གློག་བརྙན་བཟོ་མཁན་བོད་པའི་བེུད་གཞོན་སྐྱེས་ཤིག་གི་རང་གི་མྱོང་ཚོར་གློག་བརྙན་དུ་བཟོས་པ།

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༦ ནས་ ༢༣ བར་ཉིན་གྲངས་བརྒྱད་རིང་བོད་མིའི་སྒྲིག་འཛུགས་ནང་སྲིད་ལས་ཁུངས་ནས་དྷ་སའི་ཉེ་འདབས་སུ་ཆགས་པའི་འཛིན་སྐྱོང་སྦྱོང་བརྡར་ཁང་དུ་ས་གནས་འགོ་འཛིན་ལས་ཁུངས་ཁག་གི་རྩིས་པ་གསར་པ་དང་ཉམས་མྱོང་ལོ་ལྔ་ལས་ཉུང་བའི་རྩིས་པ་རྣམས་ལ་རྩིས་པའི་འཇོན་རྩལ་ནུས་སྤེལ་གྱི་ཟབ་སྦྱོང་གོ་སྒྲིག་གནང་ཡོད་ཅིང་། སྐབས་དེར་ས་འགོ་ལས་ཁུངས་ཁག་གི་རྩིས་པ་ ༢༢ མཉམ་ཞུགས་གནང་ཡོད། དེ་ཡང་ཕྱི་ཚེས་ ༡༦ ཉིན་ཟབ་སྦྱོང་གི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་དང་། ནང་སྲིད་དྲུང་ཚབ་ཚེ་རིང་གཡུ་སྒྲོན་ལགས། དྲུང་འཕར་བསོད་ནམས་བཟང་པོ་ལགས། འཛིན་སྐྱོང་འགན་འཛིན་བསྟན་འཛིན་ཀུན་བཟང་ལགས། ནང་ཞིབ་བསྟན་འཛིན་རྣམ་སྒྲོལ་ལགས། ནང་སྲིད་ལས་ཁུངས་ཀྱི་རྩིས་པ་བཅས་ཕེབས་ཞུགས་གནང་ཡོད། སྐབས་དེར་བསོད་ནམས་སྟོབས་རྒྱལ་ལགས་ཀྱིས་ཟབ་སྦྱོང་གི་ངོ་སྤྲོད་དང་དགོས་དམིགས་དང་འབྲེལ། ཚོགས་བཅར་བ་རྣམས་ཀྱི་དངུལ་རྩིས་སྟངས་འཛིན་དང་། རྩིས་ཀྱི་འགྲོ་ལུགས། འཛིན་སྐྱོང་གི་འགན་ཁུར་བཅས་ཀྱི་ཐོག་ཤེས་ཚད་དང་ལག་ལེན་ལྡན་པའི་སྩལ་གོང་མཐོར་གཏོང་རྒྱུ་ནི་གལ་གནད་ཆེན་པོ་ཡིན་པའི་ཐོག་ནན་བརྗོད་གནང་གྲུབ་རྗེས་ནང་སྲིད་བཀའ་བློན་མཆོག་ནས་གསུང་བཤད་གནང་།ཟབ་སྦྱོང་གི་དམིགས་ཡུལ་ནི་རྩིས་པ་རྣམས་ལ་རྩིས་ཀྱི་འགྲོ་ལུགས་དང་། རྩིས་ཁྲ་ཉར་འཇོག་བྱེད་སྟངས། མཐའ་མའི་རྩིས་ཁྲ་དང་དངུལ་རྩིས་སྙན་ཞུ་འབུལ་ཕྱོགས། སྔོན་རྩིས་གྲ་སྒྲིག འབབ་ཁྲལ། དངོས་ཟོག་དང་ཞབས་ཞུའི་ཁྲལ། ཕྱི་དངུལ་ལེན་བེད་ཕྱོགས་པའི་ཁྲིམས་སྒྲིག་བཅས་ཀྱི་ཐོག་ལག་ལེན་ལྡན་པའི་སྦྱོང་བརྡར་དང་ལམ་སྟོན་གནང་བའི་བརྒྱུད་རྩིས་ཀྱི་འཇོན་སྩལ་ནུས་པ་གོང་འཕེལ་གཏོང་རྒྱུ་དེ་ཡིན་ཞིང་། ཟབ་སྦྱོང་ཁྲོད་སྤྱི་བཏང་འཛིན་སྐྱོང་དང་། ལས་གཞི་ཁག་ལག་བསྟར། ལས་འཆར་ཁག་འབྲི་སྟངས་དང་སྙན་ཐོ་འབུལ་ཕྱོགས། རྩིས་ཞིབ་ཀྱི་སྙན་ཐོའི་ལན་འདེབས་གྲ་སྒྲིག དེ་བཞིན་རྩིས་ཀྱི་ནུས་པ་གོང་མཐོར་གཏོང་སླད་ Tally Prime དང་བཅོས་མའི་རིག་རྩལ་བེད་སྤྱོད་བྱེད་ཕྱོགས་བཅས་ཀྱི་ཐོག་སྦྱོང་བརྡར་གནང་རྒྱུ་ཡིན་པ་རེད།...

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༣ ཉིན་བོད་མིའི་འཛིན་སྐྱོང་དང་སྤྱི་ཚོགས་བདེ་དོན་ཐེབས་རྩའི་ཚོགས་གཞོན་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་དབུ་བཞུགས་ཐོག་བོད་མིའི་འཛིན་སྐྱོང་དང་སྤྱི་ཚོགས་བདེ་དོན་ཐེབས་རྩའི་འགན་འཛིན་ལྷན་ཚོགས་ཐེངས་བཞི་བཅུ་ཞེ་གཉིས་པ་བསྐོང་ཚོགས་གནང་ཡོད།  ཚོགས་འདུའི་ཁྲོད་འགན་འཛིན་ལྷན་ཚོགས་ཐེངས་ ༤༡ ཐོག་བཞག་པའི་ཚིག་ཐོ་རྣམས་ལ་གཏན་འབེབས་དང་། ཚོགས་འདུ་མ་ཚོགས་གོང་གཏན་འབེབས་གནང་ཟིན་པའི་ཐག་གཅོད་ཁག་ལ་བསྐྱར་ཞིབ། འཛིན་སྐྱོང་ལྷན་ཚོགས་ཀྱི་ཚོགས་འདུ་ཐེངས་ ༢༨ དང་ ༢༩ ཐོག་བཞག་པའི་གྲོད་ཆོད་ཁག་ལ་བསྐྱར་ཞིབ་དང་གཏན་འབེབས། དེ་སྔོན་གྱི་འགན་འཛིན་ལྷན་ཚོགས་ཐོག་གཏན་འབེབས་གནང་བའི་གྲོས་ཆོད་དག་ལག་བསྟར་ཇི་བྱས་སྙན་ཐོ་ཁག་ལ་བསྐྱར་ཞིབ་བཅས་གནང་ཡོད། ཚོགས་འདུའི་ཐོག་ཚོགས་མི་རྣམས་ནས་ཧུར་བསྐྱེད་ཀྱི་མཉམ་ཞུགས་གནང་བའི་བརྒྱུད་འབྲེལ་ཡོད་ལས་དོན་ཁག་ལ་སོ་སོའི་བསམ་ཚུལ་དང་མཐོང་སྣང་མཉམ་སྤྱོད་གནང་ཡོད། དེ་བཞིན་ཕྱི་ལོ་ ༢༠༢༥་་་༢༠༢༦ ལོའི་བོད་མིའི་འཛིན་སྐྱོང་དང་སྤྱི་ཚོགས་བདེ་དོན་ཐེབས་རྩའི་དངུལ་རྩིས་སྙན་ཐོ་དང་ལས་གཞི་ཁག་གི་སྙན་ཐོ་ཁག་ལ་བསྐྱར་ཞིབ་དང་གཏན་འབེབས་གནང་ཞིང་། བོད་མིའི་འཛིན་སྐྱོང་དང་སྤྱི་ཚོགས་བདེ་དོན་ཐེབས་རྩའི་ Gas Agency དང་འབྲེལ་བའི་གནད་དོན་ཐོག་གྲོས་བསྡུར་གནང་ཡོད། མཐར་ཚོགས་མི་རྣམས་ནས་གྲོས་ཆོད་ཁག་ལ་གྲོས་བསྡུར་དང་ཚོགས་པའི་ལས་དོན་བྱེད་ཕྱོགས་དང་ལས་གཞི་ཁག་ལ་བསྐྱར་ཞིབ་གནང་རྗེས་ཚོགས་འདུ་མཇུག་བསྒྲིལ་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༡ ནས་ ༡༣ བར་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་སྦེལ་ཀོབ་ལུགས་བསམ་དང་བདེ་སྐྱིད་སླར་གསོ་བོད་མིའི་གཞིས་ཆགས་ཀྱི་སློབ་གྲྭ་ཁག་ལ་འཚམས་གཟིགས་གནང་ཡོད། དེ་ཡང་ཕྱི་ཟླ་ ༡༠ ཚེས་ ༡༠ ཉིན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། དེང་དུས་ཤེས་ཡོན་དང་མདུན་ལམ་ཚན་པའི་འགན་འཛིན་འཇམ་དབྱངས་དབང་རྒྱལ་ལགས་སྦེལ་ཀོབ་ཏུ་ཕེབས་འབྱོར་སྐབས་ས་གནས་འགོ་འཛིན་དང་། དགོན་སྡེ་ཁག་གི་སྐུ་ཚབ། སློབ་གྲྭའི་སློབ་སྤྱི། སྤྱི་མི། གཞུང་དང་གཞུང་ཁོངས་མ་ཡིན་པའི་ཚོགས་སྡེ་ཁག་གི་སྐུ་ཚབ་བཅས་ནས་ཕེབས་བསུའི་སྣེ་ལེན་ཞུས་ཡོད། ཕྱི་ཟླ་ ༡༠ ཚེས་ ༡༡ ཉིན་གྱི་སྔ་དྲོའི་ཆུ་ཚོད་ ༩ ཐོག་ཤེས་རིག་བཀའ་བློན་མཆོག་བཀྲ་ཤིས་ལྷུན་པོ་དགོན་པའི་སློབ་གྲྭར་ཕེབས་འབྱོར་སྐབས་དགོན་པའི་མཁན་པོ་དང་སློབ་སྤྱི་ནས་ཕེབས་བསུ་ཞུས་གྲུབ་རྗེས། སློབ་གྲྭའི་འཛིན་ཁང་དང་ལས་ཁུངས་ཁག་ཏུ་གཟིགས་ཞིབ་ཀྱིས་འཛིན་སྐྱོང་ལས་བྱེད་རྣམས་དང་བཀའ་བསྡུར་གནང་ཡོད།  ཆུ་ཚོད་ ༡༠ ཐོག་བཀའ་བློན་མཆོག་གིས་ལུགས་བསམ་མི་མང་ཚོགས་ཁང་དུ་ལུགས་བསམ་དང་བདེ་སྐྱིད་སླར་གསོའི་གཞིས་མི་རྣམས་ལ་གསུང་བཤད་གནང་བའི་སྐབས། ཕྱི་ལོ་ ༢༠༠༤ ལོར་གཏན་འབེབས་གནང་བའི་གཞི་རིམ་ཤེས་ཡོན་སྲིད་བྱུས་ཀྱི་གལ་གནད་དང་དེའི་དམིགས་ཡུལ་བཞིའི་སྐོར་འགྲེལ་བརྗོད་གནང་ཞིང་། སྲིད་བྱུས་དེ་བཞིན་ལག་བསྟར་ཡོང་བར་ཕ་མ་རྣམས་ནས་སློབ་གྲྭའི་འཛིན་སྐྱོང་དང་མཉམ་ལས་གནང་དགོས་པའི་འབོད་སྐུལ་ཞུས་ཡོད། སློབ་གྲྭ་ཁག་ཏུ་གཟིགས་སྐོར་སྐབས་གཞི་རིམ་འོག་མའི་སློབ་མ་རྣམས་ཀྱི་བོད་ཡིག་ཀློག་འདོོན་ཡག་པོ་ཡོད་པ་དང་། འཛིན་རིམ་བཞི་པ་ནས་ཨིན་ཡིག་སྦྱང་འགོ་བཙུགས་པའི་སློབ་མ་རྣམས་ལ་ཨིན་ཡིག་སྦྱོང་བ་དང་ཀློག་པར་དཀའ་ངལ་མེད་པའི་སྐོར་གསུངས།གཞན་ཡང་བཀའ་ཤག་གི་ཕུགས་དམིགས་ཡིག་ཆ་དང་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བའི་སྐོར་འགྲེལ་བརྗོད་གནང་སྟེ། ཕ་མ་རྣམས་ནས་སོ་སོའི་ཁྱིམ་ཚང་ནང་ཕྲུ་གུ་དང་ལྷན་བོད་སྐད་ཤོད་པ་དང་། བོད་པའི་དུས་སྟོན་ཁག་སྲུང་བརྩི།...

རྒྱ་དཀར་ནག་གཉིས་བར་རྩོད་གཞི་རུ་གྱུར་ཡོད་པའི་ས་ཁུལ་གྱི་ས་མིང་ས་ཁྲའི་སྟེང་བཀོད་པར་རྒྱ་ནག་གཞུང་གིས་ངོས་ལེན་མེད་པའི་ལན་འདེབས་བྱས་འདུག The post རྒྱ་ནག་དཀར་གྱི་ས་མིང་བརྗེ་བསྒྱུར་རྩོད་རྙོག appeared first on བོད་ཀྱི་དུས་བབ།.

ཕྱི་ལོ་༢༠༢༦ ཟླ་༡༠ ཚེས་༡༥ ཉིན་Daily Maverick ཞེས་པའི་གསར་ཁང་གིས་གནས་ཚུལ་སྤེལ་གསལ་ལྟར་ན། ཕྱི་ལོ་༢༠༢༦ ཟླ་༡༠ ཚེས་༡༤ The post ཟླ་བ་གསུམ་གྱི་ནང་ལྷོ་ཨ་ཧྥི་རི་ཁའི་དོན་གཅོད་ཁང་ལ་ས་སྣུམ་འབར་རྫས་ཀྱི་དོན་རྐྱེན་ཐེངས་གཉིས་བྱུང་། appeared first on བོད་ཀྱི་བང་ཆེན།.

བོད་ནང་ཆུ་ལོག་ཁྲོད་ཤི་རྨས་གྲངས་འབོར་ཀ་ཆ་ཚང་དང་བདེན་དཔང་བྱེད་ཐུབ་པའི་གནས་ཚུལ་ཕྱིར་བསྒྲགས་དགོས་པའི་དགོས་འདུན་བཏོན་པ།

ལྷོ་ཨ་ཧྥི་རི་ཀར་སྐུ་ཚབ་ཀྱི་བཞུགས་གནས་དང་དོན་གཅོད་ཁང་ལ་དྲག་རྒོལ་བྱས་པའི་རྒྱབ་ཏུ་ཆབ་སྲིད་ཀྱི་ཤུགས་ཤིག་ཡོད་སྲིད་པ།

ཁ་སང་མཚན་མོར་ལྷོ་ཨ་ཧྥེ་རི་ཁའི་བོད་ཀྱི་སྐུ་ཁབ་དོན་གཅོད་ཁང་ལ་རྡོ་སྣུམ་འབར་རྫས་འཕངས་བར་བརྟེན་གཏོར་སྐྱོན་བྱུང་འདུག་ཀྱང་། སྐུ་ཚབ་དོན་གཅོད་དང་ལས་བྱེད་ལ་རྨས་སྐྱོན་བྱུང་མི་འདུག The post ལྷོ་ཨ་ཧྥེ་རི་ཁའི་བོད་ཀྱི་སྐུ་ཚབ་དོན་གཅོད་ཁང་ལ་རྡོ་སྣུམ་འབར་རྫས་འཕངས་ནས་གཏོར་སྐྱོན་བྱུང་འདུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༤ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་པ་རག་ཏུ་ཚོགས་བཞིན་པའི་ ༢༠༠༠ ཞི་བདེའི་གླེང་སྟེགས་ཀྱི་ཉིན་མཐའ་མར་ཅེཀ་རྒྱལ་ཡོངས་གསར་འགྱུར་བརྒྱུད་ལམ་ཁག་ལ་བོད་ནང་གི་འགྲོ་བ་མིའི་ཐོབ་ཐང་དང་། ཆོས་དད་རང་དབང་། ས་ཁམས་ཆབ་སྲིད་ཀྱི་གནས་སྟངས་བཅས་ཀྱི་སྐོར་གོ་རྟོགས་སྤེལ་ཡོད། དེ་ཡང་གོང་ཚེས་ཉིན་གྱི་སྔ་དྲོར་དཔལ་ལྡན་སྲིད་སྐྱོང་མཆོག་གིས་ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ཡོངས་གསར་འགྱུར་བརྙན་འཕྲིན་ཁང་གི་གསར་འགོད་པ་ཌ་ན་ (Dana Zlatohlávková) ལགས་དང་ལྷན་དུ་བཅར་འདྲི་ལེ་ཚན་ཐོག་ཞུགས་ཏེ་ཅེཀ་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་དམ་པ་ཝ་ཁེ་ལེབ་ཧ་ཝེལ་མཆོག་དང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གཉིས་ཀྱི་བཟང་སྤྱོད་ཀྱི་འབྲེལ་ལམ་གསལ་སྟོན་གནང་བ་དང་། ཅེཀ་སྤྱི་མཐུན་རྒྱལ་ཁབ་ཀྱི་དབུ་ཁྲིད་དང་མི་མང་གིས་བོད་མིར་རྒྱབ་སྐྱོར་གཡོ་མེད་གནང་བར་ཐུགས་རྗེ་ཆེ་ཞུས་གནང་ཡོད། སྐབས་དེར་ཁོང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ཀྱི་ཐུགས་འགན་ཆ་ཚང་དགའ་ལྡན་ཕོ་བྲང་ཡིད་ཆེས་དགེ་རྩ་ཁོ་ནར་ཡོད་པ་ལས་རྒྱ་ནག་གིས་ཡང་སྲིད་བསྐོ་བཞག་བྱ་རྒྱུའི་འབད་བརྩོན་ནི་ཆབ་སྲིད་ཀྱི་ལག་ཆ་ཞིག་ཡིན་པ་མ་ཟད། ༸གོང་ས་མཆོག་གི་ཡང་སྲིད་ནི་རང་དབང་ལྡན་པའི་འཛམ་གླིང་ཞིག་ཏུ་འཁྲུངས་རྒྱུ་ཡིན་པ་ནན་བརྗོད་གནང་།དེ་མཚུངས་དཔལ་ལྡན་སྲིད་སྐྱོང་མཆོག་གིས་རྒྱ་ནག་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བའི་མིང་ཐོག་ནས་མི་རིགས་སིམ་ཡལ་གྱི་སྲིད་བྱུས་ལག་བསྟར་བྱེད་བཞིན་པར་ཉེན་བརྡ་བཏང་གནང་ཞིང་། རྒྱ་ནག་གིས་ཁྲིམས་མཐུན་གྱི་ཁ་གཡར་ཏེ་མི་སེར་སྤེལ་ཡུལ་གཏན་འཇགས་སློབ་གྲྭ་དང་། སྐད་ཡིག་དམ་དྲག ལྟ་ཞིབ་རྒྱ་ཁྱབ་བཅས་ཀྱི་བརྒྱུད་རིག་གཞུང་རྩ་མེད་བཟོ་བཞིན་པར་སེམས་འཚབ་བསྟན་ཡོད། དེ་བཞིན་ཁོང་གིས་བོད་མིའི་སྒྲིག་འཛུགས་ཀྱི་སྲིད་བྱུས་དབུ་མའི་ལམ་ཐོག་ནས་མིང་དོན་མཚུངས་པའི་རང་སྐྱོང་ཐོབ་ཐབས་ཀྱི་ཆོད་སེམས་བསྐྱར་ནན་དང་། མ་འོངས་པའི་རྒྱ་ནག་གི་འགོ་ཁྲིད་བསམ་ཤེས་ཅན་ཞིག་དང་ལྷན་དུ་གྲོས་མོལ་ཡོང་རྒྱུའི་རེ་བ་བཅངས་བཞིན་ཡོད་པ་གསུངས། དེ་རྗེས་དཔལ་ལྡན་སྲིད་སྐྱོང་མཆོག་ཅེཀ་སྤྱི་མཐུན་རྒྱལ་ཁབ་ཀྱི་རང་དབང་གསར་ཤོག་ (Deník N) གྱི་གསར་འགོད་པ་མེག་ཌ་ལེ་ན་ (Magdalena Slezáková) ལགས་ཀྱི་བཅར་འདྲི་ལེ་ཚན་ཐོག་ཞུགས་སྐབས་རྒྱ་ནག་གི་བོད་ནང་དྲག་གནོན་བྱེད་བཞིན་པ་དེ་ནི་འཛམ་གླིང་ཡོངས་ལ་བྱ་རྒྱུའི་དམིགས་ཡུལ་གྱི་འཆར་རིས་ལྟ་བུ་ཞིག་ཏུ་བེད་སྤྱོད་གཏོང་བཞིན་ཡོད་པས་མང་གཙོའི་རྒྱལ་ཁབ་ཁག་གིས་རྒྱ་ནག་གི་དཔལ་འབྱོར་བཙན་སྐུལ་ལ་ངོ་རྒོལ་བྱེད་དགོས་པའི་ཉེན་བརྡ་བཏང་གནང་ཡོད། དེ་ནས་ཁོང་གིས་རྒྱ་ནག་དམར་ཤོག་ཚོགས་པ་ནི་འཛམ་གླིང་གི་དབང་ཤེད་རིང་ལུགས་པ་གཙོ་བོ་ཞིག་ཡིན་པ་དང་། དེས་བོད་ཀྱི་སྣོད་བཅུད་རིག་པ་ལ་བཤུ་གཞོག་གཏོང་བཞིན་པ་མ་ཟད། ལྟ་ཞིབ་འཕྲུལ་རིག་ཕྱིར་ཚོང་བྱེད་བཞིན་ཡོད་པ་འགྲེལ་བརྗོད་གནང་། ཁོང་གིས་འཛམ་གླིང་གི་དབུ་ཁྲིད་རྣམས་ལ་གནས་སྐབས་ཀྱི་ཆབ་སྲིད་ཀྱི་ཚིམས་སྣང་དོར་ནས་ཚོང་འབྲེལ་མི་སྙོམས་པའི་གནས་སྟངས་ལ་གདོང་ལེན་དང་། རྒྱ་ནག་གི་བཙན་དབང་ལ་འགོག་རྒོལ་ཆེད་མང་གཙོའི་རང་དབང་སྲུང་སྐྱོབ་ཐོག་ནུས་པ་མཉམ་སྤུངས་དགོས་པའི་འབོད་སྐུལ་ཞུས་གནང་ཡོད།ཐེངས་འདིའི་དཔལ་ལྡན་སྲིད་སྐྱོང་མཆོག་གི་པ་རག་ཏུ་གཞུང་འབྲེལ་ཕྱོགས་ཕེབས་ལེགས་གྲུབ་རྗེས་ཇར་མ་ནིའི་རྒྱལ་ས་སྦར་ལིན་དུ་ཕེབས་ཐོན་གནང་ཡོད་པ་དང་། ལམ་བར་ཅེཀ་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་དམ་ཝ་ཁེ་ལེབ་ཧ་ཝེལ་མཆོག་གི་དབྱར་དུས་བཞུགས་གནས་ Lány Chateau...

ཨ་རིའི་རྒྱལ་སྲུང་ལ་ཉེན་ཁ་ཆེ་བའི་རྒྱ་ནག་གི་རྒྱལ་སྲུང་ལས་དོན་སྒྲུབ་མཁན་གྱི་ཚོགས་སྡེ་ ༡༥༦ ལྷག་ཐོ་གཞུང་ནག་པོའི་ཁོངས་སུ་འཇུག་དགོས་པའི་སྐུལ་ལྕག་བྱས་འདུག ཁ་སང་ཕྱི་ཚེས་ ༡༤ ཉིན་ཨ་རིའི་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གིས ཨ་རིའི་རྒྱལ་སྲུང་དྲུང་ཆེ་པེ་ཏི་ཧེག་སི་ཐི་ལགས་སུ་འཕྲིན་ཡིག་ཅིག་བསྐུར་ཏེ། ཨ་རིའི་རྒྱལ་སྲུང་ལྷན་ཁང་གིས་རྒྱ་ནག་གི་རྒྱལ་སྲུང་དམག་དོན་དང་འབྲེལ་བའི་བརྟག་དཔྱད་ཁང་ ༦༢ དང་ཚན་རིག་ཞིབ་འཇུག་ལྟེ་གནས་ཁང་ ༡༤། སློབ་གྲྭ་ཆེན་མོ་ ༥༨ ། ཕྱིའི་རྒྱལ་ཁབ་ཁག་ལ་དམིགས་པའི་རྒྱ་ནག་གི་བཟོ་རིག་གི་ལམ་རིམ་ ༢༢། དེ་བཞིན། རྒྱ་ནག་གི་སློབ་ཡོན་ལྷན་ཚོགས་དང་འབྲེལ་ཡོད་ཤེས་ལྡ་མི་སྣ་སོགས་ལ་ཞིབ་འཇུག་ཚད་ལྡན་བྱས་ཏེ། ཨ་རིའི་རྒྱལ་སྲུང་ལྷན་ཁང་གི་ཐོ་གཞུང་ ༡༢༨༦ ཁོངས་སུ་བཅུག་དགོས་པའི་སྐུལ་ལྕག་བྱས་འདུག ཨ་རིའི་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གིས། རྒྱ་ནག་གི་ཚོགས་སྡེ་དེ་དག་གིས་ཨ་རིའི་དམག་སྲིད་ཀྱི་ཞིབ་འཇུག་ནང་མཉམ་ཞུགས་བྱས་ཏེ།  རྒྱ་ནག་གི་མི་དམངས་བཅིང་གྲོལ་དམག་ལ་རྒྱ་ནག་གི་རྒྱལ་སྲུང་དང་འབྲེལ་བའི་ཞིབ་འཇུག་ལས་དོན་སྒྲུབ་ཀྱི་ཡོད་པས། ཨ་རིའི་དམག་སྲིད་ལྷན་ཁང་གི་ཞིབ་འཇུག་ལས་དོན་ནང་རྒྱ་ནག་གཞུང་གི་རྒྱབ་རྟེན་ཡོད་པའི་ཉམས་ཞིབ་པ་གཏན་འགོག་བྱེད་དགོས་པ་དང་། དེ་བཞིན། ཨ་རིའི་སློབ་ཆེན་ ༣༠ ལའང་གོང་བརྗོད་རྒྱ་ནག་གི་ཚོགས་སྡེ་ཁག་དང་ལྷན་དུ་མཉམ་ལས་དང་འབྲེལ་ལམ་བྱེད་ཕྱོགས་ལ་དོགས་ཟོན་དགོས་པའི་སྐུལ་མ་བྱས་ཡོད་འདུག རྒྱ་ནག་གི་རྒྱལ་སྲུང་དམག་དོན་དང་འབྲེལ་བའི་སློབ་ཆེན་ཁག་གིས་ཨ་རིའི་འཕྲུལ་རིག་དང་ཤེས་བྱའི་ཐོན་ཁུངས་རྐུ་འཁྱེར་བྱེད་པ་སོགས་བྱས་ཏེ། ཨ་རིའི་རྒྱལ་སྲིད་བདེ་འཇགས་ལ་ཉེན་ཁ་བསྐྲུན་གྱི་ཡོད་པའི་ངོས་འཛིན་འོག ཕྱི་ཟླ་ ༨ ནང་ཨ་རིའི་རྒྱལ་སྲུང་བདེ་འཇགས་ལྷན་ཁང་ (Pentagon) གིས། ཨ་རིའི་སློབ་ཆེན་ཁག་ ༣༠ ཡིས་རྒྱ་ནག་གི་ཁུང་ཙིའི་སློབ་གསོ་དང་འབྲེལ་བའི་མཉམ་ལས་གན་རྒྱ་སོགས་ལ་བསྐྱར་ཞིབ་བྱས་ཏེ།...

ཉི་ཧོང་དོན་གཙོད་ཟུར་པ་འབུམ་རམས་པ་ཨརྱ་ཚེ་དབང་རྒྱལ་པོ་བཀའ་དྲུང་དུ་བསྐོ་གཞག་གནང་ཞིང་། ཕྱི་ཚེས་༡༤ ཉིན་བཀའ་དྲུང་གསར་རྙིང་བར་རྩིས་སྤྲོད་རྩིས་ལེན་གནང་འདུག The post འབུམ་རམས་པ་ཨརྱ་ཚེ་དབང་རྒྱལ་པོ་ལགས་ཀྱིས་བཀའ་དྲུང་གི་ལས་ཁུར་ཞུས་པ། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༣ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་པ་རག་ཏུ་ཚོགས་བཞིན་པའི་ ༢༠༠༠ ཞི་བདེའི་གླེང་སྟེགས་ཀྱི་ཉིན་གསུམ་པར་གྲོས་ཚོགས་འཐུས་མི་དང་། ཕྱི་འབྲེལ་མི་སྣ། གྲོས་ཚོགས་ཀྱི་གནད་ཡོད་མི་སྣ་བཅས་དང་ལྷན་མཇལ་མོལ་བཅས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོར་དཔལ་ལྡན་སྲིད་སྐྱོང་མཆོག་གིས་ཅེཀ་སྤྱི་མཐུན་རྒྱལ་ཁབ་ཀྱི་གསར་ཁང་ཆེ་ཤོས་གྲས་སེཛ་ནམ་ (Seznam Zprávy) གྱི་གསར་འགོད་པ་ཌེ་ནི་ཡེ་ལ་ཀུ་ཅེ་རོ་ཝ་ (Daniela Kučerová) ལགས་ཀྱི་བཅར་འདྲི་ལེ་ཚན་ཐོག་ཕེབས་ཞུགས་གནང་བ་དང་། དེ་རྗེས་པ་རག་ Prague Congress Centre བསྟི་གནས་ཁང་དུ་མོ་ཛེམ་སྦིག་རྒྱལ་ཡོངས་འགོག་ཤུགས་ཀྱི་འགོ་ཁྲིད་གཞོན་པ་ཨི་ཝོན་སོ་རེ་སི་ (Ivone Soares) ལགས་དང་། མོ་ཛེམ་སྦིག་སྤྱི་མཐུན་རྒྱལ་ཁབ་ཀྱི་གྲོས་ཚོགས་འཐུས་མི་བཅས་དང་གྲོས་མོལ་གནང་ཡོད།དེ་མཚུངས་དཔལ་ལྡན་སྲིད་སྐྱོང་མཆོག་གིས་ཅེཀ་སྤྱི་མཐུན་རྒྱལ་ཁབ་ཀྱི་སྲིད་འཛིན་ལས་ཁུངས་ཀྱི་ཕྱི་འབྲེལ་ལས་དོན་སྡེ་ཚན་གྱི་འགན་འཛིན་སྐུ་ཞབས་ཌེ་ནི་ཡལ་སི་ཊེ་ཅི་ (Daniel Štech) ལགས་དང་ལྷན་བོད་མིའི་ཆོས་དད་རང་དབང་ཐོག་འཛམ་གླིང་མཉམ་ལས་ཀྱི་འབད་བརྩོན་དང་འབྲེལ་རྒྱལ་སྤྱིའི་རྒྱབ་སྐྱོར་ཤུགས་ཆེར་འགྲོ་བཞིན་པའི་སྐོར་གསལ་སྟོན་དང་སྦྲགས། ཚོགས་མི་ ༣༨ ལས་གྲུབ་པའི་རྒྱལ་སྤྱིའི་ཆོས་དད་རང་དབང་ཡང་ན་ཡིད་ཆེས་མཐུན་ཚོགས་ (International Religious Freedom or Belief...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་འདི་ཟླའི་ཚེས་ ༥ ནས་ ༢༠ བར་སུད་སི་དང་། ཅེཀ་སྤྱི་མཐུན་རྒྱལ་ཁབ། འཇར་མན་བཅས་སུ་གཞུང་འབྲེལ་ཕྱོགས་ཕེབས་གནང་བཞིན་འདུག The post སྲིད་སྐྱོང་སྤེན་པ་ཚེ་རིང་མཆོག་གིས་གཞུང་འབྲེལ་ཕྱོགས་ཕེབས་གནང་བཞིན་འདུག appeared first on བོད་ཀྱི་དུས་བབ།.

ཕྱི་ལོ་༢༠༢༦ ཟླ་བ་ ༩ ཚེས་ ༢༣ ཉིན་ནས་བོད་ཀྱི་དཔེ་མཛོད་ཁང་གི་ཁ་བའི་གཅེས་ནོར་ཁང་ནས་བོད་ཀྱི་བདུན་ཕྲག་སྟེ། བོད་མིའི་ངོ་བོ་གཅེས་སྲུང་གྱི་ལས་འགུལ་ཞིག་གོ་སྒྲིག་ཞུས་པ་དང་། The post བོད་ཀྱི་བདུན་ཕྲག་སྲུང་བརྩི་དང་དཔེ་སྟོན་སློབ་གྲྭ་དབུ་བརྙེས་པའི་དུས་དྲན་ལས་འཕྲོས་པའི་གཏམ་ཐོར་བུ། appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༠ པའི་ཚེས་ ༡༤ ཉིན་རྒྱབ་ཆུ་ཚོད་ ༢།༣༠ ཐོག་སྤྱི་འཐུས་རྒྱུན་ལས་ཚོགས་ཁང་ནང་དཔལ་ལྡན་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་དང་། དཔལ་ལྡན་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ནས་ཨ་རིའི་གྲོས་ཚོགས་གོང་མའི་ལས་བྱེད་རྒན་པ་ལྕམ་སྐུ་མོ་ལི་ ཀར་པན་ཊར་ (Molly Carpenter, Legislative Director for Senator Mike Crapo (R-Idaho)) ལགས་དང་། ལྕམ་སྐུ་བྷེ་སིན་ ཆན་ (Bessie Chen, Policy Analyst for Indo-Pacific Affairs for Ranking Member Senator James Risch (R-Idaho)...

“བོད་མིའི་སྤྱི་ཚོགས་ཁྲོད་དྲ་འབུ་གློག་འཕྲིན་ནང་གཏོང་མཁན་རྒྱ་ནག་དང་འབྲེལ་བ་ཡོད་པ་ར་སྤྲོད་བྱུང་ཡོད།"

"ཐེངས་གཅིག་མཇལ་རྒྱུ་དང་བྱིན་རླབས་ཞུ་རྒྱུ་བྱུང་ཚེ། ནང་ཆོས་ཀྱི་འཛིན་གྲྭ་ཐེངས་བརྒྱ་ཚོགས་པ་ལས་བྱིན་རླབས་ཆེ་བ་ཡོད།”

བོད་ནང་ཉེ་བའི་ལོ་ཤས་ནང་དཔོན་རིགས་ཀྱི་ལྐོག་ཟ་རུལ་སུངས་གནས་ཚུལ་ལ་ཞིབ་བཤེར་གྱི་གྱོད་གཞི་མང་དུ་ཕྱིན་ཡོད་པ།

རྒྱ་ནག་ཁྲུང་ཆིན་གྲོང་ཁྱེར་སྤྱི་ཁྱབ་ཟུར་བ་ཧྭང་ཆི་ཧྥན་ལ་སྒྲིག་ཁྲིམས་དང་ཁྲིམས་ལུགས་ལ་འགལ་འཛོལ་ཚབས་ཆེན་བྱས་པའི་དོགས་གཞིའི་འོག་ཞིབ་བཤེར་བྱེད་བཞིན་འདུག The post རྒྱ་ནག་ཁྲུང་ཆིན་གྲོང་ཁྱེར་གྱི་སྤྱི་ཁྱབ་ཟུར་བ་ཧྭང་ཆི་ཧྥན་ལ་ཞིབ་བཤེར་བྱེད་ཀྱི་འདུག appeared first on བོད་ཀྱི་དུས་བབ།.

བོད་མིའི་སྒྲིག་འཛུགས་ཀྱི་བཀའ་ཤག་དང་དབུས་འོས་བསྡུ་ལས་ཁང་། སྤྱི་ཁྱབ་རྩིས་ཞིབ་ལས་ཁང་བཅས་ལ་དྲུང་ཆེ་བསྐོ་གཞག་གིས་ལས་ཁུར་དབུ་འཛུགས་ཞུས་འདུག The post ཨརྱ་ཚེ་དབང་རྒྱལ་པོ་ལགས་ཀྱིས་བཀའ་དྲུང་གི་ལས་ཁུར་དབུ་འཛུགས་ཞུས། appeared first on བོད་ཀྱི་དུས་བབ།.

ཉེ་ཆར་རྒྱ་གར་གཞུང་གིས་ལ་དྭགས་ནང་གི་ས་ཆ་༢༨ ཀྱི་མིང་ས་ཁྲའི་ཐོག་ཏུ་གཏན་འབེབས་བྱས་ཤིང་། གཏན་འབེབས་དེར་རྒྱ་ནག་གིས་སྐྱོན་བརྗོད་བྱས་ནས་ལ་དྭགས་དེ་རྒྱ་ནག་གི་ཡིན་པ་ལས་རྒྱ་གར་གྱི་མངའ་ཁོངས་སུ་མིན་ཞེས་བརྗོད་པར་བརྟེན། རྒྱ་གར་གཞུང་གིས་རྒྱ་ནག་ལ་སྐྱོན་བརྗོད་དང་ངོས་ལེན་མེད་པར་བརྗོད་འདུག The post རྒྱ་ནག་གིས་ལ་དྭགས་ཀྱི་བདག་དབང་རྩོད་པར་རྒྱ་གར་གྱིས་ལན་འདེབས། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༤ ཉིན་བཀའ་དྲུང་ཤ་འབྲོང་བཀྲ་ཤིས་རྒྱ་མཚོ་ལགས་དང་བཀའ་དྲུང་གསར་པ་འབུམ་རམས་པ་ཨརྱ་ཚེ་དབང་རྒྱལ་པོ་ལགས་རྣམ་གཉིས་དབར་རྩིས་སྤྲོད་རྩིས་ལེན་གྱི་མཛད་སྒོ་སྟབས་བདེ་ཞིག་ཚོགས་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༡༠  ཙམ་ལ་བཀའ་དྲུང་ཡིག་ཚང་དུ་སྤྲོད་དཔང་ཕྱི་དྲིལ་དྲུང་ཆེ་ཀརྨ་རིན་ཆེན་ལགས་དང་། བཀའ་དྲུང་ཟུར་པ་ཤ་འབྲོང་བཀྲ་ཤིས་རྒྱ་མཚོ་ལགས། བཀའ་དྲུང་གསར་པ་འབུམ་རམས་པ་ཨརྱ་ཚེ་དབང་རྒྱལ་པོ་ལགས་བཅས་ལྷན་འཛོམས་ཀྱིས་ཐོག་མར་བཀའ་དྲུང་གསར་རྙིང་གཉིས་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་སྐུ་ཕྱག་དང་མཇལ་དར་ཕྲུལ་གྲུབ་མཚམས་བཀའ་དྲུང་ཟུར་པ་ཤ་འབྲོང་བཀྲ་ཤིས་རྒྱ་མཚོ་ལགས་ཀྱིས་བཀའ་དྲུང་གསར་པ་འབུམ་རམས་པ་ཨརྱ་ཚེ་དབང་རྒྱལ་པོ་ལགས་ལ་ཞབས་སྟེགས་རྩིས་སྤྲོད་ཀྱིས་མཇལ་དར་ཕུལ། དེ་རྗེས་སྤྲོད་དཔང་དབུ་བཞུགས་ཐོག་བཀའ་དྲུང་ཟུར་པ་ཤ་འབྲོང་བཀྲ་ཤིས་རྒྱ་མཚོ་ལགས་ནས་བཀའ་དྲུང་གསར་པ་འབུམ་རམས་པ་ཨརྱ་ཚེ་དབང་རྒྱལ་པོ་ལགས་ལ་ལས་ཐམ་དང་། ཡིག་དངོས་རྩ་ཆེ་ཁག་གཅིག་རྩིས་སྤྲོད་དང་། སྤྲོད་དཔང་དྲུང་ཆེ་ཀརྨ་རིན་ཆེན་ལགས་ཀྱིས་རྟེན་འབྲེལ་མཚོན་བྱེད་མཇལ་དར་ཕུལ་རྗེས་བཀའ་ཡིག་ཁྱབ་ཁོངས་དང་བཅས་པའི་ལས་བྱེད་ཡོངས་ནས་རྟེན་འབྲེལ་གྱི་མཇལ་དར་ཕུལ་ཏེ་མཛད་སྒོ་བདེ་ལེགས་ངང་གྲོལ།དེ་ཡང་འབུམ་རམས་པ་ཨརྱ་ཚེ་དབང་རྒྱལ་པོ་ལགས་ནི།  མ་སུ་རི་གཏན་སློབ་ཐོན་རྗེས་རྒྱ་གར་པན་ཇབ་མཐོ་སློབ་ནས་ཉེ་བའི་རབ་འབྱམས་པ་བསླབ་པ་མཐར་སོན་པ་དང་། རྒྱ་གར་ལྷོ་ཕྱོགས་ཏ་མིལ་ནཱ་དུ་མངའ་སྡེའི་ནང་རྟེན་གཞི་བྱས་པའི་ཨ་ན་མ་ལ་ཡི་མཐོ་སློབ་ནས་དཔལ་འབྱོར་རིག་པའི་ཐོག་གཙུག་ལག་རབ་འབྱམས་པའི་སློབ་མཐར་སོན། དེ་ནས་ལྡི་ལི་མཐོ་སློབ་ནས་ཉི་འོང་རིག་པའི་གཙུག་ལག་རབ་འབྱམས་དང་། ཏཱོ་ཀྱོར་རྟེན་གཞི་བྱས་པའི་ Chiyoda College of Business ཞེས་པ་ནས་རྒྱལ་སྤྱིའི་ཚོང་ལས་དང་དཔལ་འབྱོར་ཐོག་ཌིབ་ལོ་མ། ལྡི་ལི་མཐོ་སློབ་ནས་འབུམ་རམས་པའི་སློབ་གཉེར་བཅས་གནང་།  ཕྱི་ལོ་ ༡༩༨༨ ཕྱི་ཟླ་ ༤ ནང་དཔལ་འབྱོར་ལས་ཁུངས་སུ་ཐོག་མར་ཕྱག་ལས་གནང་བ་ནས་བཟུང་ལས་འགན་འདྲ་མིན་ནང་ཕྱག་ལས་གནང་བའི་ཁོངས་ནས་གཙོ་ཆེ་ཡིད་ཆེས་དགེ་རྩའི་ཚོང་ལས་སྡེ་ཚན་གྱི་སྤྱི་ཁྱབ་འགན་འཛིན་དང་། ལྡི་ལི་དཔལ་འབྱོར་པར་སྐྲུན་ཁང་གི་འགན་འཛིན་སོགས་གནང་།  ཕྱི་ལོ་ ༢༠༠༥ ཟླ་བ་ ༦ ཚེས་ ༡༦ ཉིན་ཉི་འོང་བོད་ཀྱི་སྐུ་ཚབ་དོན་ཁང་གི་དྲུང་གཞོན་དུ་གནས་སྤོས། ཕྱི་ལོ་ ༢༠༠༨...

ཉེ་ལམ་ཕྱི་ཟླ་ ༡༠ ཚེས་ ༩ ནས་ ༡༡ བར་ནོར་ཝེར་རྟེན་གཞི་བྱས་པའི་ཀརྨ་བཤད་སྒྲུབ་གླིང་དགོན་དུ་ཨིན་ཇིའི་མཚོ་གླིང་དང་། པོ་ལེནྜ། བྱང་ཡུ་རོབ། སྦལ་ཊིག་རྒྱལ་ཁབ་ཁག་ཏུ་གནས་པའི་བོད་དོན་རྒྱབ་སྐྱོར་ཚོགས་པ་ཁག་དང་། བོད་རིགས་ཚོགས་པ་ཁག་བཅས་ཀྱི་ས་ཁུལ་ཚོགས་འདུ་ཐེངས་གསུམ་པ་དེ་སྐོང་འཚོགས་གནང་འདུག དེ་ཡང་ནོར་ཝེ་བོད་རིགས་ལྷན་ཚོགས་དང་། ནོར་ཝེ་བོད་དོན་ྲརྒྱབ་སྐྱོར་ཚོགས་པ་གཉིས་ཀྱི་མཐུན་འགྱུར་འོག་ཨིན་ཡུལ་སྐུ་ཚབ་དོན་ཁང་གིས་གོ་སྒྲིག་གནང་བའི་ཚོགས་འདུ་དེའི་ཐོག ཨིན་ཡུལ་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་དང་། དམིགས་བསལ་སྐུ་མགྲོན་དུ་ཕྱོགས་བཞུགས་སྤྱི་འཐུས་ཐུབ་བསྟན་རྒྱ་མཚོ་ལགས་དང་། ཡུ་རོབ་བོད་རིགས་འབྲེལ་མཐུད་པ་དོན་གྲུབ་རྒྱལ་པོ་ལགས། ཌེན་མཱག་དང་། ནོར་ཝེ། སྭི་ཌན། ཕིན་ལེནྜ། ཨེསྟོ་ནི་ཡ། ལི་ཐུའེ་ནི་ཡ། ཨིན་ཡུལ་བཅས་ཀྱི་བོད་དོན་རྒྱབ་སྐྱོར་ཚོགས་པ་བདུན་གྱི་སྐུ་ཚབ་ཉི་ཤུ་རྩ་ལྔ་དང་། པོ་ལེནྜ་དང་སྭི་ཌན་གཉིས་ནས་དང་བླངས་བོད་དོན་ཞུ་གཏུག་ལས་འགུལ་གྱི་རྒྱལ་ཡོངས་འབྲེལ་མཐུད་པ་གཉིས། དེ་བཞིན་ཨིན་ཡུལ་སྐུ་ཚབ་དོན་ཁང་གི་ཁྱབ་ཁོངས་སུ་ཡོད་པའི་བོད་རིགས་མཐུན་ཚོགས་དྲུག་གི་སྐུ་ཚབ་བཅས་ནས་མཉམ་ཞུགས་གནང་འདུག ཚོགས་འདུ་འདིའི་ཐོག་གཙོ་བོ་མཉམ་ཞུགས་པ་རྣམས་ལྷན་འཛོམས་ཀྱིས་བོད་མིའི་སྤྱི་ཚོགས་དང་འབྲེལ་བའི་གནད་དོན་ཁག་ལ་གྲོས་བསྡུར་སྤྱི་དང་། ལྷག་པར་རྒྱ་ནག་གིས་བོད་ནང་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་ཡིག་ལག་བསྟར་བྱས་པའི་ཤུགས་རྐྱེན་དེར་གདོང་ལེན་ཆེད་དུ་ནུས་པ་ལྡན་པའི་ལས་འགུལ་སྤེལ་རྒྱུའི་ཐད་གྲོས་བསྡུར་གནང་འདུག་པ་མ་ཟད། སྐབས་དེར་ཚང་མས་མཉམ་འབྲེལ་གྱི་ལས་གཞི་ཁག་གཅིག་བཏོན་པའི་ནང་། བོད་དོན་ཞུ་གཏུག་ཉིན་མོའམ་བདུན་ཕྲག་དང་། རྒྱ་ནག་གི་དབང་བསྒྱུར་འོག་གི་མི་རིགས་རྣམས་ལ་ཁྲིམས་ཡིག་འདིའི་ཤུགས་རྐྱེན་གསལ་བའི་གསང་བའི་དྲྭ་མིག་གི་འགྲེམས་ཤོག  བྱང་ཡུ་རོབ་རྒྱལ་ཁབ་ཁག་ཏུ་ཐབས་བྱུས་ལྡན་པའི་མཉམ་ལས། གྲོས་ཚོགས་འཐུས་མི་དང་གནད་ཡོད་མི་སྣ་རྣམས་དང་ལྷན་རྒྱུན་མཐུད་འབྲེལ་བ་བྱ་རྒྱུ་བཅས་ཡིན་པ་རེད། སྐབས་དེར་ཨིན་ཡུལ་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་ཀྱིས། རྒྱ་ནག་གིས་བོད་ནང་རྒྱ་ཡིག་གཙོ་བོ་བཟོ་རྒྱུའི་འབད་བརྩོན་ལ་གདོང་ལེན་ཆེད་དུ་བོད་མི་རྣམས་ལ་བོད་ཡིག་གང་མང་བཀོལ་སྤྱོད་གནང་རྒྱུའི་གལ་གནད་སྐོར་ནན་བརྗོད་གནང་བ་མ་ཟད། ཕ་མ་ཚོས་རང་གི་ཁྱིམ་ཚང་དུ་བོད་སྐད་ཐོག་གང་མང་བཀའ་མོལ་གནང་དགོས་པའི་སྐུལ་མ་གནང་འདུག་པ་དང་། ཕྱོགས་མཚུངས་ཕྱོགས་བཞུགས་སྤྱི་འཐུས་ཐུབ་བསྟན་རྒྱ་མཚོ་ལགས་ཀྱིས་བཙན་བྱོལ་བོད་མི་རྣམས་ནི་གཞིས་བྱེས་བོད་མི་ཡོངས་ཀྱི་སྐུ་ཚབ་ཡིན་ཞེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་དྲན་སྐུལ་གནང་བ་དང་སྦྲགས། ཚང་མས་བོད་དོན་ཐོག་ནུས་པ་གང་ཡོད་སྤུང་དགོས་པ་དང་འབྲེལ།  རྒྱ་ནག་གི་ཁྲིམས་ཡིག་གསར་པ་དེས་བོད་ཀྱི་སྐད་ཡིག་དང་། རིག་གཞུང་། ངོ་བོ་བཅས་ལ་གནོད་འཚེ་ཚབས་ཆེན་ཕོག་སྲིད་པ་དེར་ངོ་རྒོལ་ཆེད་དུ་སོ་སོའི་རྒྱལ་ཁབ་ཁག་ཏུ་བོད་ཀྱི་སྐད་ཡིག་དང་རིག་གཞུང་གི་བསྟི་གནས་ཁང་གསར་འཛུགས་གནང་རྒྱུ་ཐོག་འབད་བརྩོན་གནང་དགོས་པ་གསུངས་འདུག དེ་བཞིན་ནོར་ཝེའི་ལོ་རྒྱུས་སྨྲ་བ་དང་།...

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༢ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་པ་རག་ (Prague Congress Centre) ཞེས་པའི་བསྟི་གནས་ཁང་དུ་ཚོགས་བཞིན་པའི་ ༢༠༠༠ ཞི་བདེའི་གླེང་སྟེགས་ཐེངས་ ༣༠ པའི་ཉིན་གཉིས་པར་མཉམ་ཞུགས་གནང་ཡོད་ཅིང་། དབུ་འབྱེད་ཀྱི་མཛད་སྒོ་དང་ཝ་ཁེ་ལེབ་ཧ་ཝེལ་གྱི་དབང་ཤུགས་མེད་པའི་སྙིང་སྟོབས་ (Václav Havel’s Courage of the Powerless) ཞེས་པའི་བརྗོད་གཞིའི་བགྲོ་གླེང་གི་ལས་རིམ་ཐོག་མཉམ་ཞུགས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་དཔལ་ལྡན་སྲིད་སྐྱོང་མཆོག་གིས་ཇར་མན་གྲོས་ཚོགས་ཀྱི་ཚོགས་མི་སྐུ་ཞབས་རོ་དྷི་རེ་ཁི་སི་ཝེ་ཊར་ (Roderich Kiesewetter) ལགས་དང་། ཉི་འོང་གྲོས་ཚོགས་འཐུས་མི་ཡུ་ཡ་མི་ནེ་ཤི་མཱ་ (Yuya Mineshima) ལགས་དང་མཇལ་འཕྲད་ཀྱིས་ཕྱོགས་གཉིས་ཀྱི་གྲོས་གླེང་གནང་ཡོད།དེ་བཞིན་དཔལ་ལྡན་སྲིད་སྐྱོང་མཆོག་གིས་ཨེ་པོག་དུས་བབ་ (The Epoch Times) ཅེས་པའི་གསར་ཁང་གི་གསར་འགོད་པ་མི་ལན་ཀ་ཇི་ནེག་ (Milan Kajínek) ལགས་ཀྱི་བཅར་འདྲིར་དང་ལེན་གྱིས་རྒྱ་ནག་གིས་བོད་ནང་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དང་མ་འོངས་པའི་བོད་མི་རིགས་སིམ་སྒྱུར་སླད་མི་སེར་སྤེལ་ཡུལ་གྱི་གཏན་འཇགས་སློབ་གྲྭ་བཅས་ལག་བསྟར་བྱེད་པ་བརྒྱུད་བོད་མིའི་ངོ་བོ་ལ་བཙན་གནོན་དམ་དྲག་བྱེད་བཞིན་པ་གསལ་སྟོན་གནང་ཡོད།...