བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༡༠༤༩ སྟེང་གི་རྩོམ་སྒྲིག་པའི་གཏམ། ངྷ་ས་དང་པེ་ཅིན་དབར་གྱི་འབྲེལ་ལམ་ཆད་ནས་ལོ་ངོ་༡༦ ཙམ་འགྲོ་ཡི་འདུག ལོ་ངོ་འདི་དག་གི་རིང་ལ་ལྟག་སྒོ་བརྒྱུད་ནས་འབྲེལ་བ་ཙག་ཙིག་རེ་བྱུང་ཡོད་སྲིད། འོན་ཀྱང་། སྔར་ལྟར་བོད་རྒྱ་འབྲེལ་མོལ་ཞེས་སྐུ་ཚབ་ཚོགས་པའི་ངོ་བོ་ནས་བོད་རྒྱའི་གནད་དོན་གླེང་བཞག་པ་ཞིག་མེད། ང་ཚོས་པེ་ཅིན་ལ་སྤྲད་པའི་བོད་ལ་ཆེས་མཐོའི་རང་སྐྱོང་ཡོང་ཐབས་ཀྱི་བསམ་འཆར་དེར་རྒྱ་གཞུང་གིས་བདག་པོ་མ་བརྒྱབ་པར། ཡིག་ཆ་རྙིང་ཧྲུལ་ཞིག་ཏུ་གྱུར་ནས་ལྷག་པ་རེད། མདོར་ན་རྒྱ་གཞུང་གིས་ང་ཚོར་ཁ་ཡ་མི་བྱེད་དོན་ཅི་ཡིན་ནམ། ས་བྱི་ཞི་རྒོལ་ཆེན་མོ་ལྟ་བུའི་ས་ཆེན་པོ་ཡོམ་ཡོམ་སྒུལ་བའི་ལས་འགུལ་ཞིག་མ་བྱུང་བས་རེད་དམ། ཡང་ན། ཁྱོད་ཤི་ང་གསོན་གྱི་སྲིད་དོན་ཁེ་ཕན་ཁྲོད་བོད་དོན་ནི་ཁུར་བོ་ལྷག་མ་ཞིག་རེད་བསམ་མཁན་ཇེ་མང་དུ་སོང་བ་རེད། ང་ཚོས་པེ་ཅིན་ལ་བསུན་པོ་བཟོ་དགོས། ང་ཚོས་པེ་ཅིན་ལ་ཁོང་ཁྲོ་སློང་དགོས། ང་ཚོས་པེ་ཅིན་གཉིད་ལས་དཀྲོག་དགོས། འོ་ན། དྷ་སའི་བྱེད་ཐུབ་པ་དེ་གང་རེད་དམ། ད་ལོའི་ཕྱི་ཟླ་ ༩ ཚེས་ ༢ ཏེ་བོད་ཀྱི་དམངས་གཙོའི་དུས་དྲན་ཉིན་མོའི་གཞུང་འབྲེལ་སྐུ་མགྲོན་གཙོ་བོར་ཝང་ཊན་ཞེས་པའི་རྒྱ་རིགས་དམངས་གཙོ་དོན་གཉེར་བ་ཞིག་མགྲོན་འབོད་བྱས་འདུག དེས་རྒྱ་ནག་ལ་ཁོང་ཁྲོ་སློང་ཐུབ་ཡོད་དམ། གཅིག་ནས་ ཁོང་ནི་གནམ་བདེ་སྒོ་མོ་ཆེའི་དོན་རྐྱེན་གྱི་མགོ་ཁྲིད་ཅིག་རེད་ལ། གཉིས་ནས་རྒྱལ་སྤྱིའི་སྤྱི་ཚོགས་སྟེང་རྒྱ་ནག་གི་བྱ་སྤྱོད་ཐེར་འདོན་བྱེད་མཁན་ཞིག་རེད། ཁོང་དང་མཉམ་དུ་ཡོང་བའི་རྒྱ་རིགས་ཉི་ཤུ་རྩ་གྲངས་ཀྱིས་རྒྱ་ནག་གི་དམངས་གཙོ་དང་བོད་ཀྱི་མ་འོངས་པ་ཞེས་པའི་ཚོགས་འདུའི་ཐོག་ཏུ་ཕྱི་ཡུལ་ལ་ཡོད་པའི་བོད་རྒྱ་གཉིས་ཀྱིས་མཉམ་འབྲེལ་བྱས་ཏེ་རྒྱ་གཞུང་ལ་ཁ་གཏད་གཅོག་དགོས་སྐོར་བཤད་འདུག ང་ཚོའི་བཙན་བྱོལ་ནང་གི་དམངས་གཙོ་ནི་ལོ་རྒན་དྲུག་ཅུ་བརྒལ་བ་ཞིག་རེད། རྒྱ་ནག་གི་དམངས་གཙོ་ནི་བྱིས་པ་དམར་འབྱར་ཞིག་མ་རེད་ལ། ད་དུང་རྒྱ་ནག་གི་དམངས་གཙོའི་མངལ་ཡང་འཁོར་ཡོད་མ་རེད། དེས་ན་རྒྱ་ནག་གི་དམངས་གཙོ་ཞེས་པ་ནི་བླ་མ་ཕར་རི། མཆོད་པ་ཚུར་རི་ཞེས་པའི་བོད་ཀྱི་དཔེ་གཏམ་ལས་མ་འདས། འོ་ན། བོད་ཀྱི་མ་འོངས་པ་འདི་གང་འདྲ་ཆགས་ཀྱི་རེད་དམ། ༧གོང་ས་རྒྱལ་བ་རིན་པོ་ཆེས་ང་ཚོར་གནང་བའི་དམངས་གཙོའི་གསོལ་རས་འདི་བོད་ནང་གི་གཞིས་ལུས་བོད་མི་ཚོར་རྒྱུ་རྒྱུ་བདག་ལ་འཕྲོད་པ་ཞིག་ཡོང་གི་རེད་དམ། དེ་འདྲ་ཞིག་ཡོང་བར་ང་ཚོའི་ནུས་པ་མཉམ་སྤུངས་བྱེད་དགོས། རང་གི་ནུས་པས་མི་འདང་སར་གཞན་གྱི་རྒྱབ་སྐྱོར་ཡང་ལེན་དགོས།...

མི་རིང་བར་རྒྱ་ནག་གི་སྲིད་འཛིན་ཞི་ཅིན་ཕིན་ཨ་རིར་འཚམས་གཟིགས་བྱེད་གཏན་འཁེལ་བ་དང་བསྟུན། ཨ་རིའི་གྲོས་ཚོགས་འཐུས་མི་གཉིས་ཀྱིས་ཐེངས་འདིའི་མགོ་ཁྲིད་གཉིས་ཀྱི་ཐུག་འཕྲད་སྐབས་རྒྱ་ནག་ནང་གི་འགྲོ་བ་མིའི་ཐོབ་ཐང་གླེང་དགོས་པའི་ཉན་ཞིབ་ཅིག་འཚོགས། The post རྒྱ་ནག་ནང་གི་འགྲོ་བ་མིའི་ཐོབ་ཐང་བརྗེད་མི་ཉན་པའི་ཐད་ཉན་ཞིབ་ཅིག་འཚོགས།  appeared first on བོད་ཀྱི་དུས་བབ།.

རྒྱ་ནག་གིས་སྤྱི་ནོར་༧གོང་ས་༧སྐྱབས་མགོན་སྐུ་ཕྲེང་ ༡༤ ཆེན་པ་མཆོག་གི་༧སྐུའི་ཡང་སྲིད་ངོས་འཛིན་གྱི་བརྒྱུད་རིམ་ལ་སྟངས་འཛིན་བྱེད་རྒྱུའི་གྲ་སྒྲིག་ཇི་ལྟར་བྱེད་བཞིན་ཡོད་དམ། རྒྱ་ནག་གི་གསང་བའི་བཙོན་ཁང་ཞེས་པའི་དཔེ་དེབ་གསར་པའི་རྩོམ་པ་པོ་རྒྱ་ནག་གི་གནད་དོན་ཉམས་ཞིབ་པ་ཨོར་ཝིལ་ཤེལ་ (Orville Schell) ལགས་ཀྱིས། རྒྱ་ནག་གཞུང་གིས་སྔོན་ཆད་ནས་འདི་ལྟར་བྱས་མྱོང་ཡོད་པ་བཞིན་སླར་ཡང་བྱུང་རྒྱུ་ཡིན་པ་གསུངས་སོང་། ལོ་རབས་དགུ་བཅུའི་ནང་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ངོས་འཛིན་གནང་བའི་༧ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མ་མཆོག་རྒྱ་ནག་གིས་གར་སོང་ཆ་མེད་དུ་བཙན་ཁྲིད་བྱས་ཡོད་པས་འདི་ནི་ལོ་རྒྱུས་གསར་པ་ཞིག་ཆགས་མེད་ལ། དེའི་ཚབ་ཏུ་རྒྱ་ནག་གཞུང་གིས་བདམས་པའི་རྒྱལ་མཚན་ནོར་བུ་པཎ་ཆེན་དུ་བསྐོ་གཞག་བྱས་ཡོད། ཨོར་ཝིལ་ཤེལ་ལགས་ཀྱིས་སྤྱི་ནོར་༧...

  ༄༅། །ཕྱི་ལོ་ ༢༠༢༦ ཟླ་བ་ ༩ ཚེས་ ༡༥ ཉིན་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་ལས་བྱེད་གསོལ་ཚིགས་ཁང་གི་ཡང་སྟེང་ཚོགས་ཁང་དུ་བོད་ཀྱི་དུས་བབ་གསར་ཁང་ཚུགས་ནས་ལོ་ངོ་ ༣༠ འཁོར་བའི་དུས་དྲན་མཛད་སྒོ་ཚོགས་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་དང་ཕྱི་དྲིལ་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་དང་། རང་དབང་གསར་འགོད་པ་དང་བོད་རིག་པ་བ་ཝི་ཇེ་ཀྲན་ཏི་ (Vijay Kranti) ལགས།  ནོར་ཝེ་བོད་ཀྱི་རླུང་འཕྲིན་ཁང་གི་སྤྱི་ཁྱབ་རྩོམ་སྒྲིག་པ་བསྟན་འཛིན་དཔལ་སྒྲོན་ལགས། བོད་ཀྱི་དུས་བབ་གསར་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་ལུང་རིགས་རྒྱལ་ལགས། བོད་ཀྱི་དུས་བབ་གསར་ཁང་གི་རྩོམ་སྒྲིག་པ་ཆོས་རྒྱལ་སྐྱབས་ལགས་ཀྱིས་གཙོས་པའི་ས་གནས་ཀྱི་གཞུང་ཁོངས་མ་ཡིན་པའི་ཚོགས་པ་ཁག་དང་ཤེས་ཡོན་བསྟི་གནས་ཁང་ཁག་གི་ལས་སྣེ་རྣམ་པ་སོགས་ལྷན་འཛོམས་ཐོག་མཛད་སྒོ་དབུ་འཛུགས་ཀྱི་ཐོག་མར་སྐུ་མགྲོན་གཙོ་བོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་དང་སྣང་གསལ་མར་མེ་ཞལ་ཕྱེ་གནང་གྲུབ་མཚམས་བོད་ཀྱི་རྒྱལ་གཅེས་པ་རྣམས་ཀྱི་ཆེད་དུ་སྐར་མ་གཅིག་རིང་ངག་བཅད་ཐོག་གདུང་སེམས་མཉམ་སྐྱེད་ཞུས་རྗེས་བོད་ཀྱི་དུས་བབ་ཀྱི་རྩོམ་སྒྲིག་པས་དུས་དྲན་ངོ་སྤྲོད་དང་མི་ལོ་སུམ་ཅུའི་རིང་གི་བོད་ཀྱི་དུས་བབ་ངོ་སྤྲོད་བརྙན་ཐུང་འབུལ་ལམ་ཞུས།དེ་ནས་བོད་ཀྱི་དུས་བབ་གསར་ཁང་ཚུགས་ནས་ལོ་ངོ་ ༣༠ འཁོར་བའི་དུས་དྲན་ཐོག་བོད་ཀྱི་བསྟན་བདག་བླ་ཆེན་རྣམ་པས་སྩལ་བའི་གསུང་འཕྲིན་གཟིགས་འབུལ་ཞུས་རྗེས་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་དང་ཕྱི་དྲིལ་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་གིས་བོད་ཀྱི་དུས་བབ་ཀྱི་ལོ་ངོ་སུམ་ཅུའི་དུས་དྲན་ཆེད་དཔེ་དེབ་དབུ་འབྱེད་དང་། བོད་ཀྱི་དུས་བབ་ཀྱི་ཞབས་ལོ་ ༢༠ ཟིན་པའི་ལས་བྱེད་གཉིས་ལ་ཐུགས་རྗེ་ལེགས་འབུལ་གྱི་གཟེངས་རྟགས་གནང་གྲུབ་རྗེས་བོད་ཀྱི་དུས་བབ་ཀྱི་འགན་འཛིན་ལྷན་ཚོགས་ཀྱི་ཚོགས་གཙོ་དང་རྩོམ་སྒྲིག་པ་ཟུར་པ་ལུང་རིགས་རྒྱལ་ལགས་ཀྱིས་སྐུ་མགྲོན་གཙོ་བོ་དཔལ་ལྡན་ཕྱི་དྲིལ་བཀའ་བློན་མཆོག་དང་། དུས་བབ་རྩོམ་སྒྲིག་པ་ཟུར་པ་དང་འཕྲོད་བསྟེན་བཀའ་བློན་པདྨ་མཚོ་མཆོག བགྲོ་གླེང་ལས་རིམ་ནང་གཏམ་བཤད་གནང་མཁན་གསུམ་ལ་དྲན་རྟེན་ཕྱག་རྟགས་ཕུལ་ཏེ་དུས་དྲན་དང་འབྲེལ་བའི་གསུང་བཤད་གནང་། དེ་ནས་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་ཀྱི་དུས་བབ་གསར་ཁང་འདི་ཉིད་ཕྱི་ལོ་ ༡༩༩༦ ལོར་གསར་འཛུགས་ཀྱིས་མུ་མཐུད་རྒྱུན་གནས་ཐུབ་ཡོད་པར་ཡི་རང་བསྔགས་བརྗོད་དང་འབྲེལ། གསར་འགྱུར་བརྒྱུད་ལམ་ཁག་ནི་སྤྱི་ཚོགས་ཀྱི་མེ་ལོང་ལྟ་བུ་ཞིག་ཡིན་པ་དང་། དེ་ཡང་མ་འོངས་པར་ཉམས་ཞིབ་པ་རྣམས་ཀྱིས་འདས་པའི་གནད་དོན་ལ་ཉམས་ཞིབ་གནང་བའི་དཔྱད་གཞིའི་རྒྱུ་ཞིག་ཆགས་ཀྱི་ཡོད་པར། བརྒྱུད་ལམ་ཁག་ནས་གནས་ཚུལ་ཁག་དངོས་ཡོད་གནས་ཚུལ་དང་མཐུན་པའི་སྒོ་ནས་འགོད་སྤེལ་གནང་རྒྱུ་གལ་འགངས་ཆེན་པོ་ཡིན་པ་གསུངས་ཡོད།  །

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༡༡ ཉིན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་པདྨ་མཚོ་མཆོག་ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་དུ་ཚོགས་པའི་རྒྱལ་ཡོངས་བོད་ཀྱི་གསོ་བ་རིག་པའི་ཚོགས་ཆེན་ཐེངས་བཞི་པའི་ཐོག་སྐུ་མགྲོན་གཙོ་བོར་ཆེད་ཕེབས་གནང་ཡོད། སྐབས་དེར་ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་གི་ཉེ་བའི་རིགས་བདག་དབང་ཕྲུག་རྡོ་རྗེ་ནེ་གི་ལགས་དང་། སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་ལགས། བོད་ཀྱི་སྨན་པ་ལྷན་ཚོགས་ཀྱི་ཚོགས་མི་གཙོས་གསོ་བ་རིག་པའི་མཁས་པ་དང་། ཉམས་ལེན་པ། སྐུ་མགྲོན་བཅས་ཕེབས་ཞུགས་གནང་ཡོད།དེ་ཡང་འཕྲོད་བསྟེན་བཀའ་བློན་པདྨ་མཚོ་མཆོག་གིས་ཐོག་མར་བོད་ཀྱི་གསོ་བ་རིག་པའི་ཉམས་ལེན་པ་ཚོར་བསྔགས་བརྗོད་གནང་ཞིང་། ཁོང་ཚོའི་ལྷག་བསམ་ལ་བརྟེན་ནས་བོད་ཀྱི་གསོ་བ་རིག་པ་ཉར་ཚགས་དང་གོང་འཕེལ་ཐུབ་པ་མ་ཟད། སེམས་ཅན་གྲངས་ལས་འདས་པར་ཕན་ཐོགས་ཡོད་པ་གསུངས། དེ་བཞིན་ཁོང་མོས་བོད་ཀྱི་སྲོལ་རྒྱུན་གསོ་བ་རིག་པའི་རྒྱུན་གནས་དེ་ཡང་ལྟ་གྲུབ་ཀྱི་རྩ་བ་དང་། སྤྱི་ཚོགས་བདེ་དོན་ལ་ཁ་ཡོད་ལག་ཡོད་ཀྱི་ཞབས་འདེགས་སྒྲུབ་རྒྱུ་ལ་ཐུག་ཡོད་པ་ནན་བརྗོད་གནང་། དེ་ནས་བཀའ་བློན་མཆོག་གིས་བོད་ནང་བོད་མིའི་ངོ་བོ་ཐོག་དམ་བསྒྲགས་ཇེ་ཆེར་འགྲོ་བཞིན་པའི་གནས་སྟངས་འགྲེལ་བརྗོད་གནང་སྟེ་བཙན་བྱོལ་བོད་མི་ཚོས་སོ་སོའི་རིག་གཞུང་སྲུང་སྐྱོབ་དང་སྲ་བརྟན་གཏོང་རྒྱུའི་ཐོག་འགན་ཁུར་དགོས་པའི་སྐུལ་མ་གནང་བ་དང་ཆབས་ཅིག ཕྱི་ལོ་ ༡༩༨༨ ལོར་སྐྱབས་རྗེ་ཟམ་གདོང་རིན་པོ་ཆེ་མཆོག་གིས་གསོ་བ་རིག་པའི་སློབ་ཕྲུག་རྣམས་ལ་གནང་བའི་བཀའ་སློབ་གསལ་སྟོན་གྱིས་བོད་ཀྱི་གསོ་བ་རིག་པ་ནི་ཆེད་ལས་ཙམ་མ་ཡིན་པར་སྤྱི་ཚོགས་ལ་ཞབས་འདེགས་ཞུ་རྒྱུའི་ཁས་ལེན་ཞིག་ཡིན་པ་གསུངས།དེ་མཚུངས་བཀའ་བློན་མཆོག་གིས་གཡུ་ཐོག་ཡོན་ཏན་མགོན་པོའི་མཛད་རྣམ་དང་། རྒྱུད་བཞིའི་སྐོར་གསལ་སྟོན་གནང་ཞིང་། སློབ་མ་དང་ཉམས་ལེན་པ་ཚོས་བོད་ཀྱི་སྲོལ་རྒྱུན་དེ་དག་ལ་སྦྱང་བརྩོན་དང་། གཅེས་སྐྱོང་གནང་དགོས་པའི་སྐུལ་མ་གནང་། ཁོང་མོས་དེང་དུས་དགོས་མཁོ་དང་མཐུན་པར་གསོ་བ་རིག་པ་གོང་འཕེལ་གཏོང་རྒྱུ་དང་། དེའི་ཕན་ཡོན་འཛམ་གླིང་ཡོངས་ལ་ཁྱབ་སྤེལ་ཆེད་ཤེས་ཡོན་སྤུས་ཚད་དང་། གསར་གཏོད། མཉམ་འབྲེལ་གྱི་འབད་བརྩོན་བཅས་དགོས་གལ་ཡིན་པ་གསུངས། དེ་རྗེས་འཕྲོད་བསྟེན་བཀའ་བློན་མཆོག་གིས་གསོ་བ་རིག་པའི་སྒྲིག་འཛུགས་དང་ཉམས་ལེན་པ་ནང་ཁུལ་མཐུན་སྒྲིལ་དགོས་གལ་དང་། ཚོགས་ཆེན་ཐོག་གཏན་འབེབས་བྱུང་བའི་གྲོས་ཆོད་ཁག་རྗེས་མའི་ཚོགས་ཆེན་མ་ཚོགས་གོང་ལག་བསྟར་གནད་སྨིན་ཡོང་བའི་སྐུལ་མ་གནང་ཡོད། མཐར་ཁོང་མོས་གསོ་བ་རིག་པའི་སྲོལ་རྒྱུན་དར་ཞིང་རྒྱས་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བོད་ནང་མྱུར་དུ་ཞབས་སོར་འཁོད་ཐུབ་པ། བོད་གཞིས་བྱེས་གཉིས་མཉམ་འཛོམས་ཡོང་བའི་སྨོན་འདུན་ཞུས་གནང་ཡོད། དབུ་འབྱེད་མཛད་སྒོ་གྲུབ་རྗེས་འཕྲོད་བསྟེན་བཀའ་བློན་པདྨ་མཚོ་མཆོག་ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་གི་དཔེ་མཛོད་དང་། ཉེ་བའི་རིགས་བདག་གི་ལས་ཁུངས། ཉེ་ཆར་གསར་རྒྱག་གནང་བའི་གསོ་བ་རིག་པའི་སྨན་ཁང་བཅས་སུ་འཚམས་གཟིགས་གནང་ཡོད།།  

བོད་རང་བཙན་ཞུ་གཏུགས་ཀྱི་ལས་འགུལ་སྤེལ་བའི་སྐབས། གྲོས་ཚོགས་གོང་འོག་གི་ལས་བྱེད་མང་པོས།ལས་འགུལ་སྤེལ་མཁན་རྣམས་ལ་བཀའ་དྲིན་ཆེ་ཞེས་གསུངས་ཏེ། བོད་ཀྱི་རྩ་དོན་ལ་སེམས་ཐག་ཧ་ཅང་ཉེ་པོས་ཞུ་གཏུགས་ཀྱི་ཡིག་ཆ་དང་ལེན་དང་། བོད་རང་བཙན་སླར་གསོའི་དགོས་འདུན་ལ་ལྷག་པར་ཐུགས་སྣང་ཆེན་པོ་གནང་འདུག ཕྱི་ལོ་༢༠༢༦ཟླ་༩ཚེས་༡༤ཉིན་སྟེ། རྒྱ་ནག་གི་སྲིད་འཛིན་ཞི་ཅིན་ཕིང་ཨ་རིར་མ་སླེབས་པའི་ཉིན་གྲངས་བཅུའི་སྔོན་དུ། དབུས་བོད་ཀྱི་གཞོན་ནུ་ལྷན་ཚོགས་དང་ནིའུ་ཡོག་དང་ནིའུ་འཇར་སི་ས་གནས་བོད་ཀྱི་གཞོན་ནུ་ལྷན་ཚོགས་གཉིས་ཀྱི་གོ་སྒྲིག་འོག ཨ་རིའི་གཞུང་ལ་བོད་རང་བཙན་གྱི་ཞུ་གཏུགས་ལས་འགུལ་རྒྱ་ཆེ་ཞིག་སྤེལ་འདུག ཐེངས་འདིའི་ཞུ་གཏུགས་ལས་འགུལ་ནང་། The post ཨ་རིའི་གྲོས་ཚོགས་གོང་འོག་གི་ལས་ཁུངས་༤༥་ཙམ་ལ་བོད་རང་བཙན་ཞུ་གཏུགས་གནང་། appeared first on བོད་ཀྱི་བང་ཆེན།.

མི་རབས་གསར་པའི་ངོ་རྒོལ་ལས་འགུལ་གྱི་དཔང་པོ་གཉིས་ཀྱིས་དུས་ཚིགས་དེ་ཕྱིར་དྲན་བྱེད་དེ་དུས་ད་ལྟ་ཡང་དགའ་སྐྱོ་ཟུང་སྦྲེལ་གྱི་ཚོར་བ་ཞིག་བྱུང་གི་ཡོད་པ་གསུང་གི་འདུག ཕྱི་ལོ་ ༡༩༨༧ ནས་འགོ་འཛུགས་ཀྱིས་ཕྱི་ལོ་ ༡༩༨༩ བར་བོད་ཀྱི་རྒྱལ་ས་ལྷ་སར་གདན་ས་ཆེན་པོ་སེ་འབྲས་དགའ་གསུམ་གྱི་དགེ་འདུན་པ་རྣམ་པས་སྣེ་ཁྲིད་དེ། ལོ་རབས་ ༥༠ འི་གནས་སྟངས་མཐོང་མྱོང་མེད་པའི་བོད་ནང་མི་རབས་གཞོན་པས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་སྤེལ་བའི་སྐབས་སུ་གནས་སྟངས་ཆ་ཚང་དངོས་སུ་མཐོང་མྱོང་ཡོད་པ། ཕྱི་རྒྱལ་མི་སེར་གཉིས་ཀྱིས་སྐབས་དེ་དུས་ཀྱི་གནས་སྟངས་རྣམས་ད་ལྟ་ཕྱིར་དྲན་བྱས་ཚེ་བསམ་ཡུལ་ལས་འདས་པའི་གདུག་རྩུབ་ཅན་ཞིག་དང་། བོད་མི་རྣམས་ཀྱིས་རྒྱ་ནག་དམག་མིར་རྒོལ་སྟངས་ཀྱི་རྣམ་པ་ཕྱིར་དྲན་བྱས་ཚེ་དགའ་སྐྱོ་ཟུང་སྦྲེལ་གྱི་ཚོར་བ་ཞིག་བསྟེར་ཡོང་གི་ཡོད་པ་གསུང་གི་འདུག དེ་ཡང་པར་པ་འཇོན་ཨེ་ཀར་ལི་ (John Ackerly) ལགས་...

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༡༤ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཕྱི་དྲིལ་བོད་ཀྱི་འགྲེམས་སྟོན་ཁང་དུ་མི་རབས་གསར་པའི་ཞི་རྒོལ་ལས་འགུལ་སྤེལ་ནས་བགྲང་བྱ་ ༤༠ འཁོར་བའི་ཕྱིར་དྲན། (Reflecting on the 40th Anniversary of the New Generation’s Peaceful Protest Movements) ཞེས་པའི་དུས་ཐུང་འགྲེམས་སྟོན་དབུ་འབྱེད་གནང་ཡོད། དེ་ཡང་གོང་ཚེས་ཉིན་གྱི་ཕྱེད་ཡོལ་ཆུ་ཚོད་ ༢ ཐོག་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག དམིགས་བསལ་སྐུ་མགྲོན་དུ་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ངག་དབང་འོད་འབར་ལགས་དང་སྨན་པ་སྦི་ལེག་ཀེར་ལགས། རྒྱལ་སྤྱིའི་བོད་དོན་ལས་འགུལ་ཚོགས་པའི་འགན་འཛིན་ལྷན་ཚོགས་ཀྱི་ཚོགས་མི་ཇོན་ཨེ་ཀར་ལི་ལགས།  དེ་བཞིན་ཕྱི་དྲིལ་དྲུང་འཕར་རྣམ་རྒྱལ་ཚེ་དབང་ལགས། མི་རབས་གསར་པའི་ཞི་རྒོལ་སྐབས་ལས་འགུལ་སྤེལ་མཁན། གསར་འགོད་པ། མཉམ་ཞུགས་པ་བཅས་ལྷན་འཛོམས་ཀྱིས་ཐོག་མར་དཔལ་ལྡན་སྲིད་སྐྱོང་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་དང་། སྣང་གསལ་མར་མེ་ཞལ་ཕྱེ་གནང་གྲུབ་མཚམས་དུས་ཐུང་འགྲེམས་སྟོན་དབུ་འབྱེད་གནང་རྗེས་ཕྱི་དྲིལ་བོད་ཀྱི་འགྲེམས་སྟོན་ཁང་གི་འགན་འཛིན་བསྟན་འཛིན་སྟོབས་ལྡན་ལགས་ཀྱིས་སྐུ་མགྲོན་རྣམས་ལ་དུས་ཐུང་འགྲེམས་སྟོན་སྐོར་སྐྱོད་གནང་ཡོད།དེ་ནས་དུས་ཐུང་འགྲེམས་སྟོན་གྱི་ནང་དོན་བཀོད་སྒྲིག་པ་འབུམ་རམས་པ་གཙང་ཕྲུག་སྟོབས་ལགས་ཀྱིས་འགྲེམས་སྟོན་འདིའི་ངོ་སྤྲོད་དང་འབྲེལ་ཐེངས་འདིའི་འགྲེམས་སྟོན་དེ་བཞིན་མི་རབས་གསར་པའི་ཞི་རྒོལ་ཐོག་བོད་མི་དང་ཕྱིའི་མི་རིགས་ཚོའི་བལྟ་ཚུལ་དང་། ལྷག་པར་ལས་འགུལ་དེའི་གྲུབ་འབྲས་གང་ཐོན་ཡོད་མེད། ལས་འགུལ་དེའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་ཚུལ། ཀུན་གཟིགས་པཎ་ཆེན་སྐུ་ཕྲེང་བཅུ་པ་ཆེན་པོའི་ཐུགས་རེ། མི་རབས་གསར་པའི་ཞི་རྒོལ་ལ་གཞིས་བྱེས་བོད་མིས་གདུང་སེམས་མཉམ་སྐྱེད། བཙོན་ཁང་ནང་གི་མནར་གཅོད་དང་དཔའ་བོའི་བློ་སྟོབས།...

རྒྱ་གར་གྱི་བདེ་སྲུང་ལྷན་ཁང་གིས་ཕྱི་ལོ་༢༠༢༥ དང་༢༠༢༦ ལོའི་བདེ་སྲུང་སྐོར་གྱི་སྙན་ཐོ་ཞིག་བཏོན་པའི་ནང་། ད་ཆར་རྒྱ་ནག་གིས་ཧིན་བོད་གཉིས་ཀྱི་ས་མཚམས་སུ་དམག་མི་ཉུང་དུ་བཏང་ཡོད་ཀྱང་། དམག་སྦྱོང་སྤྲོད་སའི་ས་ཚུགས་ཁག་ཏུ་སྔར་ལྟར་དམག་མི་ཕོན་ཆེན་པོ་ཡོད་པ་བརྗོད་འདུག The post རྒྱ་ནག་གིས་ས་མཚམས་སུ་དམག་མི་ཉུང་དུ་བཏང་ཡང་རྒྱ་གར་གྱིས་དམག་མི་གྲ་སྒྲིག་ཨང་གསར་ཡིན་པ་བརྗོད།  appeared first on བོད་ཀྱི་བང་ཆེན།.

ཨ་རིར་གནས་སྡོད་རྒྱ་རིགས་གསར་འགོད་པ་ཞིག་གིས་དངོས་བདེན་གནས་ཚུལ་ལ་གཞིཊ་ཏེ་རྒྱ་རིགས་རྣམས་ཀྱི་བཙན་བྱོལ་བོད་མིར་ལྟ་ཕྱོགས་དངོས་ལ་ཞིབ་འཇུག་གིས་རྒྱ་ནག་གཞུང་གིས་འགྲེལ་བརྗོད་བྱེད་བཞིན་པའི་དྲིལ་བསྒྲགས་ལས་ལྡོག་སྟེ་གནས་ཚུལ་ཤེས་རྟོགས་བྱུང་ཡོད་པ་གསུངས་བྱུང་། (Far from the rooftop of the world) ཞེས་འཛམ་གླིང་གི་ཡང་རྩེ་ནས་རྒྱང་ཐག་རིང་བ་ཞིག་ནས། ཞེས་ཨ་རིར་གནས་བཞུགས་རྒྱ་རིགས་གསར་འགོད་པ་ཨེ་མི་ཡི་ཡིས་གླིང་ཆེན་བཞིའི་ནང་གི་བོད་མི་སྐྱབས་བཅོལ་བ་རྣམས་ཀྱི་གཏམ་རྒྱུད་ལ་རྗེས་སུ་འབྲངས་ཏེ། བོད་མི་རྣམས་བོད་བཞག་སྟེ་བཙན་བྱོལ་ལུང་པར་གྱར་དགོས་བྱུང་སྟེ་གཞིས་ཆགས་ཚུལ་དང་། བརྒྱུད་རིམ་དེའི་ཁྲོད་བོད་ཀྱི་ངོ་བོ་དང་སྐད་ཡིག་རིག་གཞུང་སོགས་རྒྱུན་འཛིན་བྱེད་ཕྱོགས་ཀྱི་རྣམ་པ་དང་འབྲེལ་བའི་སྐོར་དཔེ་དེབ་ཅིག་བརྩམས་ཡོད་པ་དེའི་ཐོག་བགྲོ་གླེང་གནང་ཡོད་པ་རེད་ལ། འདི་ནི་གཙོ་བོ་སྤྱི་ནོར་༧གོང་ས་༧སྐྱ...

གོ་ལ་འདིར་ས་བབ་ཀྱི་ཆ་ནས་བརྟན་ལྷིང་མེད་ཅིང་། ས་ཁམས་ཆབ་སྲིད་ཀྱི་ཐད་ནས་ཉེན་ཁ་ཆེ་ཤོས་ཀྱི་ས་ཁུལ་ཞིག་ཏུ་འཛམ་གླིང་གི་ཆུ་མཛོད་ཆེ་ཤོས་དེ་[1]འཛུགས་བསྐྲུན་བྱེད་བཞིན་པའི་སྐབས་ཡིན། དེ་ཡང་དམག་མི་འབོར་ཆེན་འགྲེམ་འཇོག་བྱས་ཡོད་པའི་རྒྱ་གར་གྱི་ས་མཚམས་དང་རྒྱང་ཐག་སྤྱི་ལེ་ཁ་ཤས་ལས་མེད་པའི་སར། རྒྱ་ནག་གིས་ད་བར་བྱུང་མྱོང་མེད་པའི་ཆུ་ཤུགས་གློག་འདོན་གྱི་ལས་གཞི་ཞིག་སྒྲུབ་བཞིན་པ་རེད། The post རྒྱ་ནག་གི་ཆུ་མཛོད་ཆེན་མོ་དེ་ནི་གཙང་པོའི་སྟོད་རྒྱུད་ཀྱི་ཆུའི་འབར་རྫས་ཤིག་རེད། appeared first on བོད་ཀྱི་དུས་བབ།.

ལས་འགུལ་བ་རྣམས་རྒྱ་གར་གྱི་ཉེན་རྟོག་པས་འཛིན་བཟུང་དོ་དམ་བྱས་ཏེ། Mandawali ཉེན་རྟོག་ལས་ཁུངས་སུ་ཁྲིད་འདུག

རྒྱ་ནག་གི་སྲིད་འཛིན་ཞི་ཅིན་ཕིང་ལོ་བདུན་གྱི་རྗེས་རྒྱ་གར་དུ་འབྱོར་གྱི་ཡོད་པ་དང་བསྟུན། ལྡི་ལིར་བོད་མི་ཚོས་རྒྱ་ནག་གི་བོད་ནང་འཛིན་པའི་སྲིད་བྱུས་ལ་ངོ་རྒོལ་གྱི་རྔམ་སྟོན་ཁྲོམ་སྐོར་གནང་པ་དང་། བོད་རང་བཙན་སློབ་ཕྲུག་ཚོགས་པའི་ཚོགས་མི་གཞོན་སྐྱེས་ཁག་ཅིག་གིས་སྦརིཀསི་ཚོགས་འདུ་ཚོགས་སའི་ཉེ་འགྲམ་གྱི་ས་ཚིགས་ཤིག་ཏུ་ལྕགས་ཧྲེང་སྟེང་དུ་འཛེགས་ཏེ་ཞི་ཅིན་ཕིང་ནི་མི་རིགས་རྩ་མེད་བཟོ་མཁན་ཞེས་དང་། བོད་ཀྱི་རྒྱལ་དར་འཕྱར་ཏེ་རྔམ་སྟོན་ལས་འགུལ་སྤེལ་བར། བོད་མི་གཞོན་སྐྱེས་རྣམས་རྒྱ་གར་གཞུང་གིས་འཛིན་བཟུང་དོ་དམ་བྱས་འདུག

ཟླ་འདིའི་ཕྱི་ཚེས་ ༦ ཉིན་འཇར་མན་གྱི་ས་གནས་འོས་བསྡུའི་འགྲན་བསྡུར་ཁྲོད། ས་ཤའོ་ནས་ཨན་ཧྭ་ཧལ་ཐེ་ (Saxony-Anhalt) མངའ་སྡེའི་ནང་གཡོན་ཐལ་རིང་ལུགས་པའི་སྲིད་དོན་ཚོགས་པ་ཨེ་ཨེ་ཧྥི་ཌི་(AfD) ལ་བརྒྱ་ཆ་ ༤༤ ཉེ་བའི་ལོ་རྒྱུས་རང་བཞིན་ཅན་གྱི་རྒྱལ་ཁ་ཆེན་པོ་ཐོབ་ཡོད་པ་དང་། ཞབས་བཀྱགས་གྲངས་ ༣༨ ཐོབ་ཡོད་པ་རེད། The post གཡས་ཐལ་རིང་ལུགས་པའི་མགོ་འཕངས་ཇེ་མཐོ་རེད། appeared first on བོད་ཀྱི་དུས་བབ།.

་རི་སི་ཚོགས་པའི་ལྷན་ཚོགས་ཆེད་རྒྱ་ནག་གི་སྲིད་འཛིན་ཞི་ཅིན་ཕིང་རྒྱ་གར་ལ་ཡོང་གཏན་འཁེལ་པ་དང་བསྟུན། བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་གར་གྱི་རྒྱལ་ས་ལྡི་ལིར་ངོ་རྒོལ་གྱི་ལས་འགུལ་གཞི་རྒྱ་ཆེ་བ་ཞིག་སྤེལ་འདུག The post རྒྱ་གར་གྱི་རྒྱལ་ས་ལྡི་ལིར་ཞི་ཅིན་ཕིང་ལ་ངོ་རྒོལ་གྱི་ལས་འགུལ་སྤེལ།  appeared first on བོད་ཀྱི་བང་ཆེན།.

དེ་རིང་ཧོང་ཀོང་གི་ཁྲིམས་ཁང་ཞིག་གིས་ཧོང་ཀོང་ནང་དྲུག་བཞིའི་དོན་རྐྱེན་རྗེས་དྲན་ཞུ་མཁན་གྱི་ལས་འགུལ་བ་གསུམ་ལ་རྒྱལ་ཁབ་མགོ་རྟིང་སློག་རྩིས་བྱས་པའི་ཉེས་མིང་འོག་ལོ་ལྔ་ནས་བདུན་བར་གྱི་བཙོན་འཇུག་ཁྲིམས་ཐག་བཅད་འདུག The post དྲུག་བཞིའི་དོན་རྐྱེན་རྗེས་དྲན་ཞུ་མཁན་གསུམ་ལ་བཙོན་འཇུག་ཁྲིམས་ཐག་བཅད། appeared first on བོད་ཀྱི་དུས་བབ།.

དེ་རིང་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་དབུས་ས་གཉིས་ཀྱི་ཚོགས་མི་ ༢༥༠ ལྷག་དང་ས་གནས་མི་མང་། དེ་བཞིན་རྒྱ་གར་བོད་རང་བཙན་སློབ་ཕྲུག་ཚོགས་པ་སོགས་ཀྱིས་རྒྱ་ནག་གི་མགོ་ཁྲིད་ཞི་ཅིན་ཕིན་བྷི་རིག་སི་ཚོགས་ཆེན་དང་བསྟུན་རྒྱ་གར་དུ་ཡོང་བར་ངོ་རྒོལ་སྐད་འབོད་ཀྱི་ལས་འགུལ་སྤེལ།  The post ཞི་ཅིན་ཕིན་རྒྱ་གར་དུ་ཡོང་བར་ངོ་རྒོལ་ཡོད། appeared first on བོད་ཀྱི་དུས་བབ།.

རྒྱལ་བའི་མཛད་རྣམ་ལོ་ཚིགས་མ།ངེས་དོན་རྒྱ་མཚོས་བསྒྲིགས་པའི་དཔེ་དེབ་དེའི་ནང་། ༧གོང་ས་མཆོག་གི་མཛད་རྣམ་རགས་བསྡུས་ལོ་ཚིགས་དང་སྦྱར་བ་ཞིག་རྙེད་ཐུབ་པའི་ཆེད་ཁོ་ནར་དམིགས་ཏེ། ད་ཡོད་མཛད་རྣམ་རྒྱ་ཆེན་སྙིང་རྗེའི་རོལ་མཚོ་”པོད་ཆེན་ཉེར་བཞིའི་བདག་ཉིད་ཅན་དེ་དང༌། ཕྱི་ལོ་༡༩༩༥ ལོ་ནས་ད་བར་ལོ་ངོ་སུམ་ཅུ་ལྷག་གི་གཞུང་འབྲེལ་” ཤེས་བྱ་དུས་དེབ་”དེབ་ཕྲེང་སུམ་བརྒྱ་ཁ་ལྟག་ཅིག་ཡོད་པ་དེ་གཉིས་རྨང་གཞིའི་རྒྱུ་ཆར་བཟུང་སྟེ། དེའི་སྟེང་དུ་ངོས་ཀྱི་ཡུལ་དང་ངོས་ཀྱི་མི་མང་། བཙན་བྱོལ་ནང་གི་རང་དབང་། བྱམས་བརྩེ་དང་དྲང་བདེན་གྱི་བླ་སྲོག།

རྒྱ་ནག་གཞུང་གིས་བོད་དང་ཤིན་ཅང་། རྒྱ་ནག་བཅས་སུ་ཆོས་ལུགས་ཀྱི་བྱེད་སྒོར་ལྟ་སྲུང་དོ་དམ་དུ་བཏང་ཡོད་པ་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་ཐེར་འདོན་བྱས་འདུག བོད་དང་རྒྱ་ནག་བཅས་སུ་རྒྱ་ནག་གི་ཁྲིམས་སྒྲིག་ལས་འགལ་བའི་ཆོས་ལུགས་ཀྱི་བྱེད་སྒོ་སྤེལ་བ་ཁག་ས་གནས་མི་མང་གིས་གཞུང་ལ་སྙན་སེང་ཞུ་དགོས་པའི་ལས་འགུལ་ཞིག་སྤེལ་བཞིན་ཡོད་པ་རེད། དེ་ཡང་ཞི་ཅིན་ཕིང་ (Xi Jinping) གིས་ ༢༠༡༦ ལོར་ཆོས་ལུཊ་རྒྱ་ནག་ཅན་དུ་སྒྱུར་བའི་སྲིད་ཇུས་གཏན་འབེབས་བྱས་པའི་འབྲུ་དོན་ལྟར་ལག་བསྟར་བྱས་པ་ཞིག་ཡིན་ཞིང་། རང་དབང་གི་ཐོག་ནས་ཆོས་ལུགས་ཉམས་བཞེས་པ་ཚོ་དང་། དེ་དག་གི་ཐོབ་ཐང་སྲུང་སྐྱོབ་བྱེད་མཁན་ཚོར་ཡང་ཉེས་ཆད་གཏོང་གི་ཡོད་པའི་སྐོར་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་ཕྱི་ཚེས་ ༩ ཉིན་ཡོངས་ཁྱབ་གསལ་བསྒྲགས་ཤིག་སྤེལ་བའི་ནང་ཐུགས་འཚབ་དང་འབྲེལ་ནས་འགྲེལ་བརྗོད་གནང་འདུག་ལ། ཉེ་བའི་ཆར་མཚོན་ནའང་རྒྱ་ནག་གི་དོ་དམ་གྱི་ས...

ཉེ་བའི་ལོ་ཤས་ནང་། བོད་མཐོ་སྒང་དུ་རང་བྱུང་གནོད་འཚེ་ཆེ་གྲས་རིམ་པས་མང་དུ་ཕྱིན་ཡོད། དཔེར་ན། ༢༠༢༥ ལོར་ཧི་མ་ལ་ཡའི་རི་རྒྱུད་ཀྱི་བྱང་ངོས་སུ་དིང་རིར་ས་ཡོམ་གྱི་གནོད་འཚེ་ཆེན་པོ་ཞིག་བྱུང་བ་དང་། ༢༠༢༦ ལོར་བོད་ཀྱི་སྐྱིད་གྲོང་དང་བལ་ཡུལ་གྱི་ས་མཚམས་སུ། འཁྱགས་རོམ་དང་བྲག་རི་ཉིལ་བ་ལས་འདམ་རྡོ་ཆུ་རུད་ཀྱི་གནོད་འཚེ་ཚབས་ཆེན་བྱུང་ཡོད། གནམ་གཤིས་འགྱུར་ལྡོག་དང་གནོད་འཚེ། རང་བྱུང་གནོད་འཚེ་དེ་ཚོས་བོད་མཐོ་སྒང་གི་ཉམས་ཞན་པའི་ས་ཁམས་གནས་སྟངས་དང་། བོད་ནང་གི་གསར་སྤེལ་ལས་གྲ་ཁག་གི་གནོན་ཤུགས་གཉིས་ལ་སླར་ཡང་དོ་སྣང་བྱེད་དགོས་པ་བཟོས་ཡོད། རྒྱ་ནག་གི་ཆེད་ལས་མི་སྣས། ད་རེས་སྐྱིད་གྲོང་གི་གནོད་འཚེ་འདི་ནི་གནམ་གཤིས་ཚ་དྲོད་འཕེལ་བའི་ཤུགས་རྐྱེན་འོག་གངས་རིའི་ཞུར་ཚད་མགྱོགས་སུ་ཕྱིན་པ་བརྗོད་ཀྱི་ཡོད། འོན་ཀྱང་ནུབ་ཕྱོགས་ཀྱི་ཆེད་ལས་མི་སྣས་འཁྱགས་རོམ་དང་བྲག་རིའི་སྲ་བ...

རྒྱ་ནག་གིས་དབྱིན་ཇིའི་ལག་ནས་ཧོང་ཀོང་རྩིས་བླངས་རྗེས་ཀྱི་སྤྱི་ཁྱབ་ཐོག་མ་ཏོང་ཅན་ཧྭའི་ཚེ་སྲོག་དང་ལྷན་དུ་རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་སྲིད་ཇུས་དེའང་མཇུག་བསྒྲིལ་ཡོད་པ་རེད། The post ཧོང་ཀོང་གི་སྤྱི་ཁྱབ་ཏོང་ཅན་ཧྭའི་ཚེ་སྲོག་དང་ལྷན་དུ་རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་སྲིད་ཇུས་མཇུག་བསྒྲིལ། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༡༠ ཉིན་ལྡི་ལི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་ཀྱིས་རྒྱ་གར་དབུས་གཞུང་གི་གྲངས་ཉུང་མི་རིགས་ཀྱི་གནད་དོན་དང་འབྲེལ་བའི་བློན་ཆེན་སྐུ་ཞབས་ཀི་རེན་རི་ཇི་ཇུ་ (Kiren Rijiju) མཆོག་དང་མཇལ་འཕྲད་གནང་ཡོད། སྐབས་དེར་སྐུ་ཞབས་ཀི་རེན་རི་ཇི་ཇུ་མཆོག་དང་སྐུ་ཚབ་དོན་གཅོད་འཇིགས་མེད་ཚེ་རིང་ལགས་རྣམ་གཉིས་ཀྱིས་བོད་དང་། རྒྱ་གར་ནང་གི་བོད་མི་རྣམས་ཀྱི་གནད་དོན་སྐོར་གླེང་སློང་གནང་ཡོད། དེ་རྗེས་འཇིགས་མེད་ཚེ་རིང་ལགས་ཀྱིས་བོད་ཀྱི་ལོ་རྒྱུས་དང་། བོད་དང་རྒྱ་ནག་གྱི་འབྲེལ་བ་གསལ་བའི་སློབ་དཔོན་ལའོ་ལགས་ཀྱི་དཔེ་དེབ་བོད་ནི་གནའ་སྔ་མོ་ནས་རྒྱ་ནག་གི་ཆ་ཤས་མིན་ཞེས་པ་ཕྱག་རྟགས་སུ་ཕུལ་ཡོད། ཐེངས་འདིའི་མཇལ་འཕྲད་ནི་འཕགས་བོད་འབྲེལ་མཐུད་ལས་ཁུངས་ཀྱི་འབྲེལ་མཐུད་པ་བཀྲ་ཤིས་བདེ་སྐྱིད་ལགས་ཀྱིས་གོ་སྒྲིག་གནང་ཡོད་པ་བཅས།།

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༠༨ ཉིན་ཨོསྟྲེ་ལི་ཡའི་གྲོས་ཚོགས་འཐུས་མི་ལྕམ་སོ་ཕི་སི་ཀེམ་སི་ (Dr Sophie Scamps) ལགས་ཀྱིས་རྒྱ་ནག་གིས་བོད་ནང་གཞི་རྒྱ་ཆེ་བའི་ཆུ་མཛོད་གསར་རྒྱག་དང་། གཏེར་ཁ་སྔོག་འདོན་གྱི་ལས་གཞི་མཚམས་འཇོག་དགོས་པའི་འབོད་སྐུལ་དང་འབྲེལ་ལས་གཞི་དེ་དག་ལ་སྟངས་འཛིན་མེད་ཚེ་ཁོར་ཡུག་དང་། ཆུའི་བདེ་འཇགས། དེ་བཞིན་ཨེ་ཤི་ཡའི་མི་ས་ཡ་མང་པོའི་འཚོ་ཐབས་ལ་དོ་ཕོག་བཟོ་བཞིན་པའི་ཉེན་བརྡ་བཏང་ཡོད། དེ་ཡང་གྲོས་ཚོགས་འཐུས་མི་ལྕམ་སྐུ་སོ་ཕི་སི་ཀེམ་སི་ལགས་ཀྱིས་ཨོསྟྲེ་ལི་ཡའི་གྲོས་ཚོགས་ནང་ཉེ་ཆར་བོད་དང་བལ་ས་མཚམས་སུ་ཆུ་རུད་ཀྱི་གོད་ཆག་རྐྱེན་པས་ཚེ་སྲོག་ཤོར་བ་དང་། གནོད་སྐྱོན་ཕོག་པ་རྣམས་ལ་གདུང་སེམས་མཉམ་སྐྱེད་ཞུས་གནང་ཡོད། ཁོང་མོས་གནམ་གཤིས་འགྱུར་ལྡོག་གི་ཤུགས་རྐྱེན་ཇེ་ཆེར་འགྲོ་བཞིན་པ་དང་འབྲེལ། བོད་མཐོ་སྒང་ངམ་ཡོངས་གྲངས་སུ་འཛམ་གླིང་གི་སྣེ་གསུམ་པར་ཉེན་ཁ་གསལ་སྟོན་གནང་ཞིང་། འཛམ་གླིང་གི་ཚ་དྲོད་འཕར་བ་དང་། འཁྱགས་རོམ་གྱི་གནས་སྟངས་འགྱུར་ལྡོག དེ་བཞིན་གཞི་རྒྱ་ཆེ་བའི་འཛུགས་སྐྲུན་གྱི་ལས་གཞི་བཅས་ཀྱིས་ཆུ་ལོག་གི་ཆག་སྒོ་ཆེན་པོ་བྱུང་སྲིད་པ་དང་། དེས་ཉེ་འགྲམ་གྱི་མི་མང་ལ་གནོད་སྐྱོན་ཚབས་ཆེན་ཐེབས་སྲིད་པའི་ཉེན་བརྡ་བཏང་ཡོད། དེ་མཚུངས་ལྕམ་སྐུ་སོ་ཕི་སི་ཀེམ་སི་ལགས་ཀྱིས་བོད་ནང་དུ་ཆུ་མཛོད་འཛུགས་སྐྲུན་རྒྱ་བསྐྱེད་དང་། གཏེར་ཁ་སྔོག་འདོན་གྱི་ལས་གཞི་ཐོག་དམིགས་བསལ་སེམས་འཚབ་བསྟན་པ་དང་སྦྲགས། ཁོང་མོས་བོད་ནང་དུ་ཆུ་མཛོད་ ༡༩༣ གསར་རྒྱག་ཟིན་པའི་གྲངས་ཐོ་བརྗོད་དེ་ལས་གཞི་དེ་དག་གིས་རྒྱ་གར་དང་ལྷོ་ཨེ་ཤི་ཡ་ཚུད་པའི་གཙང་པོ་འབབ་རྒྱུད་ཀྱི་ས་ཁུལ་དུ་ཆུ་དང་ཟས་ཀྱི་བདེ་འཇགས་ལ་དོ་ཕོག་ཐེབས་སྲིད་པའི་ཉེན་བརྡ་བཏང་ཡོད། ཁོང་མོས་བོད་མི་དང་འགྲོ་བ་མིའི་ཐོབ་ཐང་ཚོགས་པ་ཁག་གིས་བོད་ནང་གི་ཆུ་མཛོད་གསར་རྒྱག་གི་ལས་གཞིར་རྒྱལ་སྤྱིའི་ཐོག་ནས་བཀག་སྡོམ་གནང་དགོས་པའི་འབོད་སྐུལ་ཞུས་ཡོད་པའི་སྐོར་གསུངས་པ་དང་། གཞི་རྒྱ་ཆེ་བའི་ལས་གཞི་དེ་དག་མུ་མཐུད་སྤེལ་བར་ས་གནས་བོད་མི་ཚོར་འཛིན་བཟུང་དང་། ཉེས་ཆད། མནར་གཅོད་བཅས་ཀྱི་འཇིགས་སྣང་མེད་ཐོག་རང་དབང་དང་ཤེས་རྟོགས་ཡོད་པའི་ཆོག་མཆན་དགོས་པའི་འབོད་སྐུལ་ལ་རྒྱབ་སྐྱོར་གནང་ཡོད། དེ་བཞིན་ཁོང་མོས་ཆུ་རུད་ཀྱི་གནས་ཚུལ་བྱུང་རྗེས་བོད་ནས་ཚུར་གནས་ཚུལ་འདོན་སྤེལ་ལ་བཀག་སྡོམ་བྱས་པ་སོགས་རང་དབང་ཅན་གྱི་གནས་ཚུལ་ཐོན་མེད་པ་མ་ཟད། གོད་ཆག་བྱུང་སའི་ས་ཁུལ་དེ་དག་ཏུ་མི་ཆོས་རོགས་སྐྱོར་ཚོགས་པ་དང་། མྱུར་སྐྱོབ་རུ་ཁག དེ་བཞིན་རང་དབང་ཅན་གྱི་གསར་འགོད་པ་ཚོའི་འགྲོ་བསྐྱོད་ལ་ཚད་བཀག་བྱེད་བཞིན་པར་སེམས་འཚབ་བསྟན་ཡོད། གྲོས་ཚོགས་འཐུས་མི་ལྕམ་སྐུ་སོ་ཕི་སི་ཀེམ་སི་ལགས་ཀྱིས་ཨོསྟྲེ་ལི་ཡའི་སྲིད་བློན་སྐུ་ཞབས་ཨེན་ཊོ་ནི་ཨེལ་སྦ་ནི་སི་མཆོག་དང་། ཨོསྟྲེ་ལི་ཡའི་ཕྱི་སྲིད་བློན་ཆེན་པེ་ནི་ཝོང་མཆོག་རྣམ་གཉིས་ལ་གནད་དོན་དེ་དག་ནིའུ་ཡོག་ཏུ་ཚོགས་འཆར་ཡོད་པའི་མཉམ་འབྲེལ་ཚོགས་ཀྱི་ཚོགས་འདུའི་ཐོག་གླེང་སློང་གནང་དགོས་པའི་འབོད་སྐུལ་ཞུས་ཡོད། ལྕམ་སྐུ་སོ་ཕི་སི་ཀེམ་སི་ལགས་ཀྱིས།...

ཞི་ཅིན་ཕིང་ཨ་རིར་མ་སླེབས་སྔོན། རྒྱ་ནག་གཞུང་གིས་ཨ་རིར་གནས་སྡོད་རྒྱ་རིགས་ཚོགས་པ་ཁག་ལ་རྔན་པ་སོགས་སྤྲད་ནས་དགའ་བསུ་ཞུ་མཁན་བསྡུ་སྐོང་བྱེད་བཞིན་འདུག ཕྱི་ལོ་༢༠༢༦ ཟླ་༩ ཚེས་༨ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། རྒྱ་ནག་གི་སྲིད་འཛིན་ཞི་ཅིན་ཕིང་ཟླ་བ་དགུ་པའི་ཟླ་མཇུག་ཏུ། ཨ་རིར་སླེབས་འཆར་ཡོད་པ་དང་བསྟུན། The post རྒྱ་གཞུང་གིས་རྔན་པ་སྤྲད་ནས་ཞི་ཅིན་ཕིང་ལ་དགའ་བསུ་ཞུ་མཁན་བསྡུ་སྐོང་བྱེད། appeared first on བོད་ཀྱི་བང་ཆེན།.

The post བོད་ཀྱི་ཟློས་གར་ཚོགས་པའི་ལས་བྱེད་ས་མིག་གསལ་བསྒྲགས། appeared first on བོད་ཀྱི་དུས་བབ།.