༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༢༤ ཉིན་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་ཁང་དུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་ནང་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་འབུམ་རམས་པ་ཨེ་ལི་སི་ཀ་ཛི་གྷོ་ཝ་ (Dr. Eliska Zigova) མཆོག་གཞུང་ཚབ་ཀྱི་ལས་ཡུན་རྫོགས་པ་དང་བསྟུན་མཇལ་འཕྲད་ཀྱིས་འཚམས་འདྲི་ཞུས་གནང་ཡོད།དེ་ཡང་ཆུ་ཚོད་གཅིག་རིང་གི་མཇལ་འཕྲད་སྐབས་གཙོ་བོ་བོད་ནང་རྒྱ་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཚུད་པའི་མི་རིགས་སིམ་སྒྱུར་གྱི་སྲིད་བྱུས་ལག་བསྟར་བྱེད་བཞིན་པའི་སྐོར་དང་། ཁྲིམས་ཡིག་འདིས་བོད་མིའི་ངོ་བོ་སྲུང་སྐྱོབ་ལ་དོ་ཕོག་ཇི་ལྟར་ཐེབས་མིན་ཐོག་ལ་གླེང་སློང་གནང་ཡོད། དེ་བཞིན་འཛམ་གླིང་གི་སྟོབས་ཤུགས་ཀྱི་གནས་སྟངས་འགྱུར་བ་འགྲོ་བཞིན་པ་དང་། བོད་མི་རིགས་ཀྱི་ད་ལྟའི་གནས་སྟངས། བོད་མིའི་སྒྲིག་འཛུགས་ཀྱི་ཞི་བའི་གྲོས་མོལ་བརྒྱུད་བོད་མི་རྣམས་ལ་མིང་དོན་མཚུངས་པའི་རང་སྐྱོང་ཐོབ་ཐབས་ཀྱི་སྲིད་བྱུས་དབུ་མའི་ལམ་བཅས་ཀྱི་ཐོག་གྲོས་མོལ་གནང་ཡོད། སྐབས་དེར་དཔལ་ལྡན་སྲིད་སྐྱོང་མཆོག་གིས་ལྕམ་སྐུ་ཨི་ལི་སི་ཀ་མཆོག་ནས་བོད་མིའི་སྤྱི་ཚོགས་ལ་རྒྱུན་མཐུད་རྒྱབ་སྐྱོར་གནང་བར་ཐུགས་རྗེ་ལེགས་འབུལ་མཚོན་ཆེད་མཇལ་དར་དང་སྒྲོལ་ལྗང་གི་སྐུ་ཐང་ཞིག་ཕུལ་ཡོད།ལྕམ་སྐུ་ཨེ་ལི་སི་ཀ་མཆོག་གིས་བོད་མི་རིགས་དང་། བོད་མིའི་སྒྲིག་འཛུགས་ཀྱི་ཞི་བདེ་དང་། གྲོས་མོལ། མང་གཙོ། འགྲོ་བ་མིའི་ཐོབ་ཐང་བཅས་ཀྱི་རིན་ཐང་སྲུང་སྐྱོབ་ཐོག་གི་འབད་བརྩོན་ལ་མུ་མཐུད་རྒྱབ་སྐྱོར་གནང་རྒྱུའི་ཆོད་སེམས་བསྐྱར་ནན་གནང་ཡོད། དཔལ་ལྡན་སྲིད་སྐྱོང་མཆོག་གིས་ལྕམ་སྐུ་ཨེ་ལི་སི་ཀ་མཆོག་གི་མ་འོངས་པའི་བྱ་བ་མཐའ་དག་ལམ་ལྷོངས་ཡོང་བར་འཚམས་འདྲི་ཞུས་པ་དང་ཆབས་ཅིག བོད་མིའི་སྤྱི་ཚོགས་ལ་ཡུན་རིང་རྒྱབ་སྐྱོར་དང་། འབྲེལ་བ་གནང་བར་བསྔགས་བརྗོད་ཞུས་གནང་ཡོད། མཇལ་འཕྲད་སྐབས་དཔལ་ལྡན་སྲིད་སྐྱོང་མཆོག་དང་ལྷན་ལྡི་ལི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་དང་། སྐུ་ཚབ་དོན་ཁང་གི་དྲུང་ཆེ་བཀྲ་ཤིས་བདེ་སྐྱིད་ལགས། སྣེ་ལེན་འགན་འཛིན་བསྟན་འཛིན་པ་སངས་ལགས་བཅས་ཕེབས་ཡོད་པ་བཅས།།

ཕྱི་ལོ་༢༠༢༦ ཟླ་༨ ཚེས་༡༧ ནས་༡༩ བར་ཨོ་གླིང་གི་རྒྱལ་ས་ཁན་བྷེ་རར་༼Canberra༽ལ་ཡོད་པའི་ཨོ་གླིང་གི་གྲོས་ཚོགས་ཁང་དུ། གཞོན་སྐྱེས་ཚོར་ཨོ་གླིང་གི་གྲོས་ཚོགས་ལམ་ལུགས་ལ་རྒྱུས་མངའ་དང་། ལྷག་པར་དུ་ཁྲིམས་འཆར་ཟིན་འབྲི་འགོད་སྟངས་དང་། དེའི་ཐོག་བགྲོ་གླེང་བྱེད་པ། མཐའ་མར་ཁྲིམས་སུ་གཏན་ལ་འབེབས་སྟངས་བཅས་ཀྱི་བརྒྱུད་རིམ་ལ་སློབ་སྦྱོང་བྱེད་རྒྱུའི་ཆེད། The post བསྟན་འཛིན་འཆི་མེད་ཀྱིས་ཨོ་གླིང་གི་གནད་ཡོད་དཔོན་རིགས་རྣམས་ལ་བོད་དོན་རྒྱབ་སྐྱོར་ཡོང་བའི་འབོད་སྐུལ་ཞུས། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༣ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ The Leela Palace དུ་འབུམ་རམས་པ་སྭ་པན་དཱས་གུཔྟ་ (Dr. Swapan Dasgupta) མཆོག་ནུབ་བྷེང་གྷལ་གྱི་དཔལ་འབྱོར་བློན་ཆེན་དུ་བསྐོ་གཞག་བྱུང་བར་ཆེ་བསྟོད་སླད་གོ་སྒྲིག་ཞུས་པའི་དགོང་མའི་གསོལ་སྟོན་ཐོག་མཉམ་ཞུགས་གནང་ཡོད།སྐབས་དེར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་འབུམ་རམས་པ་སྭ་པན་དཱས་གུཔྟ་མཆོག་ལ་འཚམས་འདྲི་ཞུས་པ་དང་སྦྲགས། ཁོང་གིས་མི་མང་ལ་ལྷག་བསམ་རྣམ་དག་གིས་ཞབས་འདེགས་བསྒྲུབས་པ་དང་འགོ་ཁྲིད་ཀྱི་ལས་འགན་གསར་པ་བཞེས་པར་ཡི་རང་བསྔགས་བརྗོད་ཞུས་ཡོད། དེ་བཞིན་ཐུན་མོང་གི་ཁེ་ཕན་ཐོག་རྒྱུན་མཐུད་མཉམ་འབྲེལ་དང་། བགྲོ་གླེང། མཉམ་ལས་བཅས་གནང་རྒྱུ་ནི་གལ་ཆེན་པོ་ཡིན་པའི་ཐོག་ནན་བརྗོད་གནང་ཡོད།མཛད་སྒོའི་ཐོག་དཔལ་ལྡན་སྲིད་སྐྱོང་མཆོག་གིས་འབུམ་རམས་པ་སྭ་པན་དཱས་གུཔྟ་མཆོག་ལ་མཇལ་དར་དང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་འབུལ་ཏེ་འཚམས་འདྲི་ཞུས་པ་དང་། དེ་བཞིན་སྐབས་དེར་རྒྱ་གར་དབུས་གཞུང་གི་དཔལ་འབྱོར་བློན་ཆེན་ལྕམ་སྐུ་ནིར་མ་ལ་སི་ཐ་ར་མན་ (Nirmala Sitharaman) མཆོག་དང་། དབུས་གཞུང་གིས་རྡོ་སྣུབ་བློན་ཆེན་ཧར་ཌེབ་སེངྒ་པུ་རི་ (Hardeep Singh Puri) མཆོག་མཇལ་འཕྲད་གནང་ཡོད།དེ་ཡང་པད་མ་བྷུ་ཥན་ (Padma Bhushan) གཟེངས་རྟགས་ཐོབ་མཁན་དང་། གསར་འགོད་པ་ཟུར་པ། སྲིད་དོན་དཔྱད་ཞིབ་པ་འབུམ་རམས་པ་སྭ་པན་དཱས་གུཔྟ་མཆོག་གིས་ཕྱི་ལོ་ ༢༠༢༦ ཟླ་བ་ ༦ ཚེས་ ༡༠...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༦ ཟླ་ ༨ ཚེས་ ༢༣ ཉིན་ལ་དྭགས་དབྱར་ཆོས་ཆེན་མོ་ཐེངས་ ༡༢ པ་ལ་དྭགས་མང་སྤྲོ་དགོན་དུ་ཚོགས་ཡོད་པ་དེར་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས་བའི་སྐབས་བཀའ་སློབ་བསྩལ་བའི་ནང་བོད་ཀྱི་ཆོས་དང་རིག་གཞུང་། དེ་བཞིན་སྐད་བཅས་དེང་གི་དུས་རབས་ ༢༡ པའི་འཛམ་གླིང་ནང་དོ་སྣང་དང་བེད་སྤྱོད་ཆེན་པོ་བྱུང་བཞིན་ཡོད་པ་དེར་བོད་ཀྱི་མི་རབས་གོང་མ་རྣམས་ཀྱི་བཀའ་དྲིན་དྲན་དགོས་པའི་སྐོར་བཀའ་བསྩལ་གནང་སོང་། དེ་ཡང་༧གོང་ས་༧སྐྱབས་མགོན་ཆེན་པོ་མཆོག་གིས་བཀའ་བསྩལ་དོན་དུ། བཅོམ་ལྡན་འདས་ཀྱི་གསུང་རྣམས་ནི་དཔལ་ན་ལན་དྲ་ནས་བརྒྱུད་དེ། བོད་ཆོལ་ཁ་གསུམ་གྱི་ནང་དུ་ནང་ཆོས་ཀྱི་ལྟ་བ་དང་རིག་པ་རྣམས་བརྟག་དཔྱད་ཞིབ་རྩད་དང་མཉམ་བོད་ཀྱི་སེ་འབྲས་དགའ་གསུམ་གྱི་ནང་དུ་ནང་པའི་གཞུང་ཆེན་རྣམས་སློབ་ཁྲིད་དང་སྦྱང་པ་ཞེ་དྲགས་ཡོད་པ། ཡང་བོད་...

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༣ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མང་སྤྲོ་དགོན་པར་ལ་དྭགས་དབྱར་ཆོས་ཆེན་མོ་ཐེངས་བཅུ་གཉིས་པའི་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས་ཡོད་པ་རེད།                                            དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨།༣༠ ཙམ་ལ་ཤེལ་གྱི་ཞི་བའི་ཚལ་ཕོ་བྲང་ནས་མང་སྤྲོ་དཔལ་ཐུབ་བསྟན་ཤྭ་གླིང་ཆོས་འཁོར་དགོན་དུ་ཆིབས་བསྒྱུར་བསྐྱངས་ཤིང་། ཕེབས་ལམ་དུ་ཡུལ་མི་རྣམས་ཀྱིས་ལག་ཏུ་མེ་ཏོག་དང་བདུག་སྤོས་སོགས་ཐོགས་ནས་ཕེབས་བསུ་དང་བཅས་མངོན་པར་དགའ་བའི་ཕོ་བྲང་མདུན་ཐང་དུ་༸ཞབས་སོར་འཁོད་པ་དང་། སྐབས་དེར་ཆོས་ར་རུ་སློབ་གྲྭ་ཁག་གི་སློབ་ཕྲུག་རྣམས་ཀྱིས་རྟགས་གསལ་གཟིགས་འབུལ་དང་། ཁྲིག་རྩེ་རིན་པོ་ཆེ། འབྲུག་པ་ཐུགས་སྲས་རིན་པོ་ཆེ། ས་སྐྱའི་ཕུན་ཚོགས་ཕོ་བྲང་གི་གདུང་སྲས་ཨ་སངྒ་བཛྲ་རིན་པོ་ཆེ། གོ་སྒྲིག་ཚོགས་ཆུང་གི་འཐུས་མི་སོགས་ཀྱིས་ཕེབས་བསུ་དང་། མངོན་པར་དགའ་བའི་ཕོ་བྲང་དུ་དུས་ཡུན་ཐུང་ཙམ་རིང་སྐུས་ངལ་གསོ་གནང་མཛད་ཡོད།ཆུ་ཚོད་...

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༢༢ ཉིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དགའ་ལྡན་ཁྲི་ཐོག་ཁང་ནས་འཇམ་མགོན་རྒྱལ་བའི་རྒྱལ་ཚབ་༸སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དང་། ༸སྐྱབས་རྗེ་ཤར་བྱང་ཆོས་རྗེ་རིན་པོ་ཆེ་རྣམ་གཉིས་ལ་བརྟན་བཞུགས་འདེགས་འབུལ་སྐབས་ཆེད་ཕེབས་གནང་བ་དང་། དེ་བཞིན་༸སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དང་། ༸སྐྱབས་རྗེ་ཤར་བྱང་ཆོས་རྗེ་རིན་པོ་ཆེ་བཅས་ལ་འཚམས་མཇལ། དེ་རྗེས་གཞི་རིམ་འོག་མ་དང་། གཞི་རིམ་གོང་མའི་སློབ་གྲྭ་བཅས་ལ་འཚམས་གཟིགས་སུ་ཕེབས་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༧།༤༥ ཐོག་བརྟན་བཞུགས་དངོས་གཞིའི་མཛད་སྒོ་དབུ་འཛུགས་མ་གནང་གོང་། ༸སྐྱབས་རྗེ་བྱང་རྩེ་ཆོས་རྗེ་རིན་པོ་ཆེ་མཆོག་དགའ་ལྡན་བྱང་རྩེ་གྲྭ་ཚང་དུ་ཆོས་རིག་བཀའ་བློན་མཆོག་གིས་འཚམས་མཇལ་ཞུས་ཡོད།ཆུ་ཚོད་ ༨།༠༠ ཐོག་བརྟན་བཞུགས་བསྟར་འབུལ་གྱི་མཛད་སྒོ་དངོས་སུ་དབུ་འཛུགས་གནང་བ་བཞིན་ཆོས་རིག་བཀའ་བློན་མཆོག་ཆེད་ཕེབས་ཀྱིས་༸རིན་པོ་ཆེ་མཆོག་རྣམ་གསུམ་ལ་མཎྡལ་རྟེན་གསུམ་འདེགས་འབུལ་ཞུས་ཡོད། བརྟན་བཞུགས་སྐབས་གདན་ས་གསུམ་གྱི་གྲྭ་ཚང་ཁག་གིས་གཙོས་རྒྱུད་གྲྭ་སྟོད་སྨད་གཉིས་ཀྱི་མཁན་རིན་པོ་ཆེ་རྣམ་པ་དང་། དགའ་ལྡན་ཕོ་བྲང་གི་དྲུང་ཆེ་དང་རྒྱུད་སྟོད་གྲྭ་ཚང་གི་བླ་མ་དབུ་མཛད་ཡང་སྟེང་རིན་པོ་ཆེ་མཆོག་བཅས་ཕེབས་འདུག བརྟན་བཞུགས་འདེགས་འབུལ་གྲོལ་རྗེས་༸སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དང་༸སྐྱབས་རྗེ་ཤར་རྩེ་ཆོས་རྗེ་རིན་པོ་ཆེ་མཆོག་ལ་འཚམས་མཇལ་ཞུས་ཡོད། རིན་པོ་ཆེ་མཆོག་རྣམ་གསུམ་ལ་འཚམས་མཇལ་ཞུས་སྐབས་ཆོས་རིག་བཀའ་བློན་མཆོག་ནས་སྐབས་ ༡༧ པའི་བཀའ་ཤག་གིས་གཙོ་བོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཞེད་དགོངས་སྒྲུབ་རྒྱུ་དང་། བཀའ་ཤག་གསར་པའི་ལས་དོན་ལམ་ལྷོང་ཡོང་བ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དབུས་དབུ་ཁྲིད་བླ་ཆེན་རྣམ་པ་སྐུ་ཚེ་ཞབས་པད་བསྐལ་བརྒྱར་བརྟན་པ་བཅས་ཀྱི་ཆེད་ཐུགས་སྨོན་སྐྱབས་འཇུག་ཡོང་བའི་གསོལ་འདེབས་དང་། སྐབས་ ༡༧ པའི་བཀའ་ཤག་གི་སྤྱི་ཡོངས་ལས་དོན་བྱེད་ཕྱོགས་སོགས་ངོ་སྤྲོད་ཞུས། དེ་བཞིན་ཆོས་རིག་ལས་ཁུངས་ཀྱི་ལས་གཞི་གལ་ཆེ་བ་གནས་སྐོར་མཉེན་ཆས་དང་། གྲངས་འཛིན་དཔེ་མཛོད་ཀྱི་ལས་གཞི་ཀྱང་ངོ་སྤྲོད་ཞུས་ཡོད།འཚམས་མཇལ་གྲུབ་རྗེས་གཞི་རིམ་འོག་མའི་སློབ་གྲྭར་གཟིགས་སྐོར་ཕེབས་པ་དང་བསྟུན། ༸རྒྱལ་བའི་སྐུ་ཕྲེང་རིམ་བྱོན་གྱི་མཛད་རྣམ་སྙིང་བསྡུས་འགྲེམས་སྟོན་དབུ་འབྱེད་གནང་ཞིང་གཟིགས་སྐོར་དུ་ཕེབས། དེ་རྗེས་གཞི་རིམ་གོང་མའི་སློབ་གྲྭར་ཕེབས་སྐབས་དགེ་ལས་སློབ་ཕྲུག་རྣམས་ནས་རོལ་དབྱངས་དང་བཅས་སེར་བང་བསྟར་སྒྲིག་གིས་ཕེབས་བསུའི་སྣེ་ལེན་གཟབ་རྒྱས་ཞུས་ཤིང་། དགེ་ལས་སློབ་ཕྲུག་རྣམས་ཚང་འཛོམས་སར་སློབ་ཕྲུག་ཚོས་སློབ་སྦྱོང་ཡག་པོ་བྱེད་དགོས་པ་དང་། ལྷག་པར་བོད་ཡིག་དང་བོད་སྐད་ཡག་པོ་སྦྱང་བརྩོན་བྱེད་དགོས་པ། འཕྲོད་བསྟེན་གལ་ཆེན་པོ་ཡིན་པར་བརྟེན་འཕྲོད་བསྟེད་ལ་དོ་སྣང་དགོས་གལ། ང་ཆོའི་མེས་དབོན་གོང་མ་རྣམས་ནས་བྱུང་བའི་བོད་མི་རིགས་ཀྱི་ཡ་རབས་བཟང་སྤྱོད་དེ་མི་རབས་ནས་མི་རབས་ཉམས་པ་མེད་པར་རྒྱུན་འཛིན་གནང་ཐུབ་པ་དགོས་རྒྱུ།...

ཟླ་ ༧ ཚེས་ ༢ ཉིན། རང་བཙན་བློ་དགའ་ལགས་ཀྱིས་ཨ་རིིའི་གྲོང་ཁྱེར་ནིེའུ་ཡོག་ལ་རྟེན་གཞི་བྱས་པའི་མཉམ་སྦྲེལ་རྒྱལ་ཚོགས་ཀྱི་ལས་ཁུངས་མདུན་ཐང་དུ་སྐུ་ལུས་མེ་རུ་བསྒྲོན་རྗེས་འདས་གྲོངས་སུ་ཕྱིན། སྐུ་ལུས་མེ་རུ་མ་བསྒྲོན་གོང་། ཁོང་གིས་ངོ་དེབ་ཐོག་སྐར་མ་དྲུག་ཅན་གྱི་ཐད་གཏོང་གི་བརྙན་ཞིག་སྤེལ་ཡོད་ལ། དེའི་ནང་དུ་བཙན་བྱོལ་བོད་མི་རྣམས་ལ་མཐུན་སྒྲིལ་བྱེད་དགོས་པ་དང་། མུ་མཐུད་བོད་རང་བཙན་གྱི་ཆེད་དུ་འཐབ་རྩོད་བྱེད་དགོས་པའི་སྐུལ་མ་བཏང་ཡོད། ད་དུང་བོད་མི་ཚོར་རང་གི་སྐད་ཡིག་དང་རིག་གཞུང་ཉར་ཚགས་བྱེད་དགོས་པའི་འབོད་སྐུལ་དང་། རྒྱ་ནག་གི་མི་རིགས་མཐུན་སྒྲིལ་དང་ཡར་སྐུལ་གྱི་ཁྲིམས་ཟེར་བ་དེར་ངོ་རྒོལ་གྱི་སྐད་ཆ་ཡང་བཤད་ཡོད། The post གཟིམ་པ་མེད་པའི་མེ་ལྕེ། དཔའ་བོ་རང་བཙན་བློ་དགའ་དང་ཐུབ་བསྟན་དངོས་གྲུབ་དྲན་པ། appeared first on བོད་ཀྱི་དུས་བབ།.

རྒྱ་གར་གྱི་ལུ་དྷི་ཡ་ནར་པཎ་འཇབ་ཚོང་པ་མང་པོས་བློ་དགའ་རང་བཙན་ལཊ་སུ་རྗེས་དྲན་གྱི་ལས་འགུལ་ནང་མཉམ་ཞུགས་གནང་པ།

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༢༡ ཉིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གི་འཚམས་གཟིགས་ཉིན་ལྔ་པར་མོན་གྷོ་གཞིས་སྤྱི་ཚོགས་ཁང་ཆེན་མོའི་ནང་དུ་མི་མང་ཐུག་འཕྲད་ཀྱིས་གསུང་བཤད་གནང་བ་དང་། དེ་རྗེས་མཐོ་ལྡིང་དགོན་པ་དང་། གཞིས་གྲོང་དྲུག་པའི་འགྲོ་ཕན་བོད་ཀྱི་སྨན་རྩིས་ཁང་གི་ཡན་ལག་སྨན་ཁང་། གཞིས་གྲོང་དྲུག་པའི་སཾ་བྷོ་ཊའི་གཞི་རིམ་འོག་མའི་སློབ་གྲྭ། འབོད་དཀར་ཐོས་བསམ་ནོར་གླིང་གྲྭ་ཚང་བཅས་ལ་འཚམས་གཟིགས་དང་། གཞིས་སྤྱི་ནོར་བུ་རི། འབྲི་གུང་བཀའ་བརྒྱུད་བདེ་ཆེན་ཆོས་སྐུ་གླིང་། དེ་རྗེས་གཞིས་ཁག་གསུམ་གྱི་བགྲེས་སོང་ཉམ་ཐག་ཁག་གཅིག་གི་ཁྱིམ་དུ་གནས་སྟངས་རྟོག་ཞིབ་གནང་།དེ་ཡང་སྔ་དྲོའི་ཆུ་ཚོད་ ༩།༣༠ ཐོག་ཆོས་རིག་བཀའ་བློན་མཆོག་གིས་མོན་གྷོ་འདོད་རྒུ་གླིང་གཞིས་སྤྱི་ཚོགས་ཁང་ཆེན་མོའི་ནང་མི་མང་རྣམས་ལ་གསུང་བཤད་གནང་དོན་གཙོ་བོ་སྐབས་ ༡༧ པའི་བཀའ་ཤག་གི་སྤྱི་ཡོངས་ལས་དོན་བྱེད་ཕྱོགས་དང་ལངས་ཕྱོགས་ངོ་སྤྲོད་དང་། ཆོས་རིག་ལས་ཁུངས་ཀྱི་ལས་གཞི་གལ་ཆེ་ཁག་གཅིག་ངོ་སྤྲོད་གནང་ཡོད། དེ་ཡང་བཀའ་ཤག་སྐབས་ ༡༧ པའི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་སྒྲུབ་རྒྱུ། ༸གོང་ས་མཆོག་ཐུགས་བསུན་བཟོ་མི་དགོས་པ་དང་། གཞིས་ལུས་མི་མང་བློ་ཕམ་མི་དགོས་པ་བཟོ་རྒྱུ། ༸གོང་ས་མཆོག་ལ་མཚན་སྨད་ཞུ་མཁན་ལ་གདོང་ལེན་མཐར་ཕྱིན་པ་བྱ་རྒྱུ། དེ་བཞིན་ད་ལྟའི་བཀའ་ཤག་གི་ལས་དོན་ཡོངས་རྫོགས་ཁྲིམས་སྒྲིག་གཞིར་བཟུང་ཆོས་བརྒྱུད་དང་ཆོལ་ཁའི་དབྱེ་བ་མེད་པར་སྤྱི་སྙོམས་དྲང་བདེན་དང་། ནུས་པ་མཉམ་སྤུངས། གོམ་པ་མདུན་སྤོའི་ཐོག་བསྐྱོད་རྒྱུ། ༸གོང་ས་མཆོག་གི་༸སྐུའི་ཉེན་སྲུང་ཞུ་སྒོ་རྒྱ་གར་གཞུང་དང་ཟུང་འབྲེལ་ཐོག་སྔར་ལྷག་དམ་དོན་ཞུ་རྒྱུ། ༸རྒྱལ་བའི་ཡང་སྲིད་གནད་དོན་ཐོག་ཨ་རི་དང་རྒྱལ་ཁབ་གྲངས་ ༣༨ ནས་རྒྱབ་སྐྱོར་ཐོབ་པ་བཞིན་མུ་མཐུད་རྒྱབ་སྐྱོར་ཐོབ་ཐབས་ཞུ་རྒྱུ། འཛིན་སྐྱོང་ངོས་ནས་མང་གཙོ་ཀ་བ་གཞན་གཉིས་དང་། རང་དབང་ཅན་གྱི་སྡེ་ཚན་ཁག་ལ་འགན་དབང་ཆ་བགོས་ལྟར་ཆེ་མཐོང་ལྡན་པའི་སྒོ་ནས་འབྲེལ་བ་ཞུ་རྒྱུ། གཞུང་ཁོངས་མིན་པའི་ཚོགས་པ་ཁག་ལ་ཆེ་མཐོང་དང་ལས་དོན་ལ་དོ་ཕོག་མི་འགྲོ་ཆེད་ཐེ་བྱུས་མི་བྱ་རྒྱུ། དེ་བཞིན་བོད་མིའི་སྒྲིག་འཛུགས་གློག་འཕྲུལ་ཡིག་ཚགས་དང་གྲངས་འཛིན་དཔེ་མཛོད་སོགས་དེང་དུས་དང་མཐུན་པའི་འཕྲུལ་ཆས་ཀྱི་དུས་ཚོད་དང་མཉམ་དུ་འགྲོ་ཐུབ་པའི་གོམ་པ་མདུན་སྤོས་བཅས་ཀྱི་ཐོག་ལ་ཕྱག་ལས་གནང་བཞིན་པ། ཆོས་རིག་ལས་ཁུངས་ཀྱི་འགྲོ་བཞིན་པའི་ལས་གཞི་གལ་ཆེ་བ་གནས་སྐོར་མཉེན་ཆས་དང་གྲངས་འཛིན་དཔེ་མཛོད་བཅས་ཀྱི་ངོ་སྤྲོད་གནང་རྗེས།...

རྒྱ་གར་ཀྱི་གྲོས་ཚོགས་འཐུས་མི་ཞིག་གིས་རྒྱ་ནག་གིས་མི་རིགས་མཐུན་སྒྲིལ་གྱི་ཁྲིམས་ལག་བསྟར་ཐད་ཉེན་བརྡ་བཏང་པ།

ལས་འགུལ་བ་སྐལ་བཟང་མཐར་ཕྱིན་ལགས་ཀྱིས་མགོ་བཙུགས་པའི་ཀ་ཁ་ག་ང་རྣམ་པར་རྒྱལ་གྱུར་ཅིག་ཅེས་པའི་སྐད་ཡིག་སྲུང་སྐྱོབ་ཀྱི་ཞི་བའི་གོམ་བགྲོད་དེ་ཧིན་བོད་མཐའ་མཚམས་ཁུལ་དུ་སྤེལ་མ་ཐུབ་པར་རེ་ཞིག་མཚམས་འཇོག་བྱས་འདུག The post ཀ་ཁ་ག་ང་རྣམ་པར་རྒྱལ་གྱུར་ཅིག་ཅེས་པའི་བོད་ཀྱི་སྐད་ཡིག་སྲུང་སྐྱོབ་ཀྱི་ཞི་བའི་གོམ་བགྲོད་མཚམས་འཇོག་བྱས།  appeared first on བོད་ཀྱི་དུས་བབ།.

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༢༠ ཉིན་རྒྱལ་གཅེས་པ་བློ་བཟང་དཔལ་ལྡན་ནམ་ཡོངས་གྲགས་སུ་རང་བཙན་བློ་དགའ་དམ་པ་དེ་ཉིད་ཀྱིས་རང་ལུས་མེར་སྲེག་གནང་སྟེ་སྐུ་སྲོག་ཤོར་བའི་བདུན་ཚིགས་བདུན་པའི་ཐོག་མོན་གྷོ་འདོད་རྒུ་གླིང་ས་གནས་འགོ་འཛིན་ལས་ཁང་གི་གོ་སྒྲིག་འོག་མི་མང་རྣམས་ནས་མཆོད་འབུམ་སྨོན་ལམ་དང་ཞི་བའི་གོམ་བགྲོད་གནང་བ་བཞིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་ཆེད་ཕེབས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨།༣༠ ཐོག་ས་གནས་མི་མང་ཚོགས་ཁང་ནང་ས་གནས་ཀྱི་ལས་སྣེ་རྣམས་དང་མི་མང་འདུས་འཛོམས་ཀྱིས་མཆོད་འབུལ་སྨོན་ལམ་འགོ་འཛུགས་མ་གནང་གོང་། རྒྱལ་གཅེས་པ་རང་བཙན་བློ་དགའ་དམ་པ་དེ་ཉིད་ཀྱིས་རང་ལུས་མེར་སྲེག་གནང་སྟེ་སྐུ་སྲོག་ཤོར་བའི་བདུན་ཚིགས་བདུན་པའི་ཐོག་ཆོས་རིག་བཀའ་བློན་མཆོག་ནས་བཀའ་ཤག་གི་གཏམ་བཤད་སྒྲོགས་སྦྱང་གནང་རྗེས་མཆོད་འབུལ་སྨོན་ལམ་འགོ་བཙུགས་གནང་བ་དང་། དེ་གྲོལ་རྗེས་ནོར་བུ་རི་བར་ཞི་བའི་གོམ་བགྲོད་ནང་མཉམ་ཞུགས་གནང་ཡོད་པ་བཅས།།

ཁ་སང་རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་ནེའུ་ཡོག་གི་རྒྱལ་ཚོགས་མདུན་ཐང་དུ་སྐུ་ལུས་མེར་བསྲེགས་ནས་ཞག་ཞེ་དགུ་འཁོར་བར་རྗེས་དྲན་དང་བསྟུན་འཛམ་གླིང་ས་ཕྱོགས་གང་ས་ནས་རྣམ་པ་འདྲ་མིན་གྱི་ཐོག་ནས་ངོ་རྒོལ་ལས་འགུལ་སྤེལ། The post འཛམ་གླིང་ས་ཕྱོགས་གང་སར་ངོ་རྒོལ་གྱི་ལས་འགུལ་སྤེལ། appeared first on བོད་ཀྱི་དུས་བབ།.

དེ་རིང་ནི་བོད་ཀྱི་དཔའ་བོ་རང་བཙན་བློ་དགའ་ལགས་ཀྱིས་རང་ལུས་མེ་བསྲེགས་བཏང་ནས་ཞི་རྒོལ་བྱས་ཏེ་ཞག་ཞེ་དགུ་ཏག་ཏག་འཁོར་བའི་ཉིན་མོ་རེད། འདས་བའི་ཞག་ཞེ་དགུའི་རིང་འཛམ་གླིང་ཡུལ་གྲུ་གང་སར་གནས་པའི་བོད་ཀྱི་ཚོགས་སྡེ་དང་། མི་སྒེར། དེ་བཞིན་བོད་དོན་རྒྱབ་སྐྱོར་བ་སོགས་ཀྱིས་ལས་འགུལ་འདྲ་མིན་གཅིག་རྗེས་གཉིས་མཐུད་དུ་སྤེལ་ཡོད་ལ། ཞག་ཞེ་དགུ་འཁོར་བའི་ཉིན་མོ་དང་སྟབས་བསྟུན་ནས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པའི་སྣེ་འཁྲིད་འོག་མཆོད་འབུལ་སྨོན་ལམ་འཚོགས་པ་དང། བཀའ་སྤྱིའི་བསྒྲགས་གཏམ་སྤེལ་བ། དེ་བཞིན་ཞི་བའི་གོམ་བགྲོད་བཅས་གནང་བ་རེད། སྤྱི་ཡོངས་ནས་བལྟས་ན་བོད་རིགས་གཞོན་སྐྱེས་ཚོས་རྣམ་དཔྱོད་ཀྱི་རྩལ་བཏོན་ནས་ལས་འགུལ་མང་དག་ཅིག་སྤེལ་དང་སྤེལ་མུས་ཡིན་པ་ནི་དགའ་འོས་པ་ཞིག་མ་རེད་དམ། The post ལེའུ་གསར་པ་འདིའི་མཇུག་སྐྱོང་མཁན་ནི་ང་ཚོ་ཡིན། appeared first on བོད་ཀྱི་དུས་བབ།.

བློ་དགའ་རང་བཙན་ལགས་ཀྱི་ཆེད་གཞུང་འབྲེལ་གྱི་མཆོད་འབུལ་དང་གོམ་བགྲོད་གནང་པ།

༄༅། །རྒྱལ་གཅེས་པ་རང་བཙན་བློ་དགའ་ལགས་དམ་པ་དེ་ཉིད་ཀྱིས་རྒྱ་ནག་གཞུང་གིས་བོད་མིར་འཛིན་པའི་སྲིད་བྱུས་ལ་ངོ་རྒོལ་ཆེད། ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་ཨ་རིའི་གྲོང་ཁྱེར་ནེའུ་ཡོག་ཏུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་དུ་རང་ལུས་མེར་བསྲེགས་ཀྱིས་འདས་གྲོངས་གྱུར་ཏེ་ཕྱི་ལོ་ ༢༠༢༦ ཟླ་བ་ ༨ ཚེས་ ༢༠ ཉིན་བདུན་ཚིགས་བདུན་པ་འཁེལ་གྱི་ཡོད་པ་ལྟར། དམ་པ་དེ་ཉིད་དང་། བོད་ཕྱི་ནང་གཉིས་སུ་བསྟན་སྲིད་མི་རིགས་ཆེད་ལུས་སྲོག་ལོངས་སྤྱོད་བློས་གཏོང་གནང་མཁན་རྣམ་པར་གདུང་སེམས་མཉམ་སྐྱེད་དང༌། མྱ་ངན་གུས་འདུད། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་ངོ་རྒོལ་མཚོན་ཕྱིར་བཀའ་སྤྱི་ཐུན་མོང་ནས་གོ་སྒྲིག་འོག བཞུགས་སྒར་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་སྔ་དྲོ་ཆུ་ཚོད་ ༡༠ པའི་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་།  ལྷན་ཁང་ཁག་གི་དྲུང་ཆེ་ཆུང་རྣམ་པ། སྲི་ཞུའི་ལས་བྱེད་རྣམ་པ། བཞུགས་སྒར་ཁུལ་གནས་སྡོད་རིས་མེད་ཆོས་སྡེ་ཁག་གི་དགེ་བཙུན་སྔགས་གསུམ། ཚོགས་སྡེ་སྒྲིག་འཛུགས་ཁག་གི་ལས་བྱེད། གཞན་ཡང་གཉུག་མར་གནས་པ་དང་གློ་བུར་དུ་ལྷགས་པའི་དགེ་བཙུན་སྔགས་གསུམ། དེ་བཞིན་སློབ་ཕྲུག་དང་མི་མང་སོགས་ཁྱོན་མི་གྲངས་སྟོང་ཕྲག་བརྒལ་བ་འདུ་འཛོམས་ཀྱིས་སྨོན་ལམ་གསུང་འདོན་གནང་མུར་རྣམ་རྒྱལ་གྲྭ་ཚང་གི་དགེ་བསྐོས་ནས་ཆོས་རིག་ལས་ཁུངས་ཀྱི་སྐྱབས་ཐོ་སྒྲོགས་སྦྱང་གནང་།དེ་ནས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གསུང་བཤད་གནང་དོན། དེ་རིང་རྒྱལ་གཅེས་པ་བློ་བཟང་དཔལ་ལྡན་ནམ་ཡོངས་གྲགས་སུ་རང་བཙན་བློ་དགའ་དམ་པ་ཁོང་གིས་ཨ་རིའི་གྲོང་ཁྱེར་ནེའུ་ཡོག་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་ཨ་མའི་མདུན་ཐང་དུ། ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་བོད་རྒྱལ་ཁབ་དང་མི་རིགས་ཀྱི་ཆེད་དུ། རང་ལུས་མེར་སྲེག་བཏང་སྟེ་སྐུ་གྲོངས་པའི་བདུན་ཚིགས་བདུན་པ་འཁེལ་གྱི་ཡོད་པས། བཀའ་སྤྱི་ཐུན་མོང་ནས་གོ་སྒྲིག་བྱས་ཏེ། རྒྱལ་གཅེས་པ་དམ་པ་དེ་ཉིད་དང་། བོད་ཀྱི་བསྟན་སྲིད་མི་རིགས་ཆེད་ལུས་སྲོག་ལོངས་སྤྱོད་བློས་གཏོང་གནང་མཁན་རྒྱལ་གཅེས་པ་ཚོར་གདུང་སེམས་མཉམ་སྐྱེད་དང་།...

༄༅། །དེ་རིང་འདིར་ཞི་བའི་གོམ་བགྲོད་ལ་ཕེབས་མཁན་རྣམ་པ་ཡོངས་ལ་འཚམས་འདྲི་ཞུ་རྒྱུ་དང་། རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་རྒྱ་ནག་དམར་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་གཏན་འབེབས་བྱས་ཏེ་ཕྱི་ལོ་ ༢༠༢༦ ཟླ་ ༧ ཚེས་ ༡ ནས་དངོས་སུ་ལག་བསྟར་བྱ་རྒྱུའི་ཉིན་གཉིས་པ་སྟེ་ཕྱི་ཟླ་ ༧ ཚེས་ ༢ ཉིན་ཨ་རིའི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་ཐང་དུ་བོད་ཀྱི་རྒྱལ་དར་འཁྱེར་ནས་བོད་རང་དབང་རང་བཙན་ཆེད་རྒྱ་ནག་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་ནས་འདས་གྲོངས་སུ་གྱུར་ཏེ་དེ་རིང་བདུན་ཚིགས་བདུན་པ་འཁེལ་གྱི་ཡོད་པ་ལྟར། དམ་པ་དེ་ཉིད་དང་བོད་ཕྱི་ནང་གཉིས་སུ་བསྟན་སྲིད་མི་རིགས་ཆེད་ལུས་སྲོག་ལོངས་སྤྱོད་བློས་གཏོང་གནང་མཁན་རྣམ་པར་གུས་འདུད་ཞུ་རྒྱུ་དང་། བཀའ་སྤྱི་ཐུན་མོང་ནས་གོ་སྒྲིག་འོག་དེ་རིང་སྔ་དྲོ་ཐེག་ཆེན་ཆོས་གླིང་གཙུག་ལག་ཁང་དུ་མཆོད་འབུལ་སྨོན་ལམ་རྒྱ་ཆེ་ཞུས་པ་དང་། དེ་རྗེས་ཞི་བའི་གོམ་བགྲོད་ཀྱི་ལས་འགུལ་འདི་སྤེལ་བ་རེད། རྒྱ་ནག་དམར་གཞུང་གིས་བོད་ལ་བཙན་འཛུལ་དབང་བསྒྱུར་བྱས་པ་ནས་བཟུང་བོད་ཡུལ་སྟོད་སྨད་བར་གསུམ་གང་སར་གཏེར་ཁ་སྔོག་འདོན་དང་། ནགས་ཚལ་གཅོད་འབྲེག ལྷོ་ཆུ་བྱང་འདྲེན། གློག་ཁང་གསར་རྒྱག་སོགས་གཙང་པོ་བཀག་སྐྱིལ་དང་ཁ་བསྒྱུར་ལ་བརྟེན་ནས་རང་བྱུང་ཐོན་ཁུངས་ལ་གཏོར་སྐྱོན་ཚད་ལས་བརྒལ་བ་བཏང་དང་གཏོང་མུས་ཡིན་པ་མ་ཟད། བོད་མི་ཚོའི་གཞི་རྩའི་འགྲོ་བ་མིའི་ཐོབ་ཐང་ཡོངས་སུ་འཕྲོག་སྟེ། ཆོས་དད་དང་། འགྲོ་འོང་། སྨྲ་བརྗོད། སྐད་ཡིག་རྒྱུན་འཛིན་དང་དར་སྤེལ་སོགས་ཀྱི་རང་དབང་གཏན་ནས་མེད་པར་བཀག་སྡོམ་བྱས་ཡོད་ལ། བོད་ཕྲུག་ས་ཡ་བརྒལ་བ་རྒྱའི་བཅའ་སྡོད་སློབ་གྲྭ་ཟེར་བ་ཁག་ནང་བཙན་དབང་གིས་བཅུག་ནས་རྒྱ་ཡིག་མ་གཏོགས་རང་གི་ཆོས་དང་། རིག་གཞུང་། སྐད་ཡིག་སོགས་སྦྱོང་རྒྱུའི་གོ་སྐབས་མེད། རྒྱ་གཞུང་གིས་དང་ཐོག་མི་རབས་གཉིས་པའི་སྲིད་བྱུས་ཟེར་བའི་ཐོག་བོད་མིས་འདོད་པ་ཡེ་ནས་མེད་བཞིན་དུ་བོད་ཀྱི་སྣོད་བཅུད་གཉིས་ལ་ཡ་ང་བའི་གདུག་རྩུབ་ཅན་གྱིས་སྲིད་བྱུས་ངན་པ་རབ་དང་རིམ་པ་ལག་བསྟར་བྱས་པར་བོད་ཕྱི་ནང་གཉིས་ནས་རྒྱ་གཞུང་ལ་ངོ་རྒོལ་གྱི་ལས་འགུལ་རིམ་པ་མང་པོ་སྤེལ་ཡོད་ལ། ལྷག་དོན་ཕྱི་ལོ་ ༢༠༠༩ ནས་ད་བར་བོད་ནང་ཤེས་རྟོགས་ར་འཕྲོད་གསལ་པོ་བྱུང་བ་རྒྱལ་གཅེས་དཔའ་བོ་དཔའ་མོ་གྲངས་ ༡༥༧ ཙམ་གྱིས་སྔ་རྗེས་སུ་རང་ལུས་མེར་བསྲེགས་བཏང་སྟེ་རྒྱ་གཞུང་གི་མཁྲེགས་འཛིན་གྱི་སྲིད་བྱུས་ལ་ངོ་རྒོལ་བྱས་ཡོད། ཉེ་ཆར་རྒྱལ་གཅེས་དཔའ་བོ་རང་བཙན་བློ་དགའ་དམ་པ་ཁོང་གིས་ཕྱི་ཟླ་ ༧ ཚེས་ ༢ ཉིན་རང་ལུས་མེར་བསྲེགས་མ་གནང་བའི་སྔོན་ལ་མཐའ་མའི་ཞལ་ཆེམས་ཀྱི་བརྙན་ཐུང་ནང་།...

༄༅། །དེ་རིང་། རྒྱལ་གཅེས་དཔའ་བོ་བློ་བཟང་དཔལ་ལྡན་ནམ་ཡོངས་གྲགས་སུ་བློ་དགའ་རང་བཙན་དམ་པ་དེ་ཉིད་ཀྱིས། རྒྱ་ནག་གུང་ཁྲན་གྱིས་བོད་ལ་འཛིན་པའི་སྲིད་བྱུས་དང་། བོད་མི་རིགས་རྩ་མེད་གཏོང་བཞིན་པ་དེའི་ཆེད་དུ་ལས་འགུལ་སྤེལ་གྱི་ཡོད་ཅེས་དང་། ང་ཚོ་ཚང་མ་རྡོག་རྩ་གཅིག་ཏུ་བསྒྲིལ་ཏེ་བོད་རང་བཙན་གྱི་ཆེད་དུ་ལས་འགུལ་སྤེལ་དགོས་པའི་ཞལ་ཆེམས་བཞག་སྟེ། ཕྱི་ལོ་ ༢༠༢༦ ཟླ་ ༧ ཚེས་ ༢ ཉིན་ཨ་རིའི་གྲོང་ཁྱེར་ནིའུ་ཡོག་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་ཨ་མའི་མདུན་ཐང་དུ་རང་ལུས་མེར་བསྲེགས་ཀྱིས་སྐུ་གྲོངས་པའི་བདུན་ཚིགས་བདུན་པ་འཁེལ་གྱི་ཡོད། དེར་བརྟེན། བཀའ་སྤྱི་ཐུན་མོང་ནས་གོ་སྒྲིག་བྱས་ཏེ། དཔའ་བོ་དམ་པ་དེ་ཉིད་དང་། བོད་ཀྱི་བསྟན་སྲིད་མི་རིགས་ཆེད་ལུས་སྲོག་ལོངས་སྤྱོད་བློས་གཏོང་གནང་མཁན་དཔའ་བོ་དཔའ་མོ་ཚོར་གདུང་སེམས་མཉམ་བསྐྱེད་དང་། མྱ་ངན་གུས་འདུད། རྒྱ་དམར་གཞུང་གི་བོད་ལ་འཛིན་པའི་གདུག་རྩུབ་ཀྱི་སྲིད་བྱུས་སྤྱི་དང་། ལྷག་པར་དུ་མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་ཀྱི་ཁྲིམས་ཡིག་ཟེར་བ་དེར་ངོ་རྒོལ་མཚོན་ཆེད། མཆོད་འབུལ་སྨོན་ལམ་དང་། ཞི་བའི་གོམ་བགྲོད་ཀྱི་ལས་འགུལ་འདི་སྤེལ་གྱི་ཡོད། རྒྱལ་གཅེས་དཔའ་བོ་བློ་དགའ་རང་བཙན་དམ་པ་དེ་ཉིད་ཀྱིས་རང་ལུས་མེར་སྲེག་བཏང་བའི་གནས་ཚུལ་ཐོན་མ་ཐག་ཏུ། བྱང་ཨ་རི་སྐུ་ཚབ་དོན་ཁང་ནས་རྒྱལ་སྤྱིའི་བོད་དོན་ལས་འགུལ་ཁང་དང་ལྷན་ཛ་དྲག་དྲ་ཐོག་ཚོགས་འདུ་སྡུད་སྐོང་བྱས་ཏེ། གསར་འགྱུར་བརྒྱུད་ལམ་ཁག་ལ་གནས་ཚུལ་ཁུངས་གཏོང་དང་། བྱང་ཨ་རིའི་བོད་རིགས་སྤྱི་མཐུན་ཚོགས་པ་ཁག་ལ་གདུང་སེམས་མཉམ་བསྐྱེད་ཀྱི་མཆོད་འབུལ་སྨོན་ལམ་ཚུགས་དགོས་པའི་བཀོད་མངགས་བྱས་པ་དང་ཆབས་ཅིག་ཏུ། དགའ་ལྡན་ཕོ་བྲང་ཡིག་ཚང་བརྒྱུད་ལ་དྭགས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དམ་པ་དེའི་འདྲ་པར་དང་བཅས་རྗེས་འཛིན་ཡོང་བའི་ཐུགས་སྨོན་སྐྱབས་འཇུག་ཞུས་པའི་སྐོར་ཡིག་ཚང་གི་བཀའ་ལན་འབྲེལ་ཡོད་ནང་མིར་བརྡ་སྤྲོད་བྱས་ཡོད་ཅིང་། བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག་ཉིན་དེའི་མཚན་དཀྱིལ་དུ་བཀའ་ཤག་གི་སྐུ་ཚབ་ཀྱི་ངོ་བོར་བོད་རིགས་སྤྱི་མཐུན་ཚོགས་པའི་ཕུན་ཚོགས་སྡེ་བཞི་ཚོགས་ཁང་དུ་ཆེད་ཕེབས་ཀྱིས་གདུང་སེམས་མཉམ་བསྐྱེད་གནང་ཡོད། ཕྱི་ཟླ་ ༧ ཚེས་ ༣ ཉིན་སྲིད་སྐྱོང་གི་མིང་ཐོག་ནས་ཡོངས་ཁྱབ་གསལ་བསྒྲགས་སྤེལ་བའི་ནང་དུའང་། “བློ་དགའ་རང་བཙན་དམ་པ་དེ་ཉིད་ལུས་སྲོག་ལོངས་སྤྱོད་དང་བཅས་པ་བློས་གཏོང་གི་ཐག་གཅོད་འདི་བྱེད་དགོས་པའི་རྐྱེན་རྩ་ནི། བོད་ནང་དུ་འབྱུང་བཞིན་པའི་མི་རིགས་རྩ་མེད་ཀྱི་སྲིད་བྱུས་དང་། ཕྱི་ཟླ་ ༧ ཚེས་ ༡...

བློ་དགའ་རང་བཙན་ལགས་ཀྱིས་ཨ་རིའི་གྲོང་ཁྱེར་ནིའུ་ཡོག་ཏུ་ཡོད་པའི་མཉམ་འབྲེལ་རྒྱལ་ཚོགས་ཀྱི་མདུན་དུ་རང་ལུས་མེར་བསྲེགས་གནང་སྟེ་འདས་གྲོངས་སུ་གྱུར་ནས་ཞག་ ༤༩ སོང་བའི་ཉིན་ཏེ་ཕྱི་ཟླ་ ༨ ཚེས་ ༡༩ ཉིན་ཁོང་གི་ཚ་མོ་དང་གཉེན་ཉེ་གཙོ་བོར་གྱུར་བའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་དང་ནིའུ་ཡོག་ས་གནས་གཞོན་ནུའི་ཚོགས་གཙོ་དང་རྒྱུན་ལས། སྤྱི་ཟུར་བསྟན་འཛིན་འཇིགས་མེད་ལགས་བཅས་ཀྱིས་ཨ་རིའི་ཕྱི་སྲིད་ལས་ཁུངས་སུ་བཅར་ཏེ་ཨ་རིའི་གཞུང་གི་བོད་དོན་ཆེད་དམིགས་བསལ་འབྲེལ་མཐུད་པ་རི་ལེ་སྦརཎསི་མཆོག་དང་མཇལ་ཕྲད་ཞུས་ཤིང་། བློ་དགའ་རང་བཙན་ལགས་ཀྱི་ཞུ་འབོད་ཁག་ངོ་སྤྲོད་ཞུས་འདུག་ལ། བློ་དགའ་ལགས་ཀྱི་ཚ་མོ་བསོད་ནམས་ཆོས་སྒྲོན་ལགས་ཀྱིས་ཨེ་...

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༡༩ ཉིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་གི་འཚམས་གཟིགས་ཉིན་གསུམ་པར་དགའ་ལྡན་བླ་སྤྱི་དང་དགའ་ལྡན་ཤར་བྱང་གྲྭ་ཚང་གཉིས། དེ་བཞིན་རྙིང་དགོན་རྡོར་བྲག་གསང་སྔགས་ཆོས་འཁོར་གླིང་། ས་སྐྱ་བརྩེ་ཆེན་དམ་ཆོས་གླིང་། མོན་གྷོ་འདོད་རྒུ་གླིང་འཕྲོད་བསྟེན་ཀུན་བདེ་སྨན་ཁང་། བཙུན་དགོན་བྱང་ཆུབ་ཆོས་གླིང་དང་། སྤྱན་རས་གཟིགས་སློབ་གླིང་བཅས་ལ་འཚམགས་གཟིགས་སུ་ཕེབས་ཡོད།དེ་ཡང་གོང་ཚེས་ཉིན་གྱི་སྔ་དྲོའི་ཚུ་ཚོད་ ༩།༣༠ ཐོག་དགའ་ལྡན་བླ་སྤྱི་འདུ་ཁང་དུ་མཆོད་མཇལ་ཕེབས་རྗེས་དགའ་ལྡན་ཤར་རྩེ་ནོར་གླིང་གྲྭ་ཚང་གྱི་མཁན་རིན་པོ་ཆེ་དགེ་བཤེས་བྱང་ཆུབ་སངས་རྒྱས་མཆོག་ནས་ཕེབས་བསུ་དང་སྦྲགས་འདུ་ཁང་དུ་མཆོད་མཇལ་ཞུས་ཏེ་མཁན་རིན་པོ་མཆོག་དང་བཀའ་བསྡུར་གནང་། དེ་ནས་གྲྭ་ཚང་གི་དཔེ་མཛོད་དུ་འཚམས་གཟིགས་སུ་ཕེབས་ཏེ་གྲངས་འཛིན་དཔེ་མཛོད་ཀྱི་ལས་གཞིར་རྟོག་ཞིབ་དང་གོ་བསྡུར་གནང་།དེ་རྗེས་དགའ་ལྡན་བྱང་རྩེ་ཐོས་བསམ་ནོར་གླིང་གྲྭ་ཚང་དུ་འཚམས་གཟིགས་སུ་ཕེབས་སྐབས་ཕྱག་མཛོད་ནས་ཕེབས་བསུ་དང་དགོན་པའི་འདུ་ཁང་དུ་མཆོད་མཇལ་དང་སྦྲགས་ཕྱག་མཛོད་ཁང་དུ་གྲྭ་ཚང་གི་མཁན་རིན་པོ་ཆེ་འཇིགས་མེད་ལམ་བཟང་མཆོག་མཇལ་འཕྲད་ཀྱིས་བཀའ་བསྡུར་ལྷུག་པོ་གནང་། དེ་རྗེས་གྲྭ་ཚང་གི་དཔེ་མཛོད་དུ་འཚམས་གཟིགས་གནང་སྟེ་གྲངས་འཛིན་དཔེ་མཛོད་ཀྱི་ལས་གཞིར་རྟོག་ཞིབ་གནང་། དེ་ནས་རྙིང་དགོན་རྡོར་བྲག་གསང་སྔགས་ཆོས་འཁོར་གླིང་དང་། ས་སྐྱ་བརྩེ་ཆེན་དམ་ཆོས་གླིང་དུ་འཚམས་གཟིགས་སུ་ཕེབས།ཉིན་གུང་གསོལ་ཚོགས་གྲུབ་རྗེས་མོན་གྷོ་འདོད་རྒུ་གླིང་འཕྲོད་བསྟེན་ཀུན་བདེ་སྨན་ཁང་དུ་ཕེབས་སྐབས་སྨན་ཁང་གི་འགན་འཛིན་དང་སྨན་པ་གཉིས་གཙོས་ལས་བྱེད་རྣམས་ནས་ཕེབས་བསུ་ཀྱིས་སྡེ་ཚན་རེ་རེར་འཚམས་གཟིགས་དང་འབྲེལ་ཡོད་སོ་སོར་གོ་བསྡུར་དང་ལས་དོན་ཧུར་ཐག་ཞུ་དགོས་ཐོག་ནད་པ་དང་ནད་རོགས་ལ་བྱམས་བརྩེའི་ཐོག་གཤིས་སྤྱོད་བཟང་པོའི་ངང་འབྲེལ་བ་ཞུ་གལ་ཆེ་བའི་ལམ་སྟོན་གནང་།དེ་ནས་བཙུན་དགོན་བྱང་ཆུབ་ཆོས་གླིང་དུ་འཚམས་གཟིགས་སུ་ཕེབས་ཅིང་དགོན་པའི་མཁན་པོ་དང་ཕྱག་མཛོད་ལྷན་བཙུན་དགོན་གྱི་ཕྱི་དངུལ་ལེན་བེད་ཆོག་པའི་དེབ་བསྐྱེལ་དུས་འགྱངས་བཀའ་འཁྲོལ་མ་གནང་བར་ཐེངས་གཉིས་བཀག་བསྐྱིལ་བྱུང་བར་དཀའ་སེལ་ཞུ་སྒོའི་ཐོག་བཀའ་བསྡུར་ལྷུག་པོ་གནང་། དེ་རྗེས་སྤྱན་རས་གཟིགས་སློབ་གླིང་ཞེས་པའི་རྒྱ་གར་བྱང་ཤར་ཨ་རུ་ན་ཅལ་ཁུལ་ནས་ཡིན་པའི་སློབ་ཕྲུག་ ༥༠ ཙམ་གྱི་སྡོད་ཁང་དུ་འཚམས་གཟིགས་སུ་ཕེབས་ཏེ་སློབ་གླིང་གི་འགན་ཁུར་བ་དང་ལྷན་དུ་བཀའ་བསྡུར་ལྷུག་པོ་གནང་ཡོད།འཚམས་གཟིགས་སྐབས་མཁན་པོ་དང་ཕྱག་མཛོད་རྣམ་པར་བར་ལམ་རྒྱ་གར་གཞུང་གིས་ཕྱི་དངུལ་ལེན་བེད་ཆོག་པའི་སྒྲིག་གཞིར་བསྐྱར་བཅོས་འགའ་གནང་བ་བཞིན་དེ་དག་ལ་ཐུགས་སྣང་དང་། སྒྲིག་གཞི་དང་མཐུན་པའི་ཐོག་ཕྱག་ལས་གནང་གལ་ཆེ་བ། གྲྭ་ཚང་དུ་ཕྲུ་གུ་གསར་དུ་འཇུག་བཞེས་སྐབས་ཕ་མའི་མོས་མཐུན་ངོས་སྦྱོར་ངེས་པར་མཉམ་འཁྱེར་གྱིས་སྐུ་ངལ་མི་འཕྲད་པ་གནང་གལ། གྲངས་འཛིན་དཔེ་མཛོད་དང་གནས་སྐོར་གཉེན་ཆས་ཀྱི་ལས་གཞིའི་དམིགས་ཡུལ་ལྟར་ད་བར་ཕྱག་ལས་གང་ལེགས་གནང་འདུག་པ་བཞིན་མུ་མཐུད་དེ་ལྟར་གནང་རོགས་ཞུ་རྒྱུ་དང་། བོད་མིའི་སྒྲིག་འཛུགས་ལ་འབྲེལ་བ་གནང་སྒོ་ཁག་ས་གནས་འགོ་འཛིན་ལས་ཁུངས་སུ་གནས་འབྲེལ་ཡོང་བ་བཅས་ཀྱི་འབོད་སྐུལ་ཞུས་ཡོད་པ་བཅས་ཉིན་གསུམ་པའི་འཚམས་གཟིགས་ཀྱི་ལས་རིམ་ལེགས་གྲུབ་བྱུང་ཡོད།།  

རྒྱ་ནག་གི་ས་གཤིས་རིག་པ་བ་ཁག་ཅིག་གིས། རྒྱ་ནག་གཞུང་གིས་ཡར་ཀླུང་གཙང་པོའི་སྨད་རྒྱུད་དུ་འཛུཊ་སྐྲུན་བྱེད་བཞིན་པའི་འཛམ་གླིང་གི་ཆུ་མཛོད་ཆེ་ཤོས་དེ་ནི་ (paizhen) ཞེས་ས་འགུལ་འབྱུང་སླ་བའི་ས་གཞིའི་སྟེང་ཐད་ཀར་ཡོད་པ་ཉེན་བརྡ་བཏང་འདུག་ལ། ས་གཤིས་དེས་བོད་ཀྱི་ཡར་ཀླུང་གཙང་པོའི་སྟེང་དུ་ད་ལྟ་འཛུགས་སྐྲུན་བྱེད་བཞིན་པའི་ཆུ་མཛོད་ཆེན་པོ་ཙམ་མ་ཟད། ཉེ་འགྲམ་གྱི་འཛུགས་སྐྲུན་ཆ་ཚང་ལ་གནོད་སྐྱོན་གཏོང་སྲིད་པའི་ཉེན་ཁ་ཡོད་པ་བརྗོད་འདུག མ་ཟད་ས་ཁུལ་དེའི་ས་ཆའི་ཚགས་ལྷོད་ཅིང། འབྱར་ཤུགས་ཞན་པོ་ཡོད་པ་དེས། ཡུན་རིང་ཆུའི་ནང་ཐིམ་པ་དང་། ས་ཡོམ་སོགས་ཀྱི་ཤུགས་རྐྱེན་འོག ཆུ་མཛོད་ཀྱི་ཕྱོགས་གཉིས་ཀར་གས་ཆག་བྱུང་སྲིད་པའི་ཉེན་བརྡ་བཏང་འདུག ཡར་ཀླུང་གཙང་པོའི་སྟེང་དུ་འཛུགས་སྐྲུན་བྱེད་བཞིན་པའི་ཆུ་རགས་...

སྤོན་ཊ་ཆོལ་གསུམ་ནས་རྡ་ས་བར་རྒྱལ་གཅེས་དཔའ་བོའི་རྐང་འཁོར་སྐོར་སྐྱོད་རྒྱུན་མཐུད་ལས་འགུལ་སྤེལ་མཁན་རྣམས་དེ་རིང་བཞུགས་སྒར་རྡ་སར་འབྱོར་སོང་བ་དང་། ཁོང་རྣམས་ཀྱིས་ཉིན་༧ རིང་རྐང་འཁོར་སྐོར་སྐྱོད་ཀྱི་ལས་འགུལ་དེ་སྤེལ་གནང་ཡོད་པ་རེད། The post རྒྱལ་གཅེས་དཔའ་བོའི་མངོན་འདོད་རྒྱུན་མཐུད་རྐང་འཁོར་སྐོར་སྐྱོད་ལས་འགུལ་སྤེལ་མཁན་རྣམས་རྡ་སར་འབྱོར་བ། appeared first on བོད་ཀྱི་བང་ཆེན།.

རྒྱ་ནག་གི་དགོད་བྲོའི་གཏམ་གླེང་སྒྱུ་རྩལ་བ་གོ་དི་ཀང་གིས་རྒྱ་ནག་གི་གསར་བརྗེའི་བསྟོད་གཞས་ཤིག་ལ་བསྒྱུར་བཅོས་བྱས་སྟབས། དེས་སྤྱི་པའི་བཟང་སྤྱོད་དང་ཀུན་སྤྱོད་ཀྱི་ཚད་གཞི་ལས་འགལ་བའི་ནག་ཉེས་བཟོས་པར་ཁ་གཡར་ནས། ད་ལྟ་འདྲི་ཞིབ་འོག་བཅུག་ཡོད་པའི་ཁར། ཁོའི་དགོད་བྲོ་གཏམ་གླེང་གི་རྒྱལ་ཡོངས་སྐོར་སྐྱོད་ཀྱི་ལས་རིམ་ཡོངས་ཕྱིར་འཐེན་བྱེད་དགོས་བྱུང་འདུག སི་ཨན་ཨན་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གི་དགོད་བྲོའི་གཏམ་གླེང་སྒྱུ་རྩལ་བ་གོ་དི་ཀང་(郭德纲)གིས། ཕྱི་ལོ་ ༡༩༥༦ ལོར་བརྩམས་པའི་ངའི་བརྩེ་བའི་ཕེ་ཕ་(Pipa)འཁྲབ་པ་ཞེས་པའི་གཞས་ཚིག་ལས། ཝི་ཧྲན་མཚོ་ཁུལ་ཀྱི་ཡོད་ཚད་ཁུ་སིམ་མར་གྱུར་ཡོད། ཅེས་པ་དེ་པེ་ཅིན་གྱི་ཡོད་ཚད་ཁུ་སིམ་མར་གྱུར་ཡོད། ཅེས་པར་བསྒྱུར་བཅོས་བྱས་ཡོད་སྟབས། པེ་ཅིན་ནི་ལོ་ངོ་བརྒྱ་ཕྲག་མང་པོའི་རིང་རྒྱ་ནག་གི་རྒྱལ་རྒྱུད་རིམ་པ་དང་ད་ལྟའི་དམར་ཤོག་ཚོགས་པའི་སྲིད་དབང་གི་ལྟེ་གནས་ཡིན་པར་བརྟེན། པེ་ཅིན་གྱི་གནད་དོན་གླེང་སློང་བྱ་རྒྱུ་ནི་རྒྱ་ནག་ནང་ཚོར་ཤུགས་སྐྱེན་པའི་བརྗོད་གཞི་ཞིག་ཏུ་གྱུར་ཡོད་ལ། ངའི་བརྩེ་བའི་ཕེ་ཕ་འཁྲབ་པ་ཞེས་པའི་བསྟོད་གཞས་དེ་ནི་རྒྱ་ནག་དམག་དཔུང་གིས་ཉི་ཧོང་ལ་འཐབ་རྒོལ་བྱས་པའི་བློ་སྟོབས་བརྟན་པོ་མཚོན་པ་ཞིག་ཡིན་འདུག

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༡༨ ཉིན་གྱི་སྔ་དྲོར་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་འབྲས་སྤུངས་མཁན་ཁྲི་ཟུར་པ་རྗེ་བཙུན་དཀོན་མཆོག་དཔག་བསམ་དཔལ་བཟང་པོ་མཆོག་གི་སྐུ་གདུང་ཞུགས་འབུལ་གྱི་སྦྱིན་སྲེག་ལ་ཆེད་ཕེབས་གནང་། དེ་རྗེས་འབྲས་སྤུངས་སྒོ་མང་ལ་འཚམས་གཟིགས་ཕེབས་སྐབས་ཐོག་མ་སྒོ་མང་གྲྭ་ཚང་གི་འདུ་ཁང་དང་། དེ་ནས་རིམ་བཞིན་འབྲས་སྤུངས་སྒོ་མང་གྲྭ་ཚང་གི་སློབ་གྲྭའི་འཛིན་ཁང་ཁག་ལ་རྟོག་ཞིབ་ཀྱིས་འབྲེལ་ཡོད་དང་ལྷན་དུ་བཀའ་བསྡུར་གནང་བ་དང་། གྲྭ་ཚང་གི་དཔེ་མཛོད་ལ་འཚམས་གཟིགས་གནང་སྟེ་ཆོས་རིག་ལས་ཁུངས་ཀྱི་གྲངས་འཛིན་དཔེ་མཛོད་ཀྱི་ལས་གཞིའི་ཐོག་ལ་རྟོག་ཞིབ་ཀྱིས་འབྲེལ་ཡོད་ལྷན་བཀའ་བསྡུར་ལྷུག་པོ་གནང་།དེ་ནས་སྟག་ཚང་རྭ་སྟོད་གྲྭ་ཚང་དང་། ས་སྐྱ་བརྩེ་ཆེན་མདོ་སྔགས་ཆོས་གླིང་། འབྲས་སྤུངས་བླ་སྤྱི་བཅས་ལ་འཚམས་གཟིགས་སུ་ཕེབས་སྐབས་དགོན་པ་སོ་སོའི་མཁན་པོ་དང་ཕྱག་མཛོད་སོགས་ནས་ཕེབས་བསུ་གཟབ་རྒྱས་ཀྱིས་བཀའ་བསྡུར་ལྷུག་པོ་གནང་ཡོད། འབྲས་སྤུངས་བླ་སྤྱི་ནས་ཉིན་གུང་གསོལ་ཚིགས་གོ་སྒྲིག་གནང་བ་ལྟར་ཆེད་ཕེབས་གནང་རྗེས་འབྲས་སྤུངས་བློ་གསལ་གླིང་ལ་འཚམས་གཟིགས་སུ་ཕེབས། དེ་ཡང་ཐོག་མར་འབྲས་སྤུངས་བློ་གསལ་གླིང་གི་དཔེ་མཛོད་ཁང་དུ་འཚམས་གཟིགས་གནང་སྟེ་བོད་ཀྱི་གྲངས་འཛིན་དཔེ་མཛོད་ཀྱི་ལས་གཞིའི་ཐོག་དམིགས་བསལ་རྟོག་ཞིབ་གནང་བ་དང་། དེ་ནས་རིམ་བཞིན་གྲྭ་ཚང་གི་སློབ་གྲྭའི་འཛིན་ཁང་ཁག་དང་། དགོན་པའི་འདུ་ཁང་དུ་མཆོད་མཇལ་ཕེབས་ཏེ་ཕྱག་མཛོད་དང་ལྷན་བཀའ་བསྡུར་གནང་རྗེས་འབྲས་སྤུངས་བློ་གསལ་གླིང་གི་སྨན་ཁང་དང་། སྒོམ་སྒྲུབ་དང་ཚན་རིག་ལྟེ་གནས་ཁང་གི་སྡེ་ཚན་ཁག་ལ་འཚམས་གཟིགས་སུ་ཕེབས་ཤིང་འབྲེལ་ཡོད་ལྷན་དུ་བཀའ་བསྡུར་གནང་།འབྲེལ་ཡོད་ཕྱག་མཛོད་རྣམ་པར་གྲངས་འཛིན་དཔེ་མཛོད་ཀྱི་ལས་གཞིའི་རླབས་ཆེན་གྱི་དམིགས་ཡུལ་ལྟར་ད་བར་ཕྱག་ལས་གང་ལེགས་གནང་འདུག་པ་བཞིན་མུ་མཐུད་དེ་ལྟར་གནང་རོགས་ཞུ་རྒྱུ་དང་། ཕྱི་དངུལ་ལེན་བེད་ཆོག་པའི་ཁྲིམས་སྒྲིག་དང་མཐུན་པའི་ཐོག་ཕྱག་ལས་གནང་གལ་ཆེ་བ། བོད་མིའི་སྒྲིག་འཛུགས་ལ་འབྲེལ་བ་གནང་སྒོ་ཁག་འཛིན་སྐྱོང་གི་འགྲོ་ལུགས་ལྟར་ས་གནས་འགོ་འཛིན་ལས་ཁུངས་སུ་གནས་འབྲེལ་ཡོང་བ། གྲྭ་ཚང་ཁག་ཏུ་ཕྲུ་གུ་གསར་དུ་འཇུག་བཞེས་སྐབས་ཁྲིམས་མཐུན་ཕ་མའི་མོས་མཐུན་ངོས་སྦྱོར་ངེས་པར་མཉམ་འཁྱེར་གྱིས་སྐུ་ངལ་མི་འཕྲད་པ་གནང་སྐྱོང་ཡོང་བ་བཅས་ཀྱི་འབོད་སྐུལ་ཞུས། དེ་རྗེས་མོན་གྷོ་རྒས་གསོ་ཁང་དུ་ཕེབས་ཏེ་བགྲེས་སོང་རེ་རེ་བཞིན་ཐུག་འཕྲད་ཀྱིས་ཁ་འདོན་དགེ་སྦྱོར་ལ་འབད་དགོས་པའི་སྐུལ་མ་ཞུས་པ་བཅས།།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དང་། དགའ་ལྡན་ཁྲི་ཆེན་རྡོ་རྗེ་འཆང་མཆོག་གིས་དགའ་ལྡན་ཕོ་བྲང་གི་དྲུང་ཆེ་སེར་སྨད་༸སྐྱབས་རྗེ་ཡང་སྟེང་རིན་པོ་ཆེ་མཆོག་ལ་དཔལ་ལྡན་རྒྱུད་སྟོད་གྲྭ་ཚང་གི་བླ་མ་དབུ་མཛད་ཀྱི་ཕྱག་རྟགས་བསྩལ་དོན་བཞིན་ཟླ་ ༨ ཚེས་ ༡༨ ཉིན་ར་ཆེ་གཉིས་པའི་གཙུག་ལག་ཁང་དུ་ཁྲི་འདོན་མཛད་སྒོ་གནང་སོང་བ་དང་། ཡང་སྟེང་རིན་པོ་ཆེ་མཆོག་གིས། གཙོ་བོ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཐུགས་དགོངས་སྔར་ལྷག་སྒྲུབ་ཐུབ་རྒྱུ་དང་། གང་ལྟར་བླ་མ་དབུ་མཛད་བྱས་ཏེ། བསྟན་པ་དང་འགྲོ་བ་སྤྱིའི་ཆེད་དུ་དང་། བོད་བསྟན་པ་ཆབ་སྲིད། རྒྱུད་པ་གྲྭ་ཚང་། རི་བོ་དགེ་ལུགས་པའི་ཆེད་དུ་ངས་གང་བྱེད་ཐུབ་པ་འདུག་ཅེས་བསམ་བློ་གཏོང་རྒྱུ་དེ་རེད་ཅེས་འདི་ག་ཨེ་ཤེ་ཡ...