས་ནས་ཡ་ལན་གང་འདྲ་ཡོང་གི་ཡོད་མེད་ལ་ལྟ་ཞིབ་བྱེད་པའི་གནད་དོན་ཞིག་ཏུ་གྱུར་བ།

བལ་བོད་ས་མཚམས་སུ་གངས་རི་བསྐྱར་དུ་ཉིལ་བའི་ཉེན་ཁ་ཡོད་བཞིན་པའི་ཐོག་མུ་མཐུད་མྱུར་སྐྱོབ་བྱེད་བཞིན་པ།

 བོད་ཀྱི་ཤར་ཕྱོགས་གསེར་རྟ་བླ་རུང་ལྔ་རིག་ནང་བསྟན་སློབ་གླིང་དུ་རྒྱ་ནག་གཞུང་གིས་བཙན་གནོན་བྱས་ཏེ། སློབ་གླིང་གི་གྲྭ་ཤག་བཙན་བཤིག་དང་སློབ་གཉེར་བ་ཕྱིར་སྐྲོད་བཏང་བའི་གནས་ཚུལ་བྱུང་འདུག འདི་ནི་ལོ་ངོ་ཉི་ཤུ་ལྷག་གི་རིང་ལ་རྒྱ་ནག་གཞུང་གིས་གཞི་རྒྱ་ཆེ་བའི་སྒོ་ནས་གསེར་རྟ་བླ་རུང་ལྔ་རིག་ནང་བསྟན་སློབ་གླིང་གི་གྲྭ་ཤག་བཙན་བཤིག་དང་སློབ་གཉེར་བ་བཙན་སྐྲོད་བྱས་པའི་རྒོལ་རྡུང་ཐེངས་ལྔ་པ་རེད་འདུག རྒྱ་ནག་གཞུང་གིས་ཡང་དང་བསྐྱར་དུ་དགོན་པར་གཏོར་བཅོམ་དང་། གྲྭ་བཙུན་དང་དགེ་བསྙེན་སྟོང་ཕྲག་ལྷག་ཕྱིར་སྐྲོད་བྱས་པའི་ཁྲོད་དུ་རྒྱ་ནག་གི་གྲྭ་བཙུན་དང་དགེ་བསྙེན་ཡང་ཚུད་ཡོད་འདུག The post རྒྱ་ནག་གཞུང་གིས་སླར་ཡང་གསེར་རྟ་བླ་རུང་ལྔ་རིག་ནང་བསྟན་སློབ་གླིང་དུ་གནོན་ཤུགས་སྤྲད་པ། appeared first on བོད་ཀྱི་དུས་བབ།.

བཞུགས་སྒར་དྷ་སར་ཉིན་གྲངས་གསུམ་རིང་མང་གཙོའི་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་ཞེས་པ་ཞིག་འཚོག་གིན་འདུག The post མང་གཙོའི་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་ཞེས་པའི་ཚོགས་འདུ་ཞིག་འཚོག་མགོ་བཙུགས། appeared first on བོད་ཀྱི་དུས་བབ།.

རྒྱ་ནག་དབུས་དམག་དོན་ལྷན་ཁང་གི་འགན་འཛིན་གཞོན་པ་ཀྲང་ཡུ་ཤཱ་ང་དབུས་དམག་དོན་མཉམ་འབྲེལ་སློབ་སྟོན་ཁང་གི་འགན་འཛིན་ལུའུ་ཀྲིན་ལི་གཉིས། The post རྒྱ་ནག་དབུས་དམག་དོན་ལྷན་ཁང་གི་དམག་དཔོན་གཉིས་ཕྱིར་ཕུད་བྱས།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༣༡ ཉིན་དྷ་ས་ཉེ་འདབས་སུ་ཆགས་པའི་དྷོ་ལ་དྷར་ Dhauladhar Heights Resort ཞེས་པའི་གསོལ་མགྲོན་ཁང་གི་ཚོགས་ཁང་དུ་བྱང་ཨ་རིའི་སྐུ་ཚབ་དོན་ཁང་གི་བོད་མིའི་སྤྱི་ཚོགས་ཡར་རྒྱས་ཐེབས་རྩ་དང་བོད་ཀྱི་སྲིད་བྱུས་ཉམས་ཞིབ་ཁང་གཉིས་ཀྱི་གོ་སྒྲིག་འོག་མང་གཙོའི་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་དབུ་འཛུགས་གནང་ཡོད། གླེང་སྟེགས་དེའི་ཐོག་མང་གཙོ་དང་། འགྲོ་བ་མིའི་ཐོབ་ཐང་། བོད་དང་འབྲེལ་བའི་སྲིད་བྱུས་ཐོག་བགྲོ་གླེང་གནང་རྒྱུ་ཡིན་པ་རེད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ ཐོག་དབུ་འབྱེད་མཛད་སྒོ་དབུ་འཛུགས་གནང་ཞིང་། སྐབས་དེར་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཆེད་ཕེབས་གནང་ཡོད་པ་དང་། གཞན་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་བསྟན་འཛིན་ལེགས་བཤད་ལགས་དང་། བྱང་ཨ་རི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས། ཨོསྟྲེ་ལི་ཡ་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་ཟླ་བ་བཟང་མོ་ལགས། དེ་བཞིན་འཛམ་གླིང་ས་ཕྱོགས་གང་ས་ནས་ཕེབས་པའི་ཤེས་ཡོན་ཅན་དང་། ལས་འགུལ་འགོ་ཁྲིད་པ། མང་གཙོའི་སྤྱི་ཚོགས་ཀྱི་ལས་འགུལ་བ་དང་ཆེད་ལས་མི་སྣ་སོགས་ཁྱོན་ཚོགས་ཞུགས་པ་ ༢༨ ཙམ་ལྷན་འཛོམས་གནང་ཡོད། དང་ཐོག་ཨ་རི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་ཀྱིས་ཚོགས་འདུའི་ངོ་སྤྲོད་གསུང་བཤད་གནང་གྲུབ་རྗེས་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་བསྟན་འཛིན་ལེགས་བཤད་ལགས་ཀྱིས་ཕེབས་བསུའི་གསུང་བཤད་གནང་ཡོད། དེ་ནས་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་རྒྱ་གཉིས་ཀྱི་ལོ་རྒྱུས་རང་བཞིན་དང་། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་གནད་དོན། དེ་བཞིན་བོད་མིའི་སྒྲིག་འཛུགས་ཀྱི་སྒྲོམ་གཞི་དང་དབུ་མའི་ལམ་གྱི་སྲིད་བྱུས་བཅས་ཀྱི་སྐོར་ངོ་སྤྲོད་གནང་ཡོད། མང་གཙོའི་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་དེ་བཞིན་ཕྱི་ལོ་ ༢༠༢༦ ཟླ་བ་ ༠༨ ཚེས་ ༣༡ ནས་ཟླ་བ་...

བལ་བོད་ས་མཚམས་ཀྱི་ཆུ་ལོག་དང་འབྲེལ་ནས་དཀྲོག་གཏམ་སྤེལ་བའི་ཉེས་མིང་འོག་བོད་ནང་ནས་མི་བཅུ་ལ་ཉེས་ཆད་བཅད་ཡོད་ཟེར། The post བལ་བོད་ས་མཚམས་ཀྱི་ཆུ་ལོག་དང་འབྲེལ་ནས་བོད་ནང་ནས་མི་བཅུ་ལ་ཉེས་ཆད་བཅད་ཡོད་ཟེར། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༢༨ ཉིན་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་པདྨ་མཚོ་མཆོག་དབུ་བཞུགས་ཐོག་བོད་མིའི་དང་བླངས་འཕྲོད་བསྟེན་ཚོགས་པའི་འགན་འཛིན་ལྷན་ཚོགས་ཀྱི་ཚོགས་འདུ་བསྐོང་ཚོགས་གནང་ཡོད། སྐབས་དེར་བཙན་བྱོལ་བོད་མིའི་འཕྲོད་བསྟེན་སྲིད་བྱུས་དང་། ཚོགས་པའི་མ་འོངས་ལས་དོན་གཙོ་ཆེ་ཁག་གི་ཐོག་གྲོས་བསྡུར་གནང་ཡོད། དེ་ཡང་ཚོགས་འདུའི་ཐོག་བཙན་བྱོལ་བོད་མིའི་འཕྲོད་བསྟེན་སྲིད་བྱུས་བསྐྱར་ཞིབ་དང་། སྨན་ཉོ་སྒྲུབ། གོད་ཆག་དང་ཛ་དྲག་སྟངས་འཛིན། སྨན་པའི་ཤེས་ཡོན་དང་གསོ་བ་རིག་པ། ཆེད་ལས་གོང་འཕེལ་དང་ནུས་པ་གོང་མཐོར། རྨང་གཞི་འཛུགས་སྐྲུན། ཉམས་ཞིབ། གསོ་བ་རིག་པ་དང་མཉམ་ལས་བཅས་ཀྱི་ཐོག་བསྐྱར་ཞིབ་གནང་ཡོད། བཙན་བྱོལ་བོད་མིའི་འཕྲོད་བསྟེན་སྲིད་བྱུས་དེ་བཞིན་ཡུན་རིང་སྒྲོམ་གཞི་ཞིག་ཏུ་འགྱུར་རྒྱུར་དམིགས་ཡོད་སྟབས་ཚོགས་མི་རྣམས་ཀྱིས་སྲིད་བྱུས་དེ་ཉིད་རྒྱ་གར་གྱི་ཉེ་དུས་ཀྱི་ཁྲིམས་དང་། སྒྲིག་གཞི་བཅས་ལ་གཞིགས་ཏེ་བཟོ་དགོས་པའི་ནན་བརྗོད་གནང་ཡོད། སྐབས་དེར་ཚོགས་མི་རྣམས་ཀྱིས་འཕྲོད་བསྟེན་དང་འཛིན་སྐྱོང་མི་སྣ་ལས་གྲུབ་པའི་འཕྲོད་བསྟེན་ལམ་སྟོན་ཚོགས་ཆུང་ཞིག་ཆེད་འཛུགས་གནང་རྒྱུར་མོས་མཐུན་གནང་ཡོད་པ་མ་ཟད། ཚོགས་འདུའི་ཐོག་རླངས་འཁོར་རྙིང་པ་དེ་དམ་འབྱར་དང་ལེན་བརྒྱུད་ནས་བཙོང་རྒྱུ་གཏན་འབེབས་གནང་བ་དང་། ཐེངས་རྗེས་མའི་འགན་འཛིན་ལྷན་ཚོགས་ཀྱི་ཚོགས་འདུ་དེ་བཞིན་ཕྱི་ལོ་ ༢༠༢༧ ཟླ་བ་ ༠༣ ནང་དྲ་ཐོག་བརྒྱུད་ཚོགས་གཏན་འཁེལ་ཡོད་པ་བཅས།།

ཁ་སང་བར་བལ་བོད་གཉིས་ཀྱི་ས་མཚམས་སུ་ཆུ་ལོག་དང་ས་རུད་རྐྱེན་གྱིས་བོད་ནང་མི་༡༦ གྲོངས་ཡོད་པ་དང་། མི་༥༤༦ གར་སོང་ཆ་མེད་དུ་གྱུར་བ། དེ་དག་གི་ཁྲོད་ཕྱི་རྒྱལ་གྱི་མི་སེར་༢༦༡ གར་སོང་ཆ་མེད་དུ་གྱུར་ཡོད་པ་བརྗོད་འདུག་པ་དང་། བོད་ནང་དང་རྒྱ་ནག་ནང་ཆུ་ལོག་གི་དོན་རྐྱེན་དང་འབྲེལ་ནས་དྲྭ་ཐོག་ཏུ་དཀྲོག་གཏམ་སྤེལ་མཁན་མི་༡༡ ལ་ཁྲིམས་ཐོག་ནས་ཉེས་ཆད་བཅད་ཡོད་པ་བརྗོད་འདུག The post ཆུ་ལོག་སྐོར་ལ་དཀྲོག་གཏམ་སྤེལ་བའི་ཉེས་མིང་འོག་མི་༡༡ ལ་ཁྲིམས་ཆད་བཅད་འདུག  appeared first on བོད་ཀྱི་བང་ཆེན།.

བོད་མི་གཅིག་གི་རང་གི་ཨ་མ་རང་ལོ་ ༩༨ ཡིན་པ་གཅིག་རྒྱབ་ཏུ་གཡུག་སྟེ་བྲོས་དགོས་བྱུང་འདུག