༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༡༥ ཉིན་རྒྱ་གར་ལ་རང་བཙན་ཐོབ་སྟེ་ལོ་ངོ་ ༨༠ ཧྲིལ་པོ་འཁོར་བའི་དུས་ཆེན་རྒྱ་གར་རྒྱལ་ཡོངས་སུ་དགའ་སྤྲོའི་ངང་སྲུང་བརྩི་ཞུ་གི་ཡོད་པ་ལྟར། བོད་མིའི་སྒྲིག་འཛུགས་ངོས་ནས་ཀྱང་རྒྱ་གར་གཞུང་དམངས་གཉིས་ལ་ཆེ་མཐོང་གུས་བརྩི་མཚོན་ཕྱིར་གངས་སྐྱིད་སྲི་ཟློག་མཆོད་རྟེན་མདུན་ཐང་དུ་སྔ་དྲོ་ཆུ་ཚོད་ ༩:༣༠ ཐོག་བོད་མིའི་སྒྲིག་འཛུགས་ཀྱི་མང་གཙོ་ཀ་བ་གསུམ་གྱི་མཛད་གཙོ་རྣམ་པ་དང་། རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ། ལྷན་ཁང་ཁག་གི་དྲུང་ཆེ་ཆུང་རྣམ་པ། དེ་བཞིན་སྲི་ཞུའི་ལས་བྱེད་བཅས་ཚང་འཛོམས་ཀྱི་ཐོག་མར་རྒྱ་གར་གྱི་རྒྱལ་གླུ་དང་བཅས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་གྱི་རྒྱལ་དར་སྒྲེང་འཛུགས་དང་། དེ་བཞིན་གསར་འགོད་པའི་བཅར་འདྲིར་ཞལ་བཞེས་ཀྱིས་རྒྱ་གར་རང་བཙན་ཉིན་མོར་རྒྱ་གར་གཞུང་དམངས་གཉིས་ལ་འཚམས་འདྲི་དང་། ད་བར་བོད་མི་རྣམས་ལ་རྒྱབ་སྐྱོར་ཕན་གྲོགས་གནང་བར་ཐུགས་རྗེ་ལེགས་འབུལ་ཞུས་ཡོད།དེ་ཡང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གསུང་དོན། ལོ་ལྟར་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་ལས་བྱེད་བཅས་ཚང་འཛོམས་ཐོག་གངས་སྐྱིད་སྲི་ཟློག་མཆོད་རྟེན་མདུན་ཐང་དུ་རྒྱ་གར་གྱི་རྒྱལ་དར་སྒྲེང་འཛུགས་དང་། རྒྱལ་གླུ་གྱེར་འདོན། མངར་ཟས་བགོ་འགྲེམས་སོགས་དགའ་སྤྲོའི་ངང་སྲུང་བརྩི་ཞུ་གི་ཡོད། ཉིན་མོ་འདི་བརྒྱུད་ང་ཚོ་བོད་མི་ཚོར་རང་དབང་མེད་པའི་རྣམ་པ་མཚོན་གྱི་ཡོད་པ་མ་ཟད། ང་ཚོ་བོད་མི་ཚོར་རང་དབང་ཀྱི་འདོད་པ་ཡོད་པ་རང་བཞིན་གྱིས་མཚོན་ཡོད། ད་ལྟ་ང་ཚོ་བོད་མི་རྣམས་རྒྱ་ནག་དམར་གཞུང་འོག་སྡུག་སྦྱོང་མྱོང་བཞིན་པའི་གནས་སྟངས་འདིའི་ཁྲོད། རྒྱ་གར་རང་བཙན་ཐོབ་ཡོད་པ་འདི་ནི་ང་ཚོ་བོད་ལ་འདི་འདྲ་བའི་གནས་སྟངས་ཤིག་ཡོང་ཐུབ་པའི་རེ་བ་འཆང་སའི་གཞི་ཞིག་ཆགས་ཡོད། དེར་བརྟེན་རྒྱ་ནག་གི་བཙན་འཛུལ་འོག་ང་ཚོར་རང་དབང་མེད་པའི་གནས་སྟངས་ཤེས་བཞིན་ཡོད་ཀྱང་། རྒྱ་གར་གྱི་རང་བཙན་འཐབ་རྩོད་ཆེད་མི་རབས་མང་པོས་བློས་གཏོང་དང་དཀའ་ལས་བརྒྱབ་ཡོད། ང་ཚོ་བོད་པའི་སྤྱི་ཚོགས་ནང་དུའང་བློས་གཏོང་ཡོང་དང་ཡོང་བཞིན་ཡོད། ཉེ་བའི་ཆར་རྒྱལ་གཅེས་པ་རང་བཙན་བློ་དགའ་ལགས་ཀྱིས་རང་ལུས་མེར་སྲེག་གནང་ཡོད། འཕྲལ་དུ་གྲུབ་འབྲས་ཐོན་མིན་ལ་མ་ལྟོས་པར་ཕུགས་རྒྱང་རིང་པོའི་ལོ་རྒྱུས་དེབ་ཐེར་ནང་ལྷག་པ་དང་། ནུས་པ་འཐོན་པ་ཞིག་རང་བཞིན་གྱིས་ཆགས་ཡོང་གི་རེད། རྒྱ་གར་གྱིས་ད་ལྟ་རང་དབང་ཡོད་པ་དེ་སྲུང་སྐྱོབ་བྱེད་དགོས་པ་དང་། རང་དབང་ཡོད་པ་ནང་བཞིན་བེད་སྤྱོད་གཏོང་ཐུབ་དགོས་རྒྱུ་གལ་ཆེན་པོ་རེད། ང་ཚོ་བོད་མིར་རང་དབང་མེད་པ་ང་ཚོས་ཤེས་ཀྱི་ཡོད། རྒྱ་གར་མི་མང་ལ་ཁྱེད་རང་ཚོར་རང་དབང་ཡོད་པ་དེ་མུ་མཐུད་ཡག་པོ་བྱས་ནས་ལོངས་སུ་སྤྱོད་རོགས། ང་ཚོས་ད་དུང་ཡིན་ཡང་འཐབ་རྩོད་བྱེད་བཞིན་ཡོད་པས་དེ་ལ་རྒྱབ་སྐྱོར་གནང་རོགས། ཞེས་སོགས་གསུངས་སོང་། རྒྱལ་དར་སྒྲེང་འཛུགས་ཀྱི་ལས་རིམ་གྲུབ་རྗེས་དུ་མཛད་གཙོ་རྣམ་པ་གཙོས་པའི་སྲི་ཞུའི་ལས་བྱེད་རྣམས་ནས་གསོལ་ཇ་དང་མངར་ཟས་ལ་རོལ་ཏེ་དུས་ཆེན་སྲུང་བརྩི་ཞུས་ཡོད་པ་བཅས།།

ལུས་པོའི་སྟེང་བོད་དོན་དང་འབྲེལ་བའི་ཁབ་གཙགས་བསྐྱོན་པ་དེ་ནི་རྒྱ་ནག་གཞུང་ལ་ངོ་རྒོལ་གྱི་རྣམ་པ་དང་། འཐབ་རྩོད་ཀྱི་ངོ་བོ་ཞིག་ལ་ངོས་འཛིན་གནང་གི་འདུག བོད་དོན་དང་འབྲེལ་བའི་རིན་མེད་ཁབ་གཙགས་ཀྱི་ལས་འགུལ་ཞིག་བཞུགས་སྒར་དུ་བོད་ཀྱི་གཞོན་ལྷན་གྱི་གོ་སྒྲིག་འོག་གནང་བཞིན་ཡོད་པ་དང་། མཉམ་བཞུགས་པ་རྣམས་ཀྱིས་ལུས་པོའི་ཐོག་བོད་དོན་དང་འབྲེལ་བའི་ཁབ་གཙགས་བསྐྱོན་པ་དེ་ནི་རྒྱ་ནག་གཞུང་ལ་ངོ་རྒོལ་གྱི་རྣམ་པ་དང་། འཐབ་རྩོད་ཀྱི་ངོ་བོ་ཞིག་ལ་ངོས་འཛིན་གནང་པ་དང་། བོད་ཀྱི་འཐབ་རྩོད་དང་། མི་རིགས་ཀྱི་ངོ་བོ། རྒྱ་ནག་ལ་ངོ་རྒོལ་བཅས་དང་འབྲེལ་བའི་ཡི་གེ་དང་མཚོན་རྟགས་ཀྱི་ཁབ་གཙགས་ལུས་པོར་བཀོད་དེ། ལུས་པོའི་སྟེང་འཐབ་རྩོད་ཀྱི་ངོ་བོ་རྒྱུན་གནས་ཤིག་ཏུ་བསྒྱུར་བ་བྱ་རྒྱུ་ཡིན་པ་འགྲེལ་བརྗོད་གནང་གི་འདུག དེ་ཡང་མཉམ་ཞུགས་པ་བསྟན་འཛིན་ཟླ་གསལ་ལགས་ཀྱིས་ལག་པའི་ཐོག་བོད་རང་བཙན་ཞེས་པའི་ཁབ་གཙགས་བསྐྱོན་ཏེ། ...

ཀ་ལོན་སྦུག་ཏུ་ཡུལ་མི་ཞིག་གིས་ས་གནས་གཞོན་ནུའི་ནང་འགན་འཁུར་བཞེས་ཏེ་དོ་འཁུར་གནང་བཞིན་པ། ནུབ་སྦེང་གྷལ་མངའ་སྡེའི་ཀ་ལོན་སྦུག་གྲོང་ཁྱེར་ནང་གནས་སྡོད་ས་གནས་ཡུལ་མི་བུད་མེད་ཨ་ནུཤི་ཀ་པརཱ་དྷན་ལགས་ནི་མི་རིགས་ཀྱི་ཆ་ནས་བལ་པོ་ཡིན་ཡང་བོད་མི་ཞིག་དང་གཉེན་སྒྲིག་བྱས་ཤིང་། བོད་མིའི་འཐབ་རྩོད་ཐོག་བོད་མི་དང་གཅིག་འགྱུར་གྱི་འགན་འཁུར་བླངས་མཁན་ཞིག་རེད་འདུག་ལ། དེ་ཡང་ཁོང་གིས་ས་གནས་གཞོན་ནུ་ལྷན་ཚོགས་ནང་དུ་རྒྱུན་ལས་གནང་བཞིན་ཡོད་པ་རེད། ཨ་ནུཤི་ཀ་ པརཱ་དྷན་ལགས་ཀྱིས་གསུངས་དོན་དུ། ང་རང་ལས་འགུལ་ནང་མཉམ་ཞུགས་བྱེད་དོན་གཙོ་བོ་ནི། ངའི་བཟའ་ཟླ་བོད་པ་ཡིན། ཁོང་དང་མཉམ་དུ་ཁ་ཐུག་ནས་ལོ་གསུམ་ཙམ་ཕྱིན་སོང་། འདས་པའི་ལོ་གསུམ་ནང་ངས་བོད་དོན་སྐོར་གནས་ཚུལ་མང་པོ་ཞིག་ཤེས་རྟོགས་བྱུང་། བོད་མི་ཚོས་སོ་སོའི་རྒྱལ་ཁབ་ཀྱི་དོན་དུ་འདི་ལྟ་བུའི་བློས་གཏོང་གནང་པ་མཐོང་དུས་ང་རང་འགྲོ་བ་མི་ཞིག་ཡིན་པ་དང་ལྷ...

༧བྱམས་མགོན་ཀྭན་ཏིང་ཏཱའི་སི་ཏུ་རིན་པོ་ཆེ་མཆོག་བོད་ཁམས་སྡེ་དགེར་ཕེབས་པ་འདི་ཆོས་མཇལ་ཁོ་ནའི་ཆེད་དུ་ཡིན་པ་གསུངས་འདུག སྒྲུབ་བརྒྱུད་བསྟན་པའི་སྒྲོན་མེ་༧བྱམས་མགོན་ཀྭན་ཏིང་ཏཱའི་སི་ཏུ་རིན་པོ་ཆེ་མཆོག་ཉིན་གྲངས་ཁ་ཤས་སྔོན་བོད་ཀྱི་ཁམས་སྡེ་དགེ་ཁུལ་དུ་ཕེབས་ཡོད་པ་བརྙན་མང་དག་ཅིག་སྤྱི་ཚོགས་དྲྭ་ལམ་དུ་མཇལ་རྒྱུ་བྱུང་ཡོད་ཅིང་། འབྲེལ་ཡོད་མི་སྣ་ཞིག་གིས་ད་རེས་རིན་པོ་ཆེ་མཆོག་བོད་ནང་ཕེབས་པ་འདི་རྒྱ་གར་གཞུང་དང་རྒྱ་ནག་གཞུང་གཉིས་ཀའི་མོས་མཐུན་ཡོད་པའི་ཐོག་ནས་ཕེབས་པ་ཞིག་ཡིན་པ་ཨེ་ཤེ་ཡ་རང་དབང་རླུང་འཕྲིན་ཁང་ལ་ངོ་སྤྲོད་གནང་བྱུང་ལ། དེ་བཞིན་བོད་ནང་ནས་པར་ལེན་བྱས་པའི་བརྙན་པར་ལག་སོན་བྱུང་བ་དེ་དག་གི་ནང་། བོད་མི་སེར་སྐྱ་མང་ཚོགས་སྟོང་ཚོ་བརྒལ་བས་ལག་དུ་མཇལ་དར་སོགས་བསྣམས་ཏེ་རིན་པོ་ཆེ་མཆོག་ལ་དགའ་དད་སྤྲོ་གསུམ་གྱི་ངང་ཕེབས་བསུ་གཟབ་རྒྱས་ཞུས་འདུག རིན་པོ་ཆེ་མཆོག་ད་རེས་བོད་ཁམས་སྡེ་དགེ...

དབུས་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་ནས་རྒྱ་ནག་གཞུང་གིས་གསེར་རྟ་བླ་རུང་སྒར་ཉམས་གསོ་བྱ་དགོས་པ་ལས་གཏོར་བཤིག་གཏོང་མཚམས་འཇོག་དགོས་སྐོར་སོགས་བརྗོད་བྱུང་། འདི་ལོའི་ཕྱི་ཟླ་ ༧ ཚེས་ ༡༣ ཉིན་ནས་རྒྱ་ནག་གཞུང་གིས་བླ་རུང་སྒར་དུ་སྡོད་ཁང་མང་དྲགས་པས་བདེ་འཇགས་མེད་ལུགས་དང་། གྲྭ་བཙུན་མང་དྲགས་ལུགས་སོགས་བཤད་ནས། གྲྭ་ཤག་གཏོར་བཤིག་བཏང་དང་གཏོང་མུས་ཡིན་པ་མ་ཟད། ད་ལན་ཆོས་སྡེ་ཆེན་མོ་བླ་རུང་སྒར་གྱི་གྲྭ་ཤག་ ༡༠༦༠ ཙམ་གཏོར་བཤིག་གཏོང་གིན་ཡོད་པ་ལྟར། དེ་རིང་ཕྱི་ཚེས་ ༡༤ ཉིན་བོད་མིའི་སྒྲིག་

རྒྱ་ནག་དམར་ཤོག་ཚོགས་པའི་གཙོ་འཛིན་མའོ་ཡིས་བུད་མེད་ནི་གནམ་གྱི་ཕྱེད་ཀ་ཡིན་ཞེས་བུད་མེད་དང་སྐྱེས་པ་གཉིས་བར་འདྲ་མཉམ་ཡིན་ཚུལ་བརྗོད་ཡོད་ཀྱང་། ད་ལྟའི་རྒྱ་ནག་གི་སྤྱི་ཚོགས་ཁྲོད་མཐོ་རིམ་དམར་ཤོག་སྲིད་གཞུང་ནས་སྤྱི་ཚོགས་ཁྱོན་ཡོངས་ནང་བུད་མེད་ཀྱི་འཐུས་མི་ཉུང་དུ་འགྲོ་བཞིན་ཡོད་པ་བརྗོད་འདུག The post བུད་མེད་ནི་གནམ་གྱི་ཕྱེད་ཀ་ཡིན་ཞེས་བརྗོད་ཀྱང་རྒྱ་ནག་གི་སྤྱི་ཚོགས་ཁྲོད་བུད་མེད་ཀྱི་འཐུས་མི་ཉུང་དུ་འགྲོ་བཞིན་ཡོད་པ་བརྗོད། appeared first on བོད་ཀྱི་བང་ཆེན།.

ནེའུ་ཛི་ལན་ཌིའི་ནང་རྒྱ་ནག་གཞུང་ལ་འབྲེལ་བ་དམ་ཟབ་ལྡན་པའི་སྐོར་འཁོར་སྐར་ལྟ་སྲུང་བརྟག་དཔྱད་ཁང་འཛུགས་རྒྱུའི་ལས་དོན་མཚམས་འཇོག་བྱེད་དུ་བཅུག The post ནེའུ་ཛི་ལན་ཌིས་རྒྱ་ནག་གི་གསང་ཉུལ་ལས་དོན་ཞིག་འཇུས་འདུག appeared first on བོད་ཀྱི་དུས་བབ།.

རྒྱ་ནག་གཞུང་གིས་གསེར་རྟ་བླ་རུང་ལྔ་རིག་ནང་བསྟན་སློབ་གླིང་དུ་གྲ་ཤག་མུ་མཐུད་གཏོར་བཞིན་པ་དང་དེ་ཡང་རྒྱ་གཞུང་གིས་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དུ་དབྱེ་བའི་གསེར་རྟ་རྫོང་ཁོངས་བླ་རུང་ལྔ་རིག་ནང་བསྟན་སློབ་གླིང་དུ་ཕྱི་ཟླ་ ༧ ཚེས་ ༡༣ ཙམ་ནས་གྲ་ཤག་གཏོར་འགོ་བཙུགས་ཏེ་འདི་ལོ་གྲ་ཤག་ ༡༠༦༠ ལྷག་གཏོར་རྒྱུ་ཡིན་པ་འདི་ག་རླུང་འཕྲིན་ཁང་གིས་གནས་ཚུལ་ཤེས་རྟོགས་བྱུང་ཡོད་ལ། ད་ཆ་དུས་ཡུན་ཟླ་བ་གཅིག་ཙམ་སོང་བའི་མཚམས་འདིར་གྲ་ཤག་གཏོར་བཤིག་མུ་མཐུད་བྱེད་བཞིན་ཡོད་པ་དང་། ཕྱི་ཟླ་ ༨ ཚེས་ ༡༡ ཉིན་གྲ་ཤག་གཏོར་བའི་པར་རིས་དང་བརྙན་བཅས་འབྱོར་པ་བརྒྱུད་གྲ་ཤག་གཏོར་བའི་བདེན་རྟགས་ལག་སོན་བྱུང་ཡོད་ཅིང་། གྲ་ཤག་གཅིག་གི་སྒེའུ་ཁུང་ནས་དགེ་འདུན་པ་ཞིག་གིས་པཎ་ཆེན་སྐུ་ཕྲེང་བཅུ་པ་མཆོག་གི་སྐུ་པར་ཆེན་པོ་ཞིག་འཕྱར་ཏེ། རྒྱ་ནག་གཞུང་གི་བྱ་སྤྱོད་ལ་ངོ་རྒོལ་གྱི་རྣམ་འགྱུར་བསྟན་པར། ད་ཆ་དགེ་འདུན་པ་དེ་རྒྱ...

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༡༢ ཉིན་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་ཞུས་པའི་ཕྱོགས་མཐའི་སྲི་ཞུའི་ལས་བྱེད་རྣམས་ལ་ཉེར་མཁོའི་བོད་ཀྱི་སྐད་ཡིག་ཟབ་སྦྱོང་དེ་བཞིན་ལེགས་པར་མཇུག་སྒྲིལ་ཡོད། དེ་ཡང་གོང་ཚེས་ཉིན་གྱི་ཉིན་རྒྱབ་ཆུ་ཚོད་ ༤ པའི་ཐོག་མཇུག་བསྡོམས་མཛད་སྒོ་ཚོགས་ཡོད་ཅིང་། སྐབས་དེར་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་དང་། དྲུང་ཆེ་བསྟན་འཛིན་ལེགས་གྲུབ་ལགས། ལས་བྱེད་འདེམས་ལྷན་གྱི་ཚོགས་མི་དང་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་སློབ་སྤྱི་པ་སངས་ཚེ་རིང་ལགས། ཟབ་ཁྲིད་པ་བཅས་ཕེབས་ཞུགས་གནང་ཡོད།ཐོག་མར་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་གིས་ཟབ་ཁྲིད་པ་རྣམས་ཀྱི་ལམ་སྟོན་དང་ཟབ་ཁྲིད་གནང་བར་ཐུགས་རྗེ་ལེགས་འབུལ་མཚོན་ཆེད་མཇལ་དར་ཕུལ་གྲུབ་མཚམས་སཱ་ར་མཐོ་རིམ་སློབ་གཉེར་ཁང་གི་སློབ་སྤྱི་པ་སངས་ཚེ་རིང་ལགས་ཀྱིས་མཉམ་ཞུགས་པ་རྣམས་ལ་ཕྱག་འཁྱེར་གནང་རྗེས་མཉམ་ཞུགས་པ་ཁག་གཅིག་གིས་སོ་སོའི་ཉམས་མྱོང་དང་འབྲེལ་ནས་གཏམ་བཤད་གནང་ཞིང་། ཁོང་ཚོས་ཟབ་སྦྱོང་འདི་བརྒྱུད་བོད་ཀྱི་སྐད་ཡིག་གི་གནས་ཚད་ཡར་རྒྱས་ཕྱིན་པ་མ་ཟད། གཞུང་འབྲེལ་གྱི་ལས་དོན་ཐོག་བོད་ཡིག་བཀོལ་སྤྱོད་བྱ་རྒྱུར་གདེང་སྤོབས་ཐོབ་ཡོད་པ་གསུངས། དེ་ནས་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་གིས་མཇུག་བསྡོམས་གསུང་བཤད་གནང་སྐབས་ཁོང་གིས་སྐད་ཡིག་ནི་མི་རིགས་ཅིག་གི་ངོ་བོའི་རྨང་གཞི་ཡིན་པ་དང་། བོད་ཀྱི་ལོ་རྒྱུས་དང་། རྩོམ་རིག སྙན་ངག དེ་བཞིན་བོད་ཀྱི་སྐད་ཡིག་དང་རིག་གཞུང་དང་འབྲེལ་བའི་སློབ་ཚན་ཁག་སྦྱོང་དགོས་པའི་གལ་གནད་སྐོར་ནན་བརྗོད་གནང་།དེ་མཚུངས་རྒྱ་ནག་གཞུང་གིས་བོད་ནང་ཉིན་རེའི་འཚོ་བ་དང་། ཤེས་ཡོན་ཁྲོད་བོད་ཀྱི་སྐད་ཡིག་བཀོལ་སྤྱོད་བྱ་རྒྱུའི་ཐོག་དམ་བསྒྲགས་ཤུགས་ཆེར་གཏོང་ཡོད་སྐོར་སེམས་འཚབ་བསྟན་པ་དང་སྦྲགས། ཚོགས་བཅར་བ་རྣམས་ལ་བོད་ཀྱི་སྐད་ཡིག་དང་རིག་གཞུང་ཉར་ཚགས་བྱེད་དགོས་པའི་སྐུལ་མ་གནང་ཡོད། དེ་བཞིན་ཚོགས་བཅར་བ་ངོས་ནས་ཟབ་སྦྱོང་རིང་ཐོབ་པའི་ཤེས་བྱ་ཡོན་ཏན་རྣམས་སོ་སོའི་ལས་དོན་ཐོག་ལག་བསྟར་གནང་དགོས་པ་མ་ཟད། བོད་མིའི་སྒྲིག་འཛུགས་དང་བོད་མི་རིགས་ཆེད་ལྷག་བསམ་རྣམ་དག་གིས་ཞབས་ཕྱི་སྒྲུབ་དགོས་པའི་སྐུལ་མ་གནང་ཡོད།མཐར་ལས་བྱེད་འདེམས་ལྷན་གྱི་དྲུང་ཆེ་བསྟན་འཛིན་ལེགས་གྲུབ་ལགས་ཀྱིས་སཱ་ར་བོད་ཀྱི་མཐོ་རིམ་སློབ་གཉེར་ཁང་དང་། ཟབ་ཁྲིད་པ། མཉམ་ཞུགས་པ་བཅས་ལ་ཐུགས་རྗེ་ཆེ་ཞུས་པ་དང་། ཐེངས་འདིའི་ཟབ་སྦྱོང་ལ་མཐུན་འགྱུན་གནང་མཁན་ཨ་རིའི་སྲིད་གཞུང་ལ་ཐུགས་རྗེ་ལེགས་འབུལ་ཞུས་ཡོད། ཁོང་གིས་ཟབ་སྦྱོང་འདི་བརྒྱུད་ཕྱོགས་མཐའི་སྲི་ཞུའི་ལས་བྱེད་རྣམས་ལ་རང་ཉིད་ཡར་རྒྱས་གཏོང་རྒྱུའི་གོ་སྐབས་དང་། བོད་ཀྱི་སྐད་ཡིག་ཐོག་མུ་མཐུད་འབྲི་རྒྱུའི་སེམས་ཤུགས་ཤིག་བསྐྲུན་ཡོད་པ་དང་ཆབས་ཅིག བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་རྣམས་ལ་བོད་ཀྱི་སྐད་ཡིག་ཉར་ཚགས་བྱ་རྒྱུའི་ལས་འགན་དམིགས་བསལ་ཞིག་ཡོད་པ་འགྲེལ་བརྗོད་གནང་ཡོད་པ་བཅས།།

རྒྱ་ནག་གིས་བོད་ཀྱི་ལོ་རྒྱུས་གནའ་རྫས་ཞིབ་འཇུག་གི་གྲུབ་དོན་ཁག་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བའི་ཁོངས་ནས་འགྲེལ་བརྗོད་བྱེད་ཉེན་འདུག The post རྒྱ་ནག་གཞུང་གིས་ཞང་ཞུང་ནི་བོད་བརྒྱུད་ནང་བསྟན་ཆོས་ལུགས་ཀྱི་འབྱུང་ཁུངས་ཡིན་པར་སྒྲུབ་བཞིན་འདུག appeared first on བོད་ཀྱི་དུས་བབ།.

[དྷ་རམ་སར།] ཕྱི་ལོ་༢༠༢༦ཟླ་༨ཚེས་༡༢ཉིན།བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་པ་དང་སྤྱི་འཐུས་ཟུར་པ་ཚེ་དབང་རིག་འཛིན་ལགས་ཀྱི་སྣེ་ཁྲིད་འོགརྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་ནང་མི་དང་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྐུ་ཚབ་བར་རྒྱལ་ཚོགས་ཀྱི་ལས་ཁུངས་སུ་མཇལ་འཕྲད་གནང་འདུགཉིན་དེར་ནེའུ་ཡོག་དང་ནེའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོགནེའུ་ཡོག་ཏུ་བོད་རང་དབང་རང་བཙན་སླར་གསོའི་ཆེད་གཞི་རྒྱ་ཆེ་བའི་ལས་འགུལ་ཞིག་སྤེལ་ཡོད་པ་དང་།ལས་འགུལ་ནང་རྒྱ་གར་ནས་ཕེབས་པའི་སྤྱི་འཐུས་ཀུན་དགའ་བསོད་སྟོབས་དང་།ཆུ་སྒང་གི་དབུས་རྒྱུན་སྤྱི་ཟུར་སྨོན་ལམ་མཐར་ཕྱིན།གཞན་ཡང་།བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་པ་དང་སྤྱི་ཟུར་ཚེ་དབང་རིག་འཛིན་གཙོས་བྱང་ཨ་རིའི་ཁུལ་གྱི་བོད་མི་བརྒྱ་ཕྲག་མང་པོ་ལས་འགུལ་ནང་མཉམ་ཞུགས་གནང་ཡོད་འདུག ལས་འགུལ་གྱི་སྐབས་མཉམ་འབྲེལ་རྒྱལ་ཚོགས་ཀྱི་སྐུ་ཚབ་དང་མཇལ་འཕྲད་བྱུང་བའི་སྐོར།སྤྱི་ཟུར་ཚེ་དབང་རིག་འཛིན་མཆོག་གིས།འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཀྱི་ཐོག་བརྩེགས་༣༡པའི་ཐོགརྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་སྐུ་མཆེད་གཉིས་དང་ཁོང་ཉིད་བཅས་ཀྱིས།མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པའི་གནད་ཡོད་མི་སྣ་དང་དུས་ཡུན་ཆུ་ཚོད་གཅིག་ཙམ་གྱི་རིང་ཐུག་འཕྲད་བྱས་ཡོད་པ་དང་།སྐབས་དེར་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་རྒྱལ་ཁབ་དང་བོད་མི་རིགས།བོད་རང་བཙན་གྱི་ཆེད་དུ།རང་གི་རྩ་ཆེན་གྱི་སྐུ་སྲོག་བློས་གཏོང་གནང་སྟེ་མཉམ་འབྲེལ་རྒྱལ་ཚོགས་ཀྱི་མདུན་དུ།འབོད་སྒྲ་བསྒྲགས་པ་དེ།ཡིག་ངག་གཉིས་ཀྱི་ཐོག་ནས་མཉམ་འབྲེལ་རྒྱལ་ཚོགས་ཀྱི་ལས་ཁུངས་སུ་བསྐྱེལ་ཡོད་ཅེས་གསུངས་སོང་། དེ་བཞིན་ཁོང་གིས།མཇལ་འཕྲད་བྱུང་བ་དེ་ནི་ཁོང་གསུམ་གྱིས་བྱས་རྗེས་བཞག་པ་ཞིག་གང་ཡང་མིན་པ།གཙོ་བོ་༧གོང་ས་མཆོག་གི་ཐུགས་རྗེ་བྱིན་རླབས་དང་།ཡང་སྒོས་སུ་རྒྱལ་གཅེས་དཔའ་བོ་བློ་དགའ་རང་བཙན་གཙོས་པའི་བོད་ཀྱི་དཔའ་བོ་དཔའ་མོ་རྣམས་ཀྱིས་རླབས་ཆེན་གྱི་སྐུ་སྲོག་བློས་བཏང་བར་བརྟེན་ནས་བྱུང་བ་ཞིག་ལ་ངོས་འཛིན་ཞུ་ཡི་ཅེས་དང་།རྒྱལ་ཚོགས་ཀྱི་ངོས་ནས་ཀྱང་།ད་ལྟའི་བར་བོད་དོན་ཐད་ཐབས་ཤེས་བྱས་པ་ཡིན།ད་ལྟའང་བོད་ནང་གི་ཛ་དྲག་གི་གནས་སྟངས།ལྷག་པར་དུ་སྐུ་ལུས་མེར་སྲེག་གི་རྗེས་སུ་གནས་སྟངས་ཅི་ཆགས་ཀྱི་སྐོར་ལ་ཞིབ་ཕྲ་རྟོག་ཞིབ་བྱེད་བཞིན་པ་ཡིན་ཞེས་བཀའ་གནང་ཡོད་པ་དང་།རྒྱལ་ཚོགས་ཀྱི་ལས་ཁུངས་ཀྱི་ཐོག་བརྩེགས་༣༡ཐོག་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་སྡེ་ཚན་གྱི་ལས་ཁུངས་ཡོད་པ་དང་།དེའི་ནང་ཕྱིན་ནས་བོད་མི་ས་ཡ་དྲུག་གི་དཀའ་ངལ་དང་བདེ་སྡུག་དེ་ཡིག་ངག་གཉིས་ཀྱི་ཐོག་ཞུས་ཡོད་ཅེས་གསུངས་སོང་། དེ་བཞིན་ཁོང་གིས།བོད་པ་ཞིག་ཡིན་པའི་ཆ་ནས།བོད་རྒྱལ་ཁབ་དང་བོད་མི་རིགས་ཀྱི་འཐབ་རྩོད་ནང་མཉམ་ཞུགས་གནང་པ་དེ།ང་ཚོའི་གཟི་བརྗིད་དང་འགན་འཁྲི་ཡིན་པས་ངེས་པར་དུ་འགན་འཁུར་དགོས་པ་དང་།དེ་བཞིན་རྒྱལ་ཚོགས་དང་སྲིད་གཞུང་ཁགལྷག་པར་དུ་རྒྱ་ནག་གི་འགོ་ཁྲིད་ཞི་ཅིན་ཕིང་གཙོས་པའི་འགོ་ཁྲིད་རྣམས་ལ།བོད་ཀྱི་རང་བཙན་སླར་གསོ་མ་ཐུབ་བར།ང་ཚོའི་ངོས་ནས་ནམ་ཡང་མགོ་སྒུར་གྱི་མིན་ཞེས་བརྡ་ལན་གསལ་བོ་ད་བར་བཏང་ཡོད་པ་དང་།ད་དུང་ཡང་སྔ་ལས་ལྷག་ཤུགས་བརྒྱབ་ནས་བརྡ་ལན་གཏོང་དགོས་ཀྱི་ཡོད་པ་ནན་བཤད་གནང་སོང་། མཐར་ཚེ་དབང་རིག་འཛིན་ལགས་ཀྱིས།རང་བཙན་ཞེས་བརྗོད་པའི་སྐབས།རང་བཙན་དེ་གནམ་ནས་ཟགས་རྒྱུ་མེད་ལ་ས་ནས་སྐྱེ་རྒྱུའང་མེད།རང་བཙན་ལ་བློས་གཏོང་དང་།འགྲོ་སོང་གཏོང་དགོས་ཀྱི་ཡོད་པ་དང་།རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་ང་ཚོའི་མིག་གི་མདུན་དུ།བློས་གཏོང་ཆེན་པོ་གནང་བ་དེ་དང་།་བོད་ནང་གི་དཔའ་བོ་དཔའ་མོ་རྣམས་ཀྱི་བློས་གཏོང་དེ་དག་ནམ་ཡང་བརྗོད་རྒྱུ་ཡོད་མ་རེད་ཅེས་གསུངས་སོང་། གསར་འགོད་པ། བློ་བཟང་རྒྱ་མཚོ། The post རྒྱལ་ཚོགས་སུ་སྐུ་ཚབ་མཇལ་འཕྲད་ཀྱིས་བོད་མི་ས་ཡ་དྲུག་གི་དཀའ་ངལ་ཞུས། appeared first on བོད་ཀྱི་བང་ཆེན།.

རྒྱ་ནག་གི་དཔལ་འབྱོར་སྲིད་ཇུས་བཅོས་བསྒྱུར་བྱེད་མཁན་གཙོ་བོ་ཞིག་ལ་ངོས་འཛིན་བྱས་པའི་རྒྱ་ནག་གི་སྲིད་བློན་ཟུར་པ་ཀྲུའུ་རོང་ཅི་པེ་ཅིན་དུ་འདས་གྲོངས་སུ་གྱུར་འདུག The post རྒྱ་ནག་གི་སྲིད་བློན་ཟུར་པ་ཀྲུའུ་རོང་ཅི་འདས་གྲོངས་སུ་གྱུར།  appeared first on བོད་ཀྱི་དུས་བབ།.

ཨ་རིའི་གྲོས་ཚོགས་གོང་མའི་འཐུས་མི་ཁག་གཅིག་གིས་བཙན་བྱོལ་བོད་མི་སྒྲིག་འཛུགས་དང་འབྲེལ་བ་དམ་ཟབ་དགོས་པ་དང་མ་འོངས་བོད་དོན་ཐད་རྒྱབ་སྐྱོར་གནང་ཕྱོགས་ཀྱི་ཁྲིམས་འཆར་དེ་གྲོས་ཚོགས་གོང་མའི་ནང་ངོ་སྤྲོད་གནང་འདུག The post བོད་མི་སྒྲིག་འཛུཊ་ལ་ངོས་འཛིན་གྱི་ཁྲིམས་འཆར་དེ་ཨ་རིའི་གྲོས་ཚོཊ་གོང་མའི་ནང་ངོ་སྤྲོད། appeared first on བོད་ཀྱི་བང་ཆེན།.

རྒྱ་ནག་གིས་རྒྱལ་ནང་དུ་ས་ཁང་ཚོང་ལས་ཉམས་བཞིན་པ་དང་དཔལ་འབྱོར་འཕེལ་རྒྱས་ཀྱི་མྱུར་ཚད་ཇེ་དལ་དུ་འགྲོ་མུས་ཡིན་པའི་གནས་བབ་འོག རྒྱལ་ཁབ་ཀྱི་ཡོང་འབབ་ཁ་གསབ་ཆེད་ཕྱི་སྡོད་ཕྱུག་བདག་ཚོའི་ལག་ནས་དངུལ་ཁྲལ་འབོར་ཆེན་ལེན་གྱི་ཡོད་འདུག The post རྒྱ་ནག་གཞུང་གིས་ཕྱི་སྡོད་ཕྱུག་བདག་ཚོར་དངུལ་ཁྲལ་གྱི་ཉེས་ཆད་གཅོད་ཀྱིན་ཡོད་འདུག appeared first on བོད་ཀྱི་དུས་བབ།.

ཨ་རུ་ན་ཅལ་ཐོག་རྒྱ་གར་གྱི་བདག་དབང་ལ་ནམ་ཡང་འགྱུར་བ་གཏོང་མི་སྲིད་ཅེས་ཉམས་ཞིབ་པས་གསུང་གི་འདུག

ཁོང་ནི་བཞུགས་སྒར་དུ་ད་བར་ཉིན་ ༢༥ རིང་གི་ཟས་བཅད་ངོ་རྒོལ་ཁྲོད་ཀྱི་ཕྱི་རྒྱལ་མི་སེར་ཐོག་མ་དེ་ཡིན་པ་རེད་འདུག

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༡༡ ཉིན་བོད་ཀྱི་ཟློས་གར་ཚོགས་པ་དབུ་བརྙེས་ནས་ལོ་ངོ་ ༦༧ འཁོར་བའི་དུས་སྟོན་མཛད་སྒོ་རེས་གཟའ་མིག་དམར་ཉིན་རྒྱབ་ཆུ་ཚོད་ ༢།༠༠ ཐོག་བོད་ཀྱི་གར་གླུའི་རིག་རྩལ་ཁང་དུ་བསྐོང་ཚོགས་གནང་བ་དང་། མཛད་སྒོའི་སྐུ་མགྲོན་གཙོ་བོ་ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དམིགས་བསལ་སྐུ་མགྲོན་དཔལ་ལྡན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་ལགས། དེ་བཞིན་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་དྲུང་ཆེ། ལས་ཟུར་རྣམ་པ། རྒྱ་གར་དབུས་གཞུང་གི་སྐུའི་སྣེ་ཤན་པའི་ལས་ཁུངས་ཀྱི་སྐུ་ཚབ་བསྟན་འཛིན་ཆོས་འཛོམས་ལགས་དང་ཕྱགས་རོགས་ཨ་མིཏ་ཤརྨ་ (Amit Sharma) ལགས་དང་། གཞུང་དང་གཞུང་ཁོངས་མ་ཡིན་པའི་ཚོགས་སྡེ་ཁག་གི་འགན་འཛིན་དང་ཟློས་ཟུར་ཚོགས་མི་རྣམ་པ། གཞན་ཡང་གདན་ཞུས་སྐུ་མགྲོན་བཅས་འདུ་འཛོམས་ཀྱིས་དབུ་བརྙེས་པའི་ཉིན་མོ་སྲུང་བརྩི་གནང་སོང་།དེ་ཉིན་མཛད་སྒོའི་ཐོག་མར་རྒྱལ་གཅེས་པ་རང་བཙན་བློ་དགའ་ལགས་གཙོས་པའི་རྒྱལ་གཅེས་པ་བརྒྱ་ཕྲག་གཅིག་གིས་བོད་བསྟན་སྲིད་དང་མི་རིགས་ཀྱི་ཆེད་དུ་སྐུ་ལུས་མེ་མཆོད་ཕུལ་བར་གདུང་སེམས་མཉམ་སྐྱེད་ཀྱིས་མྱ་ངན་གུས་བཏུད་སྐར་མ་གཅིག་གནང་སོང་། དེ་རྗེས་མཛད་སྒོའི་ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་དུས་ཆེན་དང་འབྲེལ་བའི་ངོ་སྤྲོད་གསུང་བཤད་གནང་བ་དང་། སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ལགས་ཀྱིས་དབྱར་སྐྱིད་རྐང་བྲོ་གླུ་གཞས་འགྲན་བསྡུར་གྱི་གཟུ་དཔང་རྣམས་ངོ་སྤྲོད་གནང་རྗེས་དབྱར་སྐྱིད་རྐང་བྲོ་གླུ་གཞས་ཀྱི་འགན་བསྡུར་དངོས་གཞི་དབུ་འཛུགས་གནང་སོང་།ཐེངས་འདིའི་རུ་ཁུག་གཉིས་ཀྱི་འགྲན་བསྡུར་ནང་རྐྱང་གཞས་གོ་སྟོན་བརྟན་བཞུགས་བསྟོད་དབྱངས་དང་། གར་གླུ་ཁ་ཆེའི་མཆོད་དང་གར་གླུ་བཀྲ་ཤིས་གངས་དཀར་རྩེ། མངའ་རིས་བར་ཀྱོག་གི་འཁྲབ་གཞས་བྱ་དེ་ཁྱུ་བྱུག་སྔོན་མོ་དང་ལྷོ་ཁའི་འཁྲབ་གཞས་ཉི་མ་ཤར་གྱི་ཕྱོགས་ནས་ཤར་ཡོང་། འབའ་ལིང་ཐང་གི་འཁྲབ་གཞས་འཛམ་གླིང་གསེར་གྱི་ཉི་མ་དང་ཁམས་སྡེ་དགེེའི་བྲོ་ས་སྐྱིད་ཡག་མོ་བཅས་ལེའུ་བརྒྱད་གཟིགས་འབུལ་གནང་སྟེ་མཐར་ཕྱོགས་བསྡོམས་བརྒྱ་ཆ་གཅིག་གིས་རྒྱ་ལུ་རུ་ཁག་རྒྱལ་ཁ་ཐོབ་པར་སོང་། དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་བྱ་དགའ་ཐོབ་མཁན་གྱི་རུ་ཁག་ལ་བྱ་དགའ་གནང་བ་དང་། དམིགས་བསལ་སྐུ་མགྲོན་དཔལ་ལྡན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་ལགས་ནས་གཟུ་དཔར་རྣམས་དང་བོད་ཀྱི་ཟློས་གར་གཙུག་ལག་རབ་འབྱམས་པའི་བསླབ་པ་མཐར་སོན་བྱུང་བའི་སློབ་མ་གཉིས་ལ་ཕྱག་འཁྱེར་གནང་སོང་།སྐབས་དེར་དམིགས་བསལ་སྐུ་མགྲོན་དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲུང་ཆེ་བློ་བཟང་སྦྱིན་པ་ལགས་ནས་གསུང་བཤད་གནང་བའི་ནང་། བོད་དུ་དུས་རབས་མང་པོའི་གོང་ནས་ཟློས་གར་སྒྱུ་རྩལ་དར་ཡོད་པ་ནི་དུས་རབས་བདུན་པའི་སྐབས་ཆོས་རྒྱལ་སྲོང་བཙན་སྒམ་པོའི་སྐུ་དུས་སུ་ཐོན་མི་སམ་བྷོ་ཊའི་སྐུ་དུས་སུ་ཟློས་གར་ཞེས་པའི་ཐ་སྙད་རིམ་པས་བྱུང་ཡོད་པ་དང་། རྒྱལ་ཐོག་སོ་གཉིས་པ་གནམ་རི་སྲོང་བཙན་སྐབས་བློན་པོ་རྣམས་ལ་བསྟོད་པ་འབུལ་སྐབས་གླུ་དབྱངས་ཀྱི་ལམ་ནས་འབུལ་སྲོལ་སོགས་གནའ་སྔ་མོ་ནས་བྱུང་ཡོད། དེ་བཞིན་བོད་ཀྱི་ལྷ་མོའི་ཟློས་གར་འདི་ནི་དུས་རབས་བཅུ་བཞིའི་ནང་གྲུབ་ཆེན་ཐང་སྟོང་རྒྱལ་པོས་མཛད་ཅིང་སྐབས་དེར་འཕྱོངས་རྒྱས་བུ་མོ་སྤུན་བདུན་གྱིས་ལྷ་མོ་འཁྲབ་པ་དང་གྲུབ་ཆེན་རང་ཉིད་ནས་རྔ་སྦུབ་དཀྲོལ་ཏེ་གསར་གཏོད་གནང་བཞེད་རྒན་རབས་ཚོའི་གསུང་རྒྱུན་དུ་གྲགས།དེ་ལྷན་ནང་མ་དང་སྟོད་གཞས་ནི་ཐོག་མར་སྟོད་མངའ་རིས་ནས་དར་ཞིང་། རིམ་པས་དབུས་གཙང་གི་ཕྱོགས་སུ་དར་འཕེལ་བྱུང་བ་དང་དུས་རབས་ཉི་ཤུའི་ནང་ནང་མ་མཁས་པ་ཨབ་རྡུལ་རཱ་མན་དང་ཨ་ཇོ་རྣམ་རྒྱལ། འ་མ་རི་སོགས་བྱུང་ཡོད། འོན་ཀྱང་ང་ཚོ་བཙན་བྱོལ་དུ་འབྱོར་མ་ཐག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་ཀྱི་ངོ་བོ་སྲུང་སྐྱོབ་དང་རྒྱལ་སྤྱིའི་ནང་དྲིལ་བསྒྲགས་ཡོང་ཆེད་བོད་ཀྱི་ཟློས་གར་ཚོགས་པ་ཐོག་མར་གསར་འཛུགས་གནང་བ་དང་། སྐབས་དེར་བཟོ་ཞིང་འབྲོག་གསུམ་གྱི་གཞས་དང་། ཆོས་རྒྱལ་ཁྲི་སྲོང་དང་ཁྲི་རལ་གྱི་རྒྱལ་རབས་འཁྲབ་གཞས་སོགས་༸སྐྱབས་རྗེ་ཁྲི་འཆང་རིན་པོ་ཆེ་མཆོག་དང་༸སྐྱབས་རྗེ་བདུད་འཇོམས་རིན་པོ་ཆེ་མཆོག་ནས་ལྗགས་རྩོམ་མཛད་པ་སོགས་བོད་ཀྱི་རིག་གཞུང་བདག་གཅེས་གནང་རྒྱུར་ཕྱག་ལས་ཞེ་དྲགས་གནང་ཡོད་ལ། ལྷག་དོན་བོད་ཀྱི་ཟློས་གར་ཚོགས་པའི་ངོས་ནས་བོད་ཀྱི་རིག་གཞུང་སྲུང་སྐྱོབ་གནང་རྒྱུར་ཐུགས་འགན་ཆེན་པོ་བཞེས་གནང་ཡོད་པ་དང་། དེ་བཞིན་དེ་རིང་གི་འཁྲབ་སྟོན་སོགས་ལ་བལྟས་ན་རིག་གཞུང་རྒྱུན་འཛིན་ཞེ་དྲགས་ཡག་པོ་གནང་འདུག་པས་ཐུགས་རྗེ་ཆེ་ཞེས་བཀའ་སློབ་བཀའ་དྲིན་བསྩལ་གནང་རྗེས་བོད་ཀྱི་ཟློས་གར་ཚོགས་པའི་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ལགས་ཀྱིས་ཐུགས་རྗེ་ཆེ་གསུང་བཤད་གནང་གྲུབ་རྗེས་རྒྱ་ཆེའི་སྐུ་མགྲོན་དང་གཟིགས་མོ་བ་རྣམས་ལ་གསོལ་ཇ་བཞེས་ཏོག་འདེགས་འབུལ་གནང་སྟེ་དབུ་བརྙེས་པའི་མཛད་སྒོ་རྒྱལ་ཁའི་ངང་གྲུབ་སོང་།གཞི་རྩའི་དེ་རེས་དབྱར་སྐྱིད་རྐང་བྲོ་གླུ་གཞས་འགྲན་བསྡུར་གྱི་སྔོན་འགྲོའི་སྦྱོང་བརྡར་ནི་ཕྱི་ཟླ་...

རྒྱ་ནག་རྒྱལ་སྲིད་སྤྱི་ཁྱབ་ཁང་གི་སྲིད་བློན་ཟུར་པ་ཀྲུའུ་རུང་ཅི་ནད་གཞིས་རྐྱེན་པས་སྨན་བཅོས་བྱས་ན་ཡང་ནུས་པ་མ་ཐོན་པར་ཟླ་ ༨ ཚེས་ ༡༢ ཉིན་གྱི་སྔ་དྲོའི་ཆུ་ཚོད་ ༡༡ དང་སྐར་མ་ ༦ གི་ཐོག་པེ་ཅིང་དུ་འདས་གྲོངས་སུ་གྱུར་ཡོད་པ་རྒྱ་ནག་གཞུང་འབྲེལ་ཤིན་ཧྭ་གསར་སྤེལ་ཁང་གིས་གནས་ཚུལ་སྤེལ་འདུག་ཅིང་། ཀྲུའུ་ལོ་ན་ ༩༨ ལ་སླེབས་ཡོད་པ་རེད།

རྒྱ་ནག་གིས་རྒྱལ་ནང་དུ་ཆ་འཕྲིན་བཀག་སྡོམ་བྱེད་པ་ཙམ་མ་ཟད། དཔལ་འབྱོར་གྱི་བཙན་ཤེད་དང་ཕྱི་འབྲེལ་གྱི་གནོན་ཤུགས་བརྒྱུད་ནས་ཞིབ་བཤེར་གྱི་ལག་པ་རིང་མོ་རྐྱོང་བཞིན་ཡོད། དེ་ནི་རིམ་བཞིན་འཛམ་གླིང་གིས་རྒྱ་ནག་ནང་ཁུལ་དུ་དྲག་གནོན་དང་། མངའ་ཁོངས་ས་ཁུལ་གྱི་ས་ཐིག་བསྐྱར་འཐེན་བྱེད་འདོད་ཀྱི་གནད་དོན། དེ་བཞིན་རྒྱ་གཞུང་རང་ཉིད་དང་འབྲེལ་བའི་ཕྱི་ཡི་ལྟ་སྟངས་ཐད་ཤུགས་རྐྱེན་སྤྲོད་བཞིན་ཡོད། The post རྒྱ་ནག་གིས་ཞིབ་བཤེར་གྱི་ལག་པ་རིང་དུ་བརྐྱངས་ནས་རྒྱལ་སྤྱིའི་ལྟ་སྟངས་ལ་འགྱུར་བ་གཏོང་བཞིན་ཡོད། appeared first on བོད་ཀྱི་དུས་བབ།.

ཁ་མཆུ་ཨང་ ༢༣ གཏན་འབེབས་ཀྱི་ཉན་ཞིབ་འཚོག་སྐབས་ཆེས་མཐོའི་ཁྲིམས་ཞིབ་ཁང་གིས་ཞུ་སྦྱོར་བར་གནད་དོན་གཉིས་ཀྱི་ཐོག་ལ་ཁུངས་སྐྱེལ་བྱེད་དུ་བཅུག་སོང་། དེ་རིང་ཕྱི་ཚེས་ ༡༢ ཉིན་ཆེས་མཐོའི་ཁྲིམས་ཞིབ་ཁང་དུ། ཁ་མཆུ་ཨང་ ༢༣ པ་དང་འབྲེལ། སྤྱི་དམངས་གཏུག་བཤེར་ཁྲིམས་ཡིག་དོན་ཚན་ ༤༠ པའི་དགོངས་དོན་བཞིན། ཁ་མཆུའི་གནད་དོན་གཏན་འབེབས་ཀྱི་ཉན་ཞིབ་ཅིག་འཚོགས་ཡོད་ཅིང་། ཉན་ཞིབ་ཀྱི་ཁྲིམས་རར་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་གཙོས་ཁྲིམས་ཞིབ་པ་གཞན་གཉིས་དང་། ཞུ་སྦྱོར་བ་བསྟན་འཛིན་མཁས་གྲུབ་ལགས་དང་ཁྲིམས་རྩོད་པ། རྩོད་ལན་པ་དབུས་འོས་བསྡུ་ལྷན་ཁང་གི་སྤྱི་ཁྱབ་འགན་འཛིན་བློ་བཟང་ཡེ་ཤེས་ལགས་དང་ཁྲིམས་རྩོད་པ་སོགས་ཆེད་ཕེབས་གནང་འདུག

སྔོན་གླེང་། དེ་ཡང་།ཕྱི་ལོ་༡༩༥༠ ལོར་མགོ་སྐོར་དང་འཇམ་བསླུའི་ཐོག་ནས་རྒྱ་དམར་གུང་ཇག་བོད་ལ་དྲག་པོའི་བཙན་འཛུལ་བགྱིས་ཏེ་ལོ་ངོ་སྟོང་ཕྲག་མང་པོའི་ལོ་རྒྱུས་རང་བཞིན་ལྡན་པའི་འཛམ་གླིང་གི་ཡང་རྩེར་གནས་པའི་བོད་ཁ་བ་གངས་ཅན་ལྗོངས་དེ་ཧ་ཅང་སྟབས་བདེའི་སྒོ་ནས་ལག་དམར་བས་བཙན་བཟུང་བགྱིས་ཤིང་བོད་རྒྱལ་ཁབ་ཀྱི་རང་བཙན་བདག་དབང་ཡོངས་རྫོགས་བཙན་གྱིས་འཕྲོག་ནས་མི་ལོ་ཧྲིལ་པོ་དོན་ལྔ་ལྷག་འདས་ཟིན་པའི་ཁྲོད་ནས་ང་ཚོས་ཕྱི་མིག་ཅིག་བལྟས་ཚེ། ད་གཟོད་ཤེས་ཐུབ་པ་ནི་འདི་ལྟར། ཆེས་གྲགས་ཆེ་ཤོས་སུ་ངོས་འཛིན་མུས་ཡིན་པའི་གནའ་བོའི་རྒྱ་ནག་གི་དམག་འཐབ་ལ་བྱང་ཆུབ་པའི་དམག་དཔོན་ཆེན་པོ་སུན་ཙི་ཡིས་(Sun Tzu 544-496 BC)བརྩམས་པའི་དམག་འཐབ་བསྟན་བཅོས་(The Art The post འཆི་སྒུག་གི་སྲིད་ཇུས་དོར་དགོས། appeared first on བོད་ཀྱི་བང་ཆེན།.

ཁྲིམས་འཆར་འདི་བརྒྱུད་ཨ་རིས་བོད་མིའི་སྒྲིག་འཛུགས་ལ་ངོས་འཛིན་དགོས་པ་དང་། མཉམ་འབྲེལ་རྒྱལ་ཚོགས་ནང་བོད་མིའི་སྒྲིག་འཛུགས་ལ་ངོས་འཛིན་གྱི་གནས་བབ་བསྐྲུན་དགོས་པ་སོགས་ཀྱི་དོན་གནད་གཙོ་བོ་བརྒྱད་འདུག The post ཨ་རིའི་གྲོས་ཚོགས་གོང་མའི་ནང་བོད་ཀྱི་མ་འོངས་འགན་སྲུང་ཁྲིམས་འཆར་ངོ་སྤྲོད་གནང་། appeared first on བོད་ཀྱི་དུས་བབ།.

བོད་ཀྱི་ཟློས་གར་ཚོགས་པས་དབྱར་སྐྱིད་རྐང་བྲོ་གླུ་གར་གྱི་འགྲན་བསྡུར་གནང་པ་བརྒྱུད་རྒན་རབས་རྫོགས་འགྲོ་བའི་དུས་སུ་བོད་ཀྱི་སྲོལ་རྒྱུན་གླུ་གཞས་བདག་གཅེས་གནང་ཐབས་གནང་བཞིན་པ། བཞུགས་སྒར་དུ་བོད་ཀྱི་ཟློས་གར་ཚོགས་པ་བཙུགས་ནས་ལོ་ངོ་ ༦༧ འཁོར་བའི་དགའ་སྟོན་དང་བསྟུན། ལོ་འཆར་ཅན་དུ་གནང་སྲོལ་ཡོད་པའི་དབྱར་སྐྱིད་ཅེས་ཟློས་གར་ནང་ཁུལ་གྱི་རྒྱ་ལུ་དང་རྔོན་པའི་རུ་ཁག་ཕན་ཚུན་དབར། རྐང་བྲོ་གླུ་གཞས་འགྲན་བསྡུར་གནང་སོང་བའི་སྐབས་འདིར། རུ་ཁག་གི་རུ་དཔོན་རྣམ་པས་མི་རབས་རྒན་པ་མང་དག་ཅིག་དགོངས་པ་རྫོཊ་བཞིན་པའི་སྐབས་འདིར་སྲོལ་རྒྱུན་གླུ་གཞས་རྣམས་འཁྲབ་སྟོན་དང་སྦྱོང་བརྡར་ཐུབ་རྒྱུ་ཆེས་དཀའ་ཚེགས་ཆེ་རུ་གྱུར་ཡོད་པ་འགྲེལ་བརྗོད་གནང་གི་འདུག དེ་ཡང་རྒྱ་ལུ་རུ་ཁག་གི་བསྟན་འཛིན་ཉི་མ་ལགས་ཀྱིས། བཙན་བྱོལ་ནང་མི་རབས་རྒན་པ་ཉུང་དུ་འགྲོ་བཞིན་པར་བརྟེན། གཞས་ཀྱང་རགས་ཁག་པོ་འདུག་པས། འགྲན་བསྡུར་འདིའི་ཆེད...

ཕྱི་ཟླ་བདུན་པ་དང་བརྒྱད་པ་ནི་བོད་དུ་གནམ་གཤིས་སྐྱིད་པའི་དུས་ཆོད་ཅིག་ཡིན་པ་དང་། ལོ་ལྟར་དབྱར་དུས་སུ་བོད་ཀྱི་ས་གནས་སོ་སོར་སྲོལ་རྒྱུན་གྱི་རྟ་རྒྱུག་དུས་ཆེན་དང་ཆོས་ཕྱོགས་ཀྱི་བྱེད་སྒོ་སྤེལ་སྲོལ་ཡོད་ལ། འདུ་འཛོམས་ཀྱི་ཐོག་རོལ་དབྱངས་འཁྲབ་སྟོན་དང་། ཚོང་འདུས་ལ་སོགས་པ་གཉེར་ནས་སྲོལ་རྒྱུན་དུས་ཆེན་རྒྱ་ཆེ་ཆུང་མང་པོ་ཚོགས་བཞིན་ཡོད། འོན་ཀྱང་དུས་ཚོད་དང་སྤྱི་ཚོགས་ཀྱི་གནས་སྟངས་ལ་འགྱུར་བ་ཕྱིན་པའི་ཁྲོད་ནས་བྱེད་སྒོའི་རྣམ་པར་ཡང་འགྱུར་བ་ཕྱིན་ཡོད་ལ། ལྷག་པར་དུ་ཆོས་ཕྱོགས་ཀྱི་བྱེད་སྒོ་ཁག་ལ་ཚད་བཀག་དང་དོ་དམ་སྔར་ལས་དམ་དུ་ཕྱིན་པའི་གནས་སྟངས་ཤིག་ཆགས་ཡོད་པ་དང་། བོད་ཀྱི་ས་གནས་ཁག་ནང་གཉེར་བའི་མང་ཚོགས་འདུ་འཛོམས་ཀྱི་བྱེད་སྒོ་ཚང་མའི་ཁྲོད་དམ་དྲག་གི་རྣམ་པ་འདི་ཤུགས་ཆེ་རུ་ཕྱིན་པ་ཞིག་ཆགས་འདུག དཔེར་ན། ༢༠༢༦ ལོའི་དབྱར་དུས་ཀྱི་རྟ་རྒྱུག་དུས་ཆེན་ཁག་ལ་བལྟས་ན། རྟ་རྒྱུག་དང་རིག་གཞུང་གི་...

ཕྱི་ལོ་ ༢༠༢༦ ཟླ་ ༨ ཚེས་ ༡༡ ཉིན་ཨ་རིའི་མང་གཙོ་ཚོགས་པའི་གྲོས་ཚོགས་གོང་མའི་འཐུས་མི་ཇེཕ་མེརྐ་ལི་(Jeff Merkley)དང་། སྤྱི་མཐུན་ཚོགས་པའི་གྲོས་ཚོགས་འཐུས་མི་དང་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་ (Jim Risch) གཉིས་ཀྱིས་ཨ་རིའི་གཞུང་གིས་དབུས་བོད་མིའི་སྒྲིག་འཛུགས་དང་འབྲེལ་བ་ཤུགས་ཆེ་རུ་གཏོང་རྒྱུ་དང་། དེ་བཞིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་རྗེས་སུ་ཨ་མི་རི་ཀས་བོད་ལ་མུ་མཐུད་རྒྱབ་སྐྱོར་གནང་རྒྱུའི་འགན་ལེན་བྱེད་དགོས་པའི་ཁྲིམས་འཆར་དེ་ཨ་རིའི་གྲོས་ཚོགས་གོང་མའི་ནང་དུ་བཏོན་གནང་འདུག རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་རཡེན་ཕེའོ་རོ་སི་ལགས་ཀྱིས། རྒྱལ་སྤྱིའི་བོད་དོན་ལས་འགུལ་ཁང་གིས་ཁྲིམས་འཆར་འདི་ལ་དགའ་བསུ་ཞུས་གནང་པ་དང་སྦྲགས། ཁྲིམས་འདིས་བོད་མི་མང་ཚོགས་དང་མང་གཙོའི་ལམ་ནས་བདམས་པའི་བོད་མིའི་སྒྲིག་འཛུགས་ཀྱི་འགོ་ཁྲིད་དང་། ཆོས་རིག་གི་འགན་འཁུར་བར་...