Devotees Flock to Dharamsala as Dalai Lama Resumes Public Audiences After Returning from Ladakh ༸གོང་ས་མཆོག་ཕྱིར་ལོག་མཛད་པ་དང་བསྟུན་བཞུགས་སྒར་དུ་དད་ལྡན་མཇལ་བཅར་བ་ཇེ་མང་སླེབ་བཞིན་པ། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འདས་པའི་ཟླ་གཉིས་ལྷག་རིང་ལ་དྭགས་སུ་སྐུ་ལྷོད་བཞུགས་སླད་ཆིབས་བསྒྱུར་མཛད་ཡོད་པར་བརྟེན། དུས་རྒྱུན་ཡུལ་སྐོར་སྤྲོ་འཆམ་པ་ཕོན་ཆེན་འདུ་འཛོམས་བྱུང་སའི་བཞུགས་སྒར་དེ་བཞིན་གནས་སྐབས་སྟོང་ལྷང་ལྷང་དུ་གྱུར་ཡོད་པ་རེད། འོན་ཀྱང་ཉེ་ལམ་ཕྱི་ཟླ་ ༩ ཚེས་ ༤ ཉིན་མགོན་པོ་༸གང་ཉིད་མཆོག་བཞུགས་སྒར་དུ་ཕྱིར་ལོག་མཛད་ཡོད་དང་འབྲེལ། ཁ་སང་ཕྱི་ཚེས་ ༧ ཉིན་ནས་བཟུང་༸གོང་ས་མཆོག་གིས་ཐུགས་བརྩེ་བ་ཆེན་པོས་དད་ལྡན་མཇལ་བཅར་བ་ཚོར་མང་མཇལ་སྩལ་གནང་དབུ་འཛུགས་མཛད་ཡོད་སྟབས། སླར་ཡང་བཞུགས་སྒར་དུ་འཛམ་གླིང་ཡུལ་གྲུ་གང་ས་ནས་དད་ལྡན་མང་ཚོགས་མཇལ་ཁར་བཅར་མཁན་རིམ་པས་ཇེ་མང་སླེབ་བཞིན་པའི་ཁྲོད། དེ་རིང་ཕྱི་ཚེས་ ༨ ཉིན་གྱི་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་འདི་གའི་གསར་གསར་འགོད་པ་དང་པར་ལེན་ཕྱོགས་སྒྲིག་པས་དད་ལྡན་མཇལ་བཅར་བ་ཁག་གཅིག་ལ་ཁོང་རྣམ་པའི་སེམས་ཚོར་སོགས་དང་འབྲེལ་ཏེ་བཅར་འདྲི་ཁག་གཅིག་ཞུས་ཡོད། Find more from Voice Of Tibet: Website: https://www.vot.org 网站: https://www.cn.vot.org Facebook: https://www.facebook.com/VoiceofTibet YouTube: https://www.youtube.com/c/VoiceofTibet Instagram: https://www.instagram.com/voice.of.tibet Twitter: https://twitter.com/VOT_Tibetan #VoiceOfTibet #西藏之声